CHE 495 Intergrated Design Course

بسم الله الرحمن الرحيم

نظرة عامة للمادة:
هذا الكورس عبارة عن تصميم لمصنع من مصانع انتاج المواد الكيميائية وراح تستخدم في هذا الكورس كل اللي درسته في كورسات الكيميكال السابقة بدون استثناء.

أهمية هذه المادة:
هذا الكورس مهم جدا لدرجة اني في كل مقابلة أعملها مع شركة ما يسئلوني عن هذا الكورس وش كان دوري فيه. أضف إلى ذلك هذا الكورس يعتبر مراجعة لكل مواد الكيميكال اللي درستها من قبل فهو مهم جدا ومفيد في نفس الوقت لأنك راح تتذكر وتطبق كل اللي درسته من قبل.

مقدمة:
موضوع السينير بروجكت في كل فصل يختلف عن الفصول اللي قبله. فمثلا في فصل 111 كان موضوع السينير بروجكت عن انتاج ( Melaic Anhydride ) وفصل 122 كان الموضوع عن انتاج ( Acetone ) في الفصل الماضي - فصل 132 - كان الموضوع عن انتاج ( Phthalic Anhydride) وهكذا. راح يرسلون لك مدرسين المادة عن موضوع السينير بروجكت في أول اسبوع دراسي من بداية الفصل الجديد ويشرحون لك أهمية المنتج وش هي الظروف المناسبة والأجهزة الملائمة لإنتاجه ومن ثم تبدأ في العمل المقسم طوال الفصل.

تقسيم المادة:
الكورس هذه أو أي سينير بروجكت ينقسم إلى 6 أقسام وكل قسم يحتاج إلى ريبورت وكل ريبورت عليه جزء معين من القريد الكلي وراح أعلكم بتقسيم الدرجات في نهاية ردي. المهم التقسيم كالتالي:

Part 1: Literature Review
يتكلم هذا الجزء عن أهمية المنتج وقيمته السوقية وطرق انتاجه المختلفة وميزة كل طريقة ومقارنة بينها وماهي أفضل طريقة لإنتاجه. وراح تتطرق أيضا إلى المواد الحافزة المستخدمة في انتاج المركب وكيفية عملها وتصميمها وأنواعها وعمرها الإفتراضي. في نهاية هذا الجزء راح تتكلم عن خطورة المركب وسميته وكيف تتعامل معه. التقرير هذا عليه 5% من الكورس وهو انفرادي يعني كل واحد من المجموعة راح يسوي تقرير خاص به.

Part 2: Mass and Energy Balances
في هذا الجزء راح تسوي ماس و انرجي بالنس على الأجهزة المهمة في المصنع وراح تستخدم واجد المبادء اللي درستها في CHE 201 & CHE 202 في هذا الجزء. التقرير في الجزء عليه 15% من الكورس وهو ربورت جماعي على القروب كله.

Part 3: Simulation by Aspen Hysys
في هذا الجزء راح تعملون "Simulation" للمصنع كامل بإستخدام برنامج الهايسس. وبعد Simulation راح تعملون مقارنة بين الهاند كالكوليشن وبين الهايسس كالكوليشن إذا كانت فيه أخطاء كبيرة بين الإثنين يعني فيه خطأ إما في الهايسس وإما في الهاند كالكوليشن ولازم تصلحونه. التقرير في هذا الجزء عليه 15% وجماعي مو فردي.

Part 4: Equipment Design
في هذا الجزء راح يختار كل واحد من القروب جهاز معين ويسوي له ديزاين وعلى هالإساس راح يكون الريبورت انفرادي وكل واحد لازم يكتب ريبورته الخاص بجهازه. التقرير على هذا الجزء عليه 15%.

Part 5: Economic Analysis
هذا الجزء هو بإختصار تطبيق لما درسته في CHE 425 مع استخدام برنامج " Capcost". التقرير على هذا الجزء جماعي وعليه 15%.

Final Report:
وهو عبارة عن تجميع لتقارير اللي قبل مع تعديل بعض الأخطاء وترتيب وتنسيق الريبورت. هذا التقرير عليه 25% يعني يحمل أكبر ويت وعلشان كذا لازم يكون فيه اهتمام كبير فيه.

يتبع ​

 

تقسييم الدرجات

مثل ماذكرت قبل:
1st report = 5%
2nd, 3rd, 4th and 5th each one = 15%
Absences = 5%
Final report = 25%
Presentation = 10%

الريبورتات:
لازم تكون ريبورتاتك واضحة ومرتبة علشان تأخذ عليها قريد كويس. استعين بـ الريبورتات القديمة صدقني راح تنفعك واجد بعد الله. حاول تخلصون الريبورتات بدري علشان يجيكم وقت كبير للمراجعة والتعديل قبل التسليم.

الغيابات:
طول الفصل فيه محاضرات مساندة تشرح لك كل تقرير وش المطلوب عليك. هذي المحاضرات حضورها إلزامي وعليها درجات.

الإلقاء:
في نهاية الكورس راح يكون فيه إلقاء على الجزء اللي سويت له ديزاين + جزء من الريبورت تتفق فيه بينك وبين بقية أعضاء المجموعة. لازم يكون إلقائك واضح ولا فيه كلام واجد لأنهم مايبون تفاصيل كثيرة. ركز على القرافز والجداول والنتائج المهمة مثل حجم المفاعل طول الديستليشن كولومن وعدد الستيجز ومن هالكلام. البرينزتيشن مهم جدا لدرجة ان واحد من الشباب اللي معنا في القروب أبدع فيه فأخذ في القريد النهائي أعلى منا كلنا ويستاهل والله لأنه كان إلقائه ممتاز جدا وكنا كلنا فخورين فيه .

يتبع ​

 

# نـصـائـح مـهـمـة #

1) حاول تختار مجموعتك من قبل بداية الفصل. أهم خصلة في المجموعة انهم يكون شغلين مو مهم يكونون دوافير لأنها تعتمد بشكل كبير على الشغل مو على الدفرة. أنا ما أنكر ان الدفرة لها دورها ولكن الأهم ان القروب يكون فعّال لأن البروجكت عبارة عن خطوات روتنية إذا سويتها راح تحصل على المطلوب.
2) حاول يكون االفصل اللي فيه السينير بروجكت ما يتعدى 15 ساعة لأنك راح تكرف واجد في البروجكت ومع ساعات وااجد راح يكون عندك ضغط كبير ويمكن تطلع بقريد سيئ في نهاية الفصل مثل ما صار لواحد من أخوياي : (
3) اشتغلوا أول بأول وحاولوا تسبقون الوقت علشان تحصلون على وقت كافي وقريد كويس. على سبيل المثال تقدرون تخلصون بارت 3 اللي هو السيموليشن قبل الوقت المحدد لأنه متعلق ببارت تو وهو ماس والإنيرجي بالنس.
4) في آخر الفصل راح تكونون مضغوطين بشكل كبير, حاولوا تحسبون حساب هذا الشي وترتبون لهذا الأمر علشان ما تخطون مثل ما أخطينا وضغطنا أنفسنا.
5) Take it easy ولا تستمع إلى الإشاعات اللي تقول ان الكورس صعب أو انه في كرررف مو طبيعي. بالعكس الكورس حلو ولكن المشكلة الأساسية هي " ضيق الوقت" فعلشان كذا لازم ترتبون وقتكم فهذا اعتبره هو الطريق الوحيد للقريد الطيب.
6) مهما يكون في ربورتك أخطاء حاول تسلمه كامل دون أي نقص وفي الوقت المحدد. سلمنا أشياء واجد فيها أخطاء فاضحه وحصلنا على قريد طيب لأننا سلمناه كامل وفي الموعد المحدد.
7) لازم يكون القروب متعاونين. يعني أخوياك يشيلون عنك الشغل في بعض المرات وانت تشيل عنهم في مرات ثانية. تعرفون الظروف من كوزات ومياجر وبروجكتات لازم تكونون متعاونين جدا مع بعض فهذا أيضا سر من أسرار النجاح.

مع تمنياتي لكم بالتوفيق والنجاح ​

 

مادة مشروع التخرج أو سينير ديزاين بروجكت che 495

أولا أهمية المادة: المادة مهمة جدا عند الشركات وشبه مستحيل ما تنسأل عنها في المقابلات وأيضا مهمة أنها تعلمك كيف تشتغل مع قروب وكيف تتقن السيميوليشن

ثانيا القروبات: كل قروب يتكون من 5 طلاب (الا في حالات يكون 4) ولازم الخمسة يسجلوا عند نفس الدكتور بغض النظر عن السكشن، مهم جدا يكون قروبك دافور ويكون ايضا شغيل وحق كرف ، كان فيه قروب في هذا الترم أقل شي ينقال عنه أسطوري ومع هذا درجاتهم ما كانت ممتازة بسب ضعف مهارات التنسيق بينهم. نصيحتي لك كون قروبك من قبل سمستر كامل عشان ما تتورط.

ثالثا أقسام المادة: تنقسم المادة الى 7 أقسام رئيسية كالتالي:

1- الريبورت الأول اللترتشر ريفيو: تتكلم عن المنتج وفائدته وأسعاره وكل هذا الكلام ومافيه صعوبة تذكر لكن مهم تبدع فيه، هذا الريبورت فردي و عليه 10% من الكورس
2- الريبورت الثاني ماس وانيرجي بالنس: راح تتطبق كل اللي تعلمته في 201 و 202 و306 وهذا يعتبر أكرف ريبورت في رأيي، راح تمسك كل اكويبمنت مثلا رياكتور وتسوي ماس بلنس وبعدين انيرجي بالنس وبعدين اذا فيه ريسايكل ترجع تعيد الحسابات لين يطلع الرقم المطلوب، بعد كذا تمسك الاكويبمنت وتسوي عليها انيرجي بالنس مثل 202 وهذا الجزء فيه ماث كثير جدا، هذا الريبورت جماعي و عليه 10%
3- الريبورت الثالث محاكاة بالهايسيس: تسوي سيميوليشن لكل المشروع بالهايسس وبعدين تقارن أرقام الهايسس بأرقامك، طبعا في هذا الريبورت بالذات تشوف كثير طلاب محتاسين لأنهم ما عمرهم استعملوا الهايسس قبل، كثير يطلع لك نسبة ايررور عالية بالذات في الانيرجي بالنس والسبب معادلة الcp اللي استعملتها في الريبورت الثاني، كمان لازم تقترح في هذا الجزء تغيير معين في التصميم مثلا تحذف شي وتضيف شي ثاني وكذا ، هذا الريبورت جماعي و عليه 10%
4- الريبورت الرابع تصميم المعدات: equipment sizing ، كل عضو في الفريق يمسك شي ويصممه كامل من الألف الى الياء يعني الترم هذا مثلا كان عندنا رياكتور، هيت اكستشينجر، 2 دستليشن كولمن، بايبنق وفلاش درم، يعتبر ريبورت فيه كرف وصعوبته تقريبا مساوية للريبورت الثاني، الريبورت فردي وعليه ايضا 10% من الكورس
5- الريبورت الخامس دراسة الجدوى الاقتصادية: هذا الريبورت بيخليك تدرس تكاليف المصنع وهو تطبيق عملي لتشابتر 10 في 425، كان واضح جدا في هذا الريبورت أن طلاب الدكتور العامر في 425 هم اللي فاهمين أما طلاب الدكتور الثاني ما كان عندهم خلفية عن الموضوع أبدا، الريبورت أيضا جماعي وعليه 10%
6- الفاينل ريبورت: عبارة عن تجميع كل الريبورتات السابقة + تصحيح الأخطاء+ دراسة عن الأخطار البيئية + تصميم أي شي ناقص، مثلا هذا الترم كان عندنا دستليشن كولم زايد على عدد المجموعة فضفنا تصميمه في الفاينل ريبورت هذا طبعا جماعي وعليه 20%
7- البوستر: هو بمثابة البرزنتيشن ويكون بأنك تجيب بوستر a0 في مبنى أربعة وتعرضه قدام الدكاترة اللي يدرسوا الكورس وهذا الجزء جماعي وعليه 20% من الكورس

مهم جدا ما تسلم أي شي متأخر، اذا تأخرت حتى لو نص ساعة اعرف أنك ما بتاخذ أكثر من 70 -100 ولو كنت اينشتاين فسلم بدري ولا تحرج نفسك

رابعا جوائز المادة:
1- جائزة أحسن بوستر والتقييم يكون من قبل كل دكاترة القسم + دكاترة من أرامكو والمركز الأول ياخذ 3000 ريال
2- جائزة أحسن ريبورت والتقييم يكون من دكاترة المادة الثلاثة والجائزة مقدمة من التشابتر الأمريكي والقسم وتسلم الجائزة في احتفالية في المريديان بنهاية السنة وقيمتها للمركز الأول 3000 ريال
3- جائزة سابك لأفضل مشروع: جائزة على مستوى المملكة وقيمتها 30 الف ريال والتقييم فيها يكون من سابك، فقط الريبورتات الممتازة يرفعها الدكاترة لسابك عشان تدخل في المنافسة

خامسا كيف تتعامل مع المادة:
مثل ما ذكرت سابقا مهم جدا تختار قروبك بعناية عشان ترتاح، اذا كونتوا القروب بيكون فيه ليدر وهو المسؤول أمام الدكتور. مهم جدا جدا جدا جدا توزعوا الشغل بشكل مناسب وتتفقوا على فورمات معين في الوورد، البعض ممكن يشوف هذا شي سحيف لكن اقسم بالله أنه متعب جدا تعديل الريبورتات وتنسيقها وتنظيمها. انا شخصيا حصلت لي مشكلة في التسجيل والقروب اللي متفق معاه كان عند دكتور وسكاشنه كلها قفلت والتشيرمان رفض يعطيني أبروفل بالتالي أصبحت بلا قروب واضطريت اسجل مع دكتور ثاني واشترك مع قروب متواضع جدا. مع هذا شديت حيلي الى أبعد حد ووضحت الموضوع للدكتور وقلت له من اول يوم أن قروبي مستواه ضعيف ومع هذا بسوي كل اللي اقدر عليه، الحمد لله الدكتور كان جدا متفهم وفي النهاية أعطاني قريد ممتاز، من المشاكل أنه في الريبورت الثاني أداء القروب كان سيء واصريت أننا نسلم ورقة للدكتور فيها نسبة المشاركة لكل واحد ووقعوا كلهم أني اشتغلت أكثر منهم بكثير عشان ما يضيع حقي، واحد منهم كان شغله جدا سيء وما يحضر الاجتماعات بالتالي قررت استبعد اسمه تماما وحاول يشتكي علي لكن ببساطة الخطأ كان راكبه تماما وأكلها (وهو يستاهل بكل أمانة) الفكرة من هذا الكلام أني أقولك لو كان في أحد في القروب ما يشتغل زي الناس لا ترحمه ، مو عدل أنك تكرف وتسوي كل شي ويجي واحد ياخذها باردة مبردة. شغلة مهمة لازم تسويها أنك تروح للدكتور بشكل دوري أو أنك بالأصح تنشب للدكتور وتبين له أنك فاهم، هذه النقاشات توضح للدكتور اللي جالس يشتغل واللي يمشي ورا قروبه وهو ما يعرف شي. شي مهم أنك تتعاون مع قروبات ثانية اذا في شي ما عرفته لأنه قطعا هم بيحتاجوك وأنت بتحتاجهم.

سادسا اختبار قياس:
اختبار قياس للمهندسين اذا شاركت فيه تمنح 5% بونص حسب درجتك (كل 20 درجة من 100 بدرجة من 5) الدرجات ما أعلنت لنا وشافها الدكاترة فقط، الاختبار كان قسمين قسم عام وقسم تخصص ويركز على الأشياء الأساسية في كل مادة (ومع هذا ما كان سهل) حسب كلام عميد الكلية أن درجات طلاب الجامعة كانت الأفضل على مستوى المملكة في كل التخصصات

سابعا المحاضرات المساندة:
طوال الترم في محاضرات لشرح شي معين وهذا الشي اما له علاقة بالبروجيكت أو يكون مراجعة لقياس وكل مرة يختلف الدكتور مثلا أبو غندر شرح مراجعة 402 الخاصة بقياس وأبو السعود شرح 201 لقياس والجندي شرح الماس والانيرجي بلنس حق البروجيكت (الوقت الرسمي للمحاضرة هو يوم الخميس الساعة 2 لكن غالبا يتم تقديمها الى الساعة 12) الحضور اجباري وعليه 3% من الكورس

ثامنا مستوى الكرف والقريد:
الكورس كررررف جدا، في أسبوع تسليم الريبورت الثاني كنت ما أرجع البيت الا 3 الفجر ويوم التسليم ما خلصت الا 5 الفجر وهذا مو بس بسبب قروبي بل حتى القروبات الممتازة انكرفوا. بالنسبة للقريد فاللي اشوفه أن أحسن قروب عند كل دكتور ياخذ a+ والباقي حسب شغلهم ومو شرط قريدات كل أعضاء القروب نفسها، ممكن واحد a+ وواحد b

تاسعا بالتوفيق

 

أكرف كورس بحياتي، آغلب الويكندات هذا الترم راحت وحنا باللابت عشان نشتغل على الريبورتات والهايسس

آول شيء لازم تختار قروب ناس تعرفهم ويشتغلون معك، لآن ماتقدر تسوي كل شيء لحالك ولازم تناقش وتآخذ وتعطي مع اللي معك كثير وتتعاونون بكل شيء

بالنسبة للكورس، كنا ضايعين بسبب آنه لاتوجد خطة واضحة نمشي عليها، كل يوم الدكاترة لهم كلام وتعديل بالبروسيس وهي آصلاً غير واضحة لنا وماكان فيه مصادر كثير لها بالإنترنت. الدكاترة (الجندي وشيخ عبدالرزاق) كانوا مايدرون عن عمق البروسيس وكانوا كل شوي يغيرون كلامهم ( مثلاً درجة حرارة المفاعل، طريقة التخلص الحمض بعد التفاعل) وهذا كان مسبب أزمة كبيرة لأننا نعيد الشغل كل شوي

الريبورتات كانت تصحح بشكل عام بدون النظر الى الكالكوليشن والحسابات، آهم شيء آنك تتبع الفورم والنموذج اللي يبونه بالقايدلاين وغالباً درجات الطلاب متساوية لأن الآغلب متبع الفورم بالكتابة.

البرزنتيشن بيسألون عن الأرقام وطريقة حسابها وبيسألون عن الجزء اللي سويت له ديزاين وكيف صممته بالهايسس وكيف جات الأرقام، حاول ترتب البرزنتيشن وتحط آغلب الآرقام المهمة ومايحتاج تحط كل شيء

نصائح مهمة:
١- اختار قروب ممتاز لآنك بتقضي تقريباً طول الترم معهم وبيتقسم الشغل بينكم فحاول تكون مع ناس تعرفهم
٢- تواصل مع القروبات الثانية واسئلهم عن كل شيء، القروبات كلها هذا الترم كانت مساندة بعضها وكأننا قروب واحد
٣- الريبورتات تأكد آنك مضمّن كل شيء موجود بالقايدلاين اللي يحطونه بداية الترم عشان تضمن فيه درجة عالية
٤- الريبورتات سلّمها في وقتها حتى لو ناقصة
٥- الكورس بيستنزف من وقتك وجهدك الكثير، لكن تذكر أن في آغلب المقابلات الوظيفية راح تنسأل عنه لأنه هو الكورس اللي يجمع فهمك للتخصص
٦- البرزنتيشن هو آهم جزء في تحديد القريد، استعد له زين

القريدات، محد يدري طبعاً ستاندر ولا أفرج. آغلب الطلاب آخذوا بي وبي بلس.

هذا رابط فيه ريبورتات للكورس من دفعة سابقة
old senior progress reports - Download - 4shared

بالتوفيق ومبروك التخرج مقدماً