أفضل المشاركات: Face to Face Interview with Baker Hughes -استفسار

  1. Abdullah.khalid

    انضم:
    ‏25 سبتمبر 2017
    المشاركات:
    16
    التخصص:
    Chemical Engineer
    الجامعة:
    Cleveland State University
    سنة التخرج:
    2017
    الجنس:
    ذكر
    التقييمات:
    +17 / 0 / -0
    للمهتمين هذي تفاصيل المقابلة Field Specialist

    بصراحة المقابلة كانت مريحة وحلوة شخص واحد يقابلك (مانجر)

    في البداية قالي تكلم عن نفسك وبعدين استلم السي في وقالي تحدث عن السينير بروجكت وهل اشتغلت مع قروب وبعدين سأل سؤال وش ايجابيات وسلبيات العمل مع فريق >> بالعربي الوظيفة تتطلب انك تشتغل مع فريق فحاول قدر الامكان تبين انك شخص يحب العمل مع مجموعة وانك اكثر فاعلية وانتاجية مع القروب

    وبعدين قالي تكلم عن التطبيق (COOP) وش سويت بالضبط وش كانت مهامك >> حاول تحضر للموضوع هذا كويس و تبين انك استفدت وطورت نفسك في كذا وكذا وكذا ...

    بعده سألني وش نقاط قوتك ونقاط ضعفك >> نصيحتي اذا تبي الوظيفة قله نقاط القوه good team work and multitask person ودعمها بمثال مناسب
    وحضر كم نقطة ضعف فيك بس لا تحاول تكثر عشان ما تكون ضدك

    بعدها قالي عندك اسئلة وسألته عن المسمى الوظيفي وطبيعة العمل وكانت اجابته كالتالي :

    بالنسبة للمسمى الوظيفي Field Specialist حاليا البوزشن هذا ياخذه الطلاب اللي عندهم بكالوريوس عشان يكتسبوا خبره ويكونون اكثر انتاجية ودراية في المجال اذا صاروا Field Engineer >> طبعا حسيت ان كلامه مو مقنع بس سلكت له
    طبعا قالي البرنامج ثلاث سنوات عشان تكون Field Engineer وممكن توصلها في مدة أقل > تعتمد ع الشخص

    نجي للسؤال الثاني طبيعة العمل راح تكون في الفيلد في الحساء مدة ستة أسابيع وأربع أسابيع إجازة >> في البداية انصدمت بس عطيته وضعية الشخص المتقبل والمتحمس

    في الأخير سألته متى الرد قالي اسبوع بالكثير

    ملاحظة : المقابلة بالانجليزي ولا فيها اي أسئلة في التخصص فلا تضيع وقتك وحضر الأسئلة الشخصية والله يوفقكم وأعتذر عن الإطالة
     
    • x 5 إعجاب إعجاب