بنود التقييم : في ترم 182

التحضير : كل يوم + في الاخير شال 3 غيابات وبدا يخصم 0.5 عن كل غياب
طريقة الشرح : سلايدات
الكويزات : متوسطه
المياجر: كومن
الفاينلات : كومن
القريد النهائي: A
الصوت: ممتاز
إضافات : تصحيحه بطل

 

ME 406 - 201
الكلاسات بالبلاك بورد وكلها مسجلة. تحضيره يحط تصويت بالبلاك بورد وتختار yes. التحضير على حسب، مرة بعد ربع ساعة، مرة بعد نص ساعة، وبعض الأحيان ياخذه مرتين.
الان جالس ادرس عنده. ويدرس 322 بعد. والله ما تلقى أطيب من الانسان هذا شرح وأخلاق وكل شي. مستوعب إنه ما يحدد وقت الكويز الا بعد ما يوافق الأغلب على نفس الوقت؟ يحاول يساعد الطلاب قد ما يقدر. نزل عنده وانت مغمض.

 

ME 322 - 201
(Online)

التحضير : عن طريق البلاكبورد بصيغة تصويت ويكون مرتين او ثلاثة متوزعة على فترات يمكن اول ربع ساعة وبعدها ب 20 دقيقة للتاكيد. يعني لازم تكون متابع الكلاس لانه في اي لحظة يحط التصويت. بس غالبا انه اذا سويت التصويت مرة واحدة بيحسبلك حضور بس لازم تتاكد منه اول.

الصوت: صوته واضح جدا ويشرح بالانجليزي مع لهجة مصرية واضحة بس مفهومة، لا تشيل همها.

طريقة الشرح : شرح اونلاين من سلايداته عن طريق البلاكبورد وصراحة شريح ويفهمك الكونسبت بذكر امثلة وعرض فيديوهات تعزز الفهم وكمان يشرح الأسئلة والامثلة المحلولة.

التصحيح: حقاني وبعض الاحيان يدف شوية ويمشي بحيث انه مايخصم كثير ع الخطا البسيط، طالما انه خطواتك صحيحة ومرتبة.

الكويزات : كويزاته ع البلاكبورد وتكون اما اختيارات وصح وخطا (quiz) او بس مقالي ( numerical test). الخيارات يلعب في كلمات الكونسبت ويصير فيها تريكات لو انت مو فاهم عدل، بس اشوفها سهلة صراحة اذا انت فاهم ومركز وقت قراءة السؤال. اما بالنسبة للمقالي برضو سهل واحس انه مايقدر يجيب عليها تريكات لانه طبيعة المادة كونسبت والمقالي الي فيها بس عبارة عن تطبيق للقوانين، يعني تقدر تقول تعويض قوانين مباشرة بدون تريكات.

المياجر: كانت ميد واخذنا اختبارين وكانوا نفس مستوى الكويزات تقريبا او اصعب بشوية وكانت مزيج من الاختياري وصح وخطا ومقالي. صراحة مااعرف اذا كان كومن او لا، بس الظاهر انه كل دكتور يعطي الاختبار لفصله.

الفاينلات : فاينل كان نفس مستوى الميدين

إضافات : زي ماذكر اخوي في التقييم السابق واتفق معاه في جميع النقاط. فعلا دكتور حبوب وخلوووق بشكل رهيب ومتعاون وطيب لأبعد درجة. في رايي سجل عنده وانت مغمض.

 

ME 322 - Term 222

التحضير: الدكتور يعطيك 10 دقايق عشان تجي الكلاس بدون مايسجلك غياب أو تأخير، التحضير ياخذه بنهاية الكلاس.

الشرح: يستخدم سلايداته وشرحه ممتاز ويتقبل الأسئلة جدا ويحث عليها. شرحه كله بالعربي باللهجة المصري (أحسن شيء).

الكويزات: أخذنا 3 كويزات بس، يبي لك تذاكر زين عشان ماتضيعها، وهي سهلة إلى متوسطة..إذا مذاكر بتحل.


إضافات:
- الدكتور جدا متساعد بالمواعيد والتأجيل، أي شيء في يده ويقدر يأجله يأجله لو بغيتوا، بس أهم شيء تعطونه خبر بدري وماراح يقصر أبدا.
- سلايدات الدكتور جيدة للمذاكرة بس ماتكفيك، لازم تخش على الواجب والاولد والأشياء هذي.
- الدكتور حبيب ومتساعد بشكل عام وأنصح فيه.

القريد النهائي: A+ بالراحة.