جانا لاب واحد فقط كبديل للدكتور علي شكري ومااقول غير انه بطلللللللللللللللللللللللللللللللللللللللللللللل

 

يا حبي لروميتي الدكتور !. ​

 

بنود التقييم : فزكس 101 ريستاشن

التحضير : ممتاز
طريقة الشرح : ممتااازة وخصوصا بالايام الاخيرة
الكويزات : متوسطة .. بس يدقق بالتصحيح
المياجر: __
الفاينلات : __
القريد النهائي: B+
الصوت: واضح
إضافات : من افضل المدرسين الله يحفظه
__________________

 

.
.
.

لبى قلبه , والله إنه كنق , تحس إنه أخوك الكبير , قمة في الأخلاق مآ شاء الله

a+ وقليله بحقّه ~

 

فيزكس ريسيتيشن 101 سمستر 102

آه يا استاذ عبد العزيز

والله ثم والله ان 50 دقيقة في الريسايتيشن عند الدكتور الاسود افضل من 150 دقيقة لكتشر عند مدرس الله يستر علينا وعليه

قمة في كل شي الاخلاق العلم متفهم ,توصيل المعلومه حبيب للطلاب بعض الاحيان ما تحسه مدرس بل افضل من اخ ..

خلاص هذا السمستر اخر سمستر له وحيطلع امريكا يكمل الدكتوراه ربي يوفقه ويحفظه انشاء الله

اذكر اخر يوم ريسيتيشن جاب لنا حلويات وقال لنا انه بيمشي امريكا والله حسيت ان جتني الغبنه (مع انه يجينا كلاس واحد بس ذا الكلاس ممتع )

اسمحولي والله ما اقدر اقيمه اخاف ابخسه حقه والله

تحياتي الحارة استاذي العزيز

 

phys 001

[ أخلاق + شرح ]

يعتبرك أخوه الصغيرْ ؛ يستآهل كل خيرْ ..
يآليته ينزّل جبلْ بس ="( شكله سـآفر [ الله يوفقه ]

a+ وقليييييييييله .. !

 

الرجال سافر أمريكا يكمل الدكتوراة..

الله يوفقه

 

بنود التقييم :

التحضير :يوميا اول ماتصير الساعة على الصفرين لكنه يسمح بالتأخر لعشر دقايق كحدى اقصى
طريقة الشرح :من سلايدات على البروجكتر ويوصل لك المعلومة في اسهل طريقة ويدخلها غصب في مخك
الكويزات : كويزاته مقاربة للمياجر
المياجر:كومون
الفاينلات :كومون
القريد النهائي:a+
الصوت:واضح ويشرح بالعربي ايضا
إضافات :هذا من الافضل المدرسين الذين مرو علي خلق وتعاملا الله يجزاه اضافةً الى شرحه وبعدين ما ينسى طلابه الله يجزاه بالله الخير اضافة هذا المدرس امبراطور واللي يعجبني فيه اكثر انه يعطي الطالب حقه بالملي لا زيادة ولا نقصان ​

 

Phys 101 - 172
هذا اول سمستر للدكتور عبدالعزيز في تدريس هذا الكورس... 171 كان يدرس ريايستيشن ولاب بس.

التحضير :ورقة و تدور على القاعه .. انتبه تحضر خويك، مره قارن عدد الحضور بالتواقيع واخذ صوره للقاعه وتوعد اللي حضر اخوياه انه يوصلها للاداره لكنهم اعترفوا بالنهاية.. كان يسمح بالدخول في اي وقت لكن الوضع صار في تشتيت للطلاب ف ما عاد سمح لأحد يدخل بعد عشر دقايق.
طريقة الشرح :بما أنه اول سمستر له كان فيه اكثر من طريقة شرح.. في البداية كان يسوي سلايدات فيها رؤوس اقلام وأسئلة حلوة يجيبها من الكتاب.. و بعض الاحيان كان يشرح من سلايدات الجلال.. كانت محشوة بزيادة وتجيب الصداع .. من وجهة نظري تنفع للمذاكرة لا للشرح ..وبعض الاحيان اذا الوقت ضيق يشرح من السلايدات اللي تجي جاهزة مع الكتاب وهذا كان اسوأ خيار لانها مو واضحة و ما فيها امثلة كافية.. الشي المشترك بين هذا كله انه كان دائما يكتب على الصبورة ويشرح التركات اللي تجي في الاختبار بشكل واضح وهذا اهم شي.
الدكتور كان يسألنا عن رأينا في السلايدات وقال انه بيشتغل عليها في الصيفية ...اللي بياخذون مع الاترام الجاية ما راح يكون في تشتيت.
الكويزات :على مستوى الاولد اقزام وبعض الاحيان تجي اسهل...حاول تحل 15 مسألة على الاقل من اولد اقزام الكحيلي قبل الكويز وان شاء الله الدرجة في الجيب.
المياجر:كومن
الفاينلات :كومن
القريد النهائي:ِ A
الصوت:واضح
إضافات :الدكتور توه ماخذ الدكتوراه من امريكا وعمره صغير كان علاقته بالطلاب علاقة اخ مو معلم... كلاسه خفيف .. اخلاقه عال العال ما شاء الله .. درس في البترول البكالوريس والماجستير وفاهم تفكير الطالب البترولي... اعتقد انه في مركز التوجيه والارشاد تقدر تسأله عن اي شي في اطار الجامعه وماراح يقصر معك بإذن الله.. طلب نسوي قروب واتس اب وندخله فيه اذا عندك اي سؤال وهو كان متواجد بيجاوبك..اذا عندك اي سؤال في المادة لايردك الا مكتبه.. انا رحت له بداية السمستر وسألته كيف اجيب قريد معين ما قصر معي والحمدالله جبت القريد اللي ابيه.. اتمنى الدكتور مايتأثر من بعض الدكاتره في القسم ويستمرعلى نهجة.
في النهاية الكورس يحتاج جهد كبير منك سواء نزلت عند افضل او اسوء دكتور والقريد فيه مو صعب ابدا.

 

171 ليكتشر فزكس 101
الشرح : عادي جدا . مو سيء ولا ممتاز .
التحضير : انصحك ماتحضر خويك لانه سوا فينا حركة 172. بعد ما اخذ ورقة التحضير صور الطلاب الحاضرين وجا اليوم الثاني وارسل في القروب للطلاب الي ماحضروا والي حضروهم كمان .سوا هذي الحركة مره وحده فقط يوم خميس
أهم نقطتين عن الدكتور:
1- لا تغش ابدا و اذا غشيت لايقفطك ، لأنها راحت عليك
2- وهذي الميزة في الدكتور . الدكتور كويزاته سهله جدا . اذا ذاكرت الكونسبت وحليت كم سؤال من الكحيلي اظمن لك الفل مارك .

 

Phy 101 lec
Term 181


التحضير : يمرر ورقة وتحضر نفسك
طريقة الشرح : ممتااازة يستخدم سلايدات الجلال في الشرح ويركز ع الكونسبت كثيررر
القريد النهائي: +B
الصوت: واضح
إضافات : الدكتور حبيب ويحاول يبسط المعلومة بشكل كبيررر

ممكن السلبية الوحيدة فيه إنه مايحل مسائل كثير يعني بس يركز ع الكونسبت غالبا

لكن أنصح بالدكتور صراحة ممتازة في الشرح

 

فيزياء ١٠١ ترم ١٨١

التحضير : يوزع ورقة التحضير وكانوا في طلاب يغيبون ويحضرونهم الطلاب ، وهذي صراحة مشكلة اللي يوزع ورقة التحضير .
طريقة الشرح : سيئة إلى أبعد الحدود ، الدكتور لا يشرح بس يقعد يقرا سلايدات الدكتور الجلال ، وغالباً إذا كتب بالسبورة فهو يكتب الامثلة المحلولة اللي بالسلايدات ! ، حقيقة لم أفهم منه درس واحد أو كونسبت واحد من الكورس كامل !
الكويزات : لا يوجد
المياجر: كومون
الفاينلات : كومون
القريد النهائي: ممكن C مناسبة
الصوت: مسموع وواضح
إضافات : الدكتور لديه سلبية كبيرة في الشرح ، حالياً بمادة تخصصي فيه دكتور يسوي مثله ، يفتح البروجكت ويقرا من الكتاب وهالشيء لا يُسمى شرح ! لانه أي شخص حقيقة يقدر يسويها !