اعتقد انه راح يدرس chem 102 في 101 ..

 

?

 

درسني في 092
شرحه ممتاز و سلايداته كل الطلاب يبحثو عنها
يعطي درجة زيادة إذا ما عندك و لاغياب
كويزاته لو ماتذاكر راح تكون مستحيلة (في كويز ما ذكرت أخذت صفر بالراحة)
لكن لمن تذاكر الفل مارك تكون لحد ما سهلة
طبعا دقيق في التحضير ((لو تغيب ما يمشي معاك)) dn عنده عادي
تعامله جدا راقي و أخلاقه كذلك أتوقع هو رقم 1 في 101

 

أنا ألحين أدرس عنده 101 ترم 093

التحضير : ورقة تمر على الطلاب , وما يسمح بدخول الطلاب المتأخرين أكثر من 5 دقايق .

طريقة الشرح : عرض سلايدات ويحل بعض المسائل والأمثلة على السبورة وشرحه جيد في رأيي ويشرح بالإنجليزي ولغة ولهجته ماشاء الله ممتازة . بس أحس أنه غير متفاعل مع الشرح .

الكويزات : متوسطة الصعوبة وأغلبها اختيار من متعدد .

المياجر: common

الفاينلات: Common

القريد النهائي: B+

 

<< ماانصح فيه بالصيف بسبب التحضير طبعا

غيره من شرح وكوزات .. اشوفه كويس

 

التحضير :

ورقة تمرر على الطلاب ، وبعض الاوقات لا خلص شرح وباقي وقت ينادي على اسامي الموقعين ويا ويلك لو كفش احد محضرك 10 درجات الحضور في الباي باي .


طريقة الشرح :

شرحه من سلايداته اللي اشوفها اكثر من مفيده ، الامثلة اللي يحس الدكتور انه يبغالها ايضاح يحلها على السبوره

الكويزات :

ما اقول انها صعبه ، تذاكر تحل ، وطريقة كل كويز 5 اسئلة اختياريه ، 2سهله و2فيها تريكات والخامس يبيله واحد مفصفص الشابتر

وتكون حصة الريسيتشن في البداية عبارة عن اسئلة من الطلاب للدكتور على الماتيريال اللي بياخذون الكويز عليه واذا ما فيه اسئله يبدا الكويز علطول وتضرب الباب اول ما تخلص !.


المياجر:

كومن

الفاينلات :

كومن

القريد النهائي:

A+

الصوت:

انا دايم اجلس في الاخير وصوته بالنسبه لي اكثر من واضح


إضافات :

الدكتور اخلاقه عاليه جدا بالرغم اني اخذت الكورس معاه في الصيف 093ورحت له مره الاوفيس وكان متعاون

 

صراحة انا استغربت يوم قريت هالكلام

المدرس يجيب النوم ايه و بقوة بالذات اني كنت منزل عنده بصيف 093

لكن شرحه جيد و السكاشن حقته هي اللي كانت مطيرة الافرج

 

شباب كيفه في 102 لكتشر ؟؟؟؟؟؟

 

أنصح فيه

الدكتور عبدالعزيز السعدي
صار لي موقفين معاه
الموقف الأول بداية السمستر طردني من الكلاس لأني جيت متأخر أزيد من خمس دقائق يمكن ست أو سبع دقائق
وبعدين خلال السمستر لاحظت أنه يدخل بعض الناس اللي متأخرين نفس الوقت!!!
الموقف الثاني نهاية السمستر
كان باقي لي ثلاث درجات على الـ A يعني 0.75%
وما رضى يعطيني إياهم وحاولت معه واجد بس ما في أمل

بالنسبة للشرح فشرحه ممتاز ، دائما يشرح على السلايدات، بعض الأحيان يحل مسائل على السبورة أو يستخدمها للإيضاح ، سلايداته ممتازة، تذاكر منها حق الكوزات والمياجر بل وحتى الفاينال تكفي وتوفي

طريقة التحضير ورقة يعطيها بعد عشر دقائق، بعض الأحيان نصف الكلاس، بعض الأحيان قريب من نهاية الكلاس، يعني ما لها وقت، تمر على كل التلاميذ
وينادي بالأسماء والأرقام بين وقت وآخر، يعني ما تقدر تحضر زميلك
التأخير حد أقصى خمس دقائق، أزيد من كذا يطردك من الكلاس، بعض الأحيان يمشيها، ويحرق قلب اللي انطرد اليوم اللي قبل!

الكوزات: متوسطة، بس تذاكر السلايدات وتحل المسائل اللي فيها تجي وتفلفل الكوز

التقيم النهائي: B+ نفس التقييم اللي عطاني إياه

الصوت: واضح والأكسنت ممتازة

إضافات: ما أحسه يتساعد في الدرجات، متشدد في التصحيح، ولا يتساعد في الغياب أو غير ذلك، حقك تآخذه. عطانا مشروع برزنتيشن في كمستري 102 مكون من قروبات، ومشروعنا كان من أفضل المشاريع حسب ما هو نفسه قال، وبعدين أعطى قروبنا 8 من 10 وباقي القروبات 8.5 فصاعدا، مع أنه على مستوى الإلقاء والسلايدات والتلخيص كنا أفضل من أغلب القروبات بواجد.
حسيت أنه ظلمنا في هذه النقطة.

نصيحة: بعد كل كوز راجعه وتابع أخطائك في الكوز، وناقشه في الدرجة، وإن شاء الله تطلع بـ A+

 

دكتور رائع
سلايدات وافية
كويزات تحتاج مذاكرة=إبداع في الميجر
التحضير: شديد
الأخلاق: 10\10

 

طبعا اي كويز يحتاج لمذاكرة وان ما ذاكرت صفر
ويختلف من كوز لكوز بعضها سهلة بعضها صعبة بعضها وسط

بالنسبة للشرح فشرحة عادي جدا احيانا يستطيع ايصال بعض المعلومات بسهولة ويحل احيانا بعض الاسئلة بحرفية عالية

مزاجي من ناحية التحضير البعض يطردهم والبعض يسمح لهم بالدخول البعض ان تجاوز خمس دقائق طردهم والبعض ان تجاوز تسع دقايق يدخلهم

لا يرحب باسئلة الطلاب ولا يحب ان الطالب يساله اسئلة كثيرة ولا تستطيع ان تستفيد منه في الاوفيس اور بشكل كافي لانه ما يعتبر انه ملزم بساعات مكتبية ويرى ان له الفضل ان اجاب عن تساؤلاتك

 

طبعا اعطيه d+ لسوء خلقه وجلافة طبعه وكثيره عليه

 

سمستر 111 كمستري 101
التحضير :

التحضير كل يوم بورقة تمر على الطلاب وبعض الاحيان يحضر بالاسامي ويا ويلك لو تحضر خويك ..
متشدد جدا جدا جدا في التحضير ، واذكر صفحة التحضير كانت مليانه بالسواد << يعني الدي انز ..

طريقة الشرح :

يشرح من سلايدات وشرحه ممتاز اذا ركزت معاهـ ..
بس بعد تتعب لان المنهج طوويل وهو طول السمستر مستعجل ..

الكويزات :

كويزاته مو سهله ..
لكن ادا تذاكر بتجيب علامه زينه وادا ما تذاكر لاتستغرب تاخد 1 او 2 او 3 من 10 ...

المياجر:

المياجر سهله جدا

الفاينلات :

الفاينل اسهل من الميجر ..

القريد النهائي:

b

الصوت:

واضح جدا ..

إضافات :

الدكتور جيد بس شديد جدا جدا ..​

 

اتقِ الله يا رجل !!

 

السلام عليكم

انا نزلت السمستر الجاي chem 102 عنده واللي خلاني انزل عنده اني جيت يوم من الايام الاوفس اور حق مدرسي 101 وما كان موجود فقلت لا تروح جيتك بلوشي ادخل عند اي مدرس واسئله ودخلت عنده وسئلته وكان محترم وشرحه مفهوم .



واغلب الطلاب اللي ما يمدحون مدرس البلا فيهم مو في المدرس لانهم متعودين على نوع واحد من التدريس .

 

,, للأمانة ,,

الدكتور هذا متعجرف وشايف حاله لدرجة ما تتصورها وصورته بس تعطيك انطباع خايس عنه,,

حتى وهو يشرح تحس ماله نفس ,, ويجاوب على أسئلة الطلاب من طرف خشمه ,, هذا غير إنه يتيريق على الطلاب ويحرجهم ومسوي فيها ظريف وإذا تكلمت يا ويلك ويا سواد ليلك ,, طبعا يشرح من سلايداته اللي هو مسويها وفي نص المحاضرة تشوفه يخطر سلايدات ويقول اقروه في البيت علماً بأن سلايداته ما تغطي المنهج من الأساس

كويزاته تجسد المعنى الحقيقي للصلللللللخ ,, والله إني كنت أذاكر لكل كويز وأحل مسائل ومع ذلك درجاتي ما تتجاوز الـ 5-7 ,, طبعاً أسئلته للحين ماحد يدري من وين يجيبها لاهي من الكتاب ولاهي أولد إقزام وحتى إذا صحح الكويز ما يرجعه للطالب حدك تعرف درجتك وبس

شدييييد في التحضير وياما طرد طلاب لتأخرهم عن الـ 5 دقائق الأولى


نصيحتي من تجربة ,,

أي مدرس ثاني في القسم تاخذ معاه بتطلع بكونسبت وقريد أفضل

 

أخذت معه 101 و 102

رائع بكل معنى الكلمة ومستعد أنزل عنده كل الكورسات
صراحة صدمني بعض تقييم الأعضاء المجحف !

واضح انها مشاكل شخصية ..
هو رجل قبل ان يكون دكتور و إذا عاملته كـ رجل والله بتعيش معه ملك
حركات الاستهبال ماتمشي معه ابد ، اعتقد اكثر المشاكل الشخصية بدايتها
كذا وعموماً تأكد انها ماراح تأثر الا على الاحترام بينكم فقط بالذات باليوم اللي
تصير فيه المشكلة وبعدها ينسى .. والدرجات انت وشغلك ..

الشرح مريح جداً وتوزيعه لصوته ممتاز ..
التحضير يومي ورقة تمر عالجميع ولو تحضر خويك ويصيده يعطيه صفر
الكويزات متوسطة تذاكر تقدر تجيب 10 ماتذاكر عادي تجيب صفر ، السمستر ذا قال بأحذف
عنكم أضعف كويز وأول مرة أسويها .. بعدها صلخنا بكوزّين صعبين .. مقلبنا :d

أشوفه نموذج للدكتور المعاصر .. نظامي لحد كبير
الله يوفقه

 

سمستر 122 كمستري 101
التحضير :

التحضير كل يوم بورقة تمر على الطلاب وبين فترة وفترة يشيك على الاسماء
والي يحضر خويه يحط عند اسمه علامة اذا سواها ثاني dn

طريقة الشرح :

يشرح من سلايدات وشرحه كويس اذا ركزت معاهـ ..
بس بعد تتعب لان المنهج طوويل وهو طول السمستر مستعجل ..
وبعض المرات يسال سؤال ويستخدم برنامج لتحديد طالب عشوائي عشان يحل السؤال

الكويزات :

ماعنده كويزات .. الكويزات بيد مدرس الريستيشن

المياجر:

كومن

الفاينلات :

كومن

القريد النهائي:

B

الصوت:

واضح جدا ..

إضافات :

الدكتور جيد بس شديد جدا جدا .. لو شاف احد يتكلم او يستخدم الجوال او يكتب بيحرجه
يبغاك تنتبه معاه فقطط

 

نبي معلومات زيادة يا شباب كيم ١٠١

 

شررررررررررررررررررررررررررررريح أقسم بالله انك تشوف عالم واقف قدامك ويشرح لك ماشاء الله تبارك الله


نزل معه وانت مغمض