CHE 200 - Principles of Chem. Engineering

جودة المقرر بشكل عام: المقرر مهم للمهندس الكيميائي راح تتعلم تسوي ماتيريال بلانس و انرجي بلانس
المواضيع التي يغطيها المقرر:
- شابتر 2: مافيه الا تحويل وحدات ومقدمة بسيطة في الكورس.
- شابتر 3: شابتر بسيط راح تتعلم فيه التحويل من المول فراكشن للماس فراكشن والعكس وبعض الامور المهمة مثل السبسفيك قرافيتي و الماس والفلويوم فلو ريت واللي راح تستعملها بعدين في الكورس.
- شابتر 4: شابتر مهم جدا جدا ويمكن هذا اهم شابتر في الكورس واصعب شابتر، في البداية راح تتعلم انواع العمليات وبعدها راح تسوي ماس بلانس على السنقل يونت وبعدها على الملتبل يونت و بتتعلم شنو الباي باس و الريسايكل واخيرا راح تاخذ الماس بلانس على الرياكتف سستم ( اصعب شي في الشابتر) و الإحتراق الكامل والإحتراق الجزئي.
مثل ما قلت الشابتر ذا يحتاج شغل محترم فحاول تركز في مذاكرتك له.
إلى هذا الجزء عندك شرح دكتور باسم أبو السعود في اليوتيوب شرحه جدا ممتاز ويغنيك عن الدكتور.
- شابتر7: راح تاخذ انواع الطاقة والانثالبي و الهيت و الوورك بنوعيها الشافت وورك و الفلو وورك، وكيف تستخدم الجداول اللي في نهاية الكتاب اللي هي B.5 -B.7 وبعدها راح تبدا تسوي انرجي بلانس. شابتر متوسط الصعوبة.
-شابتر 8: هنا راح تتعلم تسوي الجدول بنفسك، طبعا الجداول اللي فوق ذيك للماء فقط، للمواد الثانية انت راح تسويها وكيف تحسب الانثالبي و الانترنال انرجي، و بتدرس كيف تطلع المعلومات من ال psychrometric chart في هذا الشابتر راح تستخدم ثلاث جداول اللي هي B.1, B.2 and B.8 . شابتر متوسط الصعوبة.
-شابتر 9: راح تتعلم فيه heat of reaction, heat of formation و heat of combustion وبعدها راح تاخذ طريقتين في حساب الانثالبي بإستخدام ال heat of reaction method و ال heat of formation method. شابتر سهل وراح تحتاج مراجعة الرياكتف سستم اللي في شابتر 4.
الكتاب المستخدم للمقرر:

Felder’s Elementary Principles of
.Chemical Processes, Global Edition (blue cover), Wiley (2017)

الأسئلة والأمثلة المستخدمة في المقرر: امثلة الكتاب جيدة، طبعا حاول تحل الواجب بنفسك لانه راح يسهل عليك فهم المنهج وكيف ممكن يجيبون عليه اسئلة وان شاء بتبدع في الكورس.

نصيحة اخيرة الكورس طويل فحاول ما تسوف فيه ويفضل انك تسوي ملخص لكل شابتر عشان تذاكر منه للفاينل، الترم هذا الفاينل كان شامل للمنهج كامل وفالكم ال +A