أفضل المشاركات: ADEL AHMED

  1. CS Scientist

    CS Scientist مدير سابق

    انضم:
    ‏19 يناير 2014
    المشاركات:
    313
    التخصص:
    Computer Science
    الجامعة:
    KFUPM
    سنة التخرج:
    2018
    التقييمات:
    +457 / 1 / -10
    #20 CS Scientist, ‏3 يناير 2016
    آخر تعديل: ‏3 يناير 2016
    Ics253 - 151

    طبعًا من البداية بأقولكم، إذا شفتم عادل أحمد و ناصر الدرويش منزلين ذي المادة، نصيحة أخوية اختاروا ناصر الدرويش، الكلام عن شرحه سيئ بس وضعه أحسن من عادل

    التحضير :
    يحضر بداية الكلاس، و بعض الأحيان ما يحضر

    طريقة الشرح :
    عادية جدًا، أحيانًا أشوف شرحه سيئ و ما يوصل المعلومة صح

    الكويزات :
    ما عطانا كويزات ذا الترم، كان كله هومووركات

    المياجر:
    الميجر الأول كان عادي، الميجر الثاني صلخ
    و أصلًا كلهم كانت درجاتنا سيئة لأن تصحيحه أسوأ تصحيح ممكن تشوفه بالجامعة، عادي تحل سؤال صح و يطلعلك الناتج النهائي صح بس يعطيك صفر في السؤال لأنك نسيت تسوي شيء، و إذا ما عطاك صفر ينقصك كثير

    الفاينلات :
    أسهل من ميجر 2، بس لازال صعب

    الصوت:
    واضح و ما فيه مشاكل

    إضافات :
    حسبي الله و نعم الوكيل، أكبر غلطة سويتها من دخلت الجامعة إني سجلت مادة عند ذا الدكتور
    أول شيء كرفنا كرف مع واجباته الطويلة، و بعدها جتنا المياجر اللي صلخنا فيها بالتصحيح، لو نسيت شيء بسيييط جدًا و سخيف عادي تلقى أكثر من نص درجة السؤال طارت بسببه، و كان كل ميجر ياخذه شهر كامل يصحح فيه قبل لا يرجعه :)
    ميجر 2 قلناله ينزلها بدري عشان نعرف أغلاطنا قبل الفاينل، بالأخير نزلها قبل الفاينل بأقل من يوم
    و الواجبات فيه منها ما تصححت إلا قبل الفاينل بشوي، و فيه بضعهم بعد الفاينل، يعني ما يمديك تعرف اغلاطك قبل لا يجي ميجر ولا فاينل لأن كل التصحيح يجي متأخر
    و مع تصحيحه الظالم يقول تعالوا ناقشوني و اقنعوني لو فيه غلط، طبعًا ما عليكم منه لأن مستحيل يقتنع، لدرجة يوم ناقشته و أثبت له إنه غلطان قال كلام بما معناه: بدينا حركات التدقيق الزيادة عن اللزوم؟
    يوم قالها لي غسلت يدي و عرفت إنه ما بيعدل شيء
    و مرمطنا في التصحيح و المواعد ووو، و إذا قالكم إنه بيرجع لكم الميجر مصحح في التاريخ الفلاني اغسلوا أياديكم إنه بيلتزم في موعده، يمكن لولا ديدلاين تسليم الدرجات ولا كان أخذ راحته زيادة بتأجيل القريد النهائي
    و بالأخير نزل قريد نهائي و طلع خاسفنا كلنا، مدري عن نظام الآفرج اللي قال إنه راح يساعدنا، ما أشوف فيه أحد مستانس بقريده، أحسه مو معترف بالآفرج، لأن فيه ناس كانوا فوق الآفرج بواجد و أخذوا c+، كيف اللي على الآفرج ولا اللي أقل منه
    و بالأخير رفع القريدات بالبورتال على نهاية الوقت بالضبط عشان محد يجي يناقشه
    و للعلم، أعرف ناس نزلوا معه كورسات ثانية و نفس الكلام، مو بس الكورس ذا وضعه حوسة
    بالأخير أقول لا تنزل معه، لا تنزل معه نصيحة، والله غلطة بتندم عليها، الواحد يتمنى لو إنه حذف الكورس بدال ما يدرسه معه، إذا شفته منزل 253 خذ أي سكشن ثاني حتى لو الدرويش أو أجّل المادة
    عند عادل راح تتعب تتعب تتعب و تكرف و بالأخير ما راح تحصل قريد ولا حتى قريب من القريد اللي يرضيك

    القريد النهائي:
    F، و أشوفها كثيرة بعد
     
    • x 3 إعجاب إعجاب