يا اخوان قررت الانسحاب

نصيحتي لك لا تسحب

إذ اعشان الانجلش ساعة خذها ع انها وناسة .... و الماث و الله سهالات إذا استعنت بالله و ذاكرت من الكتاب و الاولد اكزام
و ترى الليل صار طويل و ان شاء الله راح تعدي ذي الأزمة

و ترى مدير الجامعة يقول ان الاوريا stress test

نصيحة : لا تفكر تطلع إذا كانت قدراتك جيدة ، الناس يدورون البترول و انت ترميها كذا و يا ليتك كملت سمستر حتى اسبوع ما خلّصت

فكّر مليّا

 

والله انا جدولي من الساعة 8 الى الساعة 6 بزيادة حصة انقلش وش اسوي
والي زاد الطين بله مستر bettany حق الفيزياء الي يشرح للجدار والله مصطلحات غريبة وعجيبة ابي ادور لكلمة افهمها ما حصلت بس ابي نصيحتكم المدرس ما اقدر اغيرو وش اسوي من شان اعدي وافهم الفيزكس علما ان الوقت ضدي لا يوجد لدي فراغ يا هل الخبرة ......................فزعتكم

 

حرااام عليييك انت ما دخلت للجامعه الا وانت قدها
ولو طلعت وش بتسوي بتنام ببيتكم

فكككككككككككر ترا كلها فتره وتعدي

 

من ناحية الجدول عادي هي حظوظ ومع الوقت بتتعود ..

اصلا مأأظن تحتاج ترتب وقتك - كثير -

ماعندك الا انجلش وماث واذا وضعك ماشي في الانجليزي فـ بيبقالك بس الماث تركز عليه ..

هذا اولا

//

ثانيا بخصوص الدكتور محمد رضا

انا اخذت عنده 001 ؛ صدقني الاستاذ ممتاز خصوصا في الـ 001

يحل مسائل كثير و ماعنده مانع تسأله بالإضافة إنه متساعد جدا في الاوفيس أور

وفي الأخير لو اشتغلت معاه صح راح يكرمك بالكلاس وورك > خذت 18 عنده

صحيح له سلبيات مثل انه يشرح بسرعة و خطه احيانا مو مفهوم -_-

بس بالنسبة لغيره نعمة ..

انت بس ركز ع الكتاب وافهم الامثلة واذا مافهمت شي اسأل ..

//

اما بخصوص الانجليزي 5 ساعات !!

الله يعينكم بس يبقى الانجليزي فلة

و في النهاية اقولك لاتستعجل عط نفسك مهلة

لكن بنفس الوقت اقولك ترى بتواجهك في الجامعة اشياء كثير اصعب من زيادة ساعة في الدوام !

موفق ؛؛

 

من اول يوم!


عزيزي .. مستقبلك يحتاج لجهد


اذا كنت تركت اهلك من اجل الدراسة فيجب ان تعوض ذلك بالابداع
اذا كان الجدول متعب فيجب ان تعوض ذلك بالابداع


لاتخف انك لاتفهم شيئاً فالجميع هنا لايفهمون
اصبر وانتظر لأسبوع واسبوعين إلى شهرٍ وسترى الامور قد تغيرت ،،




كان الله في عونك وستندم لو تركت البترول ..
شخصياً قبلت فيها لكني استصعبت فراق الاهل والاحبة .. والاهل خاصة
فلم ارسل اوراقي والان اتمنى اني بينكم علماً ان معرفتي في الانقلش لاتتعدى (يس) و(نو)

 

ايش اللي صاير يا جماعة
المعنويات في الحضيض!!!!!!!!!
انتم المفروض طلاب سنة تحضيرية يضرب فيكم المثل
ايش يعني لو زادت الانجلش ساعة ؟!
يعني بتقعد 5 ساعات مع نفس الشخص ، يعني المفروض يكون صديقك الصدوق
والماث مو صعبة للدرجة اللي الطلاب مكبرينها فيها
وبالنسبة لمصطلحات الفزكس دور معانيها باي قاموس او جوجل ترانزليت وتراها نفسها من ايام الثانوية (الكتلة ،الوزن ،التسارع...)
عيب صراحة نسمع هذا الكلام من طلاب ما مر على دخولهم الجامعة شهر !!!!!!!1
وبالتوفيق للجميع

 

أفا..من اول يوم؟!!..مايصير كذا...
.
اولا تعوذ من الشيطان..ثانيا ترا العالم هذولي كلهم اللي شايفهم يدرسون معك نفس الطريقة
يعني لست انت الوحيد المضغوط يعني..انت الآن استهدي بالله وجرب الوضع على الاقل على الاقل
شهر وبعدين قرر..لأنه حتى لو سحبت الآن ماراح تستفيد شي غير القعدة ..الجامعات كلها قفلت ابوابها..

 

استهدي بالله وانا اخوك
تراه اول يوم دوام وطبيعي اللي حصل لك...
انا بالماث اليوم بداية الكلاس احطم في نفسي اقول
كيف افهم الماث بالانجلش ولما ركزت مع المدرس
فهمت الدرس وعرفت زبدته وهو شي بديهي ودرسناه
المجموعات (sets) في اسهل منها ......
وربي فهمت الدرس وكل شي
وانا 50% من حكي المدرس ما افهمه

وسع صدرك يالغالي
وصل لك ركعتين
ولا تستعجل بأي قرار ممكن تندم عليه

 

السنه الاولى يا النسيب دائما كذا ولازم يا حبيبي تنظم وقتك باي شكل من الاشكال حتى لو اطريت تقلب نومك

واذا ما تعبت الحين وانت بعز شبابك متى تتعب؟؟؟ واذا هي ع الساعه الزياده الانجلش ترى عطوني وياها بس اخوك لا تنسى ان في النهايه اللغه والدراسه كلها في صالحنا وماهو بداخل بجيب الجامعه شي الشي كله لنا



واسعى يا عبد وانا الرزاق

تحياتي لك وبالتوفيق انشاء الله

 

هناك ثلاثون الف طالب يتمنون مقعدك في الجامعه

حرام عليك تحرمهم القبول ونت عارف انك ماعندك قدره على الجامعه

 

أخوي بسألك سؤال :

أنت دآخل البترول عندك طموح .. ؟ تبي تتعلم ؟

ولا دآخل عشان رآآحة ووظيفة ؟

صدقني لو دآخل تتعلم ما راح يوقفك شي ..

وأكيد أنك راح تتوقع المشاكل والتعب ..
أنت داخل البترول .. تبغآهآ سهلة ؟

الله عينك ويوفقك

سلآم

 

بالله عليك تنسحب بعد 12 سنه دراسه

يعني انت من حلات لغتك

الي مره بلبل انجليزي

هم عطوك عشان تتعلم بسرعه

و 5 ساعات عطوني اياها

وفرحـــــــــــان لو يزيدونها بعد ساعتين احسن بعد

لان لغتي متوسطه وابي اتحسن

هذي الحياه حلوه ولا تخلي ساعه الى تتعلم فيها

ربي يوفقك

 

لا يا اخي كلامك مو صحيح الاوريا تراها سنة وتعدي كلنا عديناها بغض النظر عن الظروف .. انت فكر فيها حاليا انت مقبول في افضل جامعة في السعودية وجالس تدرس في افضل جامعة في السعودية فطبيعي انك تشوف شي يناسب هذي المكانة .. لا تقول انك مو قادر تنظم وقتك بكل سهولة الوقت تقدر تزرعه وتنظمه .. غير عن كذا انت ماعندك شي تدرسه اصلا صحيح انك جالس تقضي وقت طويل بس كله على الفاضي ماراح تدرس شي جديد اشياء اغلبها اذا ماكانت كلها انت عارفها .. الرياضيات نفس رياضيات الثانوي اللهم مغيرين الرموز من عربي لانقليزي والانقلش الوقت بيمر عليك وناسة وضحك مع الشباب والمدرس .. وباقي المواد بيدرسونك مبادئ انت حافظها زي اسمك يعني مايحتاج انك تخاف وتتحطم وتنسحب الموضوع مايستاهل .. بالنسبة لمدرس الماث انت اصلا ماتحتاجه لأني زي ماقلتلك اغلبها اشياء انت درستها مافي شي بيستجد عليك .. روح الجمعية واشتري ملخص كويس للمادة اسأل عنه الشباب واشتري لك اختبارات قديمة للمادة كلها مابتكلفك اكثر من 30 ريال .. ذاكر منها اول بأول لو حتى نص ساعة في اليوم واذا في شي مافهمته اسأل اخوياك ويساعدونك .. اما بالنسبة للانقلش وخوفك من انها 5 ساعات انا بالعكس اقولك احمد ربك انك جالس تدرس موادك كلها بالانقلش وفي النهاية بتصير عندك لغة .. لأن الحين كل مكان في السعودية وغير السعودية اول شرط عندهم ان يكون عندك لغة ..ومافي جامعة في السعودية تدرس فيها لغة زي الناس غير البترول..علشان كذا شد حيلك وتذكر انك مو لحالك في ناس مثلك ومتحملين .. حط قدامك صورتك بعد 5 سنوات خريج جامعة البترول وبإمكانك تتوظف بأقوى شركات السعودية وتاخذ راتب حلو ان شاء الله .. وحط نفسك مكان خريحين الجامعات الثانية اللي كثير منهم عاطلين او متوظفين برواتب نازلة ... وقرر

 

انا مشغول حاليا ..ولكن لي عودة انشاءالله..
سبب العودة:أهمية الموضوع..

 

طيب قررت الانسحاب وش بتسوي وين بتروح

وايش هذا الدلع اصلا

وكيف تحكم من خلال يوم واحد

والله اوريا آخر زمن

بس للامانه كلنا تمر علينا لحظة يأس وعجز وتكره ام حياتك لكن ولا بعمرنا قررنا قرارك

لان هالقرار مايصدر الا من ناس بائسه وفاشله

وانا ماظني فيك فاشل!!

انت بس روق وبتضحك على قرارك وبتندم

وانت بنفسك اللي بتصر اكثر على البقاء

وبعدين في شي انت نسيته او تناسيته لو انسحبت اهلك وش بتقول لهم وايش مبرراتك

فكر فكر فكر فكر فكر فكررررررررررررررر لين ينفجر راسك

مردك للبترول

هههههههههههه واثق انك الليله بتتراجع عن قرارك المهم بشرنا كيف صارت نفسيتك

 

هونها وتهون

 

السلام عليكم ...
اليوم ... أكملت في الجامعة سنة كاملة ...!
قبل سنة من الآن ...
كنت أعيش أيامي الأولى في الجامعة ...
كنت ... في بعض الليالي قبل النوم ... أتقلب ...
وأهوجس ... وأفكر ...!
أنا وش اللي جابني هنا ...؟
وش القرار الغبي اللي ارتكبته ...؟
كيف ابقدر اكمل 5 سنين على هالحال ...؟
ولدرجة ان عيوني تدمع من الهم والحزن ...!
...
مضت أول الأسابيع ... وجاءت إجازة الحج ...
رجعت إلى أهلي ... ولم أفاتح أحدًا بعدم ارتياحي ...
كان في بالي ... أنني سأكمل هذا الفصل الدراسي...
ثم أحول إلى جامعة أخرى ...
ومصت الأيام ...
وانتهى الفصل الدراسي ...
====
في آخر أيام الفصل الدراسي الماضي ...
كنت أتقلب على الفراش قبل النوم...
متذكرًا تقلباتي السابقة ... مبتسمًا ...!
وأقول في نفسي ... "يااه ...! كم كنت قاصر النظرة ...!"
ومضت الأيام ...
وانتهى الفصل الأول ... والثاني ...
ولأبين لك كيف تغير وضعي ... أخذت فصلًا صيفيًا .. بكل راحة وحماس ..!
وها أنا الآن ... أبدأ سنتي الثانية ... بعكس التفكير الذي بدأت به سنتي الأولى ...

===

خلاصة الأمر ...
تركك للجامعة الآن ليس له نفع ...
فللأربع شهور القادمة لا أعتقد أنك ستجد مكانًا يرحب بك ...
فـ ... أنصحك بالتريث ... وإكمال الفصل الأول ... وثم ..
إتخذ قرارك ...!