وظائف و مقابلات شركات SMP - أرامكو ، تحديث 21/9 مع ملف PDF , WORD

الله لا يهينك تتأكد انه وقع العرض المبدأي بداية نوفمبر وأي شركة لو سمحت ؟

 

يا اخوان عندي سؤال مهم واتمنى الإجابة من اللي عنده الخبرة

انا smp حالياً مع جاتكو، تقريبا لي شهر ونص معاهم

وصلني أوفر من أرامكو دايركت، المهم ابغا اعرف ايش النظام هل يمديني اسحب على جاتكو واروح أرامكو ولا كيف

لأن موظف جاتكو قالي لو بتستقيل لازم تعطينا إخطار شهرين وأخاف يروح الاوفر حق أرامكو، (هل احنا كsmp عندنا الفترة التجريبية؟ اللي هي 3 أو 6 أشهر ماني متأكد)

ياليت تفيدوني

 

ايه نعم عندك الفترة التجريبة وارجع للعرض الوظيفي وبتلاقيه موجود الكلام ذا او العقد حق الوظيفة .

 

اكتب خطاب استقالة بخط يدك ووقع عليه واعطيه الاتش ار + استقالة لفظية لمفس الموظف + ايميل. وخلهم يحذفونك من التأمينات وان ما حذفوك اشتكيهم.

 

أعطيه للاتش ار حق ارامكو ولا جاتكو؟

 

للشركة اللي انت موقع عقد معاها. اللي هي جاتكو ولا يجلس يفتي عليك او يخوفك، نظام وزارة العمل يطبق على جميع الشركات زي ماله الحق يسحب عليك بأي وقت في فترة التجربة وبدون عذر او تعويض لك الحق ايضاً تسحب عليه.

 

هاكا

 

مبروك الوظيفة .. الله يباركلك في رزقك يارب وييسرها لنا كما تيسرت لك يارب .

 

مشكور يا أبو علي... معدله 3.12 من 4 على ما أعتقد... طالب مبتعث...


في استفسار ثاني...

الشركة أرسلو له KYC عشان يعبيه وكمل البيانات الي فيه ورجعه لهم... المشكلة الشخص متخوف كثير.. عليه فاتورة كهربا بقيمة 550$ وعليه Informal Draft 1250$ من البنك للحساب الجاري الين قفلو حسابه.. وغير انه عليه فواتير جوال كثيرة من كذا شركة يوم كان مبتعث.. حدود 1700$ او اكثر وفاتورة في موبايلي 560 ريال قبل 2-3 سنوات المشكلة جا يسددها الحين مايطلع له قيمة في الصراف.. وهو يقول راح يسددها بس إذا توفرت السيولة... فهل راح تاثر على توظيفه؟ خصوصا انه الشركة بتوقع معاه العقد يوم الأثنين ان شاء الله وهو موقع تعهد انه يداوم الين تطلع نتيجة BI أو KYC؟


ممكن تفيدونه وش يسووي؟؟ الله يعطيكم العافية مقدما....

 

مراحب ي ذيبان ,,
معليش ,, وشهو ذا الــ kyc

 

هلا بك يا ابو علي...

Background Investigations (BI)
Know your Candidate (KYC)

هي نفس بعض التحقيق الأمني لشركة ارامكو او للكونتراكتر مع ارامكو (SMP) لازم الشخص يعديه اذا ماعليه اي جرائم او سوابق قبل كذا او شهادات مزورة او او او ...

 

bi معروف وقد صارت كذا حالة فصل بسببه ,, وحالات كثيرة عدم قبول

لكن ال kyc هذي جديدة علي ,, اول مرة اسمع فيها

 

هو ناس تسميه BI وناس تسميه KYC هو نفسه... فرق التسمية فقط...

بس هو متخوف بسبب الفواتير الي عليه ما سددها من قبل... اما بالنسبة لمشكلة خارجية او حالة اجرامية ماعنده... كلها فواتير وinformal draft من البنك...

انتظر أفاده اكثر؟؟ بخصوص هل تم رفض اي شخص بسبب BI بسبب فواتير كثيرة ماسددها؟؟؟..

 

^^^^


اها ,, كذا بس تسمية ,,
على العموم ,, بحكم ان ذي المواضيع السرية ,,, ارامكو ما تذكر سبب الرفض ابد ,, فقط تكتفي وتقول لم يجتز فحص الــ BI ,,,, والاسباب دايما تكون مجهولة ,, لكن من اللي سمعته من موظفي ارامكو في PMT ,,, ان الرفض غالبا يكون بسبب مشاكل او سوابق مع الحكومة ( سواء سجن , جرايم , بلاغات اليكترونية ,,, الخ )


على العموم ,, منت داري ,,, في اي لحضة تيجي ارامكو تقول توككل ,,, علشان كذا انصح كل المقبولين في اس ام بي لا يباشر إلا لمن تطلع نتيجة الفحص

 

مشكور يا ابو علي...

بس ليش تنصح الواحد مايشتغل الا بعد الفحص الأمني لارامكو؟ يقدر الواحد يشتغل دام انه فاضي وإذا صدرت نتيجة BI بالرفض يطلع من عندهم... الا اذا يأثر في التوظيف لاحقا في ارامكو... ما ادري هذي شغلة ثانية...

 

راح يتم تسجيلك في التأمينات ,,, هذا اولا ,, ثانيا وش بتقول للشركات وقت المقابلة ,, طردوني من ارامكو لاني رسبت في اختبار BI ( معناتها وراك مشاكل )

 

العرض اجمالا حلو وخصوصا انه عند اهله
كل موظفين سراكو يعتبرون SMP ودامه مهندس بترول راح يكون عمله اشرافي و compliance يعني عندك انظمه ومتطلبات ويتأكد ان الكونتراكتر مطبقها وماشي عليها

عموما انت تقول informal يعني شي غير رسمي وسالفة الفواتير صدقني مر عليهم كثير مبتعثين عليهم فواتير لكن في امريكا يحولونها لشركة تأمين ومطالبات وهم يلاحقونه ، هو يعتبر اجنبي في امريكا فا ماهي بسهوله يسجلون عليه شي كانظام دوله هناك
وموبايلي ولا يهمك لو بيسجلون عليه شي كان كلموه قب وسجلوه بسمه،،

مافيها اي شي لا تخاف وبالنهايه ماراح يجيك الا المكتوب لك ، ومابيدك تسوي شي
كيف يعني بتجلس بالبيت وترفض الوظيفه بحجة يمكن يلقون كم فاتوره عليه ويفصلوني ؟

 

الي وقعوا الاوفر في بداية نوفمبر ، صار شيء جديد ؟ هل ردوا عليكم بنتيجة BI ؟

 

للحين ننتظر دعواتكم

 

للحين ماخلص BI