أي معلومات يا شباب ؟

 

التحضير : يحضر كل بداية لاب ومايدقق على التاخير البسيط
طريقة الشرح :يشرحلك الاكسبريمنت بالتفصيل ويعلمك وش تسوي ويعيدلك الف مرة لو تبي
الكويزات :اغلب الابات يكون فيها كويز عن البري لاب واذا انت مسوي البري لاب كامل بتاخذ فل مارك
الفاينلات : ما بعد يجي الفاينل
القريد النهائي: اعطيه a
الصوت: واضح
إضافات : المدرس طالب ماستر وحبيييييييب مره مع الطلاب ويخفف عنك ضغط الاب
انصح فيه

 

هذا زميلي العزيز عبدالله القرني

وشهادتي فيه مجروحه ، والله يوفقه ويوفق طلابه

 

Perfect

 

ياريت معلومات اكثر ....

يعني نقول بسم الله معاه ؟!

 

^^

توكل على الله و قول بسم الله

 

يا عيال ..
وربي سجلت دخول عشان أمدح هالأدمي..
بختصر الموضوع الأدمي يكرف..
لكن قسم بالله..
نزل عندهـ مو وأنت مغمض إلا لو ما نزلت عندهـ لا تنزل<<
يآخي أخلاق شرح وفلة..وربي كرف ساعتين عندهـ ولا نص ساعة عند غيره<<
أنصح وبقووووووووووووووووة
القريد النهائي..s{يعني زود عن الـa+}

 

طيب بالنسبة لـ 340 ???? ارجووو الرد يا شباب

 

انا اخذت عنده EE340 ترم 112
التحضير :يحظر ويحاسب على التأخير حتى لو دقيقه, وكل لاب تمشي بعد نهاية وقت اللاب
طريقة الشرح : مقبول الى سيء
الكويزات :متوسطة لكن ما يعطيك وقت كافي (يعطيك كويز طويل ما ينحل الافي 15 دقيقه وهو يعطيك 5 دقايق فقط)
الفاينل :متوسط الى صعب
الصوت:واضح لكن لهجته الانجليزية سيئة جدا (يقول كلمتين بالانجليزي والباقي عربي) ما يعرف يصف جملتين بالانجليزي
إضافات : طبعا هالمدرس متشدد الى ابعد الحدود من اغلب النواحي, في الريبورت يكرف جدك ويخليك تكتبه في وقت اللاب ويبيك تكتب ريبورت كامل من abstrct, intoduction,procedure, discussion, coclusion وكل شي يدقق عليه في الريبورت لدرجة ان البروسيجر لو تنقله من المانوال يخصم في التصحيح ولو تنسى ترقم الصفحات او ترقم الرسمات او الجداول بعد يخصم وطبعا لو تسلم الريبورت بعد ما ينتهي وقت اللاب يعتبرك متاخر حتى لو بعد 5 دقايق. ولا في شي يعجبه طبعا.
وطبعا هالمدرس يتلذذ بتعذيب الطلاب واشكال النذاله والحقارة حدث ولا حرج. ولا يعطيك الجو المناسب وقت الكوزات. يجلس يسولف ويشتت الطلاب وما يمديه يوزع اوراق الكوزات عشان نبدا الا ويقول باقي دقية وحده بس بغرض ان يخوف الطلاب ويبهدلهم.

القريد النهائي: F

 

ggg
>>>

...

 

عبد الله القرني - 112

التحضير: شديد في التحضير وخصوصاً بداية الترم.
الشرح: شرحه مبسط ومختصر مفيد.
الكويزات: مثل ما قالوا الشباب يعطيك كويز ويضغطك بالوقت وصعوبة الكويز تعتمد ع الافريج.
الصوت: صوته واضح واكثر الوقت يتكلم عربي

الدكتور حبيب واللاب يمشي بسرعة وممتع
ويدقق في الريبورت عشان الافريج ما افريج ... لازم يكون 75% ..
والحلو فيه انه يحاول يخليك تخلص الريبورت باللاب وتفتك من همه.

بشكل عام الاستاذ عبد الله، اخلاقه ممتازه وتعامله ممتاز
بس انه شديد (مثل اي مدرس لاب سعودي) وإذا طحت في قروب دوافير بتنظلم بسبب نظام الـ normalization


انا اقول هذا الكلام وانا اشوف نفسي مظلوم بالقريد في آخر الترم
بس الحق حق وهذا نظام الجامعة ...

 

ماذا عن مادة ee200 lab ??

ساعدونا شباب عطونا معلومات أكثر

 

Ee200 lab - 111

التحضير : يهتم بالتحضير ولا يحب التأخير .
طريقة الشرح : واضحة ومختصرة ويعلمك المطلوب منك في التجربة بالضبط .
الكويزات : تعتمد على البري لاب .
القريد النهائي: A
الصوت: واضح
إضافات : هذا المدرس تعامله راقي بصراحة .. صحيح انه يكرف ويدقق على الريبورتات والبري لاب ولكن يعطيك حقك ما ينقصك بدون حق . حتى في نهاية الترم ما يحتاج يسوي نورملايزيشن لأن الافرج يكون مضبوط على الأفرج المطلوب واذا ما كان مضبوط فيخليه على الماكسمم اللي يقدر عليه . الخلاصة : تعطي اللاب حقه تاخذ ٢٠ بالراحة ، تسحب عليه تاخذ ٩ عادي .

 

+111

هذا المدرس يجسد كل شيء غلط في الجامعة . تعقيد عالفاضي , وما يعطيك اجوبة الدسكشن الا في نهاية اللاب بعد ما تسلم الريبورت عشان لو كتبت غلط تنقص , بدال م يشرحها ونشوف نتائجها ونعاينها بنفسنا , الشيء الأسوأ ان يسوي كذا عشان هذا النظام يريحه هو في الدرجات مو عشان احنا نفهم ولا لا

ما انصح فيه أبدا .

 

أخذت معه ee200

باختصار مدرس يبحث عن أي طريقة ممكنة لبهذلة الطالب وتعقيد الأمور عليه

ميزته أن افرج اللاب يكون نازل جداً وبالأخير كل طالب يرتفع بشكل كبير لكن هل فعلاً هذي ميزة ؟ أعتقد للدوافير فقط

أذكر في 151 كان أفرج اللاب 9 وكسور من 20 ورفع كل طالب 5 درجات

 

LAB EE200 - T152

التحضير : يومي مع بداية اللاب وينقص لكل خمس دقائق يتأخرها الطالب
طريقة الشرح : يشرح اللي يبغاه منك بداية اللاب لكن للأمانة كان يشرح وكأنه يفترض إننا فاهمين جزئيات من اللكتشر واحنا نكون لسى ما وصلناها ، فكنت ما أفهم معاه إلا نادراً
الكويزات : من البري لاب
المياجر: -
الفاينلات : فاينل لاب بسيط لكن مشكلته كانت في الوقت ، إذا ما كنت عارف الفكرة ، فما راح يكون عندك وقت كافي تستنتجها
القريد النهائي: B+
الصوت: واضح
إضافات : -أخلاقه كانت جداً عالية ويلف معظم وقت اللاب يجاوب على أسئلة الطلاب
-يحب اللي يشتغل معاه ويساعده في الأخير في النورملايزيشن
-شديد جداً في التصحيح وغالباً راح يطلع لك أغلاط لكن لا توسوس ، سو أفضل شيء تقدر عليه وراح يرضيك في الأخير
- كنت نادراً ما أخلص اللاب في وقته ... أحتاج وقت إضافي عشان أكتب الريبورت لأن اللاب كله يروح في كتابة الأكواد
-إذا أرسلت له ايميل ، نادراً ما يرد عليك ... إذا شافك يجاوبك !
-شيء ما انتبهت له إلا آخر لاب ، كان فيه وقت كثير يروح مني في نقل الأكواد للريبورت لكن آخر لاب طبعت الأكواد بعد ما خلصتها من الغرفة اللي نهاية السيب وكتبت تعليقاتي تحتها وقبلها الدكتور ... راح تختصر عليكم وقت مرررة كثير

 

التحضير : شديد عالثانية... عنده نظام كل خمس دقايق بخصم
طريقة الشرح : ممله وغير واضحه.... يشرح بتعقيد ولا يبسط المعلومه
الكويزات : يسحب الورق سريع والكوزات كثيرة تقريبا كل لاب
المياجر: اخذت معه لاب
الفاينلات : الوقت كانه اختبار قدرات... مايعطي وقت للحل
القريد النهائي: C
الصوت: ضعيف ولك عليه ملاحظه

ملاحظات : غير متعاون ويعطي درجات متدنية في التقرير بسبب عدم ترقيم الصفحات (وهو كله صفحة وحده).. وبسبب عدم ترقيم الصور و عدم الكتابة بخط جميل الخ
يبغاك تكتب بطريقة دعائية
اذكر مره انه واحد من الشباب اخذ درجة كاملة عالتقرير (مره وحيده) ولما اطلعت على الريبورت كان مكتوب بالوان بناتي (وردي وخلافه) وبه صورة فراشة للتزيين ومطبوع بتكاليف لا داع لها... وكان يمتدح طريقة الكتابة ويقول "شوفوا الالوان كيف... شي يفتح النفس"... كاننا مسؤولين عن نفسيته
اما طريقة التماسيح لاتعجب هذا المحاضر... افرج الريبورت على 3 ونص الى 4 من 10

انصح الاخوة بعدم التسجيل معه.... اللاب كان تعذيب نفسي تشيل همه طول اسبوعك وحتى وقت نومك... بيسببلك مشاكل وقريد في النهاية تعبان

​

 

مادة EE202 ---- ترم 202 عن بعد

التحضير : كان يحضر من التيمز
طريقة الشرح : من سلايداته وكان عنده قلم ويحل مسائل معانا
الكويزات : كان متساهل معانا الصراحة وكويزاته كانت نوعا ما سهلة
المياجر: كان ميد كومن
الفاينلات : كومن
القريد النهائي: انا طلعت ب +A معاه لكن تقييمي له +C
الصوت: هادئ جدا و ممكن يجيب النوم شوي

إضافات :
1- الدكتور جدا متعاون ويحاول يساعدك باي شكل من الاشكال
2- شرح الدكتور سيء نوعا ما وهذا ممكن بسبب انه اول مرة يمسك ليكتشر
3- اخلاقه عاااااااالية جدا ومحترم مرة.

اذا الكورس ينفع سيلف ستدي نزل معاه غير كذا ما انصحك تنزل معاه.

 

EE272 (لاب سيركيت 2) -- ترم 211

التحضير : بداية الكلاس يحضر
طريقة الشرح : يشرح التجربة باختصار على السبورة
الكويزات : سلخ وصراحة نظامها جدا سيء
المياجر: فيه اكسبريمنت تيست وكان متوسط بس تصحيحه شديد
الفاينلات : فيه قسمين .....الثيوريتيكال كان صعب جدا!! والتصحيح شديد كالعادة ... الاكسبريمنتال كان متوسط بس الوقت ضيق جدا!!
القريد النهائي: طلعت معاه ب +B ولكن اقيمه ب +D
الصوت: خافت وهادئ
إضافات :
1 - اللاب حسيته ثقيل معاه الصراحة
2- توصيل المعلومة لك عليه
3- اخلاقه عالية جدا ومحترم
4- تصحيحه جدا شديد لدرجة انه رفع كل واحد مننا في النهاية 12 درجة !!!

نصيحتي الاخيرة خليه اخراختياراتك واذا انحديت عليه نزل عنده بس بتتعب شوي.