بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
ENGL101 - ترم 182 التحضير : التحضير في نص المحاضرة واغلب الوقت كان يمشي التأخير ومايدقق. طريقة الشرح : يشرح غالباً على السبورة ويعطي تمارين بالمحاضرة وكل اثنين يتشاركون الحل , واذا فيه شيء مهم زي مقال او ملف يشرحه على الكمبيوتر. الكويزات (الرايتنق تاسك) : المادة مافيها كويزات, لكن فيها ثلاث رايتنق تاسك الدكتور كان رهيب جداً قبل كل رايتنق تاسك نختار مواضيع ونصوت واكثر خمس مواضيع يجي منها 3 او 2, قريداته في الرايتنق كويسه حاول تسوي اللي يقوله وتجيه المكتب قبل الرايتنق تاسك. المياجر (الميدترم): الميدترم في هالمادة عبارة عن قرامر وفوكابلري وريدينق , القرامر راح يعطونكم ايش المواضيع اللي بتجي , والفوكابلري عبارة عن AWL1-2 والريدينق قطعه من الكتاب وقطعه من عندهم. الفاينلات : الفاينل عبارة عن ميدترم ثاني لكن بكلمات جديدة وقطع ريدينق غير + رايتنق تاسك رابع. القريد النهائي: A الصوت: الصوت عادي وماكان فيه مشكلة ابد من هالناحية. إضافات : الصراحه الدكتور له ميزات كثيرة شرحه كويس ويعطيك وش يبغى بالظبط وتعامله طيب ومتعاون مع الطلاب في المحاضرة وفي الساعات المكتبية.
ENGL101 - 182 التحضير : التحضير يتم في نص او اخر المحاضرة ولا اذكر حط احد ليت. طريقة الشرح :يشرح اللي يبيه منك بالضبط اما على السبورة او بمثال على الكمبيوتر الكويزات : الثلاث رايتنق تاسك الدكتور كان ممتاز بطريقة توزيع المواضيع الكل يقترح موضوع وبعدها نصوت واكثر خمس مواضيع يجي منها 3 او 2, تصحيحه ممتاز٫ الافرج عالي نوعا ما٫ ما اذكر احد احد جاب اقل من C+ في اي رايتينغ تاسك المياجر (الميدترم): الميدترم كومون ماله علاقة من الديبارتمنت الفاينلات : الفاينل زي الميدترم بس زيادة عليه رايتنغ تاسك جديد. القريد النهائي: A الصوت:صوت جيد مسموع ومو مزعج ولا خافت إضافات :دكتور طيب ومتساعد ويراعي الظروف بس رحله لحالك٫ وبرضو بالتصحيح امشي على اللي يبغاه وما بتلاقي الا الغريد الزين
اخذت عنده 102 بترم 182 التحضير : يحط لابتوبه على الطاولة وانت تجي تحط صح جمب اسمك طريقة الشرح : خش الكلاس واستمتع بواحد يتفنن في طريقة عرضه للدرس. بور بوينت فيه النقاط اللي يبغاها منك الكويزات : راح يعطيك سورسس تقرا عنها و الرايتنغ تاسك بيكون على واحد منها بحيث انك تقتبس من ذيك السورسس و فيه كويزين ريدينغ والقطع بيعطيك اياها قبل الكويز باسبوع تقريبا . المياجر (الميدترم): كومن الفاينلات : اكومن القريد النهائي: A+ الصوت:صوت جيد مسموع ومو مزعج ولا خافت ونبرة صوت الدكتور تحس مقدم اخبار إضافات :الدكتور افرجه B في التصحيح , معاه يمديك تطلع من الكورس ب b+او a بسهولة
Engl101-201 الدكتور نوعا ما متعاون مع الطلاب في مواعيد الاختبارات ولكن يطلب منك اشياء كثيرة فالرايتنق ولازم تسويها عشان تاخذ قريد يطلب واجبات اونلاين بس معليها درجات اكتب زي ما يبغا بالضبط عشان يضبطك فالتصحيح افرج الدكتور B
Engl214 - 201 يحضر كل كلاس،الدكتور افرجه B، متطلباته واجد ويعطيك واجبات اونلاين ،تصحيحه ماش،متعاون باوقات التسليم، اذا بتنزل عنده ركز وش يقول بالكلاس وامش عليه
Engl102 - TERM202 (online) التحضير: ينادي الاسماء اخر حمس دقايق طريقة الشرح: من سلايداته الكويزات: كوزين ريدنق كومن من رئيس القسم الميد: كومن الفاينل: كومن القريد النهائي: B+ , لو يعدل تصحيحه شوي بأنه يفكنا من سالفة الoriginality و الافكار الجديدة يصير A+ الصوت: واضح اضافات: زي ما قلت فوق الدكتور مشكلته لازم افكار جديدة و ابداعية بينما باقي الدكاترة ما يطلبون هذا شيء و هذا الشي يخليك تطول في الريبورت او التاسك الصورة المرفقة موضحة درجات الطلاب خلال السنة و القريد النهائي
ENGL 101 TERM 211 التحضير : بداية الترم كان يحضر بشكل يومي بداية الكلاس بالاسماء وفي نص الترم سحب على التحضير ونهاية الترم رجع يحضر بس يعد الاشخاص اول واذا فيه نقص يحضر طريقة الشرح : سلايدات يشرح منها مفيدة نوعا ما بس يبغالك تراجع بالبيت لحالك التاسكات : اول تاسكين عطانا 6 مواضيع وجاب منهم واحد والتاسك الاخير جاب تاسك من عنده من دون ما نعرف اي شي الميد : كومون الفاينل : كومون القريد النهائي : C+ الدكتور ظالم نوعا ما بالتصحيح من وجهة نظري، وهذا توزيع القريدات لسكاشنه مع نهاية الترم A+ : 2 A : 1 B+ : 13 B : 11 C+ : 12 C : 9 D+ : 3 D : 0 F : 2 W : 2 الصوت : واضح إضافات : ممكن تطلع بقريد كويس معه لو تطبق الي يقوله بالحرف ونروح له بالاوفيس يومين اسبوعيا
ENG 101 - TERM211 التحضير : شبه يومي طريقة الشرح : ممتازة جدا ويفهمك وش يبيك تكتب بالضبط التاسكات : يحدد مواضيع بالكلاس اللي قبل التاسك مباشرة ويجيب منها 2، تصحيحه كويس والأفرج عنده بين C+ و B المياجر: - الفاينلات : - القريد النهائي: B+ الصوت: واضح جدا إضافات : الدكتور ممتاز وكلاسه حليل لكن مشكلته الوحيدة انه يكرف، بداية الترم لنهايته وهو يعطينا واجبات بشكل شبه يومي لكنه يعتبر ممتاز مجملا