Assessment day at baker Hughes

كانت لي تجربة معهم نهاية 2019 ع نفس البرنامج وكان تعاملهم احترافي من بداية اتصالهم معي وحجزهم التذاكر والفندق ..
وللمعلومية السكن في نفس الفندق اللي يصير فيه الاسسمنت وهو هوليدي ان
الاسسمنت كان عبارة عن 25 شخص وكل 5 في طاولة ..
اول شي بنزنتيشن تقدمه عن طريق ملف يرسلونه لك قبل الاسسمنت بكم يوم تعبيه وترسله لهم ثاني ..
ويبدا العرض بشكل عشوائي امام الجميع .. اذا ظهر اسمك تطلع وتقدم وترجع مكانك ..
فيه اختبارات فردية من ضمنها:
- حساب ارقام بالطريقة القديمة
- تركيب قطع ميكانيكة غير مرتبة باستخدام manual
- حساب مقاومات كهربائية ومقدار الحموضة والقاعدية
- قياسات باستخدام caliper
وفيه اختبارات جماعية من ضمنها:
- بناء حفارة من ورق ومزازات وخشب
- نقاشات عن اسئلة تعرض للجميع وتبدي رايك فيها
- برزنتيشن تقدمه مع فريقك ع اساس انكم موظفين بيكرهيوز وتعرضون معلومات الشركة للخريجين الجدد

* كان معنا حوالي 5 مدراء اقسام .. بدانا من 7 صباحا وانتهينا 4 عصرا ..
في نهاية اليوم اجتمعوا المدراء مع مسؤول الفعالية وكم مهندس من الشركة في قاعة ثانية لمدة نصف ساعة تقريبا .. واختاروا 2 من 25 شخص ..
واللي فهمناه انهم خلال اليوم يحددون بعض الاشخاص ويختارون منهم موظفين تحت ادارتهم ..
للامانة جميع المتقدمين 25 شخص كانوا مميزين على مستوى اللغة والحضور الشخصي والتفاعل ..
والاختيار كان قليل بالنسبة للعدد الموجود خصوصا ان الجميع متميز مثل ماذكرت لك ..
بعضهم خريجين مراتب شرف من البترول وجامعات top 50 من امريكا وكندا ..

* نصيحتي لك لاتتصنع وخلك ع طبيعتك واستمتع باليوم هذا وتعلم قد ماتقدر بدون ماتتكلف ..
وثق تماما ان رزقك مكتوب لو لك بتاخذه حتى لو ظننت انك مااكنت بالمستوى اللي مخطط له ..
وبنفس الوقت التصنع ومحاولة اظهار شي ماهو فيك لن يجلب لك شي ماهو مكتوب لك .. بل ع العكس ممكن يحرجك في مواقف معينة ..
اتمنى اني افدتك واسال الله ان كان لك خير فيها ان يكتبها لك ويوفقك ..

 

لتحضير اختبار التقييم

يرجى الاتصال بهذا المعلم 0571393588

أتمنى لكم كل التوفيق وبارك الله فيك