كل اللي أعرفه عن هذا الرجل انه كان يدرس في كلية المجتمع وجاء الجامعة هذي السنة

هو بريطاني وبالتحديد من ويلز
حسب كلام مدرس الانجلش بتاعي في الأوريا ،، ان هذا المدرس كان نصراني ولما جاء المملكة وتعرف على الإسلام اعتنق الدين الإسلامي وغير اسمه الى اسم محمد..
وصار يحب يظهر بالمظهر الإسلامي،، شماغ وثوب
طبعا أعرف ان هذا مو مكان الكلام عن الديانات لكن مو معقول نجيب سيرة هذا الرجل من دون ما نذكر اختياره لهذا الطريق العظيم ،، دين الإسلام

أما عن طريقة التدريس لا أملك أي معلومات

 

مدرس راقي بكل ماتعنيه الكلمة ..

يضبطك من جميع النواحي ..
يعطيك أوراق براكتس قرمر وفوكاب إلى بكره ..

ميزته إنه راعي ذبات وفكاهي بنفس الوقت ..
قسم بالله ماغير تمسك بطنك من الضحك !

 

اختبرت speaking عنده و مع واحد ثاني
الرجال الثاني قاعد يستعجلنا و يتصيد الأخطاء و يهاوش . اما هو كل شوي يقوله اصبر عليهم خلهم يأخذون راحتهم .
انا و خويي اللي اختبر معه عندنا معلومات بالإنجليزي وجيدين فيه .. لكن الرجال الثاني لخبط علينا بقوة .
بأختصار مدرس ممتاز .

 

أفضل مدرس مر عليه في حياتي

هو أسلم قبل ما يجي السعودية

أسلم عام حسب ما أذكر انه قلنا عام 1979

درس في كلية المجتمع في حايل

كنت اقضي 4 ساعات من الضحك المتواصل

انسان متفهم جدا

ما يدقق على الغياب كثير لأنه ما احد يغيب عنده

لأني كنت ارحله الساعة 8 الصباح ونفسي مفتوحة للدراسة

أهم شي لسانك لا يزل عنده بكلمة غلط >>>>>>> اقصد تكلج

لأنه راح يوقف الحصة ويقعد يطقطق عليك السمستر كامل

بس ما احد يزعل منه لأنه هو شخصيا يتقبل المزح

أكثر كلمة يقولها في الكلاس ) rubbish (

أكثر من 100 مره في اليوم


ملاحظة مهمه جدا جدا

أظنه يفهم عربي لكن ما يعرف يتكلم

هذا خلاصة سمستر لا ينسى معه

 

يدرسني هذا السمستر قسم بالله لا تستطيع اغلاق فمك من الضحك المتواصل
ربش الكلمة اللي ينطقها خمسين الف مليون مرة
تراه يشجع مانشستر والاتحاد هههههههههههههههههههههههههههه
طيوب مرة ويحس بالطلاب ويعرف مشاكلهم
مدرس اهطيه ايه+

 

من افضل الاساتذة اللي قابلتهم كلاسة ما يمل وناسة + تعليم + كل شئ روووعه المدرس هذا

 

الله يذكرك بالخير يا عبدالله ، هذا درسني أوريا قبل 7 سنوات.

رجل قمة في كل شيء ، أتذكر كان يزعل إذا دخلنا الكلاس وقلنا قوود موررنق ، يقول الحين عندكم دين يعلمكم تقولون أحسن تحية وتجون تقولون قوود مورننق.

 

يتعب الكلام في مدحه .. مدرس بطل وبقوه
شرح واسلوب وتعامل وأخلاق وكل شي .. كامل والكامل وجهه
ماقصروا الشباب باللي قالوه عنه فعلا معلم راقي وخير مثال للمعلم ..
يفيدك كثير في اللغه وفعلا يشتغل بذمه ويطور طلابه بشكل عجيب ..
الكلاس ماتمل منه الا بالعكس ودك تحضر عشان تسولف معه وتضحك وتستفيد ..
التحضير مايدقق فيه كثير لأن الكلاس في الغالب فل .. الكويزات كانت صعبه بس يعلمك بصعوبتها ..
ويعطيك ماتيريال يقولك بتجي مشابهه لها .. يعني ماينكبك بالعربي خخخ ..
الصوت والآكسنت عنده توب ومن أحلى الأصوات اللي تسمعها بالانقلش ..
اذكر لما كان يخلي الباب احيانا مفتوح ويطلعون بعض الكلاسات بدري بشوي يجون يتفرجون عليه وهو يسولف لنا
فعلا انسان مختلف ..

طبعا اخذت عنده 001 ولو ودي انزل عنده كل كورسات الانقلش ماعندي مشكله والله خخخ :d
اعطيه a+ ولو أقدر اعطيه أكثر ماقلت لا !

 

مشكورين يا شباب على الشرح الوافي


طلع الرجال محترم ومدرس وافي

 

انسان قمة في الاخلاق والتعامل ، انسان مثقف ، فاهم .. لديه فلسفة جميلة ويرى الامور بمنظور اكبر مما هي عليه ، ستخرج بفائدة عظيمة لمجرد الاستماع اليه ، يجعل الحصة مشوقة بشكل كبير لان الرجال يتحدث امور خارج الكتاب ويفصل كل نقطة تمر عليها بشكل جميل ، الرجل بريطاني اسلم من قبل ما يجي المملكة في قطر على ما اظن ، يداوم بالزي السعودي ولا تسأله ليه لانه بيرد عليك بالسؤال " ليش انت لابس بدلة ؟ " وبتدخل في محادثة لا مخرج منها ، كلمة Rubbish ستسمعا كثيراً ، ان حصلك هذا المدرس فنزل وانت مغمض عيونك A+

 

مدرس ممتاز

التحضير : يمسك الكشف ويحضر واحد واحد يعني لا تغيب ... بس ناسي كم مره باليوم

الكويزات : كان يسوي اختبار قياس مستوى بإستمرار



القريد النهائي: A+

الصوت: واضح


إضافات : يمون من أول ما يشوفك

 

يالبى قلبه

اخذت عنده في 001 a+

 

افضللللللللللللللللللل مدرس مر علي بالاوريا مع انه كان يطردني كل كلاس بس كان روعة .......بالنسبة للغياب يبغى يعلمك انك تعتمد على نفسك فيقول عند 15 غياب بعدين نتفاهم السمستر اللي راح كنت غبت حوالي 14 غياب و ليتات بالهبل بس ما سجل سوى 10 غيابات وليتين. طبعا درست عنده الترم الماضي 092

بالنسبة لانه كان يطردني فلم يكن بسبب اني اغلط عليه او كذا ولكن كانت لاني كنت احاول اجعل الامر كانه ندية و ما اتقبل النكتة

 

انا اوريا جديد ... وهذا اليوم الثاني لي عنده
قسم بالله دخل قلبي هالآدمي .... rubbish !!!
هههههههه ماخلى واحد بالكلاس الا ومسك عليه شي .....

الله يجزاه خير

 

اقسم بالله انه من الناس اللي خلوني اشوف الحياه افضل..
ياشيخ تروح للكلاس وانت مشتاق له .. ضحك + ذبات ع كل الطلاب + من اول اسبوع كل طالب له [ نك نيم ] ههههه
- بالنسبه للشرح كويس جدا + احسن مافيه انه يعطيك اوراق براكتس [ تدريبات ] على القرامر والريدينج كثييييييييره جدا جدا + ماراح تفهم بعض القرامر الا من هالاوراق
والله ياكنت انام عنده نووووم ومايقول شي ... والتحضير شديد مره ولاينساه !
الصوت : واضح جدا ويتكلم ببطء عشان تفهمه
ختاما [ Rubbish+ flying donkey + ladies club ] بتسمعها كثيييييييييييييييييير
بتسمع معه كلمات زي [ يعني - ان شاء الله - الله اكبر ]
هو مسلم ويلبس شماغ وثوب +انسان نكتي درجه اوووولى
... الخلاصه [ امك داعيه لك اذا طحت عنده ]
اعطيه A+++++++++++++++++++++++++++++++++++++

 

الا وش قصتة مع مدينتي حفر الباطن يقولون انه كل شوي يفصل عليها هههههههههه
علموني وش شايف مهنا

 

الابداع والمتعه يكفي ان السكشن الي يدرسه دايم فوق الفرج ب 5 درجات من جد اذا حطيت عنده ترا امك دعتلك ومخلص في عمله وغير كذا والله حتى في الكوزات يمر علينا يتاكد اننا مظللين صح عشان ما ننقص ازبده اذا انت عنده تحمل الي يا جيك ودرعم وصدقني راح تتعلم طبعا اكثر كلمات راح تسمعها Rubbish+ flying donkey + ladies club وكل طالب يعطيه اسم مثلا مستر حشيش مستر سامبا مستر ابسنت يعني اول تكليجه تصير اسمك هههههههه

 

بسم الله


درست عنده 003
فصل 141


التحضير : كل ال4 كلاسات يحضّر.

طريقة الشرح :
لا أتذكر بالضبط كيف كانت طريقته.
لكن
كان يمسك ورقة (word-list) ويترجمها كلمة كلمة مع كامل التفاصيل.
ما كان يشرح القرامر بالتفصيييل، لكنه كان يحل كثير.
أكثر شي ممكن تستفيد منه السبيكينق... يجبرك ويطقطق عليك ويعيّرك لييين تتكلم.
وطقطقته واجدة، لا تزعل ولا تبطل انك تسأله عشانه طقطق عليك.. اسأل اسأل والله لو يتطنز عليك من اليوم الى بكره.. انت تبي تتعلم.
كلاساته ضحك.
يسحب على بعض الصفحات أحياناً، وإذا نشب له أحد الطلاب يرجع ويشرحها.
أذكر حل لنا كم سؤال غلط، بعدين حملت كتاب المعلم على جوالي أتأكد من أجوبته. هههههههه


القريد النهائي: A

الصوت:
واضح.

إضافات :
استغل فرصتك معه وشارك وتكلم وسولف معه..
ما يطلع من الكلاس وقت بريك ال10 دقايق... تقدر تستغلها بسوالف معه ولا تسأله عن قرامر..