وقت التقديم على الشركات متى يبدأ؟

وعليكم السلام ورحمة الله وبركاته ،

ألف مبرووك التخرج مقدما

إبدأ في التقديم مع بداية السمستر الأخير لك في الجامعة ، خاصة في الشركات الكبيرة مثل :
- ارامكو , سابك ، شلمبرجير ، هاليبرتون ، ge وغيرها من الشركات الي غالبا إجرائات التوظيف فيها تأخذ وقت .
طبعا التقديم ممكن يكون على شكل ايميل للشركة أو ترفع بياناتك وسيرتك على موقعهم خاصة إذا ماكانت فيه وظيفة أو رابط للتقديم على الوظائف .

- رايي لاتكتب انك مابعد تتخرج ، بس اكتب تاريخ التخرج جنب اسم الجامعة مثل كذا Jun 2020
بدون ماتكتب expected graduation date أو Graduation date لأن ممكن مايطلع على سيرتك الا بعد فترة طويلة ويمكن بسبب هذي الجملة يفكر انك مب اكيد تخرجت .

- ولا تقدم بس على الوظائف ، جرب تقدم على فرص التدريب للخريجين بحيث لو ماتوظفت مباشرة بعد التخرج بتكون تدرب في شركة سواء تدريب صيفي أو تعاوني ،
وهالشي بيكون أفضل استغلال للفترة بين التخرج و الوظيفة .

- قبل لا تبدأ في التقديم تأكد ان سيرتك خالية من الأخطاء واستشير الدكاترة في الجامعة أو الموظفين الخبرة لأن لو طلعت السيرة اقل من المستوى بتضطر انك ترجع وتقدم من جديد على نفس الشركات .
شدعوة on Twitter

هذي بعض الأفكار الي تقدر تطبقها في السمستر الأخير
شدعوة on Twitter

+
ابحث في المنتدى ، في مواضيع كثيرة مشابهة لموضوعك جاوبوا فيها الشباب على سؤالك بالتفصيل.


الله يوفقك ويرزقك الوظيفة الي تتمناها

 

كيف يقدم وهو ما ماتخرج ؟

ممكن المعدل يتغير يرتفع او ينقص مما يأثر على مصداقيته للشركة .

بعض الشركات تطلب وثيقة الجامعة و القبول بالهيئة السعودية للمهندسين!!

...

 

ما راح يضره شي اذا قدم.
خله، على الاقل يكتسب خبرة في التقديم ويعرف طبيعة سوق العمل.

 

غالبا المعدل ماراح يتغير كثير مع السمستر الأخير فيعني فرق 0.1 -0.3 ماراح يفرق كثير + بيمديه يحدث بياناته مع التخرج .
بخصوص الوثيقة فيه شركات تطلبها وفيه شركات لا ، وحتى الشركات الي تطلبها أحيانا يتفهمون إن باقي لك على التخرج فترة بسيطة فيمشون معاك في الإجرائات .
الشي الثاني في معارض التوظيف في الجامعات ، الشركات تستقبل المتقدمين ومن ضمنهم المتوقع تخرجهم بنهاية السمستر فالوثيقة ماهي بذيك المشكلة ، يمكن تكون مشكلة للوظائف الحكومية او الوظائف الي تطلب المباشرة بأقرب وقت .


يمكن أكون غلطان لكن هذا الي صار معاي و لأغلب الشباب الي اعرفهم والحمدلله بعضهم جاته مقابلة وهو في اخر سمستر أو بعد التخرج وقبل ما يستلم الوثيقة .

بالتوفيق

 

اتفق معاك،
كثير ناس توظفت ووقعت عقود قبل التخرج و في شركات كبيرة.