AE 220-181
- تقييمي هنا بيكون للكورس فقط , تقييم الدكتور موضوع مختلف ,إبحث عنه -
الكورس يعتبر أول أشمل شي في التخصص , كل تشابتر بتدرسه في الكتاب تأكد أنك بتاخذ عليه كورس أو اكثر في المستقبل , لذلك مهم جدا أنك تاخذ الموضوع ايزي وتحاول تفهم حبه حبه . لايكون همك القريد والنجاح , هذي بتجي معليك .
كونك أنت توك مخلص فريشمان بقراطيسك هذا الكورس هو النقلة النوعية بين مواد التخصص والمواد العامة , حاول تخلي الكلاس في وقت تكون انت مروق فيه + حاول أنه اول ما يبدأ شرح الدكتور انت تكون في كامل قواك العقلية . ليش ؟ اولا بيجيك شرح عن موضوع اول مره تسمع فيه او تشوفه في حياتك + الدكتور بيشرح لك شرح !! يويلي يويلي لو أنك طاولة بتفهم , + الشرح هذا بيثبت في عقلك حتى وانت طالب ماستر لانه اول شي درسته عن التخصص .
في البداية بتقول وش السوالف ( تشابتر 2 &3 ) لكن من تشابتر 4 يبدا اللعب ويبدا الكلام . ويحمى الوطيس في 6 & 7 &9 , الفورميلا شيت 10 صفحات. اول شي لا تخاف ثانيا بحكمك طالب تخصص صدقني بتصير تشوف اي قانون وتعرفه اي تشابتر ووش المطلوب منه . لكن يبي لك مذاكرة اول بأول عشان يثبت في راسك كل قانون , غير كذا دق علي ليلة الميجر اذا جيت تراجعها كلها .
الميجر والكوز اولد اقزام ! فعلا اولد اقزام يعني اي سؤال بتشوفه في الاختبار بيكون قد مر عليك برا ( من امثلة الكتاب المحلولة او الاسئلة اللي يعطيك الدكتور او الواجب ) لذلك مهم جدا جدا جدا انك تفهم وانت تحل في البيت . زي ما قال لنا الدكتور 70 % من الكورس هو مسائل والباقي أكمل الفراغ ( وهنا لازم تذاكر الكتاب اول بأول عشان تكمل الفراغ صح ).
أتمنى اني عطيتك فكرة جيدة , اي سؤال او إستفسار ميدوريا بإنتظارك !
إعجاب