يا شباب الدكتور بدر أسوأ دكتور <<<<<<<<< هههههههههه كان أقدر أنزل عنده السمستر الجاي

 

+1

 

اذا لقيت سكشنه مفتوح نزل عنده وانت مغمض

شرحه ونوته يكفيك عن مراجعة الاولد اكزام

لانه ماشاء الله دائما يشرح امثلة اولد اكزام

وقبل كل ميجر يعطيك هيليب سيشن ينفعك كثير في الاختبار

قبل لا انسى كويزاته كانت تعتمد على اسئلة الاولد اكزام

اللي عابه في نظري هو الكلاس ورك

للاسف الدرجة اللي اخذتها كانت محطمة بالنسبة لي

 

+2

 

من اول الترم وهو قايللنا تروا 50 نقطه من 60 بتكون عالكوزات .. وكم مره اجل كوزات .. وكم مره مشى لنا اجابات مدري شلون حليناها كذا .. ياشيخ اقسم بالله لولا الله ثم الدكتور بدر كان رسبت بـ 101 .. مو بس عديت .. الا جبت b .. اعلى درجة ماث بحياتي اخذتها بالجامعه .. هالدكتور ايش يدف .. ايش يشرح .. ايش أخلاق .. إيش تعامل .. ياخي اقسم بالله اني للحين اروح مكتبه بالاوفيس اورز الساعه 8 بعد كلاساته زي الترم الماضي ونتناقش على المسائل ويسولفلك عن كل شي .. وربي يفتح نفسك للدراسه .. اللي ما اخذ كورس مع الدكتور بدر الحميدي انا أعتبره فوت على نفسه الشيئ الكثيييييييييييييييييييييير ..

سأفتقد إبتسامتك يادكتور بدر ..

 

بصراحة أسألك سؤال إنت ايش الدرجة اللي كنت متوقعها أنا أشوف الدكتور
ما قصر الأفرج 45 أعلى شيء بالإبمكان و أعطى الكل بونص وهو قال كل واحد يكتب الدرجة اللي مستحقها

 

بسم الله الرحمن الرحيم
اللهم صلي على محمد وال محمد ..

التحضير : الدكتور بدر يحضر ادا حس العدد ناقص بس يتعامل مع الطلاب كـ رجال تعرف مسؤليتها ..
ما اتوقع احد ينزل عنده يهتم بالغياب لان بيكون ودك تحضر كل يوم ولاتفوت ولا كلاس ..

الشرح : مرره ممتاز ومررره بطل 100% ومن جد مدرس يقال له افضل مدرس ماااث ..
نزلت عنده 102 وللاسف ماقدرت انزل عنده 101 ..
الشرح بالسبوره وامثلة اولد اكزام ..

كويزاته متوسطه تميل للصعوبه افكارها افكار اولد اكزاام

المياجر والفاينلات كومن وتصحيح 100% مافي امل يظلمك ولو بربع درجه ..

الصوت واضح جدا جدا جدا ..

والقريد النهائي : والله اكثر من a++++++++++++++++++++++++++++++

اضافات :
نزل عنده ولا تتردد هدا ادا حصلت سكشنه مفتووح ..
الكلاس وررك في ايدك لاتضيعه وهو مايظلم ولا بدرجه (كما يقال <<للحين ما اخذت الكلاس وورك)
امم حاول انه مايحرجك بابتسامته ادا جيت متاخر او رن جوالك مثلا ..
اخ ومربي ومدرس فاضل ...



​

 

اصلا ايحتاج تقييييييييم

اذا حصلته فاتح تعال اقابلني

 

أتمنى في البداية تغيير العنوان من أ.بدر الحميدي إلى دكتور بدر الحميدي فهو حائز على شهادة الدكتوراه من الجامعة

مثل ماقالوا الشباب فوق ، دكتور بدر ماشاء الله عليه فوق ان توصفه العبارات

أخلاق وشرح ودرجات و عدد أي شي زين وحطه فيه

لاتفوته ولو كان سكشنه الساعة 3 العصر مثل الترم الجاي ولحد الآن مفتوح
انصح اي طالب يريد يجيب جريد عالي في الماث ينزل عنده ويشتغل وشوف كيف الجريد يحي بكل سهولة

 

مثل ما قالو الشباب
مدرس كامل والكمال لله
a+ قليل بحث شخص مثله

 

الكااااااااااااااااامل وجه الله
هذا المدرس شبه كامل !

 

لقد أصبح دكتور بعد حصوله على الدكتوراه من القسم

 

التحضير : نادرا
طريقة الشرح : أكثر من رائعة (على السبورة طبعا)
الكويزات : والله مائلة قليلا للصعوبة ويجيب دائما من أسئلة الكتاب .

القريد النهائي: قليل فيه a+

الصوت: واضح جدا


إضافات :صراحة الأستاذ أخلاقة جدا عالية , يحب السواليف , أكثر من رائع في تصحيح ال(written exam) , دائما الأسئلة إللي يعطينا إياها تجي في الميجر , أحلى كورس ماث في حياتي كان معاه .

 

بجانب ما ذكره الإخوة قبلي من مديح وثناء ,, فأنا اتفق معاهم في كثير مما قيل ,, ولكن لدي ملاحظة اوجهها للدكتور شخصيا << بحكم انه يتابع المنتدى باستمرار

ملاحظة: عندما يسأل الطالب سؤال قد يقال عنه "سخيف" فهو ليس بالضرورة انه مو فاهم 001 و 002 لكن احيانا الطالب تشتبه عليه بعض النقاط أثناء تسلسل الخطوات بسبب الكتابة مع المدرس ,, فيعني مو حلوة تحرج الطالب قدام زملاءه عشان سأل سؤال بسيط ويمكنك الإجابة عليه بسلاسة ومتابعة الشرح << يمكن تقولون أكيد صايرة لك هالحركة ,, بقولكم لا والله ما صارت لي ولا شيء بس يحز في نفسي لما اشوف أحد الطلاب يحرج أمام زملاءه ويضحكون عليه لأنه حاول يتعلم !!؟

 

الدكتور الفاضل البطل التوب الرائع ...... بدر الحميدي

ونعم الدكتور ونعم الشرح ونعم الاخلاق ونعم التواضع ونعم التفاهم

ياخي قسم بالله العلي العظيم انه افضل مدرس في حياتي ..

ماشاء الله تبارك الله .. وش اقول وش اخلي ..

هذا الادمي ماشاء الله كل شي فيه رائع ومتميز ..

هذا مكسب للجامعة ..

دكتور بدر قد تقرا هذا الكلام : استمر على ما انت عليه فوالله انك فريد ونادر وجوهرك مكنون ...

يا اخي وش اقول ,, والله الكلمات تعجز عن وصفه

لله درك من دككتور لله دررررررررررررك ,,

 

ليتني منزل عنده هالسمستر ! .. كيف نوصلك يَ بدر الحميدي :/

اذا لحقت عليه ، فـ انت في نعمة تحسد عليها .
بطل بكل ماتحمله الكلمة من معنى ، يعاملك كـرجل ،

a+++++++++++++++++++++++++++++ !

 

math 101 - term 111

ميزة الدكتور بدر الحميدي هي في النوت حقّه ..
وفي الكلاس يكتب الأمثلة اللي في النوت .. وشرح بسيط عليها ، ،
الهيلب سشن اللي يسويها كويسة ..

في الكلاس وورك يعطيك أقل من حقّك !
يعني مثلاً أنت كامل في الهوموورك يقولك : ما اقدر ازودك انت كامل ..
وطالب ثاني مايسلّم هومووركات وماخذ 5 من 10 .. فـ يزوده كم درجة لأنه ناقص !
أبي اعرف من الأوْلى للزيادة .. الاول ولا الثاني !!

إذا كان الميجر رررررتن ..
يساعدك قدّ مايقدر ويدفك كم درجة

تقييمي له : +B

 

أقدر أحضر معه حتى و لو كان ما يدرسني ؟

 

ايه تقدر
كل الفضل له بعد الله في تجاوز math 101 كان يعاملي كاحد طلابه حتى في الهيلب سيشن مع اني ما كنت منزل معه من الاساس بس احضر للفهم

جربت دكاترة كثير و الى الأن مافي احد منهم افضل من بدر الحميدي و الياس شاويش في توصيل المعلومة بالنسبة لي

ماهو توصيل معلومة و بس الا يقولك اسلوب السؤال في الميجر كيف بيكون و ايش تتوقع يجي

 

اكثر شي عجبني فيه اخلاقه ..

ليته يدرس 102: