وظائف و مقابلات شركات SMP - أرامكو ، تحديث 21/9 مع ملف PDF , WORD

الله يوفقه وييسر امره ويرزقه من حيث لايحتسب وحنا معاه ان شاء الله.

 

شباب محد عمل مقابلة في جدة؟ عندي مقابلة بكرة وانا انسان صفر في المقابلات لو حضرت من اليوم لبكرة، طمنونا بالله.

 

متى الثلاثاء ولا الاربعاء وفي ايت شركة الفلك ولا البراك

 

الأربعاء، عموماً توه جاني اتصال من سراكو يقولون ارامكو اكتفو ميكانكال وما يحتاج تجي بكرة. الحمدلله على كل حال.

 

يوم الاحد عملت مقابلة مع ارامكو عن طريق هاكا
المقابله كانت ادارية بشكل عام..
واذا انقبلت في المقابله يعطونك الاوفر في نفس اليوم و توقعه اذا ناسبك و بعدها يرسلون kyc تعبيه و ترجع ترسله لهم
كل التوفيق لكم يا شباب واللي عنده استفسار يسأل

 

اذا سمحت لو تقول لنا على طريقة التقديم وشكرا

 

حقين الرياض جاهم شيء؟
أحد حددوا معه مقابلة ؟

 

.................................

 

الي سوى مقابلة مع البراك ياليت يفيدنا بالتفصيل كيف كانت من الالف الى الياء

 

يا جماعة في ورقة ال bi كتبت رقم الرخصة الرقم اللي ورا الرخصة من ٧ خانات
وفيه شباب قالو لي انه رقم الهوية

الحين لو طلع الرقم اللي كتبته غلط فيه مشكلة ولا ما راح يدققوا ع رقم الرخصة؟؟

 

متى اتصلوا عليك وحددو لك موعد المقابلة؟
لانهم كلموني شهر فبراير وقالوا المقابلات راح تكون في مارش ولكن راح نتصل عليك ونحدد لك الوقت بالضبط في مارش. والى الان ما اتصلو !!

وهل كان عدد المرشحين للمقابلات كثير ؟ والا على حسب التخصص يحددون الموعد ؟
ووين كانت المقابلة في جدة او الرياض ؟

 

^
نفس وضعك ما جاني شيء للآن !!
أذكر قريت إن المقابلات اللي بجدة بنص مارس يعني بين 11-16
بينما المقابلات اللي بالرياض بنهاية مارس من 25 -29.

فيه أحد بالرياض جاه اتصال أو ايميل قريب أو حددوا معه وقت المقابلة؟
وبالنسبة للي سووا مقابلات بجدة, عطوكم خبر قبل المقابلة بكم يوم أو أسبوع ؟

 

انا سويت المقابلة اول يوم في المقابلات في جدة يوم الأحد 12 مارس، المقابلات 3 ايام من 12 ل 15، كلموني يوم الخميس قبلها ب3 أيام تقريبا وقالي عندك مقابلة يوم الأحد وقبلها كان مرسل ايميل بالأشياء المطلوبة.

المقابلة كانت ادارية بشكل عام بس يبغوا يشوفوا شخصيتك، واهم شي انه ما عندك مانع تشتغل في remote areas والحمد لله الاوفر جا بعدها بحاولي ساعتين.

طبعا كان فيه شركات كثير كلهم contractors مع أرامكو على اساس SMP الشركة الي كلمتني اسمها ERAM.

أتمنى اكون افدتك.

 

ي جماعة الخير انا كان موعدي في جدة 15 مارس الساعه 10 ونص مع شركة البراك ABIS
الي حصل اني جيت بدري على الساعه 7 تقريبا وانصدمت ان اسمي مو موجود في المقابلات . رحت سئلت نفس موظف الشركه هناك يقول ان ارامكو امس سو اجتماع بخصوص انهم بيوقفون طلبات اليمكانك والسيفل والالكترك على اساس انهم اكتفو . العجيب اني موقع تعهد وجاني موعد رسمي الا اني حتى المقابله ماقابلوني بس اعتذرو لي على اساس ان اللجنة الي تقابله ماهي موجوده

ما ادري هل الي حصل معي دخلو واسطه بدالي او فعلا صار اكتفاء او راح يقابلوني في المرحله الجايه ؟
صراحه الي صار معي ماعرف ايش المقصد من حركتهم !!
ياليت الي حصل معه زي ماحصل معي يفيدنا

والله يكتب لنا التوفيق جميع

 

الله كريم وانا اخوك، انا ع الأقل سراكو احترموا انفسهم واتصلوا علي قبلها بيوم وقالوا مافي داعي تجي بكرة، "قصار" العمر في ارامكو اكتفوا ميكانيكال انجنيرز. يارجال والله شكله نهايتها الكلية الامنية وتطلع بنجمتين، الواحد كان يرجوا الافضل ولكن الحمدلله على كل حال والحمدلله على منه وكرمه وفضله ان مدنا بالصحة والعافية فهي كافية.

 

انا كلمت الفلك امس قالوا حقين الرياض بعد اسبوعين

 

ما شاء الله, الله يوفقك ويكتب لك ما فيه الخير
ما قصرت وضحت كل شيء.

 

السلام عليكم

يا شباب عندي بس كم سؤال عن التوظيف عند أرامكو عن طريق Contractor زي الفلك، البراك، سراكو أو أي شركة أخرى أتمنى أحد يفيدني فيها.

الحمد لله جاني عرض أرامكو بعد المقابلات الي صارت في جدة من 12 ل 15 مارس في منطقة خريص قريب من الرياض، وعلى ما أعتقد إنه في مطار أرامكو في خريص، بس سؤالي بما إنها منطقة نائية وأنا متوظف عن طريق Contractor فهل ممكن أستخدم طيران أرامكو ولا بس مخصص لموظفين أرامكو دايركت؟ وهل فيه إمكانية إنه ممكن آخذ الموافقة من مديري؟ لأنه أتا ساكن في جدة فما أعرف الطريقة لسه.

وبالنسبة للسكن هل حيكون شخص أو شخصين؟ وكيف طبيعة السكن لو فيه أحد في خريص أتمني يفيدني وشكرًا لكم.

 

١- تقدر تطلع بطائرة أرامكو بالتسجيل ف السستم عن طريق السكرتير ، بس ناااادر ما تحتاج لأن صعب تسافر جده عشان يوم إجازه واحد ف الاسبوع .

٢- السكن شخص واحد لكل غرفة و مريح جداً .

٣- خريص ما أعرفها بصراحه .