غير تخصصك الى مالية او محاسبة لان فرق الراتب ما يسوى بينهم وبين المهندس و دراستهم اسهل و اذا تبغى تسوي عنتر زمانك و تدرس هندسة راح تعض اصابع الندم بعدين
ايه نعم فيه و أنا شخصياً مريت بهالتجربة الين رربي فتحها علي ..
لكن لي أكثرر من ززميل لهم فوق السنة و بعضهم على سنتين يبحثون عن وظائف هندسية لكن ما توفقوا إلى الآن لعدة أسباب منها:
١) المعدل السيء
٢) الأداء الضعيف في المقابلة الشخصية
٣) الشح في الوظائف الهندسية
٤) رواتب ضعيفة في مدن بعيده عن مدنهم (٣٠٠٠ ريال أو أقل)
بس تعليق بسيط على النقطة رقم ٤، ما في أي مشكلة ان الشخص يقبل براتب ضعيف لكن في المقابل تكون الوظيفة في مدينته عند أهله أقل شيء يطيح عنه حق الأجار ..
يعني صعب الواحد ياخذ راتب ٣٠٠٠ ريال و يروح يشتغل في مدينة ثانية بعيد عن اهله و براتب ما يكفل أقل متطلبات الحياة الشهرية ..
الشركات استغلت العطالة و نززلت الرواتب و بخست حق المهندس و صارت تستغل ان الخريج يبي خبرة ف يبخلون عليه بالراتب بمسمى انه الخريج الجديد يُحسب على الشركة و انه جالس يتعلم و مو جالس يفيد، و هو في الواقع جايبنه تكملة عدد و سعوددة ..
الله يعين و يوفق و يرزق كل عاطل عن العمل بوظيفة تكفل له الحياة المعيشية الطيبة ..
اول شي ابن ادم ماياخذ من هالدنيا الا رزقه وماعلينا الا فعل الاسباب .. انا خريج 2018 وماتوظفت الا بالفتره اللي راحت .. طبعا العيب مو فيني ولا فيك ولا بالعاطلين .. العيب بالشركات اللي ماسكتها عصابات ولوبيات اجنبية وللاسف انهم بمساعدة اشخاص سعوديين كمان ..
وللاسف الشديد هذا اثر على راتب الخريج .. معدل رواتب الخريج حاليا بين 5 و 8 ( راتب جندي بشهاده الثانوي ) لانه يدري اذا ماتقبل فيه مليون عاطل غيرك يبي هالفرصة ..
انا خلال فترة العطالة ارسلت اكثر من 4000 طلب وظيفي ولا جاتني الا مقابلتين حقيقية فقط لاغير ويشهد الله ان فيه مكالمة 15 دقيقه تقريبا مع هندي يسالني ويخوفني من الوظيفة ان يبي لها جهد وقلت له ماعندي مشكله ووعدني بمقابلة و 4 ايام اطارده ويحدد وقت ويسحب علي !
زملائي نفس الكلام اغلبهم الى الان عاطل واللي ماتوظف بواسطة صار معيد ..
سوق العمل جحيم بالنسبه للمهندسين لكن مانقول الا الله يعيننا واغلب العروض برا منطقتي برواتب اقل من 5 الا عرضين فقط
انصحكم بالوتر والضحى وماتيسر من القران فوالله اننا مقصرين ولعل العطالة هذي نستفيد منها بالقرب من الله وبالتوفيق.
عدم إعجاب
