التحضير :

مافي تحضير اهم ميزة فيه
طريقة الشرح :
شرح عادي بس يوصل المعلومة
الكويزات :
سهلة بالعادة تكون من اسئلة الواجب لكن حط بباله ان مايعلن عن الكويزات الا بالكلاس
المياجر:
الفاينلات :
القريد النهائي: A
الصوت:
واضح
إضافات : يعطيك حقك وزيادة بالتصحيح

 

ماث 201 ترم 103

التحضير : اخر الكلاس يعني تعال قبل نهاية الكلاس بعشر دقايق يحضرك <<< صارت قدامي

طريقة الشرح : عادي بس يوصل المعلومة

الكويزات : سهلة تكون تشبه اسئلة الواجب كل اربعاء كان فيه كويز سؤال او سؤالين ماتزيد

المياجر:كومن

الفاينلات :كومن

القريد النهائي: +a

الصوت: واضح

إضافات : لا تغيب وابشر بالبونص مدرس حبوب و ما يمديك تقول لاحد يحضرك يحفظ ام السكشن باسبوع .

 

زي ماقالوا الشباب ..ماث 201. المدرس أخلاق لأعلى مستوى ويعجبني تعامله مع الطالب في الاوفيس أور
لو تبي يراجع لك المنهج كامل ما عنده مشكلة.. أعطانا 6 كويزات وأخذ احسن 4
.. نزل عنده وان شاء الله موفق

 

نبي وصف اكثر يا شباب ؟؟

 

-


معلومات أكثر الله لا يهينكم ..
الكويزات والتصحيح ؟ النوت ؟

 

انسان اخلاق وتعامل ممتاز ودائم الابتسامه , من النوع اي يحب عمله ويخلص فيه
ولكن لا تاخذ معه ماث 131 !!!

انا خذته معه سمستر 111 كان ادائه سئ
يمكن يكون اطلق واحد في الماث, ولكن ماث 131 يحتاج الى انقلش بليغ وفصيح لفهم السؤال بالاضافه الى احصاء
بما انه تركي الاصل فالانقلش ما هي لغته الاولى ومقدرين هالشي
ولكن الاحصاء كان عذره انه ما كان يحبها ولا درسها بتعمق

رغم ان اجتهد في فهم المنهج الا انه الشرح ما كان بالشكل المطلوب
واعيد كلامي ان هذا في سمستر 111 سنه 2011 لكورس ماث 131 فقط ,قد يكون تحسن بعدين

التحضير: في اخر عشر دقائق , ما يهتم بالتاخير , اخر السمستر كنت احضر بعد نص ساعه ومره في اخر عشر دقائق وكان يحضرني

 

term 112
math 102


التحضير :
اخر 5 دقايق في الكلاس , وما عنده شيء اسمه ليت

طريقة الشرح :
في هذا الترم كان يشرح بالايباد حقه وينزل النوتات عن طريق الويب سيتي

الكويزات :
صعبه جدا يا شيخ -توصل الى صعوبة الفاينل

المياجر:
كومن , لكن تصحيحه حقاااااااااااااني جدا , ولا تشم ريحه اي درجه زايده ابد
يصحح بالميلي
حتى حدود التكامل اذا ما كتبتها او غيرتها بعد التعويض يعتبره خطا وينقص عليه 0.5 درجه

الفاينلات :
معلنه جدف لكن كومن

القريد النهائي:
d+

الصوت:
واضح ولهجته ايضا جميله وانقليزيته زينه ما عليها خلاف

إضافات :
مدرس مبتسم ويرحب بالافس لكن بالدرجات يعطيك اياها بالملي

 

--------------------------------------------------------------------------------

التحضير :

يحضر اخر 5 دقايق ومافيه شي اسمه ليت .. وعنده بونص للي ما يغيبون اتوقع 4 بوينت ..!!
طريقة الشرح :
بداية كان يشرح على السبورة وبعد الميجر الاول بدا يشرح بالايباد .. طريقة شرحه مرة مرة بسيطة كل الامثلة من الكتاب ..!!

الكويزات :
اختبرنا 7 كويزات كان صعبة على متوسطة ياخذ افضل 5 اتوقع ..!!
المياجر: كومن
الفاينلات : كومن
القريد النهائي: b
الصوت:
واضح جدا جدا
إضافات :

مدرس حبوب ويخدم الطالب في الاوفيس .. لو تقول له اشرح المنهج كله شرحه لك ماعنده مشكلة
خلال اسبوع واحد او اسبوعين بالكثير يعرف وجيه الطلاب كلهم يعني لا تحاول تحضر خويك ..
في الدرجات مرة مرة بخيل ..
في التصحيح كان عادي يعني يعطيك حقك بدون زيادة ولا نقصان ..
في كلاسي ..< الكلاس وورك ولا طالب اخذ 60
طقطق بالبلاك بيري . ارقد . العب ... سوا اي شي ما راح يقول لك شي ..!!
اعرف طالب كان يرقد في الكلاس لا والمشكلة كان يحطي منبة عشان يقوم وقت التحضير ...!!!!!!؟

 

التقييم في الاقتباس

 

حاليا انا ادرس عند ابو تتار
سمستر 122 .. ماث 102




التحضير : يحضر كل كلاس بآخر دقيقة .. و عادي تدخل عنده بعد ثلث او ربع ساعة و احيانا نص ساعة ( انت و حظك يعني ) .. بس مرة من المرات مصخوها طلاب الكلاس و قالهم بعد ربع ساعة راح اعتبركم متأخرين

طريقة الشرح : بالنسبة لي طريقة شرحه تعجبني يوصل الايباد بالبروجكتر و يكون مجهز للدرس و كاتب زبدته و يشرحها وبعدها يحل المسائل على نفس الشيت .. وبعد ما ينتهي يرفعها على البلاك بورد
بالنسبة لي تعجبني هالطريقة لأني لمن اذاكر و اشوف كتابته .. استرجع كلامه اللي بالكلاس فيسهل علي الفهم
( مايحتاج تكتب معه )

الكويزات : بالنسبة لي .. مستواي متوسط بالماث مو دفرة ولا سيء
لكن اشوف كويزاته سهله جدا .. يكفي انك تدرس التشابتر اللي رافعه لك بالبلاك بورد و بتجيب درجة ممتازة بإذن الله

+ يقولك موعد الكويز قبلها بـ 4 او 3 ايام

المياجر: كومن

الفاينلات : كومن

القريد النهائي: للآن ما خلصت الكورس


الصوت: دايم اجلس قدام و صوته واضح و الاكسنت حقه سهل و واضح


إضافات :
من ناحية الاخلاق فهو قمة بالاخلاق و حبيب لأبعد درجة
ولو شفت وقت سكشنه الثاني ممتاز لك و حاب تحضر معهم .. ما عنده مشكلة

 

التحضير يوميا في نهاية الكلاس والي يتأخر اكثر من 20 دقيقة غايب ، والميك اب عادي عنده
الشرح بالاي باد وينزل النوت لكل سكشن .. طريقة الشرح جيدة لكنها مملة ، بس ما تفهم الا اذا طبقت واحيانا يحل من الاولد اكزامز
الصوت واضح
يعطي كوزات كل كم اسبوع واسئلتها متوسطة
المياجر كومن ل102 وتصحيحه للرتن متساهل
مدرس خلوق جدا ولا يحب يغلط على احد ولا عصب على احد في المحاضرة ، حتى اذا احد ما يحترمه ما يعطيه وجه
aaaaaaaaaaa

 

ترم 112 ماث 102
التحضير : اخر 5 دقايق وحتى لو دخلت اخر دقيقة يحضرك (مجربة )
طريقة الشرح : بالايباد وشرحه عادي
الكويزات : متوسطة
المياجر: كومن
الفاينلات : كومن
القريد النهائي: c+
الصوت: موب شين
إضافات : الدكتور تركي وحبيب وفي تصحيح المياجر يعطيك حقك ولا يزيد ولا ينقص ويمكن يدفك بدرجة ولا درجتين بس وعندة نظام اذا ما غبت طول السمستر يعطيك بونص 4 درجات في الكلاس ورك . في النهاية اشوف ان الدكتور عادي لاهو توووب ولا سيء

 

102

مدرس كويس بشكل عام ولو اني ما حبيت طريقة شرحه بالآيباد
يتفاعل مع أسئلة الطلاب حتى برا الكلاس .. عاجبني من هالناحية
حقاني بدرجات الكلاس وورك وبالتصحيح بس يعطي بونص للي ما يغيبون
عادي تحضر بسكشن غيرك وعادي تتأخر وعادي ما تنتبه للشرح

b

 

التحضير :
يحضر نهاية الكلاس ..

الشرح :
شرحه لا باس به ,, تفهم الكونسبت ,, لكن احسه ما يكفي للمياجر ,,
لازم تحل اسئلة اكثر انت ...
فيه ميزة انه ينزل لك النوت ع الويب ستي ,, يعني ما يحتاج تكتب ,, بس تركز معاه
يتجاوب مع اسئلة الطلاب حتى لو كانت كثيرة

الصوت :
واضح ,,

القريد النهائي:
B

اضافات ..
اذا ما حصلت مدرس ممتاز ,, نزل عنده

 

ماث 201 سمستر 131
التحضير :
يحضر اخر الكلاس واللي يتاخر من 15-20 دقيقة يحطه ليت (متساهل بالتاخر)
الشرح:
يشرح من نوته على الايباد ويرسل النوت للطلاب بعد نهاية كل سكشن (نوتته ممتازة جدا )
الكلاس وورك:
اعطانا 3 كويزات وكوز ميك اب للي يبغى يعدل اي درجة من الثلاث كوزات, الكوزات من متوسطة لصعبة
لكن انتبه تفرط فيها مرررررة مهمة لانها قليلة والكلاس وورك ال10 درجات كله عليها وتقدر تضمن درجة شبه كاملة فيه اذا كانت كوزاتك حلوه انا اخذت بالاول10من10 وبالثاني 13 من15 والثالث 12.5من 15 والميك اب كوز اخذت 13.5 من 15 طلعت ب37 من 40 بالكلاس وورك
التصحيح :
يعطيك حقك وزيادة تصحيحه مرة كويس
القريد النهائي: a+

 

Mah201 - Term 113

التحضير :يحضر نهاية الكلاس بالآيباد
طريقة الشرح : جيدة وتفهم اذا ركزت معاه عيبه ما يحل مسائل كثيرة
الكويزات : سهلة وسوى واحد ميك آب
المياجر:كومن ومتتساهل في التصحيح
الفاينلات :كومن
القريد النهائي:B+
الصوت:واضح لكن أحيانا يهنج ويتعتع
إضافات : المدرس جدا محترم واذا تقدر تنزل عنده فتوكل على الله

 

Math 102 - term 132
بس قبل ابتدي في التقييم حبيت انبه في اثنين اسمهم تتار واحد اسمه احمد والثاني اسمه ناصرالدين تتار ..

الأستاذ أحمد إمين تتار

التحضير
: اخر 5 دقايق ما يدقق حيل في التحضير الا اذا جيت اخر ثلث ساعة راح يقولك انت ليت والتحضير يكون على ايباده فيعني انتبه يمكن يخليك غايب بالغلط ( نادرا ما تصير ) وعادي عنده الميك اب

طريقة الشرح :
ميزته انه يسأل طلابه الطريقة الي يبونها في الشرح يعني على البروجكتر او على السبورة .. و اذا شرح من البروجكتر يكون الشرح على نوتته الي يكون رافعها قبل يوم او يومين فراح يمديك تحضر للكلاس وتفهم معاه + بعد كل ميجر خصوصا اذا كان افرج السكشن نازل يسأل الطلاب عن اقتراحاتهم او الطريقة الي تعجبهم في الشرح والاخطاء الي يمكن هو سواها فيعني بإختصار هو متعاون لأبعد درجة ..فيه ناس تنام في كلاسه وهو مااشاء الله عليه شاد حيله في الشرح ومايهتم فيهم ويتقبل الاسئلة حتى البسيطة وماعمري شفته عصب او تنرفز بالعكس دايما مبتسم
نوتته تكون الزبدة للكتاب والامثلة الي فيها بعضها من اسئلة نهاية الشباتر وغالبا تكون بسيطة وسهلة فلا تعتمد على النوتة للمذاكرة للمياجر او الكويزات
يعطي هيلب سيشن قبل كل ميجر وقبل الفانيل وحتى ان ماكان الوقت يناسبه يضغط على روحه ويجي ..يعني انا ماشفت واحد يخلي اوفيس اورس يوم الجمعة العصر بس عشان اسئلة ودرجات الطلاب ..

الكويزات :
كانت صعبة في البداية وبعد ماكلمناه بعد الكويز الثالث سوى طريقة حلوة وهي ان الكويز يكون سؤالين واحد سهل عليه ( 6 درجات ) من الكتاب وسؤال فيه فكرة عليه 4 درجات
حاول تحل اسئلة الكتاب اذا جيت تذاكر للكويز + خذ فرة على الاولد اقزام المقسم ( لأدهم )
عشان تفهم الشابتر صح
+
تقدر تشوف كويزاته للسمسترات الي راحت من هالموقع
http://www3.kfupm.edu.sa/aisys/MATH_ONLY/MATH102.htm
+
كان افرج الكويزات نازل فحذف كوزين من 7 كويزات + دفنا شوي
..

المياجر:كومون لكن في الميجر الثاني دفنا دف مب صاحي
الفاينلات : كومون
القريد النهائي: b+

الصوت:
واضح وهادئ والاكسنت تركي ..ويهنق شوي في الانجلش لكن بشكل عام زين وينفهم عليه

إضافات :
انا خذت معاه b لكن الصراحة كان الغلط مني..شرحه متوسط لكن لو حضرت الدروس ماراح يبقى عليك الا انك تحل مسائل قد شعر راسك و امورك راح تكون في السليم ..
النكبة الي صارت لأغلب السكشن انه احنا اعتمدنا على نوتته وهي كانت ممتازة للكونسبت والاسئلة البسيطة لكن ماتقارن بأسئلة المياجر وكويزاته
كخيار ثاني اشوفه ممتاز ..يعني لو ماحصلت دكتور توب نزل عند تتار وشرحه ماهو بالسيئ ولا هو بالتوب لكن تفهم عليه نوعا ومع شوية جهد الـ a+ مضمونة ان شاء الله ​

 

درست معاه ماث 101 ترم 111 (شااااايب )

التحضير
التحضير يومي،، وعادي تحضر متاخر
كان يقولنا الي ما عندو اي غياب له اربعة درجات (من 400) بونص،، وكل غياب تروح نقطة.. صدق معانا في ترم (111) بس على كلام الشعب انو ماصدق في ترم (112) عشان الافرج كان عالي :$

طريقة الشرح
نوت يكتبها عـ السبورة،، لطيفة وجميلة نوعا ما
بس في الترم الي بعدو سار يشرح بالايباد واغلب الشغب كرهوا الطريقة الجديدة
عموما،، اخر ماسمعت عنو من واحد درس معاه السنة دي انو بطل يشرح بالايباد والله اعلم

الكويزات
متوسطة،، موصعبة ولا سهلة

الصوت
واضح جدا واللهجة كويسة

اضافات
الدكتور حبووووووب وتصحيحو حليوة غالبا ،، اذا سالتو وما عرف يقولك ماعرف ويرجع البيت يحاول ويبحث ويرد لك


القريد النهائي
B

كويس بس في افضل منو
يعني لاتزعل اذا نزلت عندو،، بس لاتخليه خيارك الاول

 

MATH260-152
التحضير :
متساهل جدًا في التحضير، كنت أشوف طلاب يحضرون 40 دقيقة متأخر و يحضرهم عادي، و يسمح بالميك أب

طريقة الشرح :
شرحه ممتاز ما شاء الله، النوتات اللي يكتبها جبّارة، عن نفسي ما استعنت بالكتاب أبدًا ولله الحمد، كله من نوتاته
أول شيء يشرح الكونسبت، بعدها يعطي أمثلة ممتازة و توصل الفكرة، و إذا قرب ميجر ولا فاينل يحل اختبارات قديمة، و إذا ما كفّى الوقت سوا help session

الكويزات :
الكويزات هي النقطة اللي ما عجبتني بالدكتور، الكويز عادة يكون بمستوى الميجر أو أسهل شوي، بس كويزاته أشوفها أصعب من الميجر
أغلب كويزاته كانت متوسطة تميل للصعوبة، و فيه اثنين منها سهلين

المياجر:
كومون

الفاينلات :
كومون

القريد النهائي:
B

الصوت:
واضح، و إنقليزية واضحة

إضافات :
الدكتور حبيب والله، و أخلاقه حلوة و يساعد الطالب بشرح الدرس قد ما يقدر
ممكن بالكلاس ما يجاوبك عدل إذا هو متأخر و يبي يلحق يخلص المنهج، بس تعال له في office hour و ما بيقصر
الشيء الثاني اللي ما أعجبني فيه إنه ما يتساعد بالتصحيح، يعطيك حقّك بالملي

 

افكر انزل عنده الصراحة لاني من النوع ممكن اتكي ع الجوال واحضر متاخر ومن هالامور يعني احب اللي يخليني على راحتي واعتمادي يكون ع السيلف ستدي

لكن بغيت اسال عن تصحيحه كويس ويمشي والا مش ولابد؟؟