السلام عليكم أنا كان لي عضوية من زمان هنا بس الغيتها، ورجعت بعد فترة طويلة أشيك الأمور، وشفت تواريخ الردود والمواضيع، المنتدى ميت تماما! وش وضع أم المنتدى؟ إيش أو مين اللي قتله بالضبط؟
وعليكم السلام . هي بشكل عام المنتديات التفاعل فيها ضعيف خاصة بعد 2011 لكن منتدى الجامعة مقارنة ببقية الجامعات وحتى بعض المنتديات في المجالات الثانية يعتبر فعال لكن انا معاك المنتدى ماهو مثل قبل . والسبب إن فيه خيارات ثانية أسهل مثل تويتر , الواتساب و ... + تقريبا ً قبل سنة ونص أو اكثر صارت صيانة للمنتدى وتوقف فترة مب قليلة فالبعض خاصة الي مب في الجامعة فكروا الموقع تقفل . حاليا ً المنتدى النشاط فيه بسبب هذي الأشياء : - الإستفسارات الأكاديمية / العامة و ( الساحة الأكاديمية + العامة ) - تقييم الكورسات + الدكاترة والدليل إن اكبر تواجد للمنتدى تحصله أيام تسجيل المواد ( أقسام التخصصات و كلية العلوم ) - ساحة الخريجين تقريبا هو أكثر قسم فعال . على العموم إدارة المنتدى الله يعطيهم العافية يبذلون جهود كبيرة وعملهم تطوعي وهدفه فائدة الطلاب ومساعدتهم وأحيانا يسون أشياء مالها علاقة بالمنتدى والسبب رغبتهم في المساعدة مثل - التحديثات الي صارت لـ kfupm resources - نشر المواضيع المميزة في المنتدى على تويتر ( بحيث يستفيد منها حتى الطلاب الي من برا kfupm ) والحمدلله الكثير استفاد والدليل ساحة الخريجين أغلبهم من برا الجامعة . لكن في النهاية الهدف من المنتدى هو مساعدة طلاب الجامعة ولو ماكان فيه تفاعل ومواضيع مميزة من الطلاب صعبة إن المنتدى يضل فعال لمدة طويلة وبسبب موضوعك ودي اقول شي : طلاب الجامعة متعاونين بدرجة كبيرة وحريصين على المساعدة واكبر دليل الاولداقزام والملفات والأشياء الثانية الي ماراح تحصلها في اي جامعة لكن للأسف إن فيه أشياء تحز في النفس وهي : - تقريبا أكثر 100 طالب شارك في برنامج التبادل الطلابي لكن قليل الي شاركوا تجربتهم بطريقة يستفيد منها طلاب السنوات الجاية مثلا على يوتيوب أو مجموعة تغريدات في تويتر أو هنا في المنتدى أو مدونة ينعدوا على الأصابع . فيه لقاء سنوي يشارك فيه بعض الطلاب المشاركين تجربتهم في البرنامج لكن هالشي ماراح يستفيد منه إلا الحضور إلي أغلبهم مسجلين في البرنامج ! . - على الاقل أخر 5 سنوات فيه على الأقل أكثر من 2000 طالب تدرب كواب أو تدريب صيفي لكن الي شاركوا تجربتهم مايجوا 1 % من هالعدد . - تقييم الكورسات والدكاترة فيه بعض الطلاب للأسف قبل التسجيل ماتلقى موضوع إلا منزلين رد " up ياشباب " & " اي معلومة يا شباب " وللأسف بعد ما يأخذ الكورس مايقيمه . صحيح إنه مب ملزوم بهذا الشي لكن مب حلوة تطلب من غيرك المساعدة و لما غيرك يحتاج ما تساعده . في النهاية أنا متأكد إن الأغلب مشغول بأشياء أهم خاصة الشباب الي على وشك تخرج ولو كلمتهم شخصياً ماراح يقصروا معاك لكن المساعدة عن طريق الواتساب او حتى في قروبات الواتساب فائدتها محددودة حتى مب كل الأعضاء في القروب راح يقرءوا رسالتك او المعلومات الي تذكرها . وأرجع وأقول شباب الجامعة مافي مثلهم على الأقل في السعودية من ناحية التعاون و الحرص على المساعدة , في أي قروب أو تويتر إذا سألت سؤال 10 ينقزون لك ويجاوبون من حرصهم على المساعدة والتطوع لكن المفروض تكون هذي المساعدة بشكل مرتب ويستفيد منها الطلاب في السنوات الجاية . واسف اذا شطحت شوي عن الموضوع .
الله يعطي العافية لأخونا شدعوه ما قصر في جوابه أهم شيء في المنتدى إنه يساعد الطلاب و يكون قاعدة بيانات للملفات المهمة (مع الريسورسز طبعًا) و يقدم مساعدة بأكبر قدر ممكن التفاعل فيه إن كثر الحمدلله شيء جميل، و إن قل أشوفه طبيعي بسبب وجود مواقع و تطبيقات التواصل الاجتماعي
وضعت النقاط على الحروف وما شطحت بشي، يعطيك العافية لكن برأيي التويتر شي والمنتدى شي ثاني تماما، التويتر والواتس وغيره ما فيهم خاصة الأرشفة يعني لو قلت فيسبوك بديل كويس صحيح، بس سوق المنتديات فعلا طاح بشكل عام