يمديني اخذ ترم صيفي في الملك سعود

تقدر بعد استيفاء الشروط
- يكون السيلابوس مطابق لسيلابوس الكورس هنا ب 80% فأكثر
- يوافق عليه القسم
بالنسبة للكورسات المتاحة أي كورس ينزل في سعود ومثل ما قلت يتطابق السيلابوس ب 80% فأكثر
طبعا في الأخير الأمر لقسمك ممكن يوافق ويمكن لا

القريدات
يشترط انك تعدي ب c فأكثر , ولا يحسب في معدلك
يعني تاخذ باس بس

 

الظاهر قلت اسعود عشانك من الرياض


على فكرة جامعة حايل كانت كلية مجتمع تابعة للبترول


تقدر تتخيل قرب كورساتهم لجامعتنا


بالتوفيق

 

http://www.stkfupm.com/vb/showthread.php?t=49021

 

بغـيت أقـولك: لازم تتـأكد من وجـود الكـورس في سعـود من قبـل حتى لاتسـأل تشـيرمنات الأقسـام حق جامعتنـا في انهم يسمحوا لك أو لا

لأن كنـت أبـدرس الـصيف الجـآي في سعــود
ولكـن للأسـف
أغلـب أقسـام الجامعـة ماتنـزل مـواد تخـصص في الصــيف
<<كنـت أبي مـادتين كيميكال وبـتروليوم وكلهم مافيه + قلت خلني آخـذ ستـات وطلعت للأسف مافيها لآب

 

لو أدري كان اخذت فيزيكس 101 و 102 في عزوز وريّحت معدّلي ..

والماث نفس النظام ، يدرسوا نفس الكتب اللي احنا ناخذها ، بس مدري عن السيلابوس

لكن اعتقد انه مطابق لأننا ماشين مع تسلسل دروس الكتاب ...

أي أوريا يشوف ردّي احد ، يضبّط وضعه ويخلّي الفيزيكس بمدينته بالصيف .. وبيدعيلي :d ان شاء الله

 

شباب ماث 102 تتوقعون اقدر اخذه بسعود ؟

 

لاتسأل هنا .. ما راح تلقى شي ...

اذا فعلاً مهتم ، افتح موقع القسم في جامعة الملك سعود وشوف السيلابوس وطابقه مع الشروط

بالتوفيق

 

يعني اقدر اخذ فيزيكس102 في سعود لان فيه كورس اسمه فيز104 مشابه للي عندنا
كيف الاجراءات حتى اقدر ادرس في سعود

 

شباب بالله سؤال

ودي اخذ ستات 212 حق الادارة في سعود


الكورس هناك مو عربي ؟ عادي عربي و الا لازم انقلش ؟


وش الخطوات اللي اسويها عشان اخ هالمادة هناك


مشكورين

 

ما تمشي على قسم الفزيكس : )

واحد راح لهم ولا أمداه يناقش الجلال أصلا

قال ما فيه لا تحلم !

وبالنسبة لماث 102 يابو بدر..

أنا شفت السيلابوس حقه في سعود..

واحد من الأعضاء استفسر..

فيه فرق كبير..

ماث 102 عندهم يآخذ جزئية نآخذها إنّا في 201

وساحب على شابتر كامل..اللي هو ماتيريال الفاينل..

شكلهم حاطينه في كورس ثاني..

يعني ما أتوقع تقدر..

الصراحة من كثر ما شفت اللي حاولوا يآخذون صيف برا الجامعة ولا قدروا..حسيت إنّه ما فيه أمل..

فإذا فيك شدّة صيف..نزل..ما أمداك..الدنيا ميب طايرة : )

والله يوفقنا وإياكم

 

أنا ما أدري يعني اش المواد اللي ممكن تندرس في جامعة ثانية

والله المفروض يحطوا موقع يربط بين المواد المتطابقة بين كل جامعات المملكة

ما دام إنه كل الجامعات يقولوا معترف بها عادي لو أخذت الكورس هناك

لصيف واحد ترويح عن النفس وقرب من العائلة وعدم التأخر في الدراسة

تحياتي لكم

 

تجربتي مع الدراسة كطالب زائر ورحلة ابن بطوطة

في البداية أحب أوضح إني قد سبق لي تجربة الدراسة كطالب زائر في جامعة الملك سعود ، وكانت محاولتي الأولى في أول صيفي لي بالفرشمان MATH102 ولكن قسم الماث رفض الموافقة لي لأنه في MATH106 اللي يدرس في الملك سعود لا يحتوي على آخر شبتر المتسلسلات والمتتاليات التي تدرس في 201 عندهم ،،
وبعد ذلك طلبت دراسة CE101 واللي تعادل GE104 (الرسم الهندسي) في الملك سعود وتمت الموافقة من قسم الهندسة المدنية ،،

قبل أن تسجل طالب زائر في الملك سعود وأنت طالب في جامعة البترول ،طبعًا ستبدأ رحلة ابن بطوطة التي لم يخطر بباله أن يبدأها. بتدور جامعة الملك سعود خمس مرات جريًا ، وثلاث مرات بطة ، حتى تحصل على أوصاف المواد مختومة ، وحتى تنتهي من إجراءات الدراسة. ثم تبدأ بعد ذلك رحلة ابن شحذان حتى ينتهي السمستر الذي تدرسه، وتأتي وأنت تقول : ليتنا من حجنا سالمين.
" ولا تنسى اذا انت ناوي تدرس سمستر عادي يلزمك اخلاء الطرف الغثيث من الجامعة " وفي الصيفي بدوت اخلاء طرف
^^
^^
ويلزمك الحصول على موافقة الاقسام الاكاديمية التي تدرس المواد اللي ترغب دراستها زائر ،، بعد تعبئة بتشن خاص بذلك تحصله في مكتب المسجل ،، وبعد ذلك تسلم البتشن لسكرتيرعميد القبول والتسجيل الدكتور عمر السويلم حتى يعطيك خطاب الموافقة بالدراسة كطالب زائر في الملك سعود ويشترط أن المواد تتطابق بنسبة 80% وتكون الدراسة بالانجليزي
كيف أعرف أثبط ولا .. ؟!

فكرت فيها قبلكم وجربتها ، لكنها ما تسوى قرفها وغثاها ، ولا تسوى شحاذتها. إلا إذا الظروف أجبرتك.

 

^^

يعني كل ذا الكرف والتعب عشان مادة ساعة وحدة ؟ : )

 

وأزيدك من الشعر بيت مرمطة ما بعدها مرمطة في التسجيل في الملك سعود : أول شيء تقدم الخطاب الموقع من عميد القبول والتسجيل لعمادة القبول في الملك سعود وبعدين تنظر رسالة جوال بالحصول على رقم جامعي لطالب زائر وبعدين تذهب للكلية اللي تدرس الكورس المطلوب منك ، وبعد ذلك تنظر حتى تحصل على مقعد في الشعبة المليانة والمزدحمة لأن الأولوية لطلاب الملك سعود ،،
ومادة ce101 اللي ساعتين عندنا تعتبر 3 ساعات في الملك سعود وهي اصعب

باختصار لا تتعب عمرك كطالب زائر إلا إذا الطروف اجبرتك مثل الظروف العائلية ،،