وظائف الشركات اعلانات وهمية أم مجرد تسويق وعرض امام وزارة العمل

بتحصل وظيفة ان شاء الله لكن انا لاحظت شئ في خريجين امريكا بالذات من كل الدول سواء بريطانيا اواستراليا اواليابان هذا الشئ ما تجده الا في خريجين امريكا
يعتقد خريج امريكا انه ولمجرد انه تخرج انه من امريكا انه احق بالوظائف من غيره سواء خريج البترول اواليابان اواستراليا
الي ودي اقوله لخريجين امريكا اصحوا ترى سالفة انك تخرجت من امريكا ما عاد تمشي وترى الناس صارت تعرف ان جامعة البترول اوالملك سعود او عبدالعزيز اقوى ب 100 مرة من خريجين نص جامعات امريكا
مع احترامي الشديد لخريجين امريكا ترى امريكا على كبرها الجامعات المعتمدة فيها من ارامكو ما تتعدى 20 جامعة و هذا يدل على ان معظم جامعات امريكا تجارية وان اللت و العجن الي كان زمان ما عاد يمشي الحين
تحياتي لمن درس في جامعة قوية ليست امريكية

 

عليكم السلام
الشركات المتوسطة و الصغيره فيها شواغر لكن ما يعلنون عنها و في الغالب عن طريق العلاقات و يكلمون موظفينهم اللي يعرف احد بالتخصص الفلاني يكلمه يقدم عندنا . فمثل هذي الشركات ميزتها تقدر تدخل لداخل الشركه و تجلس مع الاتش ار و تحاول معه يوظفك عكس الشركات الكبيره اللي تمشي على نظام معين ياخذ وقت طويل على ما بال يوظفونك.
و الله يسهل امور العاطلين و يرزقهم ما يتمنون

 

مافي حل اتوقع الا نطلع للشارع و نسوي مظاهرات عشان يلتفتون لنا مو معقول بيتنا كله عطاله واغلبنا جامعيين

 

اسمح لي ارد على بعض نقاطك الي اشوف انها خطأ وممكن اصحح لك وتاخذ رد واحد متخرج من امريكا

ممكن تشوف احد شايف نفسه متخرج من امريكا او اكثر من احد ف مايصير تبني كل الخريجين شايفين انفسهم انهم متخرجين من امريكا
مثال/ اذا شفنا كذا واحد مغرور من خريجين جامعة البترول، هل نعمم على الكل ان خريجي هذي الجامعة شايفين انفسهم وو؟ مايصير كذا

امريكا كبيرة جدا وفيها الاف الجامعات فيه الزين وفيه الدمار وفيه ماهو ادنى او اعلى من ذلك

موفقين

 

السلام عليكم يا هلا بالغالي
أنا بقول لك وجهة نظري

على أي أساس حكمت انك بدعت في كل مقابلة؟ يعني كيف حددت ان مقابلتك كانت كويسة؟
التخرج بالمعدل العالي ومرتبة الشرف راح يعطيك أولويات معينة. لكن ما راح يفيدك لو كانت السيرة الذاتية سيئة أو ما عندك أساسيات المقابلة.
أنا جالس أقول لك هالكلام لأني تخرجت بمعدل أقل من 3 ومع ذلك الفترة اللي بين التخرج والتوظيف ما عدّت الشهر. لأني طبعًا طورت حالي قد ما أقدر في أساسيات السيرة الذاتية والمقابلة.

أنا هنا معاك يا صديقي حتى نحاول نشخّص المشكلة. بحكم المدة الطويلة اللي مريت فيها بدون أي فرصة عمل وبعدد المقابلات القليل؛ أنا أشوف ان ممكن المشكلة تكون في السيرة الذاتية. المقابلات اللي ما مشت يمكن يكون سببها من طريقتك في المقابلة.
طبعًا أنا مو قاعد أقول ان ما فيه مشكلة في التوظيف عندنا؛ ولكن أقول ان يمكن فيه مشكلة انت مو منتبه لها خلت الموضوع يطول.

فـ حاليًا أشوف انك تخلي الشباب في المنتدى هنا يراجعوا معاك السيرة الذاتية. ولو ودك تحط الأسئلة اللي انسألتها في المقابلة وشنو كانت أجوبتك. وبإذن الله الشباب يفيدوك وما يقصروا.

وجهة نظري خاضعة للصواب والخطأ. ولكن حبيت على الأقل أساندك في موضوعك.

موفق بإذن الله وفالك الوظيفة في أقرب وقت.

 

ردك هذا شوي لفت انتباهي.
ارجو انك تصحى وتعرف وش تقول ف كل كلامك هذا مو مقياس وطريقة تفكيرك انصحك تغيرها لاني احس انو فيها نوع من الحقد و الغيرة. (ممكن اكون غلطان)
وانا خريج البترول واشتغل بشركة مرموقه ومعاي خريجين امريكا واشوفهم تمام. يعني الي ابي اقوله لك ترى الجامعات بشكل عام تخرج الزين والشين وياكثر الطلاب الي تذاكر عشان تنجح مب عشان تفهم. تحياتي

اسف ياصاحب الموضوع طلعنا عن الموضوع الاساسي

 

السلام عليكم ورحمة الله وبركاته

فيه شركات للأسف تطرح إعلانات بدون مايكون فيه أي احتياج و الدليل إنها تقفل الوظيفة تالي تطرحها في فترة قصيرة ويتكرر هذا الشي لمدة طويلة

لكن الوضع في برامج التوظيف صاير مثل معارض التوظيف : المتقدمين و زوار المعرض أضعاف عدد الوظائف المطروحة في المعرض هذا غير بعض الشركات الي تحضر بس للدعاية ، فالفائدة تكون منحصرة على عدد قليل من زوار المعرض فالانطباع العام الي يوصلك إن هذي المعارض مالها أي فائدة بينما في الواقع فيه فائدة لكن نسبة قليلة هم الي الي يستفيدون .

برامج التوظيف ما تتصور عدد المتقدمين عليها أحيانا بالآلاف ، وفي النهاية عدد الشواغر ما تتجاوز الـ 10 - 20
ولما ماتسمع أحد يسئل عن المقابلات في هذي الشركة أو ماتسمع أحد انقبل فيها بتحس إن الإعلان كان وهمي .

تابع بعض حسابات الشركات في Linkedin و غالبا يطرحون صورة جماعية للمقبولين في برامجها ، بتلاحظ إن المقبولين عدد قليل جدًا مقارنة بأعداد المتقدمين .

على سبيل المثال ، تصور إن قبل سنتين أكثر من 8 آلاف شخص تقدم على برنامج رواد ل شركة سار . بينما في يوم تدشين البرنامج تقريبا عدد المقبولين كان عشرين .
رقم المتقدمين من : «سار» تطرح برنامجاً لتطوير قدرات المهندسين السعوديين حديثي التخرج

صحيح شيئ يحطم إنك تتعب وتقدم ومايكون فيه أي نتيجة ، لكن بإذن الله راح تحصل الوظيفة الي تستحقها ، أهم شي تستمر في التقديم و تأكد إن شاء الله ماراح يضيع تعبك .
وصولك لأكثر من مقابلة شيئ إيجابي ومع شركات كبيرة يعني إنك في الطريق الصحيح سواء من سيرة أو طريقة تقديم .

وبخصوص المقابلات ، أحيانا تحس نفسك ممتاز وهالشي يكون صحيح لكن فيه شخص أفضل منك ولو بشكل بسيط فيتم ترشحيه
فلا تتحطم ، حاول تستمر و تعرف أخطائك لو كانت عندك أخطائك في المقابلة ، ولو حسيت إن مسؤول التوظيف متعاون أطلب منه بطريقة مناسبة تعرف سبب الرفض بحيث تتلافى الأخطاء في المقابلات القادمة .

وشوف هذا الموقع يقدم تدريب للمقابلات بشكل مجاني و ينبهونك على الأخطاء وكيف تقدر تطور نفسك
عالم المقابلات (@IntervieWorld) | Twitter


بخصوص الشركات الصغيرة ، مثل ماقال أخوي @Eng.Moh1 فيها شواغر لكن المشكلة هي طريقة التقديم . مافي طريقة معينة ولما تقدم على طاقات غالبا مايجيك رد.
فالحل إما إنك تقدم يدوي ( وهالشي للأسف يعتمد على الحظ , ممكن يجيب نتيجة مع شخص ومع واحد ثاني لا ) أو انك تدخل على Linkedin و تضيف مسؤولي التوظيف لشبكتك وترسلهم نبذة قصيرة عنك وإنك مهتم بالعمل معهم و تذكر خبراتك و غالبا بيكون فيه رد لأن عكس إعلانات التوظيف ماراح يكون معاك متقدمين بأعداد كبيرة ، فيمدي مسؤول التوظيف إنه يرد عليك حتى بالرفض لا سمح الله .


الله يوفقك ويرزقك الوظيفة الي تتمناها

 

اتفق معك في نقاط وأختلف في اخرى ..

من ناحية السيرة الذاتية أنا شخصيا من قبل التخرج بفترة ليست قصيرة وأنا اطور بالسيرة لدرجة أني وصلت أني اعرضها على مختصين ويثنون عليها بدون أي تعديل ، وع ذلك ارسلنا أيميلات وقدمنا على شركات وإلى يومك ما فيه رد !!

أكاد أجزم أن 90% من اللي يدخل المقابلة الشخصية معدلة عالي جداً أو عنده فيتامين "و" يغطي على اللي واراه واللي قدامه ..