أفضل المشاركات: يوم التوظيف جامعة الملك فهد : 18 - 21 ديسمبر 2017

  1. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    #2 شدعوه, ‏7 ديسمبر 2017
    آخر تعديل: ‏7 ديسمبر 2017
    هذي بعض الملاحظات , يمكن اكون غلطان لكن هذه الي شفته في اخر 3 معارض


    1- حاول تحضر في اول يومين خاصة الصباح , لأن بعض الشركات تمشي بعد الافتتاح , او بعد صلاة الظهر .

    2- المعرض نوعا ما جيد , و عدد مب قليل من الشركات جادة في التوظيف لكن في نفس الوقت المعدل والتخصص له دور . لاتستغرب إن بعد 4 اشهر من المعرض تتواصل معاك شركة بس كانت تجمع ال cv وما تتوقع ردها .

    3- نادراً ماتكون فيه مقابلات ( ماعدا ارامكو تسوي مقابلات مع بعض الخريجين وترسل لهم موعد المقابلة قبل يومين ثلاثة من المعرض ) . لكن في بعض الشركات جادة في التوظيف تعتمد على المقابلة السريعة مثلا عشان يعرف لغتك وشخصيتك و هل تعرف مجال الشركة ؟ , هي عبارة عن دردشة اكثر من مقابلة لكن هي مهمة وممكن تفضلك على الي بس يسلمون ال cv وممكن تلاحظ بعض الشباب الي يتكلم مع مسؤول التوظيف للشركة ويشرح له تخصصه و وين كان تدريبه , تلاحظ مدير التوظيف يكتب على ال cv بعض الملاحظات و شبه متأكد إن السير الذاتية الي فيها ملاحظات راح تحفظ ويعطون الأولوية في الترشيح للمقابلة . تقريبا في المعرض العام الماضي + معرض الظهران الي قبل شهرين

    موظف شركة تينارس كان يطبق هالشي وللأسف في معرض الظهران الموظف بنفسه قال : تقريبا من بين 28 متقدم , بس 4 - 3 كانوا مستعدين صح وقدروا يجاوبون سؤال تكلم عن نفسك بطريقة مناسبة , اما البقية ركزوا على اشياء مب مهمة مثلا الهوايات و مكان الميلاد وغيرها وكان المفروض يتكلم عن تخصصه و التدريب و مشروع التخرج واذا كانت عنده انشطة طلابية او اشياء ثانية لها علاقة يذكرها , فأنتبهوا يا شباب لهذي النقطة , خاصة لو كنت ناوي على شركة

    معينة حاول تجهز نفسك . ونفس الوقت حاول تكون مستعد لبعض الأسئلة البسيطة مثلا , تكلم عن نفسك , وين تدربت وش سويت في التدريب ومشروع التخرج . لأن مثل ماقلت في النقطة الي قبلها ممكن الموظف يعمل مقابلة سريعة و هالمقابلة تفضلك على كثير من المتقدمين .


    4- حاول تضبط ال cv قبل المعرض بوقت كافي , ماينفع يوم المعرض تروح للجمعية وتطبع ال cv لأن غالبا بسبب العجلة , بتغلط في بعض الأمور خاصة في ال spelling.
    إذا تحتاج مساعدة فيه موضوع مثبت , اطرح ال cv والشباب ماراح يقصرون .


    -5 للشباب الي في الجامعة سواء الي بيتخرج في 172- 171 , فيه دورات ( بعضها ) مهمة ومفيدة تنظمها ادارة التوظيف والتدريب في الجامعة , فأحرص تحضرها خاصة الي يلقيها مسؤول توظيف في شركة كبيرة مثلا شلمبرجير او سابك , لأن في المحاضرة بتعرف بعض الأخطاء الشائعة ويمكن تكون محظوظ وبعد التخرج نفس صاحب المحاضرة هو الي يسوي معاك المقابلة فبتكون عارف هو على شنو يركز بالضبط وهالشي صارلي مع شلمبرجير .


    6- الشباب الي من جامعات ثانية , للأسف الأمن والسلامة مشددين في موضوع الدخول للمعرض , ما انكر في كم واحد من غير البترول قدر يدخل المعرض في اول يوم لكن عاد بطريقة ما اعرفها بس في نفس الوقت فيه شباب كثير امنعوهم لأن اول ماتدخل بيأخذ رقم الأحوال او رقمك الجامعي واذا كنت موجود في سيستم الجامعة يدخلك للمعرض . لكن رايي اذا كنت جاي من منطقة بعيدة , لاتعتمد بس على المعرض , على الطريق حاول تمر على الشركات في الصناعية يمكن تتوفق بمسؤول توظيف متعاون ويقابلك ونفس الشي مع بعض الأبراج في الخبر الي فيها الشركات . مثلا برج الحقيط , الخبر مول وغيرهم .


    7 - في شركات جاية للمعرض بس دعاية , والتقديم من الموقع مثل P&G , Baker Hughes , فاليوم الي قبله شيك صفحة التوظيف في الشركات عشان ماتضيع وقتك في المعرض & بعضها ينزل Position على صفحة التوظيف في الشركة ويكون مكتوب في العنوان KFUPM Career Day مثل سامرف .

    8- اذا عطاك الموظف ايميل للتقديم , حاول تخلي عنوان ايميل واضح لأن ماتتصور حجم الايميلات الي توصلهم يوميا , فلما يكون العنوان واضح انت بتساعده في فرز اكبر عدد ممكن من المتقدمين
    وهذا مثال للعنوان الي اقصده :

    Ali AlDxxxx CV - Chemical Engineer - Fresh Graduate


    9 - في نص الايميل , اكتب سطرين ثلاثة بشكل مرتب ومختصر عن نفسك , ويفضل على شكل نقاط , مثلا تخصصك وين تدربت والمواضيع التكنيكال الي انت متمكن منها بالتحديد التكنيكال .
    وهذا مثال لبداية الايميل و كيف تختم , وعلى حسب مهاراتك وتخصص اوطبيعة الشركة اكت



    Dear Recruiter ,
    I am a fresh graduate Chemical Engineer , graduated with GPA : 3.5 / 4 from King Fahd University of Petroleum and Minerals in April , 2018.

    ( اكتب هنا ملخص بسيط عنك , وابتعد عن الحشو )


    Kindly refer to the attached documents .

    Best Regards


    وياليت الي عنده ملاحظة او نصيحة يشاركنا عشان نستفيد .
     
    • x 7 إعجاب إعجاب
  2. 7madah

    7madah عضو

    انضم:
    ‏8 يوليو 2016
    المشاركات:
    104
    التخصص:
    ME
    الجامعة:
    USA
    سنة التخرج:
    Aug 2016
    الجنس:
    ذكر
    التقييمات:
    +112 / 5 / -2
    السلام عليكم واسعد الله مساءكم جميعا ...

    حاب اذكر تجربة في ملتقى التوظيف ..
    واتمنى من الجميع انه ايضا يشاركنا تجربته ..

    الشركات هي:
    ١ ارامكو _ تسجيل كمبيوتر بعدها تجيك مقابله او انك تتواصل مع الاشخاص الي في البوث وهم يوقعون على الCv علشان تدخل مقابله ..
    على حسب احتياجهم في التخصص وايضا المعدل.

    ٢- BAE _ ماعندها احتياج مهندسين حديثي التخرج. اكثر شي يبونه "دبلوم"
    وبعدين كلمة مسوول عندهم بخصوص متى راح يكون برنامج مهندسين حديثي التخرج .. قال ممكن على بداية السنه القادمة

    ٣- شركة التصنيع_ مايستقبلون CVs وعندهم شواغر للمهندسين والاداريين حديثي التخرج في موقع الشركة الالكتروني.

    ٤- NCMS_ قدم ايباد ويتواصلون معك
    "يوم المهنة الماضية دقوا علي لحضور مقابله بس رفضت "

    ٥- شركة علم_ وهي في مجال ال IT يستلمون CVs

    ٦- ال سالم جونسون_ فاتحين تقديم والمطلوب فرش ميكانيكل

    ٧- شلمبرجير & هيلبرتون _ طوابير ومقابله سريعه كالعاده .. عرف عن نفسك وتخصصك ومعدلك ومن وين .. الخ

    ٨- هيئة توليد الوظائف_ يستلمون CVs وطالبين اغلب التخصصات.

    ٩- مدينة الملك عبدالله لطاقه الذرية_ يستلمون CVs اذا رغبوا في مؤهلاتكم اذا لا بيقولون لك لا.

    ١٠- الفارابي_ تسلم CV ويسويلك وانت واقف مقابله سريعه .. يحتاجون اغلب التخصصات الهندسية.

    ١١- البنوك وايضا STC_ تقديم ايباد او بالموقع.

    ١٢- الدقة المتقدمة Advance Precison
    وهي شركة في الدمام ويحتاجون Mechanical Fresh

    تقريبا هاذي الشركات الي زرتها ...

    نقاط سريعه:
    ١- اهتم بمظهرك_ ياخي ماقولك رح وكانك رايح عرس. بس خل شكلك مقبول عند شركات.

    ٢- اعرف وشلون تكلم مع الموظف_ انت الي تحتاجه مهب العكس. لاجيت عنده خلك بشوش، صافحة بحرارة. حاول انك تقدم نفسك له. والختام كذلك مثل مابداءت.

    مثال على ذلك_ جيت شركة علم وانا تخصصي ميكانيكا وهي شركة IT فا اخذت وعطيت معه. اخر شي قال عطني سيرتك الذاتيه ونحتاج مهندسين في ادارة الاستشارات ..!! مع انهم ذكروا من الي قبلي انهم مايحتاجون ميكانيكا !!

    ٣- اعرف الموظف الي تتكلم معه _ يعني الا للموظف الي عليه الكلام هو الي بيفيدك ..

    مثال على ذلك_ شركة BAE قال الموظف ماعندنا شاغر للمهندسين حديثي التخرج !! بعدها قعدت قرابه ال٣ دقايق ابي اعرف من المسوول الي عليه الكلام عندهم والي يرجعون له في كثير من الوقات... جيته وسلمت عليه وعرفته بنفسي ومدى اهتمامي لهم. قال عطني سيرتك الذاتيه لان عندنا شاغر ونبغى مدربين عندهم في المعهد !!

    ٤- سيرتك الذاتيه_ اهتم بالسيرة اهتمام كبير حاول كثير انك تعدل عليها للافضل.
    يعني بعضهم يسلتم سيرتك واذا رجع يسلمها لاكثر من قسم حسب الاحتياج ... في هاذي الحاله سيرتك في اكثر الاحيان بتفرق .. اكيد بعد المعدل، ومن اي جامعه، واي تخصص.

    اخيرا_ ارض بما قسمه الله لك وتاكد ان رزقك على سبحانه حاول واجتهد قدم لاتخلي شي .. وان شاء الله التوفيق يكون فالكم.

    اتمنى ان افدتكم. وايضا اتمنى من الجميع المشاركة وينقلون تجربتهم.
     
    • x 6 إعجاب إعجاب
  3. Mechanical 911

    انضم:
    ‏29 مارس 2017
    المشاركات:
    31
    التخصص:
    Mechanical engineering
    الجامعة:
    Jubail University College
    سنة التخرج:
    2017
    الجنس:
    ذكر
    التقييمات:
    +25 / 0 / -0
    1-برج الحقيط
    2-برج الكفاح
    3-برج الهاجري NSH
    4-برج اليوم فيه وورلي بارسونز بيقولك سلمنا السيفي عالرسيبشن لانه ممنوع تطلع
    5-برج الشبلان
    6-ابراج الراشد فيها مايكروسوفت بس ماعندي علم اذا مسموح تدخل او لا
    7-برج اسمنت الشرقية
    8-برج بوابة الاعمال business gate tower

    هذا اللي فبالي حاليا وموفق خير
     
    • x 3 إعجاب إعجاب
  4. ibra1991

    ibra1991 عضو

    انضم:
    ‏26 سبتمبر 2010
    المشاركات:
    552
    التخصص:
    الهندسة الميكانيكية
    الجامعة:
    جامعة الملك فهد للبترول والمعادن
    سنة التخرج:
    2015
    التقييمات:
    +199 / 18 / -20
    نزلت اقتراح قبل كم يوم نحتاج متطوع يروح يوم المهنة ويعمل مقابلات مع الشركات ويسألها اسئلة تفيد الباحثين عن العمل والطلاب
    https://www.stkfupm.com/forum/threads/%D9%86%D8%B5%D9%8A%D8%AD%D8%A9-%D9%88%D8%A5%D9%82%D8%AA%D8%B1%D8%A7%D8%AD-%D9%84%D9%8A%D9%88%D9%85-%D8%A7%D9%84%D9%85%D9%87%D9%86%D8%A9-%D8%A7%D9%84%D9%82%D8%A7%D8%AF%D9%85.137719/

    والله لو انا قريب كان اروح للمعرض واسئل الشركات ورغم اني جدا متفرغ وقت المعرض بس انس مرة بعيد مع هذا راح احاول اني اتواصل مع الشركات واستفسر منها عن طريق الايميل عن معلومات عامة (انا احتاجها) وللاسف ما اعتقد ان كلهم راح يتواصلون معي
    لذلك اتمنى من الاخوان في نادي العلاقات العامة بدل يحرصون على توزيع البطاقات على زوار المعرض واخذها منهم العملية الي مو مرة فيها فايدة, ان يفرغون عدد من اعضائهم
    يقابلون الشركات وياخذون منها المعلومات الي ذكرتها بالموضوع.
     
    • x 3 إعجاب إعجاب
  5. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    #4 شدعوه, ‏7 ديسمبر 2017
    آخر تعديل: ‏7 ديسمبر 2017
    - اي عادي يقدم لكن يعتمد بعد الشركة , اذكر في واحد من الشباب قدم على مدينة الملك عبدالعزيز التقنية وسو معاه مقابلة في نهاية السمستر الأول , ولأن الاجرائات كانت طويلة شوي , تقريبا تخرج وعلى طول بعدها بفترة بسيطة توظف .

    - ناسي كم بالضبط يفتحون المعرض لكن كأنه 9 ونص - 10 .
     
    • x 3 إعجاب إعجاب