وظيفة بعد التخرج و لا بعثة؟؟؟

ان شاء الله اذا انا تخرجت و طلعتلي بعثة باروح و اذا حصلتلي عمل خارج باجلس خارج الدولة طبعا حتى احصل خبرة و بعدين باشوف..

انا اعتقد يعتمد علي التخصص....يعني مثلا تخصصي هنا في السعودية لا يحترموه اما في الخارج فتب....
هنا في السعوديةيفضلون الهندي علي السعودي في تخصصي!!!!
هذا ما يجول في خاطري الان.....ان شاء الله نسمع مجربين فانا عندي نفس السؤال

 

بما اني في نفس الموال اللي انتا فيه حاليا:

خليني اقولك وجهة نظري...


اعتقد ان تحديد وتقرير هذا المصير يعتمد على الشخص نفسه . مثلا اذا كانت عندك طموح كبيرة في الحصول على وظيفة مرموقة .. وظيفة متجدده .. ووظيفة منافسة ووظيفة الاحلام زي مايقولو...
اعتقد في هذه الحالة البعثة افضل..
لانها وبكل تأكيد راح تحسن من مستواك التعليمي وبالتالي المستوى الوظيفي بكل تأكيد


لكن اذا الشخص نفسه مكتفي وعنده تفكير محدود... واي وظيفة راح تلبي رغبته وطموحه .. فاعتقد التوظيف مناسب له.. لانه مافي داعي يدخل نفسه في متاهات امكن مايكون قدها



وفي نفس الوقت.. لازم الواحد ياخد الواقع بعين الاعتبار... لان الايام الحالية .. البكالوريس لحالها ماصارت شي كبير وشي يضمن لك وظيفة مناسبة

 

أنا وانت راح نتخرج بنفس الوقت إن شاء الله، الفكرة اللي عندي هي العمل بإحدى الشركات وإكمال الدراسة يكون عن طريق نفس الشركة إما Mba أو في نفس التخصص. ماتشوف إنه الفكرة مناسبة؟

 

أنا أؤيدم الاسير،،،

من وجهة نظري أنك تسطيع الجمع بين العمل والدراسة وإن لم ترد ذلك فالحكم يعتمد على المجال الذي تريد الإكمال فيه في الماستر وبصفتك systems فربما أنك تريد الـ mba والان اغلب الجامعات المرموقة تطلب سنتين خبرة على اقل تقدير للمتقدمين للـ mba أقصد سنتين خبرة أي في سوق العمل ،،،

خلاصة القول :
اشتغل سنتين وبعدين روح ادرس سنتين- وقتها أجي معك إن شاء الله - بعدين راح ترجع واحد مدمر وخطير إن شاء الله

 

اذا تبغى تكمل ماستر لنفس التخصص، فتقدر تطلع على طول ولكن ماهي كل الجامعات تقبل بدون خبره عمل

اما اذا تبغى تغير التخصص، فلازم تكون عندك خبرة عمل لا تقل عن سنتين


ثاني شئ، الدراسه برى لها فوايد غير الشهاده
1- لغه
2- تتعلم عن المجتمع
3- افكار جديده وتفكير جديد
4- علم وشهاده

 

هل هذا الكلام جديد لان عندي خوي يدرس الان برا ماستر و ما طلبوا منه لا خبرة و لا خرابيط
انت تبغا تكمل اشدخل الخبرة في السالفة

 

انا قصدي للمصلحه الشخصيه!!

بعض الجامعات ماتطلب اي شئ اصلاً.. بس شهادتك وخلاص.. لا توفل ولا اي اختبار اخر

 

اذا تبغى تطيع شوري شف لك وظيفه بعد ما تتخرج لانه الماستر تقدر تحصل عليه وانت على راس العمل
لانه اكثر الشركات اذا بتطلب موظف معاه ماستر يشترط انه تكون عنده خبره وانت اذا كلمت ماراح يكون عندك خبره فافضل شي تجيبها وانت على راس العمل حتى تكسب خبره

 

إذا تبي شهادة ماستر ( قوية ومحترمة ) فلازم يكون عندك خبرة في مجال العمل.
لأنه معظم الجامعات الزينة تطلب منك هالخبرة قبل لا تنضم إلى برنامج الماستر الي فيها.

أما إذا كنت تبي أي شهادة ماستر وخلاص من أي جامعة والسلام....فتوكل على ربك وأكمل ماستر بعد التخرج مباشرة.....لكن حط في بالك إنه شركات كبيرة مثل سابك أو أرامكو أو غيرها (يمكن) ما تقبل ولا تعترف بشهادة الماستر هذي. ​

 

عليكم السلام ورحمة الله وبركاته ،
طبعاً من المؤيدين للبعثة ، وأنا أقول إذا تحصل لك البعثة مباشرة بعد التخرج يكون افضل ، السنوات تمر بسرعة ، والشهادة القوية تختصر السنوات الي قضيتها بعيد عن العمل ، طبيعة الدراسة الجامعية حلوة وخصوصاً الحين مع البعثات الي تكون في دول متقدمة ، كثير من الشباب أيام العمل يحنون للدراسة ويقولون الدراسة افضل من العمل وبعضهم يندم انه ما واصل دراسته ، غير على كذا تزيد من المعلومات في مجال تخصصك وتتعمق اكثر والانفتاح على ثقافات ثانية وغيره من هالأمور ،وبرضوه خصوصاً أنت يا وسيم باين عليك ما شاء الله شاب طموح وتتميز بعقلية حلوة ، لذلك انا اشوف انك ما تفوت الفرصة والأمر راجع لك طبعاً ..
واسأل الله لك التوفيق ..