أفضل المشاركات: [مهم] تحديثات وتطويرات كثيرة

السلام عليكم ورحمة الله

الحمد لله أنهينا تحديث المنتدى ونقله إلى مستضيف جديد

هذا الموضوع بيكون فيه feedback للمشاكل الي يمكن تحصل عشان نعالجها

قبل كذا خلوني أعرفكم ايش صار بعد التحديث

1- أكيد زي ما تشوفون تم تغيير الاستايل والمنصة كليا ً
2- تم اضافة نظام تقويم، هالنظام بسيط جدا ً كل الي عليك تفتح موضوع ثم من "أدوات الموضوع" تقدر تختار "اضافة إلى التقويم" وتحدد التاريخ الي تبيه.. طبعا ً اذا جاء أو اقترب الموعد بتظهر خانة عند ال sidebar في الصفحة الرئيسية تنبه ع الموضوع
3- نظام تقييم المشاركات للأسف صار العضو يقدر يشوف من قيم مشاركاته فقط، حاولنا نعالج المشكلة لكن ما قدرنا فـ احتمال نلغي النظام كليا ً في المستقبل.
4- أيضا في نظام التقييم أغلبكم زاد أكثر من 40% نقاط ايجابية وطبعا النقاط السلبية ما زادت، خليتها زي ما هي انبسطوا . الي تظهر يمين المشاركة غلط بنعدلها ان شاء الله، النقاط الحقيقة موجودة في الملف الشخصي.
5- بخصوص زيادة فترة تسجيل الدخول للأسف أقصى حد هو 60 دقيقة
6- فتحنا أقسام جديدة لكل من (البرنامج الطلابي، تقييم الشركات، الدراسات العليا، التجارب الشخصية، أرامكو وسابك، وأقسام للتواصل مع إدارات الجامعة)
7- نظام الرد مطور بشكل كامل بيجيك تنبيه اذا أحد اقتبس ردك
8- الأعضاء الي اسماءهم فيها فاصلة لازم يستعيدون كلمة المرور لأن المنصة الجديدة ما تسمح بالفواصل في الاسم (عشان تعرفون الاسماء بعد التعديل)
9- التصفح الآن اصبح آمن تشوفون العلامة الخضراء جنب عنوان المتصفح فوق (تكنيكالي ما منها فايدة بس كشخة قلنا نضيفها )
10- مازال فيه خط للرجعة اذا ما عجبكم التحديث نقدر نرجع في أي وقت.
11- أتوقع الآن نستطيع الاستغناء عن tapatalk.
12- الأن يمديكم تمنشنون عضو.. مثال @أبو خلدون 3
13- صورة الجامعة من تصوير المبدع عبدالعزيز الزهراني https://twitter.com/abdalazizzhr
@.ENG.
14- مزايا كثيرة بتشوفونها وانتو تتصفحوا الموقع
15- سووا تيست لنظام التقييم الجديد واضغطوا لايك ع هالمشاركة

أي مشاكل تواجهونا اطرحوها في هذا الموضوع

 

تطورات المنتدى رهيبه جدا لكن لو تغمق لون الخلفيه يكون افضل شوي كل شي فاتح بتتفجر عيونا

 

صراحة تطوير يشكر عليه صار المنتدى يفتح النفس وخصوصا الصورة الخرافية
الله يعطيكم العافية