وظيفة في شلمبرجير او اكمال الدراسة

اذا عمرك بين21 و 22 اقبل العرض و انت مغمض اشتغل 3 سنين بعدها اذا ودك تكمل عند الجبيل او ينبع شلمبر اكثر شركة تهتم للجامعة ف نصيحتي من واحد من نفس كليتك اقبل العرض و بعد 3 سنين انت قرر

 

شوف ياصاحبي انا كنت نفسك قبل 3 سنين بس كملت عشان معدلي طيب , لين اليوم اقول ياريت ف خذها من شخص كان معاك و اقبل و ابدع و بعدين بعد سنتين او 3 قرر اما الان نصيحتي العب على المضمون

 

الفلوس ما هي كل شي و الشهادة ما هي كل شي لكن التعليم الجامعي مهم. ما أتصور إنك راح تندم إنك دخلت جامعة. لكن اسئل نفسك هل راح تفيدك الشهادة بتحقيق أحلامك بعد التخرج؟ مثلا هل تقدر تفتح لك مكتب هندسي؟ أو تدخل التدرج الوظيفي بداية كمهندس؟

 

العرض في اي قسم؟

 

عصفور في اليد ولا عشرة على الشجرة، للاسف فيه مهندسين ما توصل رواتبهم 10 آلاف ما بالك براتبك! نصيحتي اقبل العرض لان ممكن ما تتوفر الوظيفة الا تطمح اليها بعد البكالوريوس، بالتوفيق

 

روح شلمبرجير وانت مغمض ولا تفكر فيها

 

لا ترفس النعمة. ترا كثير مهندسين عاطلين وراضين بنفس راتبك. وانت تقدر بنفس الوقت تجمع اجازاتك وتدرس بعدين

 

بالنسبه لي مافي مهندسين حاليا توصل رواتبهم حتى 9 الاف فلو علي راح اقبل

 

وظيفة + خبره، وبعدين كم سنه شهادة جامعيه، افضل بمليون مره

 

اقبل بعرض شلمبرجير اشتغل كم سنه كذا 3 او 4 منها تستقر ماديا وبعدين كمل بكالوريوس

 

عليكم السلام

خلينا نعمل مقارنة بسيطة بين المهندس و الفني من ناحية الفرص الوظيفية

تقريبا اي منشاه يكون فيها عدد الفنيين ضعف 100% المهندسين و هذا على احسن الاحوال

و اوقات كثيرة يكون اكبر تصل لثلاث اضعاف و زيادة

يعني فرص الفني للحصول على وظيفه اعلى بمراحل من المهندس

المهندس يدققون فسيرته الذاتية من وين متخرج وين اخذ خبره لغته دوراته شخصيته ....

عكس الفني ما فيه التدقيق الكبير

و صدقني هالراتب الاف المهندسين يتمنونه

 

والله ياخوي، كلامي عن انسان عادي جاته الفرص اللي عندك.

اما اذا كان عندك هدف معين وطموح، فما عليك من كلام احد، سو اللي يرتاح له ضميرك.

+

يمكن بعض التعليقات من شباب عاطلين او ذاقوا مراره العطاله وكلامك ذكرهم، فكانت نصيحتهم مبنيه على خبرتهم في العطاله.

اما اذا لك هدف ومتحمس وتبي توصله عن طريق شهادة الهندسه، فأقول لك توكل على الله والله بيعينك.

 

كيف تعتبر سيئة ارجو التوضيح؟

 

ممكن تعدد جزء من هذي الشركات الكثيرة اللي ماتعترف بهم؟ المعروف هو شركتين في السعودية هم شلمبرجير وارامكو, وهل هذا السبب يجعل مخرجات كليات الهيئة الملكية والمؤسسة العامة للتدريب التقني سيئة حسب كلامك؟..لعلمك حتى ارامكو طاح اللي براسها وصارت توظف خريجي كليات الهيئة الملكية والكليات تقنية SMP

كلهم يتوظفون على المرتبة السابعه حسب سلم رواتب الخدمة المدنية (سابقا) من وين لك ان المهندس التقني يتوظف بمرتبة اقل.