ABDULRAHMAN ALOFI

ME 401
بنود التقييم :

التحضير : يحضر يوميا ويحفظ الاسماء بسرعه ماشاء الله ويصير ما ينادي لكن كل كلاس يحضر.

طريقة الشرح : شرحه جيد للكورس ويركز اكثر على طرق حل المسائل اكثر من الكونسبت، سلايداته مليانه مسائل وممتازة جدا.

احيانا شرحه يكون ضعيف خاصة اذا تشتت او كان الموضوع pure concept.

الكويزات : اعطانا ٧ كويزات، واحد منها اضافي للي حاب يحسن وحسب افضل ٥ كويزات لكل طالب. كويزاته مستوى صعوبتها يعتمد على درجاتكم بالكويزات اللي قبل. اذا كويسة راح يجيب لك سؤال صعب من الواجب او السلايدات او الكتاب ويعطيكم وقت ضيق واذا افرجكم طايح يجيب سؤال سهل ومباشر من السلايدات او الواجب والغالب من الاخير ويعطيكم وقت اكثر من كافي.


عنده بونص على اسئلة سريعه بالكاهوت يسويها ببعض الكلاسات. اذا جبت اعلى نسبة او ١٠٠٪؜ تاخذ 1 point واحيانا اذا جبت ١٠٠٪؜ يخليها ١.٥ او ٢ اذا ما خانتني الذاكرة والحد الاعلى لمجموعك النهائي كان 10 points.

المياجر: المياجر كانت ٧٠٪؜ تقريبا على الرتن و ٣٠٪؜ على الخيارات.
-الخيارات ورقة تضليل ولو الجهاز قراها غلط الدكتور ما راح يعدل لك درجتك فيها.
- الرتن، تصحيحه يعتبر سيء وعشوائي. يعني ممكن بسؤال انت حال من البداية للنهاية غلط لكنه يخصم ٥ من ٣٥ وبسؤال يمكن تخطي باخر خطوتين وخطا رياضي مو كونسبت وتاخذ ٢٠ من ٣٥. وما اذكر عدل درجة احد من الطلاب.

الفاينلات : نفس الكلام اللي فوق.

القريد النهائي: A
الصوت: احيانا ما تسمعه واحيانا يكون مسموع وواضح
إضافات :

الدكتور نظامه مو ثابت في اشياء كثير ويحب دايما يتفق مع الدكاترة الباقين بالكورس على نظام موحد باغلب الامور، يعني كم غياب ينحذف واذا فيه خصم على الغياب او لا، و تاجيل الواجب، والافرج قريد للسكشن ومتى تنزل الدرجات.

وراح يقولكم كثير انه يحتاج يتفق مع باقي الدكاترة.

بالنسبة لترمنا اعطانا قريدات حلوة الافرج كان بال٧٠ و الاي كانت من ٨٠.

بشكل عام الدكتور مجتهد بالشرح و مهتم بالسلايدات ويرجع احيانا يحدث سلايدات سابقه اكثر من مره عشان الطلاب لما يذاكرون للاختبارات.

الدكتور عامةً خيار ممتاز و بعيدا عن التصحيح و التضليل الدكتور منصف بباقي الامور بين الطلاب ومتعاون بكثير اشياء.

 

ME 401 - Term 232

التحضير: ينادي الأسماء بداية الكلاس ولو راح عليك التحضير تروح له نهاية المحاضرة ويسجلك متأخر. أعطى كل واحد غيابين فري ومن الثالث يبدأ يخصم.

الشرح: يكتب على السبورة ولا بأس فيه بشكل عام بس أحيانا تحسه سريع شوي بالشرح.

الكويزات: بعد كل واجب يكون فيه كويز، إذا حليت الواجب بنفسك بتعرف تحل الكويز إن شاء الله لأن الأسئلة تجي منه. أعطانا حول ال 4 أو 5 كويزات (ما أتذكر كم بالضبط)، وبعدين عطانا كويزين اختياري للي يبي يحسن درجته.

إضافات:
- الدكتور يعطي بونس أحيانا في المحاضرات..يفتح أسئلة كاهوت عن المحاضرة والمراكز الأولى تاخذ بونس.
- أثناء المحاضرة لاتطلع جوالك لأن الدكتور مايحب يشوف هالشيء.
- الدكتور خلص المنهج تقريبا قبل أسبوع ونص من نهاية الترم فالكلاسات الباقية ألغاها.

عموما الدكتور خيار لابأس فيه إذا بتنزل عنده.