يوم التوظيف جامعة الملك فهد : 18 - 21 ديسمبر 2017

السلام عليكم ورحمة الله وبركاته ,

تم تحديد موعد يوم المهنة في جامعة الملك فهد للبترول والمعادن : 18- 21 ديسمبر

قائمة الشركات المشاركة في المعرض موجودة و راح تكتمل مع الإسبوع الي يسبق المعرض
هذا موقع يوم التوظيف وفيه القائمة مع التخصصات المطلوبة لكل شركة

الرئيسية

+
أول يومين من المعرض بيكون بس لطلاب وخريجي البترول و آخر يومين لخريجي الجامعات الثانية , ومايلزم التسجيل في الموقع , اما خانة التسجيل في الموقع فهي لموظفي الموراد البشرية في الشركات


هذي مواضيع عن يوم المهنة في السنوات الماضية
يوم التوظيف جامعة الملك فهد : 24 - 27 أبريل 2017
يوم المهنة بجامعة الملك فهد : 5 - 8 ديسمبر 2016
يوم المهنة - 25 - 28 أبريل 2016 - kfupm
اليوم المفتوح للتوظيف 1437 ( 30 نوفمبر - 3 ديسمبر 2015م )
-----
مقابلة ارامكو يوم المهنة
ردود الشركات في يوم المهنة
كم عدد الذين عملو مقابلة مع ارامكو يوم التوظيف
وضع تخصصات الادارة في يوم المهنة
ملاحظات على فعالية (يوم المهنة)
مقــــابــــلات ــ أرامكـوــ يوم المهنة ، تجمع
ما مدى مصداقية الشركات المشاركة في يوم المهنة السنوي ؟!

------------------------------

وهالموضوع فيه فكرة ممتازة من @ibra1991 , ياليت يتم تطبيقها
يوم المهنة 18 ديسمبر 2017


هذا الموضوع راح يكون عن وضع المعرض و جدية الشركات و طبيعة المقابلات
فأتمنى التفاعل

بالتوفيق​

 

هذي بعض الملاحظات , يمكن اكون غلطان لكن هذه الي شفته في اخر 3 معارض


1- حاول تحضر في اول يومين خاصة الصباح , لأن بعض الشركات تمشي بعد الافتتاح , او بعد صلاة الظهر .

2- المعرض نوعا ما جيد , و عدد مب قليل من الشركات جادة في التوظيف لكن في نفس الوقت المعدل والتخصص له دور . لاتستغرب إن بعد 4 اشهر من المعرض تتواصل معاك شركة بس كانت تجمع ال cv وما تتوقع ردها .

3- نادراً ماتكون فيه مقابلات ( ماعدا ارامكو تسوي مقابلات مع بعض الخريجين وترسل لهم موعد المقابلة قبل يومين ثلاثة من المعرض ) . لكن في بعض الشركات جادة في التوظيف تعتمد على المقابلة السريعة مثلا عشان يعرف لغتك وشخصيتك و هل تعرف مجال الشركة ؟ , هي عبارة عن دردشة اكثر من مقابلة لكن هي مهمة وممكن تفضلك على الي بس يسلمون ال cv وممكن تلاحظ بعض الشباب الي يتكلم مع مسؤول التوظيف للشركة ويشرح له تخصصه و وين كان تدريبه , تلاحظ مدير التوظيف يكتب على ال cv بعض الملاحظات و شبه متأكد إن السير الذاتية الي فيها ملاحظات راح تحفظ ويعطون الأولوية في الترشيح للمقابلة . تقريبا في المعرض العام الماضي + معرض الظهران الي قبل شهرين

موظف شركة تينارس كان يطبق هالشي وللأسف في معرض الظهران الموظف بنفسه قال : تقريبا من بين 28 متقدم , بس 4 - 3 كانوا مستعدين صح وقدروا يجاوبون سؤال تكلم عن نفسك بطريقة مناسبة , اما البقية ركزوا على اشياء مب مهمة مثلا الهوايات و مكان الميلاد وغيرها وكان المفروض يتكلم عن تخصصه و التدريب و مشروع التخرج واذا كانت عنده انشطة طلابية او اشياء ثانية لها علاقة يذكرها , فأنتبهوا يا شباب لهذي النقطة , خاصة لو كنت ناوي على شركة

معينة حاول تجهز نفسك . ونفس الوقت حاول تكون مستعد لبعض الأسئلة البسيطة مثلا , تكلم عن نفسك , وين تدربت وش سويت في التدريب ومشروع التخرج . لأن مثل ماقلت في النقطة الي قبلها ممكن الموظف يعمل مقابلة سريعة و هالمقابلة تفضلك على كثير من المتقدمين .


4- حاول تضبط ال cv قبل المعرض بوقت كافي , ماينفع يوم المعرض تروح للجمعية وتطبع ال cv لأن غالبا بسبب العجلة , بتغلط في بعض الأمور خاصة في ال spelling.
إذا تحتاج مساعدة فيه موضوع مثبت , اطرح ال cv والشباب ماراح يقصرون .


-5 للشباب الي في الجامعة سواء الي بيتخرج في 172- 171 , فيه دورات ( بعضها ) مهمة ومفيدة تنظمها ادارة التوظيف والتدريب في الجامعة , فأحرص تحضرها خاصة الي يلقيها مسؤول توظيف في شركة كبيرة مثلا شلمبرجير او سابك , لأن في المحاضرة بتعرف بعض الأخطاء الشائعة ويمكن تكون محظوظ وبعد التخرج نفس صاحب المحاضرة هو الي يسوي معاك المقابلة فبتكون عارف هو على شنو يركز بالضبط وهالشي صارلي مع شلمبرجير .


6- الشباب الي من جامعات ثانية , للأسف الأمن والسلامة مشددين في موضوع الدخول للمعرض , ما انكر في كم واحد من غير البترول قدر يدخل المعرض في اول يوم لكن عاد بطريقة ما اعرفها بس في نفس الوقت فيه شباب كثير امنعوهم لأن اول ماتدخل بيأخذ رقم الأحوال او رقمك الجامعي واذا كنت موجود في سيستم الجامعة يدخلك للمعرض . لكن رايي اذا كنت جاي من منطقة بعيدة , لاتعتمد بس على المعرض , على الطريق حاول تمر على الشركات في الصناعية يمكن تتوفق بمسؤول توظيف متعاون ويقابلك ونفس الشي مع بعض الأبراج في الخبر الي فيها الشركات . مثلا برج الحقيط , الخبر مول وغيرهم .


7 - في شركات جاية للمعرض بس دعاية , والتقديم من الموقع مثل P&G , Baker Hughes , فاليوم الي قبله شيك صفحة التوظيف في الشركات عشان ماتضيع وقتك في المعرض & بعضها ينزل Position على صفحة التوظيف في الشركة ويكون مكتوب في العنوان KFUPM Career Day مثل سامرف .

8- اذا عطاك الموظف ايميل للتقديم , حاول تخلي عنوان ايميل واضح لأن ماتتصور حجم الايميلات الي توصلهم يوميا , فلما يكون العنوان واضح انت بتساعده في فرز اكبر عدد ممكن من المتقدمين
وهذا مثال للعنوان الي اقصده :

Ali AlDxxxx CV - Chemical Engineer - Fresh Graduate


9 - في نص الايميل , اكتب سطرين ثلاثة بشكل مرتب ومختصر عن نفسك , ويفضل على شكل نقاط , مثلا تخصصك وين تدربت والمواضيع التكنيكال الي انت متمكن منها بالتحديد التكنيكال .
وهذا مثال لبداية الايميل و كيف تختم , وعلى حسب مهاراتك وتخصص اوطبيعة الشركة اكت

Dear Recruiter ,
I am a fresh graduate Chemical Engineer , graduated with GPA : 3.5 / 4 from King Fahd University of Petroleum and Minerals in April , 2018.​

( اكتب هنا ملخص بسيط عنك , وابتعد عن الحشو )

Kindly refer to the attached documents .

Best Regards
​

وياليت الي عنده ملاحظة او نصيحة يشاركنا عشان نستفيد .

 

- اي عادي يقدم لكن يعتمد بعد الشركة , اذكر في واحد من الشباب قدم على مدينة الملك عبدالعزيز التقنية وسو معاه مقابلة في نهاية السمستر الأول , ولأن الاجرائات كانت طويلة شوي , تقريبا تخرج وعلى طول بعدها بفترة بسيطة توظف .

- ناسي كم بالضبط يفتحون المعرض لكن كأنه 9 ونص - 10 .

 

9:30 أو 10:00

يكفي ال cv لكن احتياط جب معاك الترانسكربيت والشهادات , ماتدري يمكن احس يسوي معاك مقابلة , او بعد المعرض تروح للصناعية وابراج الشركات وتقدم ويمكن يطلبون منك بعض الاوراق
لكن بخصوص المعرض فالأغلب يطلب cv بس .