أفضل المشاركات: جاوب بكل صراحة (هل أكتفينا من المهندسين السعوديين)

شكلك باقي ما تخرجت هههههه.

راح تنصدم في الواقع وانا ابدا ما اقصد ان احطمك لكن اوصف لك الواقع على اساس لا تخيب آمالك في المستقبل.

طبعا هي في الاول والاخير ارزاق لكن لازم الاسباب تكون موجودة.

انا جلست ١١ شهر عاطل والمقابلات الي عملتهم كلهم ٤ مقابلات فقط.
٢ في الشركة الحالية و ثنتين لوظائف ماهي في تخصصي وراتب ضعيف.
على العموم السوق تعبان ولو هو مش تعبان كان ما شفت على الاقل ٥٠٠٠ مهندس عاطل ( رسمي من الهيئة ) و في جهة ثانية تقول ١٢٠٠٠ مهندس عاطل.

يعني مش معقول ان كل هذا العدد الغلط منهم وان هم ما لقوا وظايف لان معدلهم ضعيف او ان سيرتهم الذاتية فيها مشكلة.

الواقع شي و المفترض شي ثاني

وخذها قاعدة مني، الحياة غير عادلة شئنا ام ابينا.

 

ش

شف انا اتفق معك 100٪ ان خريجين البترول افضل وأعلى كفاءة من الجامعات الأخرى
لكن بكل أمانة الجامعات الاخرى والله انها اخرجت كفاءات نشوفها بام اعيننا موجودين الان بالشركات وبعضهم متفوقين على خريجي البترول بالذات من الملك سعود والملك عبدالعزيز وحتى جامعتي ام القرى
رحنا زيارة لشركة الكهرباء مرة، قابلنا مهندس مشرف في المحطة قلنا والله ما كنت مقتنع بجامعة ام القرى لين شفت بام عيني مستوى خريجينها و صرنا نوظفهم عندنا بكثرة ونفس الكلام سمعته في زيارة لشركة الكابلات السعودية
وطبعا اعرف ناس شخصيا من ام القرى في ارامكو و سابك وبعضهم والله يقولون متفوقين على طلاب البترول
بكل امانة ابغى اقول لك شي، الشركات حاليا ياخذون طلاب البترول فقط لمجرد سمعة الجامعة ولا حتى يفكرون باجراءات توظيف.. فقط مقابلات روتينية و يوظفونهم
انا ولد عمي خريج البترول مهندس كهربائي وجيت عنده بالظهران يوم المهنة وشفت الشي هذا بام عيني
يكفيك ان الشركات حتى تفضل البترول على خريجين امريكا
حتى اني في دورتي العسكرية ما كان معي ولا واحد من خريجي البترول ، لكن بالمقابل كان معي 5 من امريكا
فالشركات ما تسوي اجراءات توظيف وتحكم من خلالها من افضل
انما يريحون راسهم و ياخذون خريجي البترول
و والله لو نرجع للحق بعض خريجي الجامعات السعودية الاخرى تلقى فيهم ناس افضل من حقين البترول
وبشكل عام في بعض النواحي تلقاهم افضل من حقين البترول
حقين البترول ممتازين في الانجليزي والمواد الاساسية فيزياء ماث الخ
وعندهم مهارات مثل برزنتيشن و كومينيكشن سكيلس الخ من هالخرابيط اللي تحبها الشركات عشان كذا يبونهم
اما من ناحية التخصص اذكر سالت ولد عمي اللي من البترول سوال في الكهرباء ما قدر يجاوب عليه
وخويي من ام القرى يفر لك الكهربة فر جاوب على سوالي بالتفصيل وفهمني اياه
وشوفه الان على شركة في جدة ب6 الاف ريال
مع انه والله يستاهل يدخل بالمجال الاكاديمي
و ولد عمي من البترول في شركة سار
هذا هو الفرق بيننا بس
وترا اخذنا لابات وتعبنا في الدراسة لين طلع نخل في روسنا

 

سوق العمل مكتفي من المهندسين لكن نسبة السعودين قليلة جدا مقارنة في الاجانب.

للاسف، وزارة العمل لا تجبر الشركات على توظيف المهندسين السعودين وهذا اوجد خلل كبير في سوق العمل.

مثال:

حاليا اعمل في شركة عالمية ونسبة المهندسين السعودين كبيرة لكن المهندسين الي ماسكين مناصب صفر.

بالعربي الفصيح والكل تكلم من قبل سواءا اقتصاديين او اعلاميين،
نظام نطاقات او النقاط في وزارة العمل غبي جدا د. ركز على نسبة السعودة وما ركز على المناصب.

في شركة انا اعرفها تدخل مليون دولار في الشهر وما عندها ولا مهندس سعودي!

مشكلتنا ان حنا نعتقد ان العالم مثالي وهوا ابدا بعيد عن المثالية.

شركات عالمية ( نستلا) توظف اطفال في اعمال شاقة.
الشاهد في الموضوع ان طبيعة الشركات تدور مصلحتها ولهذا وجد القانون، لكن قانون مثل الي عندنا في السعودية ما يوقف الشركات عند حدها.

مع ان الحل بسيط جدا.
وزارة العمل تمسك كل الشركات الكبيرة،
وتشوف قوائمها المالية وتجبر الشركات انها توظف سعودين بتخصصات محددة مسبقا من الوزارة برواتب محددة بناءا على ارباح الشركة او ان الشركة تدفع غرامة مالية بقيمة تكلفة الموظفين الي المفترض انها توظفهم.

 

أشكرك على طرح هذا الموضوع المهم .
المشكلة ليست في الإكتفاء أخي , من وجهة نظري المشكلة الاساسية لهاذا الموضوع عدم الثقة في الكادر الهندسي السعودي وهاذي فكرة تم زرعها في عقول مدراء التوظيف فالشركات .
محدثك مهندس متفائل يبحث عن عمل .

 

اعتقد اكبر مشكلة حاليا هي جودة المخرجات في بعض الجامعات الحديثة
للأسف عندنا الوزارة اهتمت بالطب ان جودته ماتنزل وما اهتمت بالهندسة فتلقى جامعات حديثة تدرس الهندسة بأسوأ جودة ممكنة
وتخرج لنا مهندس غير كفؤ ما اقولها من باب شوفة نفس اني خريج البترول لكن للأسف هذا الواقع والمتخرجين من هذي الجامعات مظلومين
لأن لا السوق يقبل مؤهله ولا هو راح يقبل يشتغل أقل من مهندس
والمفترض وبشكل سريع تصحيح هذا الأمر وإغلاق الكليات الهندسية اللي ما ترقى للجودة المطلوبة
ما ابي كل الجامعات هارفرد لكن مو معقول أن فيه جامعات في المملكة تدرس الهندسة وماعندها لابات
يعني مهندس يدرس أربع سنوات ولا يدخل ولا مرة لاب مو معقول

السبب الآخر هو احصائية هيئة المهندسين فالمفروض ما يكتفى بقول 93% من المهندسين هم اجانب المفروض يعرف وش التخصصات و وين
حسب ما اعرف ان اكثر تخصص فيه مهندسين اجانب هي الهندسة المدنية وهذا منطقي لان شركات المقاولات وهي كثيرة جدا تحتاج على الاقل واحد او اثنين مهندسين مدنيين
فالمفترض تكون الاحصائية حسب التخصص والقطاع وكذلك تكون على فئات حسب عدد العمالة اللي فيها
كذا بتكون الصورة اوضح بكثير

 

الصراحة هاذا الموضوع شدني جدا ... لذلك جا في بالي اكتر من شي ابغى اقوله عالسريع.

1 - صارت عندي قناعة تامة انه اي شخص يقلي غريبة ما اتوظفت الى الان، على طول اوقف النقاش معاه على هاذا الموضوع ،لأنه اتضح لي انه ما عنده معلومات كافية عن الوضع الحالي.
2 - الشخص اللي يقول الجامعة الفلانية سمعتها مش ولا بود والجامعات الاخرى تعجل بتوظيف خريجيها ... اقدر اقله هاذا كلام فاضي وما يقدم ولا يأخر بل بالعكس ممكن يشكل عائق على الشخص على اعتبار انه الاخرين يعتقدونه خارق عن العادة ويتوقعون منك معرفة جميع الاشياء المتعلقة بالتخصص معرفة تامة شاملة.
وتبريرا على اللي قلته على موضوع اختلاف الجامعات ... نحن الان نعيش في عالم مفتوح بجميع معلوماته بمعنى انه الفروقات تعتمد على الشخص نفسه .. مع احترام بعض الفروقات اللي تجي من جهة التعليم من انضباطية وادراة الضغوطات وو، الخ. ايضا بإمكان اي شخص اكتسابها.
3 - نحن الان نعاني من قلة وظائف وحتى الوظائف المتاحة معظمها براتب غير مرضي للأغلبية ... من وجهة نظري انه المشكلة مو في قلة الرواتب الحالية ... المشكلة في ارتفاع رواتب الفترة الماضية ... مثال: بين عامي 2012 و 2014 كانت شركة بن لادن توظف اي خريج هندسة براتب 9 الاف تقريبا من غير ما يسوي شي حرفيا بل معظمهم كان يبصم دخول وخروج فقط...فمن غير المعقول انه واحد فرش يستلم من 10 الى 12 الف او اكثر .. اتوقع اذا كان هوا عقلاني مع نفسه يقول انا ما استحقها الان ... ما اعمم لأنه في اشخاص اشتغلوا على نفسهم اكثر من اللازم فيستاهلوا ما يجيهم من عروض.
4 - بالنسبة للأخ مهران احب اقلك ... لو علمت مكة ما فعل ابنائها وبناتها خارجها من إنجازات لما اخرجتهم منها.

فعلا نحن نعيش في عالم غير عادل.

اخيرا، لأمانك الداخلي، خليك مؤمن ايمان كامل انه هاذا كله من تدبير الله عز وجل، إطمئن

 

عليكم السلام و رحمة الله و بركاته

المشكله فيها عدة عوامل. إذا بنتكلم عن وضع اليوم تقدر تقول يوجد إكتفاء نوع ما فرضه الركود الاقتصادي قل معه التوظيف في الشركات لجميع المسميات الوظيفية و ليس فقط للمهندسين. برضو فيه حاجه أخرى لاحظتها في شركتي و يبدو انه صاير في سوق العمل بشكل عام و هذا لازم نعترف فيها كمهندسين عشان نعرف كيف نحل المشكله. اللي هي توظيف خريجين الدبلوم محل المهندسين !!
نعم ففي شركتي كان توجد فرصه وظيفيه لمنصب مسؤول الجوده و السلامه (Quality Assurance & Safety incharge)
هل تعلمون أني كنت الوحيد الجامعي في المرشحين و البقيه كلهم دبلوم. طبعا لأن خريج الدبلوم ما راح يكلف ميزانية الشركة مثل الجامعي و الشركات الان حريصه تقلل التكاليف بأعلى شكل ممكن. فهذي مشكله جديده ظهرت للمهندسين.
العامل الثاني اللي هو الجنسية السعودية !!
اذا بنتكلم عن الجهات الحكومية و الشركات شبه الحكومية ارامكو و سابك فهذي حسب وجهة نظري توظف بنسبة جيدة و مع هذا تجد فيه نسبة كبيره من الاجانب.
بالنسبة للقطاع الخاص الى الان السعودي يشكل نسبة مو كبيره فيها لعدة اسباب ما يتسع المجال لذكرها