ايييييييييييه ياشجاع
بعطيكم كل شي وبأمانه وماراح ازيد ولا انقص
التحضير : بأول الكلاس يحضر وشديد من ناحية الليت يعني انا كان قبله عندي كلاس بمبنى 3 الى مبنى 22 لاحظوا المسافة !!!
واجي ركض والله اطلع من يخلص الكلاس اللي قبل واجي احيانا على بداية الكلاس واحيانا اتأخر دقيقه دقيقتين
واقول له مع العلم اني والله العظيم اركض الين افح
يقول مالي دخل تعال ركض!!
طريقة الشرح : بعضهم يمدحون شرحه لكن انا صراحه لاتعليق عن هالنقطه مابقول انه مايعرف يشرح واظلمه ولا راح اقول انه يعرف يشرح ويكون عكس كذا !
انا ما اتابع معاه صراحه ومفهي ولا ادري وش يقول لكن ممكن فيه ناس يعجبهم شرحه عاد على حسب الشخص نفسه.
الكويزات : خذنا كوز واحد وقال مابعطيكم الا كوزين او 3 بالسمستر مع العلم ان الكوزات عليها 10% من التوتال!!
واول كوز خذناه قال الكوز هذا عليه 5% !!
طبعا خسف خسف خسف جانا اسئله مو صااااااااحيه
الافرج جا 2.8 من 10 !! ومحسوبكم خذ نص من 10
المياجر: كومن الاسئلة بس التصحيح الدكتور نفسه يصحح ومافي امل يزود زين لو يعطيك درجتك ممتاز جدا لأنه ممكن يستقعد وينقص على اشياء تافهه!
انا بالكوز كذا فيه اسئله حليتها وكنت متوقع عالاقل 4 من 10 وطلعت بنص !!
الفاينلات : كومن
القريد النهائي: بالنسبه لي F صراحه وكثيره عليه
الصوت: واضح وقوي مع قذائف نارية من التهديد والتزبيد والكلمات المحبطه
إضافات : انا حذفت الكورس صراحه وواحد من اخوياي حذف معي بعد ماطلعت درجة الكوز وبعد ماشفت اسلوبه وكلامه!!
اسلوب تهديد !! شدة!! انتم كلكم ماتذاكرون انتم كلكم فاشلين ومن هالكلام
يعني تخيلوا مره سأل سؤال وجاوب واحد من الشباب وقال ممتاز انت بتجيب حول الB !!
يعني قمة الاحباط صراحه اجاوب واخرها يقول لي بتجيب B !!
انسان يكرهك حياتك ويكرهك المادة ويكرهك التخصص
انا انصحكم لو تحذفون السمستر كله ولا تنزلون عنده
لأنه بيخليك عايش حياة كئيبة ومظلمه وبيخليك تكره الماده وتكره نفسك وكل شي
باختصار تبي تنقهر وتشوف العالم درجاتها فوق وانت مخسوف فيك ودرجاتك بالحضيض وفوق هذا كله تتهزأ تهزيء نزل عنده.
الله يسامحه حذفت الثيرمو وقعدت على 12 ساعه بسبته هو واسلوبه
ملاحظة: هذي وجهة نظري وهذا اللي شفته انا يعني ممكن يجي شخص ثاني ويقول ان الدكتور عاجبه ومن هالكلام فا هذي وجهة نظر شخصية وكل واحد وشخصيته
اذا انت تتحمل ان كرامتك تهان وان الدكتور يسمعك تهزيء كل سبت واثنين واربعاء وفوق هذا يخسف بك بالدرجات
وغيرك مع مدرسين ثانين مريحين ومذاكرتهم اقل والماتيريال اللي عليهم بالكلاس تيست اقل بكثير واسئلتهم اسهل بكثير ودرجاتهم فووووق انا عن نفسي ماتحمل صراحه !
قسم بالله بعد ماطلعت من الكوز خذت الكوز حق خويي يدرس عند مدرس ثااني والله قعدت احلها بالنظر!!
إعجاب