وظائف خريجي ال IT !!

والله انا مثل تخصصك وقعدت سنه بدون وظيفه، وسويت المقابله مع ارامكو وانرفضت بسبب المجال الي يبونه ماعندي علم فيه، افضل حل انك تدوري على شركات تعطي تدريب حتى لو بدون راتب وتشوفي تاخذي دورات اونلاين. انا كلمت شركة وكانت مرحبه بفكره التدريب وان شاء الله ببدء معهم على جانوري

 

هذا الحساب على تويتر بإستمرار يعلن عن وظائف لخريجي الـ it
ممكن يفيدك
IT Graduates (@ITGraduates) | Twitter
+
نصيحة حاول تراجعين الـ cv مع أكثر من شخص لأن احيانا سبب الرفض أو عدم الرد من الشركات هو الـ cv
نزلي الـ cv في هذا الموضوع والشباب ماراح يقصروا
https://www.stkfupm.com/forum/threads/تقييم-سيرتك-الذاتية-هنا.131408/unread
+
رايي اخذ دورات متعلقة بتخصصك عشان لو دخلتي مقابلة واسئلوك ليش ماتوظفتي إلى الآن يكون عندك جواب + نفس الوقت تستغلين هالفترة في تطوير مهاراتك وماتنسين الي تعلمتيه في الجامعة
edX
Coursera | Online Courses From Top Universities. Join for Free
الرئيسة | إدراك
منصة عربية للتعليم المفتوح تهدف لنشر المعرفة

وفي النهاية لاتحصرين نفسك بالتقديم على الشركات الكبيرةأو عدد معين من الشركات , قدمي على كل الشركات حتى الشركات الصغيرة صحيح الأمان الوظيفي فيها أقل لكن ممكن تكتسبي منها الخبرة + لما تتوظفين فيها تستمرين بالتقديم على الشركات الكبيرة ومتى ما توفرت لك فرصة في شركة كبيرة روحي لها .

 

الوضع جدا صعب لكن حسب خبراء ان ٢٠١٦ اصعب سنة للتوظيف و ان انشاءالله تفرج قريب
اما وضع الIT المفروض مع التقنية اليوم مايصيرون عاطلين

لكن الله يعين

ودي يكون فيه جهات تشغل الخريجين وظايف موقته الى مايحصل الخريج وظيفة
(حتى لو براتب قليل واصلا (هدف مستعدة تدفع ٢٠٠٠ريال دعم لمده سنتين للموظف)

ونفس الشي بالشركات فيه شي غبي مرة:
فيه شباب مايبغون يشتغلون اصلا وهمهم يبيعون اسمهم للشركات (على شكل سعودة) وياخذ ١٥٠٠ كل شهر وهو نايم في بيتهم
الشركات تعطيهم فلوس يعني دافعه دافعه وما تبغى منهم الا اسماءهم عشان تجيب فيز منها
والحكومة تعرف ان هذا سعودة وهمية والناس الي تبغى تشتغل تروح اعمارهم وهم يستنون رد من شركة او اعلان اسماءهم في
جدارة

طيب فكرت بفكرة ليه يتم الضغط على الشركات ويخليهم يتحايلون ويجيبون سعودة وهمية
دام الشركات دافعه دافعه وموظفه سعودي عشان (السعودة) ومهي مستفيده منه اصلا (غير اسمه) طيب،
ليه ماتوظف سعوديين يبغون يشتغلون ويكون فيه جهه حكومية او ايا كان تجمعهم (في شركات صغيرة (انتاجية) يتم انشائها لهم)
وتشغلهم في مجالاتهم منها يكتسبون خبرة ومنها يصير عندهم دخل الي هو (رواتبهم من الشركات الي تسعود) ولو بسيط وممكن
يزيد من انتاجية الشركات الي ايضا ممكن تكبر مع الوقت ويصير فيه حركة في السوق

هذي الفكرة كان نفسي اعملها خاصة لشركة لانتاج تطبيقات والعاب الالكترونية مايحتاج راسمال وعاطلين الIT وش كثرهم
(قابلو الملك يشتكون له بس الاعلام ماتكلم عنهم) بس ماعندي شركة تسعود وماعندي اي شركة اصلا

بس اتمنى ان فكرتي وصلت ويستفيد منها الجميع وممكن احد يقراها و يبادر بانشاءها
و انشاءالله يرزق الجميع (ماعدا الي يبغون ينامون وتجيهم الفلوس وهم نايمين)

 

والله انا وحده كنت coop بمستشفى جديد بقسم الاي تي واستفدت اكثر من الي ادرسه بالجامعه، ولما اسوي مقابله مع شركات كانت مهتمه بالتدريب الي كنت فيه وتسال اكثر من تخصصي، انتي خلي التدريب اول الحلول اشتغلي على نفسك واذا جاتك الوظيفه اطلعي من التدريب ولا ترى اذا بتنتظري الوظيفه بتقعدي 3 سنين بدون عمل وخذيها مني الشركة اذا شافت سنتين عاطله بدون ماسويتي شي بتحط السي في بالدرج

 

واذا على الدورات فيه موقع اسمه Udemy اسعارها ممتازه والبعض فيه شهادات، خذي لك كم دوره تستفيدي

 

زي ماقلت لك انا استفدت جداً من هالتدريب وفيه البعض ماستفادوا لانهم مايبحثوا يتعلموا، وخلي ببالك اعرف بنات كثير تدربوا بشركات واخذوهم بعد التدريب، وهالشركة الي بتدرب فيها ان شاء الله قريب اغلبهم كانو تدريب واخذوهم وان شاء الله يكون لي نصيب فيها وحتى لو ماستفدت شي عالاقل ينكتب بالسي في كخبره

 

للاسف انا بعد تخصص IT
وجلست سنه ونص وخلال جلستي اشتغلت ع نفسي

والان توظفت بشركه اعطتني راتب ما يعطونه حتى الي عنده ثانوي وما حسب لي الخبر الي كانت معاي من قبل لكن كل الشركات تبي تجيب شهادة خبره .. لكن الحمدلله ع كل حال . جشع واستغلال

قدمت ع كل الشركات وكلمت ناس وما في شيء الا سويته

لكن الشركات ترفض بحجة الخبره .. وحتى لو طورت نفسك
الشركه بتقولك انت اخذت دوره اون لاين ؟ جيب الشهاده
مثل دورت CCNA دفعت مبلغ وقدره عليها وبالاخير محد طالع فيها ..

الحل هو الصبر .. ومفتاحك الوحيد هو الدعاء ❤
واذا ممكن ترسلين لي السي في حقك ابي اشوفه الله يعافيك
[email protected]
او ترسلينه لي بالخاص الله يجزاك الخير