أفضل المشاركات: تجربتي في برنامج التدريب مع Microsoft

  1. Fiery Phoenix

    Fiery Phoenix عضو

    انضم:
    ‏6 نوفمبر 2013
    المشاركات:
    80
    التخصص:
    CS
    الجامعة:
    Abroad
    سنة التخرج:
    2016
    التقييمات:
    +35 / 1 / -0
    السلام عليكم ورحمة الله،

    أنا من قريب انتهيت من برنامج تدريب (Internship) مع مايكروسوفت في الرياض وحبيت أكتب مختصر تجربتي لمن يهمه الأمر.

    أولا لا يخفى عليكم ان مايكروسوفت شركة عالمية ولها مكاتب في شتى أنحاء العالم، ولذلك التقديم عليها سواء للتوظيف أو التدريب يعتبر Competitive وفيه بروسس يطول.

    بالنسبة لي أنا خريج ماجستير أمريكا تخصص Computer Science وقدمت على برنامج التدريب في الصيف الماضي. بعدها بكم أسبوع أرسلوا لي Scenario Test وهو عبارة عن اختبار Multiple choice تسويه في البيت عندك، وبناء عليه ترشح للخطوة اللي بعدها، واللي هي كانت عبارة Pre-recorded Interview، بمعنى أنك تسجل نفسك تجواب أسألة هم يرسلوها لك. بعدها تم ترشيحي لمقابلة على السكايب مع الموارد البشرية، والحمد لله تمت المقابلة بنجاح. بعد تقريبا شهر من المقابلة استدعوني لمقابلة شخصية في مكتب الشركة في الرياض، وهذي أهم نقطة، لأنك في الغالب راح تسوي مقابلة مع مديرك المباشر وممكن موظف أو موظفين معاه.

    ولله الحمد اجتزت المقابلة كلها وبعدها ارسلوا لي أوفر. البرنامج التدريبي راح يعطيك مكافأة تقريبا 4000 ريال شهريا، بالإضافة إلى مزايا الشركة مثل دورات ورحلات و Networking وإلى آخره.

    ابتدأت العمل في بداية أكتوبر 2017 وانتهيت مع السنة الجديدة، يعني 3 شهور. الدوام من 9 إلى 5 لكنه غير Enforced، يعني ما فيه تحضير ومدري ايش. انت تقدر تجي وتروح زي ما تبغى حسب عملك، لكن يتوقع من المتدربين انهم يكونوا Proactive و مشاركين في جميع النواحي.

    وكانت تجربة حلوه صراحة واذا انت مهتم بتقنيات مايكروسوفت والتجنولوجيا بشكل عام فأنصح بشدة انك تجرب حظك معهم، وغالبا انهم راح يفتحوا التقديم لهذه السنة في الصيف على موقعهم.

    وأي سؤال وانا حاضر.
     
    • x 7 إعجاب إعجاب