أفضل المشاركات: الهيئات الحكومية والقطاعات الشبه حكومية!!

السلام عليكم ورحمة الله

أنا موظف بأحد الهيئات المذكورة أعلاه ، وأعتذر لو قلت لكم بأن آلية التوظيف تخضع لمنافسة قوية جدا ، خصوصا بأن الشباب ماشاء الله تبارك الرحمن كل واحد أحسن من الثاني بخبراتهم وشهاداتهم العلمية ودورات مهنية متخصصة.
كما أن بيئة العمل الداخلية تخضع لمعايير ترفع من نسبة المنافسة بين الموظفين والأداء لدرجة أن العمل أصبح متواصل 24/7 ، وهناك من يبدي امتعاضه ويحاول يبحث عن فرصة في خارج الهيئات بحثا عن الراحة.
فقط أرغب بتذكيركم بأن تستمروا بالتقديم والمحاولة مرة و مرتين وثلاث ، ولعل أن الله يوفقكم بما ترغبون.

 

انا موظف بشركة صيانة مع احد الهيئات الحكومية.
وهي مثل ماذكرت ممتازة واذا دخلت ،ماراح تطلع من كثر الميزات.
لكن اذا مالك واسطة انسى تدخل.
كل الي اعرفهم دخلوا بالواسطة.
انا معهم واداوم معهم وعلاقاتي ممتازة لكن يشوفون مافي خدمة اقدمها بالمقابل لذلك مايخدموني.

والآن الواسطة اقوى والله من السابق.
شي اشوفه بعيني.
والدليل ع ذلك انه يتم التوظيف بدون اي اعلان وظيفي للذكور.

اما البنات فيتم توظيفهن بطلب سجل خريجات جامعة نورة غالبا وخصوصا اذا كانت سافرة الوجه وعباتها ستارة. ويتصلون عليها ويقدمون العرض بعد مقابلة صورية تكون الاسئلة فيها"كيف دراستك وعساك ماتعبتي"
هذا الكلام من صديق لي يعمل بإحدى الوزارات
واسطتها انها فتاة فقط لا غير.
الله يصلح الحال ويفرجها ويرزقنا وياكم

 

بالنسبة لعدم طرح الوظايف، افتح بروفايل عام في موقعهم، ولو في احتياج وبروفايلك جذاب حيكلموك ويحددو البوزشن المناسب بنفسهم

طبعا لازم بروفايلك يكون قوي:
يعني خريج جامعة قوية في تخصص له احتياج، ويفضل تخصصين مختلفة عشان تكون مناسب لاكثر من منصب ويحتارو فيك
خبرة قطاع خاص قوية، فيها تدرج وظيفي وانجازاااااااات
شهادات مهنية ودورات تدريبية
جوائز بسبب انجازات وظيفية

هذا اللي سويته وطلعت ب٣ اوفرات كلها بسبب تقديم عام بدون وظيفة معلنة ولا واسطة ولا معارف ولا هم يحزنون.

هذا الموقع يطلعلك قائمة كل الجهات الحكومية:
Saudi Arabia National Portal.


قدم على كل وحدة فيهم. لا تتمسك بوحدة او اثنين بس وتبكي اذا ما كلموك. قدم على ٣٠٠ جهة وشركة او اكثر، غير كدا انتا ما اخذت بالاسباب.

فيه ناس تتوظف بالواسطة، نعم ، واكثر منهم يتوظفو بالكفائة.

ما راح ياخذو مكانك حقين الواسطة لو انك كويس لانه الجهات الحكومية ما تقلل عدد الموظفين عشان تتحكم بالتكاليف اساسا )زي ما يسوي القطاع الخاص(

شد حيلك

 

ياعزيزي اعذرني،
انا شفت شخص يحمل تربية خاصة موظف بهيئة الطيران يعمل اداري.
واثنين شهاديهم تمريض موظفين اداريين.

واقسم بالله وظفوا دفعة واحدة 28 مهندس بدون اعلان وظيفي وكلهم بلا استثناء واسطات.
بتقولي كيف عرفت؟
بقولك ثلاث منهم اعرفهم وتكلمت معهم.
واحد منهم مايدري اصلا انه يوجد موقع للهيئة للتوظيف، فتأمل.

وواسطته اخوه وولد عمه مستلمين مناصب بالهيئة.

فلا تقول منافسة قوية ومدري ايش واكذب عيوني واشخاص نفسهم يقروّ

هذا الي اقوله.
الي يغبنك يجيك شخص داخل واسطة ويقوم يحاضر لك بالمنافسة والبطيخ.

انا بعض خوياي واسطتهم صاحب سمو ويعترف بصراحة لأنه يدري اني ادري انه من جنبها، لكن هو عنده واسطة وجاهزة وانا ماعندي.
هذا من غير الي شخص اعرفه واسطته بالديوان الملكي ،ويتنقل بين الهيئات والشركات الحكومية كأنه يتمشي بسيارته بين كافيه وكافيه.

ياأخوان انا مااقولها تحطيم،
بل اسع واسع واسع.
لكن الواقع يقول الواسطة فوق الشهادة والخبرة ولو تجيهم انت شهادتك من هارفرد وواحد شهادته من جامعة نجران او شقراء والمجمعة لكن عنده واسطة راح يقدمونه عليك وانت ماتشوف الدرب
ن انهم داخلين واسطة والله يوفقهم ويرزقنا الي رزقهم

 

لا يا عزيزي انا كخريج ليش أتحمل اثم اخطاء وظلم للبنات في عهد سابق على ظهري؟ تفضيل المراة على حساب كونها فقط امراة هذا غلط وظلم للشباب . اذا تبي نجي للمنافسة على حساب الشهادة بالعكس شيء ممتاز لكن اللي قاعدين نشوفه عكس هذا الشيء للاسف. الموضوع اكبر بكثير من كذا. تقبلك انت يا الشاب للوظيفة ام ٥٠٠٠ او ٦٠٠٠ ريال هذي حتى ما تفتح لك حمام مو بيت. والوظايف اللي تعيشك عيشة كريمة محدودة و يتم تفضيل البنات فيها.