7 شهور عاطل مالحل؟

الحال من بعضه أنا لي سنة أبحث عن عمل و صراحة مافيه إيميل إلا و أرسلت له لكن إرادة الله فوق كل شيء. و أسأل الله التوفيق لنا و لكم

 

عن طريق قوقل كروم ، الأكسبلورر يعطيك خطأ

عالعموم أكثر ماشدني هو المهارات ، اللغات لازم حقل لوحدة ، وباقي المهارات تحتاج تعديل وترتيب ( ضع جدول ثم نقّط في كل خليه ثم اخفي الحدود بحيث تصير فرضا 12 مهارة في سطرين ) أكتب مهارات فكرية أو مكتبية وضع لك هوايات ، أبحث بالنت وش ممكن هوايات تكون في المهندس ، وايضا وش ممكن المهندس يملك من المهارات ،، الغرض من البحث في النت ليس نسخ ولصق أو أدعاء بل تحاول توجدها فيك بالإضافة إلى حسن تنسيقها.

 

والله يا اخوي مدري وش اقولك
انا متخرج من سنة من جامعة بريطانية هندسة مدنية و هندسة بيئية معدل 3,3/4
مافيه مكان ما قدمت عليه لاكن ما باليد حيلة
ثق تماما انها خيره من ربك وانها ارزاق
بالتوفيق

 

سنتين هندسة بترول وماحد حولي

 

اقتراح:
اشتغل على شهادة CAPM و ECBA
قدم على شركات الاستشارات الإدارية

 

بقولك تجربتي
انا كنت مثلك ادور على مصانع الصناعية فالرياض و الدمام
و وزعت تقريبا حول 100 cv محد اتصل علي و لا عطوني وجه
احسن واحد فيهم قال بعطيك تدريب ست شهور على 2500 و بخليك تداوم شفتات " يحسبني ببطل يوم قال شفتات" ههههههه
و قلت له تم لكن الرجال تراجع بالاخير ههههههه "منصبه مدير مصنع " طبعا هذيك الشركة اذا ماني غلطان ما فيها و لا سعودي حتى الاتش ار !!!!!
طيب وش الخطه ؟؟ القطاع الخاص يبغى خبره و يبغى واحد يثبت جديته بالعمل و لا ننسى الاتش ار ما يحبون اللي قعد فتره طويله بالبيت بعد التخرج يبونك تشتغل اي شي.

و انا هدفي اشتغل بتخصصي في هالمصانع فلازم ادخل لهالمصانع باي بوزوشن لو سيكورتي " مع احترامي و تقديري لهذه المهنه لكن مؤهلي يستحق اكثر من كذا"

الحمدلله حصلت وظيفه معقب مع شركة استيراد مواد تورد لكل المصانع من مصانع صيدلانية الى البلاستيك الى الدهانات الى الغذائية حتى ارامكو يوردون لهم حفازات catalyst

فالحمدلله اخذت خبره كبيره من مراجعتي للجهات الحكومية حتى المصانع اللي كانو السيكورتية يمنعوني ادخلها
صرت ادخلها و يحسبون لي الف حساب لان الشركه ترسلني اطالبهم بالمستحقات اللي لهم فتره ما دفعوها هههههههههه

النتيجه الحمدلله دخلت مقابلة بشركه اللي هي اصلا عميل للشركة اللي انا فيها و انبسطو يوم عرفو اني اشتغل معهم
و ما استحقرو البوزوشن بالعكس قالو هذا يداوم يوميا للصناعية و يتردد على الوزارات و الشركات يعني اثبت نفسه بالعمل
و عنده علاقات فكل مكان حيفيدنا كثير و بيختصر علينا خطوات كثيره.
و الحمدلله مسكت الان QA عندهم

فزبدة الكلام لا نستحقر اي بوزوشن تحصل لك فيه فرصه لو قلت انا خريج هندسه و اخرتها اشتغل معقب ما تصلح لي هالوظيفه كان الى الان جالس بالبيت
و المعذره عالاطالة

 

شوف موقع طاقات لو تقدر تحصل وظيفة من خلال برنامج تمهير (تدريب على رأس العمل)
تتدرب لمدة من 3 - 6 شهور وتستلم راتب 3000 ريال شهريا (وأحيانا أكثر) وبعد نهاية التدريب تكون في فرصة للتوظيف
الوظيفة ما هي مؤكدة 100% بس انت لازم تثبت نفسك، وراح تكتسب خبرة بتستفيد منها كثير حتى لو ما توظفت بالنهاية
واذا انقبلت بتمهير تقدر تكمل تقدم على وظايف بشكل عام واذا جاك عرض وظيفي تقدر تسحب عليهم

اتمنى اني افتدتك، بالتوفيق