161: EE202
171: EE315

التحضير:

يحضّر كل يوم إما أول دقيقة من الكلاس أول قبل الكلاس بدقيقة. ولاحظت أن يسمح مرة أو مرتين تحضر كلاس قبل كلاسك ، بس مو بعده.

طريقة الشرح:
أول سمستر له كان يشرح كل شي عالسبورة. ودائمًا يشرح بحل مسائل بالذات في EE202. ويلخص القوانين كل لكتشر او لكتشرين ، عشان تعرف بوش طلعت من كل جزئية. يمكن الشي الوحيد اللي يعيبه بالنسبة للبعض هو إنّ يشرح الاشياء رياضيًا ومسائل ، بس مايعطيك تطبيقات الاشياء الحياتية وما يحاول يربطها بالواقع. يهمه فهم الطالب ومستعد يعيد المثال ويزيد وأهم شي الطالب يفهمه. طريقة شرحه مائلة لـ"كيف أخلي الطالب يجيب اقوى سكور في الاختبارات"

الكويزات:
في EE202 كان اول سمستر فكان يصقعنا بكويزات نار ، لدرجة ان نهاية السمستر كان يقول ان افرج الكويزات ١/١٠ فبسوي له نورملايزيشن.

في EE315 كان اول كويز صلخ ، وبعدها صار يعطينا كويزات متوسطة مايلة للسهولة. الظاهر اشتكوا عليه ولا شي .

المياجر والفاينلات: كومون

القريد النهائي: A+

الاضافات:
الدكتور خلوق جدًا ويهمه راحة الطالب وفهمه ، لدرجة كذا مرة نطلب منه تأجيل الهومورك في 315 وكان متعاون جدًا.

صار لنا موقف ثاني معاه بعد في 315 ، وهو بعد ميجر 2. كان الدكتور الثاني هو اللي حاط الميجر وحطاه كامل من برا الكتاب ، فأول ما دخل علينا الكلاس اللي بعد الميجر قام يعتذر ويقول ان المفروض الميجر ما يكون بهالصعوبة وشدّوا في الفاينل وتقدروا تعوضوا وقعدّ يحفزنا ما شاء الله عليه ، وقال الغلط مني انّ ما شرحت لكم مثل هالامثلة وصار يتلقى اللوم.

في الفاينل: تقدر تروح له وتراجع ورقتك واذا لك حق بتاخذه وهو يبتسم في وجهك ، لان أهم ما عليه هو حق الطالب وما يحب يخلي في ذمته شي.

 

EE 202 - 181

التحضير : يحضّر بداية المحاضرة ، ومرات ما يحضّر ..

طريقة الشرح : كانت ممتازة جدّا بالنسبة لي ، يبدأ مع كل تشابتر ويشرح المفاهيم كلها في محاضرة أو محاضرتين ، بعدين يحل مسائل بالمحاضرات اللي بعدها ، مافي فكرة بالمياجر ما شرحها ، باختصار: كنت اكتب معه كل شيء تقريبّا وما احتجت أرجع للكتاب في المذاكرة ، وفوق هذا كله ، يعطيك طرق لحل المسائل في المياجر وعلمنا طريقة complex number وكيف نحلها بالحاسبة بدون ما نحتاج القوانين والتحويلات ..

الكويزات : مستواها متوسط ، لكن السيء فيها يطلب منك final answer بس .

القريد النهائي: A+ ..
الصوت: ممتاز ..
إضافات : الدكتور كان ممتاز في هذه المادة ، لكن أتوقع مو ممتاز في بعض المواد الثانية خصوصّا إذا ماهي common

 

التحضير :
يحضر العاده اول الكلاس , والي يجي بعد التحضير فهو ليت .
طريقة الشرح :
يشرح في البداية كيف جا القانون بسرعه وبعدها يبدا يحل اكثر عدد ممكن من المسائل
الكويزات :
اشوي صعبة ,
المياجر:
كومن
الفاينلات :
كومن
القريد النهائي:
B+
الصوت: واضح ومفهوم
إضافات :
الدكتور ممتاز للي يبون يجيبون قريد بالماده , اما الي يحبون يتعمقون ويستفيدون من الماده نفسها فما انصح فيه , لان اغلب الكلاس كان بس حل مسائل .

 

Term 182 EE 370

بنود التقييم :

التحضير :
بداية كل محاضرة ويكون على البلاكبورد ، مافيه كلاس ما حضر حتى الإسبوع 15 آخر يوم حضر ، حذف 3 غيابات لكل واحد .

طريقة الشرح :
كان يستعمل فقط السبورة في الشرح وقليل ما يستعمل السلايدات(اذا كان فيه رسمات توضيحية فقط) .
الدكتور كان ايصالة للمعلومة جدا سيء من يوم يدخل إلى ماتخلص المحاضرة و هو يشرح بشكل عشوائي لدرجة إنك ماتدري وش الفكرة اللي يبي يوصلها لك .
كان كثير متردد بالشرح و بعض الأحيان يسئلونه الطلاب عن بعض الجزئيات لكن مايعرفها ويقول أعلمكم الكلاس الجاي و كان بالغالب يسحب .
إذا سئلته عن معلومه مافهمتها بيضل يعيدها لك بنفس إسلوب الشرح.

الكويزات :
كانت 5 كوزات + 1 بونص
أول 3 كوزات كانت صعبة مره و أفكارها غريبة ماهي موجودة بالهوموركات و لا الأولد إقزام و تصحيحة كان يا صفريا فل .
آخر 3 كوزات كانت سهلة و واضحة إذا مذاكر ويتساعد بالتصحيح .


المياجر:
المياجر كانت كومون و التصحيح بالملي يمشي على Answer Key , كان يخلص تصحيح المياجر بسرعة (أول كلاس بعد الميجر يوزع الأوراق) و كان كثير يخطي بحساب الدرجات(حصلت لي و لأكثر من واحد بالكلاس) .
مهم تراجعه بعد الميجر لأنه مع الإستعجال بالتصحيح مايحسب لك بعض الحاجات.

الفاينلات :
كان كومن و شامل لكل المنهج

الصوت:
واضح ومسموع للجميع .

إضافات :
1-الدكتور حبيب و أخلاقة تمام .
2-طريقة إيصالة للمعلومة كان جدا سيئة.
3-يعطيك حقك بالملي ولا يدف أحد.
4-دايم نطلب منه تأجيل الهومورك ولا يأجله إلا إذا كان الدكتور الثاني أجله لطلابة.
5-الهوموركات مايدقق بتصحيحها وكان بالغالب يعطيك فل إذا حليت كل الأسئلة.

 

الي اخذوا معه كورس EE315 الترم الماضي ليت يفيدونا عن الدكتور وتجربته مع الأونلاين

 

T-212 EE207

التحضير : احيانا بداية المحاضرة ومرات نهاية المحاضرة، مرات يحضر ومرات لا.

طريقة الشرح : يستعمل الشاشة لعرض السلايدات ويستخدم السبورة في شرح وحل الأمثلة، الدكتور يركز على الجانب الرياضي بشكل كبير وكان دايم يشرح اثبات القوانين كيف جبنا هذا القانون، احيانا كان يعطينا تطبيقات على الاشياء الا ندرسها. شرحه بشكل عام ممتاز اذا كنت مركز معه.

الكويزات : الكويزات نار صعبه جدا والافرج غالبا يكون نازل مره. وغالبا تكون بعد نهاية كل شابتر.

المياجر: كومن
الفاينلات : كومن
التصحيح: تصحيحه عادي، لكن لازم تراجع تصحيحه لانه احيانا يكون مستعجل في التصحصيح وينقصك وانت اجابتك صحيحه، لازم تراجع بعده.

القريد النهائي: ِ A
الصوت: جدا واضح، ولهجته ممتازة

إضافات :
- الدكتور حبيب واخلاقه ممتازة مشاء الله.
- الدكتور كان دايم قبل كل ميجر يشجعنا ويقول لاختبار سهل ومقدور عليه، بس مرات يكون الاختبار صعب مره ونجلد
- الدكتور يركز على الجانب الرياضي بشكل كبير مره في شرحه.

 

EE315-T212

التحضير: أغلب الحصص يحضر عن طريق البلاكبورد ينادي الاسماء واحيانا يحسب التأخير واحيانا يمشيه. حذف ٣ غيابات بنهاية الترم وضروري تراجعه اذا غبت بعذر وتشيك البلاكبورد لأن ممكن ينسى.

طريقة الشرح: عنده سلايداته الخاصة مشتقة من الكتاب ويحط فيها عدد من امثلة الكتاب المهمة ويكون فيها كل المنهج بدون حذف اي جزء. يبدأ الشرح بأنه يشرح الكونسبت بشكل سريع فيذكر مثلا الخصائص لدالة معينة ثم يركز على حل أسئلة. الدكتور مهتم بأنك تعرف تحل أي سؤال يواجهك بس ما هو متمكن مرة من الكونسبت اللي يشرحه فلو سألته ليش او ايش معنى هالنظرية ممكن يقولك برجع للمصدر واعلمك بكرة. ويعرض اشتقاق القانون اول مرة ثم يقولك اذا بتحتاج تعرف اشتقاقه او لا. عموما شرحه جيد وبيخليك تعرف تحل اسئلة النوتات حقته.

الكويزات: كانت سهلة واختبرنا على كل شابتر تقريبا، اسئلته تكون من نفس افكار الواجب او الاولد.

المياجر: كومن
الفاينل: كومن
التصحيح: اشوفه ممتاز يعطيك حقك ولو في عندك اعتراض منطقي بيزيدك عادي ما يعاند، الميجر الاول كان افرجه اعلى من باقي السكاشن ثم عاد التصحيح عشان يصير نفس الافرج مع الباقيين.

الصوت: هادي ونبرة واحدة فممكن يكون صعب التركيز معه.
التقييم العام: A

الدكتور متعاون ويتفهم اذا صارت مشكلة او غبت لسبب طارئ ولا عندك عذر وحبيب في المكتب اذا احتجت شي يساعدك ويجلس معك لين ينحل السؤال. قبل الميجر الدكتور عادة يحل كم سؤال يقول انهم مهمين ركز معه لأن احد الافكار بتجيك بالميجر.

 

EE201-T221

دكتور ممتاز الصراحه

طريقة الشرح: دكتور علي ناصر طريقته يكتب لك القوانين حقت الدرس بالسبوره ويوريك اشتقاقها بعدين يستمر في حل المسائل، الدكتور يركز جدا ب جانب حل المسائل و انك تطلع من اللكتشر وانت تعرف شلون تحل و يجيب لك افكار رهيبه و صعبه، لكن مشكلته انه مايطري ابد جانب ربط اللي يسويه ب الحياه الواقعيه وهذا شيء الصراحه مهم بالنسبه لي لاني حاليا قاعد اتعامل مع السيركت كأنه ماث مادري وش فايدة الشي الفلاني او الطريقه الفلانيه

الكويزات: اختبرنا ٥ كويزات و اشوف مستواها مابين المتوسط المرتفع إلى الصعب .. هو يحاول يوزن الافرج حق الكلاس اذا شافه مرتفع جلدنا ب كويز واذا شافه منخفض سهل علينا الكويز و على هذا الحال .

المياجر: كومن

الفاينلات: كومن

التصحيح: الصراحه تصحيحه ممتاز ب اسئلة الرتن كم مره اجيب حل نهائي غلط بالكويز و يعطيني درجه كامله او حولها عشاني حليت ب طريقه صحيحه بس الارقام ماطلعت معي.. بخصوص تصحيح اسئلة الرتن ب المياجر و الفاينل الصراحه الدكتور عطاني حقي و زود و اذا حسيت درجتك فيها شيء غلط رح راجعه .يستقبلك ب صدر رحب و يعطيك ورقة الفاينل و بيراجع معك وفي حال وضح فيه سوء فهم بالتصحيخ راح يعدل و يزودك بإذن الله

الصوت: عادي بس اذا بتجلس ورى ممكن ماتسمعه بوضوح

القريد النهائي : A+ ولو فيه زود يستاهلها

إضافات: الدكتور حبيب جدا جدا تتعب و انت تقول حبيب و لا توفيه حقه، ومتعاون بخصوص تأجيل الكويزات و الواجبات مره

التحضير: يحضر ب بداية الكلاس ب منادات الاسماء .. و يعطيك غيابين مجانيه وبعدها يبدأ يخصم