٥ آلاف مهندس عاطل (معقولة لم يجدوا عمل ولو ب٥٠٠٠) !

جاري تخصصه محاسبة ، مع أزمة كورونا إنفصل من العمل ( بنك ) والآن قاعد يبحث له عن عمل

فالشاهد أن كل التخصصات ( أتوقع ماعدا الطب البشري ) تعاني من سوق العمل عندنا وليست فقط الهندسة

 

ايه الطب كان ولا زال وسيبقى افخم المهن البشرية وارقاها وافضلها واحسنها لكل زمان ومكان

 

و الاطباء بالفتره هذي مكروفين كرف الويل و ضغط نفسي يقابلون المرضى و معزولين عن اهاليهم و بيوتهم

 

ص

صدقني في وظايف لكن الأرزاق بيد الله اعرف ناس معا الأزمة وتوظفوا كل شيء مكتوب ومقدر شد حيلك وفالك التوفيق

 

كثير اطباء عاطلين ..

اضافة ان الطبيب يكرف كرف الحمار في الجامعة والعمل وارهاق ومذاكرة .

 

كلامك غير صحيح ، التعيين فوري للاطباء بلا شروط ، بس يجتاز اختبار واحد ويتعين فورا حتى لو متخرج من اهلية بمعدل مقبول و يمشي على جنب و نصف مشلول

الطبيب هو الوحيد بالمملكة العربية السعودية اللي ما يبتلش في ايجاد عمل مهما كان وضعه ومهما كان وضع البلد

حتى في الدول الاكثر بطالة وفقر الطبيب هو الوحيد اللي ما يتعب في ايجاد مصدر رزق

الطب غير

لو شفت طبيب عاطل فالسبب في عدم تجاوزه اختبار الوزارة ، اللي يجتاز يتعين فورا

 

بعض التخصصات مافيها وظايف ابد مثل طب الأسنان وهناك من قام بحرق شهادته علنا او الأشعة . ورواتبها مو قد كذا .

الطب البشري ممكن وضعه أفضل .

الطبيب يستاهل اكثر أصلا ومن حقه نتيجة الكرف والعزلة والألم والتعب وال ٧ سنوات في الدراسة .. دراسة المهندس والاداري ولاشي امام دراسة الطبيب

اختبار SMLE ماهو سهل ولا هو مجاني كمان اكثر من 300 سؤال في 6 ساعات ولن تعمل ابدا اذا لم تجتازه .

 

انا اتكلم عن الطب البشري وضعهم ان التعيين فوري

ومن فخامة هالقسم انهم ما يسالونك لا عن معدل ولا عن جامعة ولا عن عمر ولا عن خبرة ولا عن واسطة او اي زفت

وبدون مقابلة شخصية بعد

و رواتب ومميزات كبيرة مع امان وظيفي لباقي العمر

الطبيب هو الوحيد اللي يضحك يوم يسمعك تتكلم عن ارامكو وتحلم بالعمل بها

الطب غير

 

طب بشري نعم تخصص ممتاز جدا . لكن الباقي لا

راتب الطبيب في الصحة اول مربوط 15 ألف مع بدل سكن سنوي 50 ألف .

ارامكو راتب 12 ألف مع بدل سكن سنوي 36 ألف ريال بدل رمضان 24 ألف بونص سنوي 24 ألف راتب الإجازة 60% من الراتب 19200 ريال .
وعلى كلامك ارامكو معروفة تروح لمن .

عالعموم كلها حلوة والطب مهنة شريفة وانسانية ومكانتها عالية جدا .

هالكلام مايفيد خلينا نهتم بنفسنا صح وقدر الله ان نكون مهندسين ؟ كلمني واتس اخوي عشان تروح معي .. الضرايب مشكلة

 

كنت ابروح معك

لكن يوم قلت انك بتروح سابك و بترورابغ و ارامكو هونت لاني جربت قبلك

 

عسكرية

الدفاع قريبا

 

شباب سؤال خارج الموضوع ، الامنية والدفاع تقبل طول أعلى من ١٩٠ ؟ أنا سمعت أن أكثر من ١٨٨ مايقبلون ، صح الكلام هذا ؟

 

جرب قدم منت خسران.

 

اسال في القروب

 

عادي تنقبل

 

اول شي ابن ادم ماياخذ من هالدنيا الا رزقه وماعلينا الا فعل الاسباب .. انا خريج 2018 وماتوظفت الا بالفتره اللي راحت .. طبعا العيب مو فيني ولا فيك ولا بالعاطلين .. العيب بالشركات اللي ماسكتها عصابات ولوبيات اجنبية وللاسف انهم بمساعدة اشخاص سعوديين كمان ..
وللاسف الشديد هذا اثر على راتب الخريج .. معدل رواتب الخريج حاليا بين 5 و 8 ( راتب جندي بشهاده الثانوي ) لانه يدري اذا ماتقبل فيه مليون عاطل غيرك يبي هالفرصة ..
انا خلال فترة العطالة ارسلت اكثر من 4000 طلب وظيفي ولا جاتني الا مقابلتين حقيقية فقط لاغير ويشهد الله ان فيه مكالمة 15 دقيقه تقريبا مع هندي يسالني ويخوفني من الوظيفة ان يبي لها جهد وقلت له ماعندي مشكله ووعدني بمقابلة و 4 ايام اطارده ويحدد وقت ويسحب علي !
زملائي نفس الكلام اغلبهم الى الان عاطل واللي ماتوظف بواسطة صار معيد ..
سوق العمل جحيم بالنسبه للمهندسين لكن مانقول الا الله يعيننا واغلب العروض برا منطقتي برواتب اقل من 5 الا عرضين فقط

انصحكم بالوتر والضحى وماتيسر من القران فوالله اننا مقصرين ولعل العطالة هذي نستفيد منها بالقرب من الله وبالتوفيق.

 

المعدل ماله دخل ابدا اعرف شباب خريجين امريكا معدلاتهم فوق ٣ ونص من ٤ وعاطلين! سوق العمل للاسف مختطف من الاجانب نسبة المهندسين السعودين ماتتعدى ٣٠ بالمية والباقي كله اجانب في وظايف حكوميه وشركات كبيره وغيرهم والسعودي اخر شي! الوضع مزري غيرنا من الاجانب يجيب شهادات مزوره وخبره من مكتب سفريات وياخذ مكان السعودي! ليش دايم نحط اللوم ع السعودي وان القصور دايم منه ونغض البصر عن الواقع المرير

 

والله العظيم نفسك تمنيت لو درست تخصص ادارة اعمال او تخصص طبي او صحي افضل من الهندسة لكن ماكنت ادري عن هالوضع قبل الدراسة ولاعرفت عنه الا يمكن ب اخر سنه دراسيه وقتها مافي اي مجال للتراجع او التغيير ..

 

توكل على الله ولاتحبط نفسك صحيح ان الوقت هذا صعب التوظيف بسبب الازمه وغيرها لكن ان شاء الله على تخرجك الامور تتحسن..المعدل الزين مهم جدا.