درسني لآب 316 هالإستاذ وصراحة كان من جدآ جدأ جدأ محترم وحبوب

التحضير : ماكننا نتاخر يعني بالمحاضرررة وكان جدا متسامح للناس اللي يتاخرون نص ساعة جاتني مرة تاخرت نص ساعة ، واحيان ساعة ومايقول شي يبتسم في وجهك
طريقة الشرح : الطريقة الاعتيادية يعني على السبورة وشرحه بسيط جدا يعني مايتعمق بتفاصيل " لانه لاب اللي كان يدرسني " مايحتاج شرح عميق بس انه ممتاز في شرحه كان
الكويزات : ماكان فيه كويزات " لانه لآب "
المياجر : كانت جدا سهلة " مع العلم ماظن هو اللي حاطها " وهالكلام ينطبق على الفاينلات
القريد النهائـي : A+ , مع العلم اقل طالب أخذ عندهـ b+
الصوت : ممتاز والكل يسمعـه

إضافات : كان جدا متساعد معنا في الريبورتات يعني عادي لو سلمنا الريبورت متاخر مايقول شي بالعكس ولامررة سلمنا الريبورت في الوقت :> الله يحفظه هذا اللي أقدر أقول

 

اطلق واحد بالعالم كله اخلاق شرح تساهل مع الطلاب فلة الانسان هذا الله يحفظه

 

يا لبّى الناس اللي كذا و الناس شهداء الله في أرضه

 

الله يوفقه ويسعده دنيا واخره و ان شاء الله ياخذ الدكتوراه
هذا انسان يفرض عليك احترامه ، حبيب مررره

نزل عنده وانت مغمض :-)

 

ME 316 Term 111


التحضير :
بداية الاب .. ما يحب التاخير بس يسلك
طريقة الشرح :
يشرح النظريه اول بعدين يحط القوانين المهمه
الكويزات :
لا يوجد
المياجر:
فاينال فلويد & فاينال heat .. تختار التجربه بالقرعه .. يحذف التجارب الغثيثه من الفاينال .. و يكون جزء نظري و جزء عملي
القريد النهائي:
الله يسعده بس .. الله يسعده و يوفقه .. مو مثل بعض الدكاتره قريد مجحف
قريد مرضي و يعطيك اكثر من حقك
الصوت:
واضح
إضافات :
مدرس حبيب و اخلاق .. دفعة 2004 .. يحضر الماستر و اظن انتهى منه السمستر الماضي ..

الحمدلله انه معيد بالقسم خذ معه وانت مغمض ..

ما كان يطلب شغلات صعبه ب الريبروت ولا يطلب صور ولا فلسفه زايده

sample of calculations & excel tables & conclusion

طبعا لازم ال داتا تكون نفسها اللي اعطاك اياه بالاب .. ما ينفع تاخذ ريبورت قديم يعني ^_^

انتبه و انت تكتب ال conclusion لانه يدقق فيها

انصحك خذ معه اي كورس ولا تفوته

 

^^^^

اتفق مع اخوي ابوشوووق بكل الي كتبه

واحب اضيف بما اني اخذت معه في الترم 112 .. تحديث

الدكتور مثل ما هو بطيبته واخلاقه و شرحه وتعاونة ماتغير لكن بدا يشد شوي

وسبب ذلك .. تقييمه هنا في المنتدى .. الطلاب الي ينزلون معه يبزوطون على انهم ضامنين النجاح وبدرجات حلوه معاه
واحد من الطلاب ماسلم ولا ريبورت في الهيت لاب بارت .. تشوفون كيف السحبه !!

قالنا بالحرف الواحد مستوى الطلاب سيء سيء جدا بالذات خلال الفصل الدراسي 112

علعموم الي يشتغل معه ماراح يلقى الا حقه و .... زيادة 3 قريدات ...



الله يوفقك يااستاذ عبدالرحمن

 

الاستاذ عبدالرحمن .... زميل دراسة

انسان طيب و حبيب

اختار انه يمشي في الطريق الاكاديمي .... الله يوفقه

 

ممتاز الرجل وكلام الأخوان على متمة ، أنا درست معه لاب الـ 316 سمستر 121 ومايزال على سمعته الطيبة ..

الرجال بيعطيك أكثر من حقك ، لكن لو ماكنت تسلم شيء أو تتأخر أو تغيب فبتأخذ قريد سيئ مع دفه لك ، يعني اذا كان مستواك سيئ وريبورتاتك سيئة وتستاهل دي فهو بيعطيك دي بلس ، يعني لا تظن أن دفته بتطير الى اي و بي بلس أو حتى بي ، ووالله أني أعرف لي واحد ماخذ عنده دي بلس !

يعلم الله أني ما قد تعبت في لاب وريبورتات مثل هاللاب .. أول كنت أنسخ من الاولد ريبورتس ، لكن بها الكورس أضطريت أني أفرغ نفسي كل يوم ثلاثاء أشتغل على الريبورت .. طبعاً كانت تأخذ مني حدود 4 إلى 5 ساعات بسبب أن المدرس الله يهديه بعض الأحيان ما يعطينا سامبل كالكوليشن .. لكن مع ذلك الحمدلله أن مشت أموري بالكورس وأستفدت وفهمت كثير، طبعاً هو متشدد من ناحية الميك أب وما يسمح به الا في الحالات النادرة، وغياباتك وحتى لو بـ اكسكيوز يعطيك بالريبورت صفر لكن تأخذ درجة الحضور وهالشيء أعتبره ظلم ..
فنصيحتي نزل مع الشيخ عبدالرحمن لكن لا تضيع نفسك وتجي تقول أنه سيء في الأخير ..

موفقين ..

 

ME 316 - ترم 121

التحضير :
يوميآ بداية اللاب

طريقة الشرح :
يشرح ثيوري , وبعدها نسوي التجربة مرة وحدة

الفاينلات :
فيه فاينلين في المادة , فاينل فلويد وفاينل هيت
تختار بالقرعة وتسوي التجربة لحالك

القريد النهائي:
اممممممممممممممم , يستاهل B+

الصوت:
واضح

إضافات :
الدكتور حبيب و شبابي وجيد , لكن اذكر مرة جيته باكسكيوز
ورفض يعيد لي التجربة , ورفض يخليني اكتب الريبورت
لان ماعاد فيه قروبات يسوونها بهذاك الاسبوع , والريبورت كان عليه 4 % من الكورس
يعني قريد كامل
بالاضافة الى ان تصحيحه شديد بالريبورتات ..
عموما هو بالاخخير دفنا أبد قريد , وماقصر صراحة
في النهاية هو دكتور جيد و حبيب ,,

 

١٨٢-٣١٥

التحضير : نهاية الكلاس غالبا واذا جيت متاخر يذكرك ويقول لاتتاخر
طريقة الشرح : سلايدات ويكتب عالسبورة وشرحه فوق الممتاز
الكويزات : يعطي ٦ كويزات وواحد تعويض اتوقع يحذف كويز واحد بس

المياجر:
كومون وتصحيحة احيانا كويس يدفك كثير واحيانا يعطيك على حقك

الفاينلات :
كومون وزي المياجر تصحيحه
القريد النهائي:
B
الصوت:
ممتاز وينكت بعض الاحيان
إضافات :

الدكتور ممتاز شرحه وتصحيحه كويس مقارنةً بغيره
والقريدات زي اي دكتور بالجامعة اذا درجاتك زينة يعطيك قريد زين واذا مو زينه يعطيك قريد نازل

وشكراً

 

ME 315
TERM 191

التحضير : كل يوم , وكل يوم وقت , عادي تدخل عقب دقيقتين تلقاه محضر وعادي تدخل اليوم الثاني تلقاه يحضر عقب ما يخلص الوقت, ما ينشب مره على التأخير الا اذا مصختها. الخصم اخبر انه مره واحد سأله قال انتم السمستر هذا ممصخينها فبخصم على الغيابات.

طريقة الشرح : شرييييييييييييييح , من سلايداته ويحل المسائل الي فيها ويربط بالواقع كثير, اتوقع انه من افضل ثلاثة درسوني بالجامعة ماشاءالله عليه.

الكويزات : عطانا الظاهر 7 كويزات واخذ اعلى خمسة , كنت اشوف الكويزات بوقتها صعبة بس اذا ذاكرت للميجر ورجعت عليهم من جديد اشوفهم قريبات مره لمستوى الاسئلة الي بالسلايدات وكثير منها اذا فتحت الاولد اقزام عقب لقيتها منسوخة بالارقام

المياجر: كومن , وطريقة المياجر للامانة ما تعطيه فرصة يدفك اصلا فبيعطيك حقك بالضبط.

الفاينلات : كومن ونفس المياجر التصحيح.

القريد النهائي: A للدكتور , احس من اكثر المواد الي فهمتها بالجامعة الله يجزاه خير.

الصوت: عالي وواضح

إضافات : للامانة ما طلعت بقريد عالي معاه فأشوف انه يعطيك حقك بدون زيادة ولا نقصان بالقريد , الميجر الاول كنت تحت الافرج , الثاني فوقه , الفاينل اتوقع اني حول الافرج , انا الصدق كنت منضغط شوي هالسمستر فما اذاكر اول بأول بس كنت اطلع من الكلاس وانا احس اني فاهم فالدكتور انصح فيه. البروجكت حقه سهالات واخبر انه خمس قروبات بالكلاس كل قروب 4 اشخاص عطى قروبين كامل من 8 وقروبين حول 6 وقروب اقل منها الظاهر.
مب تقليدي الدكتور, يعني عادي يتكلم عن صعوبة شغلة ولا انها معقدة وكذا ويجي واحد من الطلاب ويقط كلمة فيضحك الدكتور مع الكلاس فالوضع حليل بكلاسه شوي.

 

اسم الدكتور : عبدالرحمن المرباطي
by whats app
المادة: ME 315
الفصل الدراسي:191
بنود التقييم ⬇⬇⬇

التحضير :متساهل في التأخير شديد في التحضير
طريقة الشرح :من السلايدات ويكتب على السبورة شرحه واااضح ومتجاوب مع كل الأسئلة

الكويزات : كانت اسئلة اولد اقزام الصراحة ومرات يسهل لكن الأغلب تكون لازم تجيه مذاكر مذاكرة ميجر.

المياجر:كومن

الفاينلات :كومن

القريد النهائي:A+

الصوت:واضح


إضافات : اكثر مادة في التخصص حبيتها بسببه الله يسعده.

 

me203-192
عبد الرحمن المرباطي.
التحضير :متساهل في التأخير شديد في التحضير.
طريقة الشرح :من السلايدات ويكتب على السبورة شرحه واضح جدا ومتجاوب مع كل الأسئلة.

الكويزات : كانت اسئلة اولد اقزام ومن الواجب.

المياجر:مااختبرنا بسبب التحول الى عن بعد .

الفاينلات :مااختبرنا بسبب التحول الى عن بعد .
المادة اصبحت كوزات وكلاس تيسيت وواجبات.
الدكتور طيب جدا وخلوق جدا ويحب يستاعد مع الطللاب.
الدكتور مايجب احد يرسب ولا احد ياخذ درجة اعمال سنة سيئة.
القريد النهائي:A++++

الصوت:واضح.

ملاحظة: الدكتور خريج جامعتنا فعارف شيبي الطالب بالضبط
إضافات :رغم ان انا مو من التخصص بس المادة حبيتها بسببه الله يعطيه العافية.
اذا شفت منزل لاتترد انك تنزل عنده، شخص والنعم فيه نابغة.

 

Me203 - 202
عبدالرحمن المرابطي
التحضير : التحضير نهاية المحاضرة لكن التحضير مو يوميا

طريقة الشرح : عنده سلايدات نفس حق الشرفي لكن معدل عليها شوية ويشرح الكونسبت في البداية وبعدين يشرح مثال عليه لكن عموما الامثلة احسها قليلة. الدكتور يتقبل اي سوال

الكويزات : كانت متوسطة ماهي سهلة او صعبة غالبا سؤال مقالي ٨ درجات وسؤالين كونسبت عليها درجتين وتكون سهلة

المياجر: صار ميد واحد بدل ميجرين وكل دكتور يحط اسئلته كان الافرج ١١ من ١٥

الفاينلات : الفاينل كل دكتور يحط اسئلته وكان صعب جدًا ومافيه باكتراكينق وبسببه نزلت القريدات عن الدكتور كثير

توزيع القريدات صار عنده
87 A+
83 A
77 B+

القريد النهائي: A+

الصوت: واضح جدًا ولغته ممتازة

ملاحظة: الدكتور متعاون كان متعاون معانا اذا طلبنا منه تاجيل الكويزات لكن اغلب الشباب كانوا يواجهوا مشكلة لان تسليم الوجبات يكون قبل الكلاس يوم الخميس ولا يوافق يخليه الليل

افرج الكلاسورك كان ٥٨ من ٧٥

 

ترم 201**

 

ME 203 - Term 201 - ONLINE

التحضير: يحضر نهاية المحاضرة عن طريق مناداة الاسامي ، اذا العدد كامل مايحضر ، واذا في واحد غايب يحضر لين يعرفه بعدين يوقف.

الشرح : عن طريق سلايدات شرفي لكن معدلة شوي ، يشرح كونسبت بعمق ثم يبدأ بحل المسائل بالتفصيل ، يستخدم القلم اثناء الشرح ، شرحه اشوفه ممتاز صراحة. احيانا يخصص محاضرة لحل مسائل فقط ويخليها كمجموعات ، احد المرات خلاها كويز اضافي فقط للمساعدة ، الاسئلة شوي معقدة لكنها مفيدة.

الكويزات: بالبداية كانت ريتن لكن بعدين خلاها ملتبل تشويس ، آخر الكويزات كان سؤال حل طويل عليه 6 نقاط ان ماخاب ظني ، و سؤالين كونسبت سهلين كل واحد 2 بوينت ، مما يشكل مجموع 10 بوينت. كويزاته متوسطة تميل للصعوبة احيانا. الكلاس تيست الاول ريتن ، والثاني ريتن وملتبل، التيست الثاني جاب سؤال نسخ لصق من اللي يرفعهم لكن بتغيير ارقام فقط.

المياجر: صارت ميد واحد وكان متوسط الصعوبة ، ثلاثة اسئلة ، الافرج 73%
الفاينل: كان صعب صراحة والمشكلة مافي باكتراكنق وهذا كان مصعبه اكثر ، ثلاثة اسئلة طويلة كلها ريتن عليها 90% ، وعشرة اسئلة كونسبت عليها 10%.
التصحيح: تصحيحه حلو ولكن يهمه صحة الجواب زي الطريقة بالضبط ، ف في مرة جمعت غلط ، الطريقة صح وهي تجمع ، لكن جمعت غلط وكتبت اجابة غلط ، عطاني على الفقرة نص الدرجة ، حاول تكتب اي شي حتى لو قانون وتعوض نصه ، بيعطيك عليهم بوينت. في سؤال بالكويز جبت الاجابة صح لكن الاشارة غلط ، كلمته يعدل لي درجتها ويعطيني نص عالاقل ، والله يعطيه العافية عدلها لي.

اضافات: اخلاق الدكتور جدا عالية ومتعاون جدا مع الطلاب ودرجاتهم تهمه ، مايحب يشوف طلاب جايبين قريدات نازلة فحسب كلامه انه يضبطهم ب oral exam وامور كذا ، متساهل بتأجيل الواجبات ، اذا توزيع قريدات المشاركة اللي فوق ^^^ صحيحة ، فالله يعطيه العافية عطاني ابقريد 1% كامل. دكتور ممتاز وخلوق.

 

بنود التقييم : ME-315 202

التحضير : تحضير تلقائي من البلاك بورد
طريقة الشرح : عنده سلايدات خاصه فيه يشرحه فيها وفيها عدد من المسائل، يركز على الكونسبت و يحاول يوصله لك باكثر من طريقة، ويربطه بالحياة الواقعية.
الكويزات : عطانا 8 كوزات اغلبها يتكون من سؤالين اختياري وسؤال حل، الكويزات مستواها من سهل الى متوسط.
المياجر: كومن
الفاينلات : كومن
القريد النهائي: الله يعيطه العافية والله ماقصرت معانا، اذكره في الفيانل قال الدرجة بتكون مع العيد وبتكون هي عيديتكم وصدق والله ، A+.

إضافات : احيانا بين كل فترة وفترة يسوي كلاس اكتفيتي بحيث يقسم الشعبة لقروبات ويعطيهم مسائل للتدريب ويناقش الحل نهاية الكلاس.

 

هذي ثاني مرة أكتب تقييم للدكتور عبدالرحمن حيث درست عنده المرة الاولى ME203

ME 315 - Term 212

التحضير: يحضر نهاية المحاضرة عن طريق مناداة الأسامي

الشرح : شريييييح وكلاسه ممتع جدا وماتحس بالوقت فيه ويحب يناقش الطلاب كثير، مشكلة المادة دسسممة وفيها قوانين وانواع مسائل كثيرة مايقدر يغطيها الدكتور ، فكان يشرح القوانين كلها وكيف ومتى تستخدمها ، ويحل مسألتين إلى ثلاث على بعضهم. فحتى مع انك تخرج من الكلاس فااهم تحتاج تحل مسائل عن القوانين والافكار الثانية.

الكويزات: سهلة إلى متوسطة الصعوبة ، اخذنا 5 كويزات ( ثنين متوسط ، واحد اونلاين تافه ، وكلاس تيست عن كويزين متوسط الصعوبة ) وثنين Problem Sessions اللي هو حيل يحب يسويها وهي يوزعنا مجموعات ويعطينا سؤال نحله كله وتقريبا يعتبره ككويز. بالنهاية ياخذ أفضل عدد من الكويزات ناسي كم بس اتوقع يحذف واحد ، و يحذف أسوا واجب.

التصحيح: بالميجر الاول دففناا دفففف وتساهل مرة بالتصحيج بس مع ذلك الافرج كان نازل حول ال55% ، الميجر الثاني دف خفيف والافرج 76% ، الفاينل ما اعرف لاني ماراجعت الورقة بس الافرج 54.67% ، بشكل عام تصحيحه عسل وتقريبا الكل راضي فيه

الصوت: وااضح ويشرح باللغة العربية والانجليزية بشكل مفهوم.

إضافات: درست عند الدكتور مرتين ، مرة اونلاين ومرة حضوري ، واقدر اقول وبكل راحة انه افضل دكتور Thermo-Fluid ويمكن حتى بالقسم. ماشلت هم المادة الدسمة معاه ولا بكيف بيصحح مياجري ولا بمحاضرته ولا شي. اخلاقه عسللل. دكتور اسطوري وانصح الكل ينزل عنده. الله يوفقك دنيا واخرة يادكتور عبدالرحمن.