احد يدررس عنده ذا الترم ؟ كيف شرحه physics102 ؟
أغلب الردود قديمة

 

احد يدررس عنده ذا الترم ؟ كيف شرحه physics102 ؟
أغلب الردود قديمة .

 

PHYS 102
كلاس المحاضرة كان الساعة ٤:١٠ ف السكاشن كلها كانت قليلة كلنا على بعضا ١٩ طالب الريسايتيشن جمعنا كلنا بكلاس واحد
واول اسبوع قعد يشوف اوقات كلاساتنا عشان ينسق ويغير وقته من ٤:١٠ الى بريك الغداء بس للأسف كان فيه تعارض كثير بس اللي حصل انه غير يومين الاربعاء والخميس وخلاهم ببريك الغداء والاحد والثلوث ٤:١٠ شي احسن من ولا شي
الرجال جدًا متعاون ويتفهم ويإجل الكويزات ويلغيها اذا شافنا مضغوطين كويزاته سهلة يقولنا حلوا ال suggested problems اللي على موقع الفزكس ويجيب الكويز سؤال منها نسخ لصق بس يغير الارقام ويعطينا كويز كل اسبوع بأول عشر دقايق بالريسايتيشن. مره كان بيعطينا كوزين وراح بيجيب الكويز ورجع ومعه علبتين كرسبي كريم قاله هذا كويزكم ههههههه يعني هو المهم عنده انك طول الوقت تذاكر عشان كذا يعطينا كل اسبوع وسهلين
الدكتور جدًا شديد بالتحضير يحضر اول المحاضرة واذا ما تتاخر كثير وكلمته اخر الكلاس يمشيلك
الرجال شرحه ماشي حاله ٦ من ١٠ اعطيه بعض الاحيان المفاهيم ما يقضي فيها وقت كافي يشرحها على اساس فاهمينها الدكتور تخصصه بالفيزياء الجاذبية وله بعلم الفلك والثقوب السوداء لما يشطح فيهم صراحة تكون شطحات رهيبة ومثيرة للاهتمام يصلح للي يحب علم الفلك.
هو صحيح شديد جدا بالمحاضرة يعني واحد اثنين طلع جواله وكان يبي يطلعهم من الكلاس بس عصب وقال لا تعيدها وبحطك غايب يعني جوال انسى تطلعه ومايحب قعدة رجل على رجل. الدكتور متعاون بالاوفيس اور ويحاول يخليك تفكر في المسألة وتحاول انت ويعطيك تلميحات بدال ما يحلها لك.
الدكتور اذا لقيت احد احسن منه نزل بس اذا اضريت لا تخاف مو سيئ للدرجة اللي يعبرون فيه الباقين
يستاهل B
اي سؤال ثاني اسئلوا

 

PHYS102-172

التحضير : شدييييد جدا في التحضير بعد 5 دقايق ما يدخلك الكلاس !!!!! وكل غياب ينقص عليه 0.5 (من الكلاس وورك ) من أول غياب وكل تأخيرين بغياب .
في بداية السيمستر يوزع الطلاب على كراسي محددة لأنه يحضر بالأرقام والتحضير كان ياخد تقريبا 7 دقايق كل كلاس لأنه يحضر 80 طلاب َ!!!!!!

طريقة الشرح : يشرح عن طريق سلايداته وأغلب شرحه يكون ع الكونسبت . الدكتور شرحه سييئ الى أبعد درجة سواء في شرح الكونسبت أو حل الأسئلة .
الدكتور ما يحل أسئلة غير في الريسايتيشن والدكتور ما يتعب نفسه ويحل بالخطوات بالعكس الاسئلة تكون جاهزة في السلايدات وتحتها الحل مباشرة.

الكويزات : اختبرنا تقريبا 10كويزات , يجيب الأسئلة من Suggested problems اللي موجودة في موقع الفيزياء وكان بس يغير الأرقام !!
لذلك الكويزات ما تستفيد منها اي شيئ , بمجرد حفظ طريقة الحل راح تجيب فل في الكويز .

المياجر : كومن
الفاينل : كومن

القريد النهائي : F

الصوت : واطي ويجيب النوم حتى مع استخدام المايك !!

إضافات : الدكتور صراحة يهتم بالطالب ويرحب بالطلاب في الاوفس اور وتقريبا كل اسبوعين كان فيه هلب سيشن يسويه لطلابه يحل في اسئلة من الكحيلي .
لكن أنا كانت تضيع مني يوميا 50 دقيقة بدون أي فائدة . والدكتور أيضا ما يسمح بالخروج لدورات المياه ويطرد اللي يستعمل جواله وقت الشرح .
لذلك ما أنصح أبدا بالدكتور وحااااول انك تهرب منه وما تسجل عنده .

 

اللي درسو عنده ١٧١ او ١٧٢ افيدونا ....

 

اخذت معه PHYS101 ترم 181
التحضير : اسوأ تحضير في الجامعة
*بعد 5 دقايق تعتبر غايب (نظام الجامعة يقول 10 دقايق)
*خصم 0.5 من الكوزات على كل غياب(نظام الجامعة يقول 0.1 واغلب الدكاترة ما يحسبوا اول غيابين)
طريقة الشرح : يشرح من السلايدات وشرحه محد يستمتع فيه( يمكن من بداية الكورس واحد بس كان يعطيه وجه ودردب المادة بعد الميجر الثاني)
الكويزات : يحدد اسئلة من الكتاب يرسلها قبل الكوز بيوم بعضها مرة سهل والبعض اصعب من اللازم(حتى اسئلة الميجر اسهل)
المياجر: كومن (الاول صعب والثاني جدا سهل)
الفاينلات : كومن (كان صعب بالنسبة لاختبارات الاترام اللي قبل)
القريد النهائي: بكون طيب معاه واعطيه D+ خرجت من عنده بB+ وكان باقيلي 0.4 على A
الصوت: يجيب النننننننننننوووووووووووووووووووووومممممممممممممممممممم
إضافات: فيه نقاط لازم تاخذها في الاعتبار(اذا لا سمح الله بتنزل عنده)
1. افرج كوزاته بالنسبه للشكن اللي انا فيه مرة تحت + ينقص على الغياب (فضمنت كلاس وورك عالي)
2. ينقص 0.5 على كل غياب انتبه تغيب ولا النقطة الاولى ما راح تستفيد منها
3. يكره شيء اسمه جوال ونوم وكلام (اتجنبها)
4. مهما حاولت تركز راح يجيك النوم (بس لازم تحاول)
5. لا تسأل سؤال غبي ( لانه راح يحجر لك )
6. لا تسأله وهو مندمج في الشرح ( لانه راح يخرج عم الشرح ويكلمك عن علم النفس ويضيع الوقت مع انه الوقت ضايع سواء شرح او لا)
7. الهلب سشن اللي يسويه مفيد اكثر من الكلاس الرسمي( حاول تواظب عليه)
8. اسئلة الكحيلي هي مفتاح الA+ في هذا الكورس(حلها كلها وحاول تفهم طرقها وشوف فديوهات dafra zone في اليوتيوب يشرح اغلب الاسئلة)

 

PHYS101 - 181
الاخ الي فوقي ذكر كل شي بس فيه ملاحظات حاب اذكرها:

الشرح : غالبية المدرسين شرحهم على الكونسبت يعني ما يفيدك فالمياجر ,وكل الاسئلة تعتمد على حل المسائل , سؤال واحد فقط عن الكونسبت , يعني مهما كان مدرسك ماراح تستفيد شي اذا ما تدربت على حل المسائل انصحك بدفرة زون على اليوتيوب (Dafra Zone) افهم السؤال قبل ما تشوف الحل , اذا حليت اغلب الاسئلة اضمن لك قريد كويس

* في نهاية الكورس قال بسامح الي عنده ثلاث غيابات واقل لكن اغلب المدرسين ما ينقصون الا الي عنده اكثر من 5 غيابات .

* الدكتور يتأخر في رفع السلايدات (الي هي سيئة) و أسئلة الكويزات , ومن ناحية التصحيح ما شفنا كويزاتنا الا في اخر شهر من نهاية الكورس.

اضافات : الدكتور سيئ جدا من ناحية الشرح والاخلاق للأسف , يعني يعاملك معاملة طالب مدرسة كل شي ممنوع حتى الميك اب ممنوع , والله اني ما ستفدت اي شي من شرحه اعتمدت على نفسي 100% , حاول تخليه أخر خياراتك وبالتوفيق

 

PHYS102 - 201:

ترم كورونا الجزء الثاني
الشرح : شرحه جيد ك كونسبت ما اعرف ليه الي قبل يذمون بالشرح بس عموما الكونسبت ماراح ينفعك بالاختبارات زي التدريب انصحك تروح عند دفرة زون تحل واذا ماعرفت تشغل المقطع

* ماخصم على الغياب .

* الكوزات اشوفها سهلة نسبيا
وكان يمديني اجيب ١٤/١٥ بحكم الافرج بس كم كوز غبت عليه بس الحمدلله على كل حال جبت اعلى من الافرج بدرجة يعني اذا انت واحد بتكرف عمرك وتشتغل عليها القريد ان شاء الله مضمون

اضافات : الدكتور اخلاق ومتفهم مادري اذا غير نظامه هذا الترم او ان الطلاب يتدلعون
+الهلب سشن الي يسويها الدكتور جدا مفيدة حاول ماتسحب عليها وان شاء الله فالنا وفالكم القريدات الطيبة

 

الدكتور عبدالله الزهراني ..
phys102- Term 201 - online

الشرح : شرحه من سلايدات عنده والشرح نوعا ما جيد وفيه اشياء كان يشرحها ويقول ركزوا عليها وفعلياً جت سواء في الكويزات او المياجر ، طبعاً الشرح في الفيزياء مايقدرون الدكاترة يغطون كل شيء فلازم الواحد يرجع ويذاكر بنفسه ويبحث عن الطريقة المناسبة .

الكويزات : سهلة الى متوسطة ، وكان يسوي حركة كويسة ، مثلا يعطيك ثلاث اسئلة واذا حليت اثنين تاخذ فل .

المياجر : كومن.
الفاينل : كومن.

بالنسبة للدكتور التحضير عنده كان على فورم يرسله اخر المحاضرة تدخل وتحضر نفسك بسلاسة وسهولة ، المدرس مدري ليش فيه قبل عليه شوية ذم ولكن مع الاون لاين كان التعامل جداً رائع والامور سهاااااااللللات ولاننسى ان اخلاقه وتعامله كانت كويسه

اذا تبي كلاس وورك كويس وشرح حليو روح معه. والباقي عليك.

 

(حضوري)LEC-Phys 102-211

التحضير :يحضر عن طريق لينك نهاية الكلاس كان بعض الطلاب يحضروا عن طريق اللينك ويسحبوا علي الكلاس لمدة 7 اسابيع بعدين قام غير الطريقة وصار كل يوم لينك (مع ذالك لسه تقدر تغيب وتخلي احد يرسلك اللينك وتحضر) تحتاج نت وكاميرا عشان تقدر تحضر من دونهم احسب نفسك غايب (تقدر ترسله اميل وتقله انه جوالك كان طافي او..... الخ وبيحضرك)
طريقة الشرح : يشرح من سلايداته والسلايدات نصها كلام ومهب زينه يعني بتغيب كثير عشان تذاكر من نفسك لانه الكلاس منت مستفيد منه شيء

الكويزات : الكويزات من بدر الدوسري (معيد) افرج السكشن كان 3 من 10 الكويزات كانت صعبه

المياجر: فيه ميد مب ميجر (كومن)

الفاينلات : كومن

القريد النهائي: C+ (حتى يمكن اكون ظلمته بالتقيم )

الصوت: واضح بس الانجليزي حقه يمشي الحال

إضافات:
(قبل اي اضافات عن الدكتور هذا الكورس سيلف ستدي فا الدكتور مب مره مهم بس دكتور يمشي الحال زين) الدكتور عبدلله الزهراني مريح من ناحية التحضير ومتعاون بس فيه سلبية اللي هي ممكن تكون حاضر اغلب كلاساتك وعندك 5 غيابات لا تتفاجاء اذا لقيته 10 لانه اللينك مخرف بعض الاحيان فا كم من مره رحت اكلمه عشان هذا الشيء والحمدلله شالها لي فا الدكتور + الدكتور ما شاء الله اخلاق ومره متعاون ويبغى الطالب يفهم حتى يرفع اسألة old exam خمس اسئلة وتكون زبدة التشابتر واكثر اسئلة ممكن تجي بنفس الصيغه حلها وان شاء الله لك الفل + كلاساته عباره عن 30 دقيقة شرح و 20 دقيقة الثانية يشتكي من الطلاب اللي يستخدموا جولاتهم او من اللي يتاخروا (التاخير اكثر من 10 دقائق يقلك احضر مع كلاس ثاني) او من اللي يروحوا دورة المياه.

 

PHYS102 Term222

التحضير: طريقته غريبة و مزعجة مرة، بداية الترم كان يشيك اسم اسم لكن بعد كم اسبوع وزعنا و عطى كل واحد مقعد و رقم لازم يلتزم فيه الى نهاية الترم و يحضركم عن طريق انه يشوف من الرقم الغايب، بعد ما يخلص ينادي على اسماء الغايبين للتأكد بس. الدكتور جدا شديد بالتحضير و اذا جيت متأخر خمس دقايق بالضبط الافضل انسى انك تدخل.

طريقة الشرح: يشرح من سلايداته و شرحه جيد للأمانة، لكن بعض القوانين ما يوريك طريقة اشتقاقها و يقولك شفها من نفسك بالكتاب.

الكويزات: كان دكتور غيره ما كان هو.

الصوت: هادي مرة و انجليزيته مش ولا بد. هدوءه و توقفاته تجيب النوم مررررة فنصيحة لا تسجل عنده الا و انت ضامن انك مصحصح.

القريد النهائي: C

إضافات: الدكتور مرات كثير يشطح و يبدأ يسولف عن اشياء خارج المنهج. حذاري حذاري يقفطك وانت ماسك جوالك او بيدك شيء ماله علاقة بالفيزياء