بالبداية بأنوّه على شيئين، الـCo-requisite للمادة ذي اللي هي 202، بس مع هذا أقترح إن الطالب ياخذ ذي المادة بالترم اللي بعد 202 إذا كان ما يأثر على جدوله و مواده، لأن المادة فيها أشياء كثيرة ممكن تلخبط فيها لأن بعض المواضيع تاخذها باللاب قبل الليكتشر، فـ ممكن يجي اللاب و يخلص و أنت مو فاهم شيء لأن ما أخذته بالليكتشر و بالنسبة لي كان شرح مدرس اللاب ماش مو ذاك الشيء الكويس، لو قدرت تاخذها بعد 202 يكون كويس
جودة المقرر بشكل عام
المادة تطبيق عملي للـCOE202، مادة حلوة و الشغل فيها جميل
المواضيع التي يغطيها المقرر
تقريبًا كل مواضيع 202 بس بشكل عملي على برنامج في أجهزتهم حق التصميم الرقمي + FPGA Boards
الكتاب المستخدم للمقرر
كل اسبوع قبل اللاب يرفعون اللاب مانوال على البلاك بورد
الأسئلة والأمثلة المستخدمة في المقرر
ما فيه أي أسئلة ولا اختبارات ولا شيء، بس كان فيه لاب بروجيكت نهاية الترم، ترم 151
على كلام مشرفين اللاب المنهج كل شوي يطورونه، فـ ممكن الترم الجاي ولا اللي بعده يكون ترتيب الدروس غير أو حاذفين البروجيكت، الله أعلم
المادة وضعها مو مستقر للحين
مدى فائدته في الناحية التطبيقية
تطبيق مهم للـ202 اللي تعتبر مادة أساسية مهمة
بس بأنوّه على شيء، ترا المادة درجاتها Standard، يعني A+ من 95 و كل خمس درجات قريد، بس مو صعبة ترا، الواحد يقدر يجيب فيها A بالراحة
A+ عاد لازم تكون أحرص بالتجربة و تسلم ريبورتات كويسة