د. عبد الناصر قاعود أستاذ مساعد http://faculty.kfupm.edu.sa/chem/akawde/ بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
تكفووووون يا شباب عطونا معلومات عن الدكتور ...الله لا يهينكم يا شباب ما نبغى نتوهق فيه ويطلع من جنبها ومشكورين مقدما
^^^ اسعفونا يا شباب كيف المدرس هذا في لاب 102 ما في الا هو او مازن خالد يوم الاربعاء (طبعا الاربعاء يوم غير جيد للاب يخلص الساعة 5)
أنا الحين معاه في الريسايتيشن التحضير : يوميا طريقة الشرح : تحسه فاهم الريسايتيشن غلط ... بس يقعد يعيد اللي أخذته في اللكتشر و ما قد حل معانا مسألة الكويزات : سهلة و أحيانا تكوت متوسطة إضافات : المدرس أخلاق و يراعي ظروف الطلاب
انا عنده في اللاب بصراحه 100% يقسمنا مجموعات او 2_2 تقريبا اللاب ما ياخذ اكثر من ساعتين الا لابان جلسنا 4 ساعات الكوزات: سهله-متوسطه التحضير يومي الريبورت شيت مو لازم تحلها كلها و هذا افضل شيء الفاينل لسا ما اختبرنا الصوت رائع
اسم المدرس عبدالناصر قاعود أنا اخذت مادة كيم 323 معاه ليكشر و ما اعجبني ابدااااااا المدرس يحب الفلسفة و الكلام الزائد و ما يشرح الدرس ويفهم الطلاب وبعدين يسأل سؤال او سؤالين لالالا لازم يسأل الطلاب عن كل شيء صغير وتافه قبل لا يشرح الدرس وأثناء الدرس ويجلس ينتظر الطلاب يجاوبون ساعة واذا ما احد جاوب قال جيبوا الجواب معاكم الدرس القادم والشيء الثاني اللي قاهرني انه مخلي المادة معقدة و مكرهها علي بشكل ماتتصورونه ما أظن انني اخذت مادة مملة و مالها طعم زي هذي وانا متأكد انه من المدرس و اول شهر درست عندة جايب لنا دروس من كتب خارجية ما لها دخل بالكيميكال ولا الكيمياء قاعد يتفلسف عن كيف تجهز اللاب عشان تسوي التجربة والكورس مفروض يكون تعريفي عن الاجهزة الدقيقة و كيف تعمل وكيف تستخدمها مو كيف تحضر مادة الكلورفيل اغلب الكلاس نايم او فيه النوم وحتى اللي ما فيه نوم تشوفه نايم في كلاسه كلامة بطيء و لهجته مصرية مبهذلة و ما يتكلم بشكل متواصل ابداااااا لازم يقول زس از و زات واس وبعدين يسكت 15 ثانية وبعدين يكمل حكيه ببطء يمرض القلب انا ما ابي اكون له ظالم لكن هذا رأيي فيه مدرس ما ينفع تجلس معه في غرفة وحدة فما بالك تدرس عندة سمستر كامل الله يعين اللي يدرس عنده بس لا حول ولا قوة الا بالله حسبي الله ونعم الوكيل
CHEM 324 (Advanced Analytical Chemistry) - Term 152 Lec & Lab التحضير: يحضر بالنظر، كنا 8 طلاب فقط وأغلبنا يعرفه من كورسات سابقة. طريقة الشرح: يشرح من سلايدات وفاهم للمادة بشكل كبير. الكويزات: متوسطة المستوى مائلة إلى الصعوبة. المياجر: - كتابيات، هذي المادة تشابه 323 في كثير من المواضيع وطريقة الدراسة، كان الدكتور يحرص على وضع أسئلة رسم، مثل ارسم Plasma Torch و ارسم الرسم البياني اللي ممكن يطلع لك بعد إجرائك لتحليل باستخدام الـ HPLC وارسم FID Detector إلى آخره. الفاينل: كتابي في أغلبه وكان مليان رسم بشكل استثنائي، تقريباً 60% من الأسئلة كانت رسم.. الصوت: واضح جداً. المختبر: يشرح التجربة بوضوح، ويعطيك المانيوال، ويجيب على كل الأسئلة بصدر رحب وما يتململ من كثرتهن ابداً، إذا خلصت التجربة بإمكانك تسلم الريبورت وتمشي. إضافات: - حبيب جداً ومبتسم وطيب القلب. - أنصح به في 323 في المحاضرة و المختبر جميعاً. - أنصح به في أي مختبر لأي كورس. القريد النهائي: A
CHEM101-Term191 التحضير: ورقة في بداية الكلاس تمر عالطلاب ويقول الي مشغول ولا ما يبي الكلاس يوقع ويمشي وكثير كانوا يوقعون عن بعض. طريقة الشرح: يشرح السلايدات ويضيف أشياء من عنده وشرحه جدا ممتاز. الكويزات: متوسطة وكلها اسئلة اولد اقزامز المياجر: -- الفاينل: -- الصوت: واضح جدا القريد النهائي: A إضافات: الدكتور فاهم المادة وشرحه جدا ممتاز واحيانا ينكت عالطلاب ويغير الجو واعتقد اول مره له يدرس 101 ويتساعد احيانا مع الطلاب في تأخير تسليم الواجبات وكذا أنصح فيه صراحة
Chem101-192 التحضير : ورقة تمر على الطلاب، ومايدقق ابدا، كثير من الشباب يحضرون لبعض. طريقة الشرح : يقرأ سلايدات الكتاب. الكويزات : سهلة وبالغالب يجيبها من الواجب، كثير يجيبون فل (يرتفع الافرج). المياجر:— الفاينلات :— القريد النهائي:— الصوت: ممتاز إضافات : الدكتور خلوق جداً، وشخصيته جميلة، لكن من ناحية التدريس والشرح فالحقيقة اقل من المستوى، يعني المحاضرة عبارة عن قراءة السلايدات، فماراح تطلع بأي فايدة من المحاضرات. والكويزات والواجب راح تنزل حتى لو تجيب فل بسبب الافرج المرتفع. نصيحتي اذا كنت مجتهد وودك بقريد لاتنزل عنده.
CHEM101-191 التحضير : ورقة تمر على الطلاب طريقة الشرح : شرحه ممتاز جداً والدكتور متمكن من المادة بشكل كبير، يشرح من سلايدات الكتاب وشرحه يعطيك الزبدة فحاول تركز معه الكويزات : كوزاته كانت سهلة جداً فأنتبه حاول تجيب فيها فل لن الآفرج راح يخسف فيك! المياجر: كومن الفاينلات : كومن القريد النهائي: A+ الصوت: واضح جداً إضافات : الدكتور مصري حبيب واخلاقه عالية وجداً محترم ومتعاون، كان يلطف الجو بالكلاس وكنت كل كلاس اخرج وانا مبسوط من الشرح ومن اسلوبه الجميل ولو باقي لي كورس كمستري آخر كان نزلته عنده. أنصح فيه جداً!