CHEM 101 General Chemistry I

انتبه على اللاب عليه نسبة كبيرة وكذلك الكويزات مجموعها اكثر من الميجر الواحد

 

وش هالكورس الطوووووووووووويل
عموما الكورس أغلبه مسائل وقليل الجزء النظري فيه .. في المياجر التريكات راح تكون في تحويل الوحدات غالبا ..
أنصحك بالاولد اكزام المرتب .. تلقاه بالجمعية
ميجر 2 أسهل من 1 .. الفاينل حررررررررررريقة !
موفق

 

بسم الله الرحمن الرحيم

كمستري 101 صراحة الغالبية يقول طويل انا ماحسيت انه طويل لانه في ترابط افكار بين الشباتر, طبعا في البداية حتاخد حاجات بسيطة الي هي المولز والكتلة والتحويلات من متر ل مايل ... بعدين حتروح ع الذائبية والتركيز بعدها حتخش على الجزيئات وتفاصيل الاشكال والزوايا الجزيئية واخبرا على الغازات. انا افضل مذاكرة هذا الكورس من الكتاب صح فيه كلام كثير بس ممتاز وترتيبه حلو ومليان صور وحتغطي جميع الافكار والمعلومات بقراءته , الكوزات عليها 17.5 درجة فتحتاج انك تنتبه لها , حاول قدر الامكان تجيب اعلى درجات ممكنة في المياجر والفاينل لأن الدرجات الباقية حتطير منها كثير نورمالايزيشين , الكورس بصفه عامة سهل وحيعطيك خلفية حلوة في الكمستري.

ملاحطة : من وجهة نظري اكثر شي مهم وحيخليك متمكن انك تعرف تطلع عدد المولات بمختلف المعطيات وطرق الاسئلة , موفقين

 

المادة سهلة خصوصا في الشباتر الأولى لكن الماتيريال طويل و يصير غثيث بعد الميجر الثاني
بإختصار تبي تاخذ قريد عالي : تابع اول بأول وحاول تنزل مع دكتور في اللاب ممتاز ومتساهل ولاتهمل الكلاس ورك لأن عليها اعلى من الميجر الواحد + حل الامثلة والـ check points في الكتاب.
الشباتر نوعا ما مترابطة فلا تسحب وتترك المذاكرة ..
يمكن اكون غلطان لكن اشوف الدكتور ما يأثر كثير الا من ناحية الكلاس ورك اما الشرح فالكتاب يغنيك عنه .
لاتنزلها في الصيف الا اذا كنت مظطر لأنه متعب اللاب

الكورس افرج وللأسف غالبا مايعلنون عن توزيع القريدات لكن هذا توزيع القريدات لـ 131
http://www.stkfupm.com/vb/showpost.php?p=1354174&postcount=10

اولداقزامات
http://www.kfupm.edu.sa/departments/chem/SitePages/en/ContentDetailsPage.aspx?CUSTOMID=34

 

شباب هذا كورس الفرشمن ؟

+
كم ساعة في الأسبوع ؟ سمعت أن اللاب أربع ساعات

وتنصحوني فيه ولا لا .. أوريا معدي الانقلش ؟

أبغى شي يرفعني للأونر

 

اي كورس تاخذه في الفريشمان : هو عبارة عن 3 كلاسات + كلاس ريساتيشن يعني المجموع 4 كلاسات
وفيه لاب المفروض يكون 4 ساعات لكن فيه مدرسين لاب : نظامهم اذا خلصت شغلك تقدر تمشي حتى لو كان باقي وقت على نهاية اللاب ..
المادة ماهي صعبة لكن شوي تحتاج متابعة لأن المنهج طويل نوع ما
اذا مستواك ممتاز نزل كيمستري عشان تفتك منها
واذا لا نزل انجلش 101 : القريدات فيه تعتمد على الدكتور
او نزل اسلامي او عربي سهل انك تاخذ فيهم a+ خصوصا الاسلامي
وفالك الأونر

 

جودة المقرر بشكل عام

الكورس راح يعطيك فكرة عامة عن الكيمياء وأساسياتها

المواضيع التي يغطيها المقرر

151
ميجر 1 ( من شابتر 1 إلى 4 ) الأفرج 56%

1- نظرة عامة على الكيمياء وبعض المصطلحات الأساسية
2- الذرة ، الأيونات والمركبات (شابتر تسمية المركبات)
3- stoichiometry (فرع الرياضيات في الكيمياء) وأعتبره أهم شابتر أساسي لأن بقية الدروس تعتمد عليه
4- التفاعلات في المحاليل

ميجر 2 ( من شابتر 5 إلى 8 ) الأفرج 57-56 %
5- الكيمياء الحرارية
6- نظرية الكم ومخطط الذرة
7- الجدول الدوري والتوزيع الإلكتروني
8- الروابط الكيميائية


متيريال الفاينل
9- أشكال المركبات (تكملة لشابتر 8)
10- الغازات
11- الخصائص الفيزيائية للسوائل والمواد الصلبة
(شابتر 12 في chem 102)
13- الخصائص الفيزيائية للمحاليل

الكتاب المستخدم للمقرر

كتاب جدًا رائع وتستمتع بقراءاته. المادة تحتاج قراءة الكتاب حتى تفهمها ( لا تقتصر على السلايدات ) وتحتاج في نفس الوقت حل مسائل كالمسائل الموجودة بعد كل قانون و check points و بعض المسائل نهاية كل سكشن على الأقل .


الأسئلة والأمثلة المستخدمة في المقرر

يوجد في الكتاب عدد كبير جدًا من المسائل لكن لا أنصح بحلها كلها إلا إذا استطعت تنظيم وقتك فهناك مواد أخرى كالماث والفيزياء ...

إضافات

1- بالنسبة لي الحصول على درجة عالية في الميجر الأول أسهل من الميجر الثاني. متيريال الميجر الأول سهل جدًا وهو الأساس لبقية الدروس.
2- الميجر الثاني يحتاج مذاكرة وحل مسائل بالذات شابتر 5 واحرص أنك تحل مسائل أولد أقزام من بداية دراستك للشابتر.
3- الكوزات عليها نسبة 17.5% احرص أنك تجيب في كل كويز فل مارك خصوصًا إذا كان دكتورك يعطي كوز على كل شابتر فتقدر تركز على شابتر واحد وتجيب درجة عالية في الكوز.
4- اللاب سهالات إن شاء الله وبالنسبة إلى الوقت يعتمد على التجربة ما راح تقعد أربع ساعات كاملة إلا تجربتين أو ثلاث.
5- كوزات اللاب وفاينل اللاب حاول تجيب درجة فيهم ( مع الأسف كنت متهاون فيهم وأعتمد على درجة شغل اللاب ).
6- في الفاينل ركز على شابتر 9- 10 -11 -13 وراجع متيريل الميجر الأول والثاني ع السريع.
7- مسائل قانون هس و lattice energy راح تجيك في الميجر الثاني وفي الفاينل فحاول تتقنهم.
8- الكورس طويل وما أنصح أنك تأخذه في الصيف إلا إذا استطعت تنظيم وقتك وتابعت أول بأول من قراءة وحل مسائل من دون تأخير أو تأجيل.

 

Term 152

للأمانة الكورس سهل, تقريباً كل الي اخذنا في الثانوي مع زيادة متعمقين في كم شغلة ( عن نفسي ما قد درستها )
القريد العالي في ذي المادة جداً سهل مو مثل الفيزيكس والماث ( أقول ذا الكلام وأنا اكره الكيمياء), والكتاب اكثر من كافي عشان تجيب A , كل شيء واضح بالكتاب مع امثلته لدرجة انه احسن من بعض الدكاترة
ماكنت عند دكتور جيد ف ما اعرف مين احسن واحد
اللاب جداً مهم عليه 25% (100 pts) ويمديك تجيب فوق 75 حتى بعد الـNormalization, لأن اغلب التجارب سهلة وللأسف اغلب الطلاب ما يشدون حيلهم, باللاب انصح ب( Hakimu Nasubga)

وشكرا

 

بداية تخصصي لا هو كيميكال ولا بيور كمستري لكني استمتعت بالمادة !
كورس بشكل عام سهل إلى متوسط ، مب زي الفيزيكس أبد أبد أبد
اللي تحتاج تسويه طال عمرك :
1- تذاكر الكتاب أو مصدر المذاكرة اللي ترتاح فيه ( شخصيا أذاكر من الكتاب وأحدد النقاط المهمة وأحدد برضو الأشياء اللي مالها داعي عشان ما أضيع وقت مذاكرة المياجر والفاينل ) + مع التركيز على السامل بروبلم تكون فاهمها صح + التشك بوينتس كلها أجمعين كاملة مكمّلة . ما تحل لا سامبل ولا تشك بيونتس أنت ما قاعد تذاكر أنت قاعد تضيع وقتك ( Unless you are a genius تلقط المعلومات عالطاير ) .
2- تحل أسئلة الـ HW المكتوبة بالسيلبس ، حل الأسئلة موجود بموضوع Mr.A بقسم الكمستري .
3- تفتح أولد اقزام شابتر باي شابتر بالجمعية حقت أنور الجمّال المحلولة ( بعض الحلول نادرا تلقى فيها غلط ، تأكد من حلك ) وتحله للشابتر اللي تبيه .
4- تحل اولد كويزز تحصلهم بتقييمي بموضوع تقييم إيساب ( الدكتور ) .
5- قبل المياجر والفاينل حل لك كم اولد اقزام اللي تقدر عليه ، إثنين على الأقل )
6- وضعك بالسليم إن شاء الله .. بأسوأ الأحوال لو طحت بسكشن سيئ كله دوافير أفرجهم صاك السبعين مع راح تنزل عن الـ B+ بإذن الله )

بالتوفيق .. وتراها من الآخر مادة قريد

 

السلام عليكم اخواني
انا طالب ناوي انزل ذا الكورس في الصيف 163
وش تنصحوني بأفضل دكاترة للكتشر ؟ و اذا تعرفون دكتور متعاون في اللاب و متساهل اكون لكم شاكر ..
اتمنىىىى الرد و شكرا جزيلا لكم ❤️❤️

 

^^^
اسماء الدكاترة ماتنزل الا متأخر ومافيه دكاترة معينين ينزلوا الكورس
فإذا نزلت الاسماء ( اتوقع في رمضان ) ابحث عن الدكاترة في مواضيع التقييم للدكاترة .
يعني.مافي فايدة ننصحك بدكتور وفي النهاية اصلا هو مب يكون موجود في الصيف

 

المتوسط في الفصول الصيفية يكون مرتفع. (غير أنك في الفصل الصيفي راح تاخذها في شهرين، بما معناه ان محاضراتك في الأسبوع راح تتضاعف.)

 

بسم الله الرحمن الرحيم
CHEM101-172

جودة المقرر بشكل عام

نوعاً ما مكرر من الثانوي مع تعمق شوي وتفاصيل بسيطة ( تركات بالاختبارات) , المنهج طويل ويحتاج مذاكرة أول بأول ومن الكتاب, الدراسة من الكتاب أفضل من السلايدات بكثير

الكتاب المستخدم للمقرر

الكتاب ممتاز جداً جداً لأنه يعطيك الكونسبت والقانون وبعدها عليها Sample problem سؤال عليه واخر الدرس تشيك بوينتز, ممتازة جداً جداً . أنصح بحلها وبقوة. والمياجر أولد اقزامز وممكن بعض اسئلة نهاية التشابتر الصعبة.

مدى فائدته في الناحية التطبيقية

الكورس يشرح اشياء كثير حولنا بشكل بسيط, فيكون عندك خلفية جيدة جداً عنها.

وبالأخير, اللي يبي قريد ممتاز, عن نفسي أنصحه يذاكر أول بأول ويحاول يستعمل الكتاب قدر الإمكان وممكن يتبع طريقة التلخيص, صح ممكن تأخذ وقت لكن مردودها جيد خصوصاً لما تتورط بفاينل على 600 صفحة تقريباً

 

Chem 101 - 171
السلام عليكم بعطيكم تجريتي في كيمستري 101 وان شاء الله الكل يستفيد.

طبعا الماده شوي طويله وتقريبا كل اسبوع الدكتور يخلص تشابتر وبعض التشابترات تكون غثيثه وما يخلص الاسبوع الا وانت مخلص التشابتر تبعه .. ذاكر اول بأول واذا قعدت تسوف بيجي الميجر وانت باقي ما خلصت الماتيريال.

كيف تذاكر لكل تشابتر ؟ قبل ما ابدا لازم تعرف ان نظام الاختبارات والكويزات بيكون 25% مفاهيم و 75% مسائل ف خلي مذاكرتك بنفس الطريقه بحيث تركز على المسائل اكثر من المفاهيم ..بداية المذاكرة تكون من السلايدات او الكتاب ( اُفضِّل السلايدات لانها موجزه وشامله ) اذا فهمت المفاهيم روح للامثله (sample problem) وحاول تفهم كيف انحلت المسألة (لا تحفظ ) اذا فهمت حل A و B تحت المثال، A نفس فكرة المثال و B فيه فكره غير وغالبا يجي في المياجر زيه ، اذا خلصتها حل ال check points (الاسئلة نهاية الدرس ) ، اذا خلصت منها روح للسيليبس تبع الكورس بتلقى اسئله مقترحه لكل تشابتر شوف الاسئله اللي بنفس السكشن وحلها وتراها مهمة جدا (حلول اسئلة الامثله واسئلة نهاية الدرس موجودة نهاية التشابتر ، حلول اسئلة نهاية التشابتر المقترحه تحصلها في موقع الكورس ) وعلى هذا النظام تمشي على كل سكشن لين ما تخلص التشابتر ، اذا خلصت التشابتر روح حل اولد أقزام من نوتة انور الجمل ( تقريبا 20 سؤال من كل تشابتر ) . وبكذا تكون شطبت على التشابتر ،قبل الميجر بكم يوم حل اللي تقدر عليه من الاولد الاقزام المخلوطه 172،171 ،173...

حاول تختبر نفسك بنفس ظروف الاختبارك عشان ما تنصدم من ضيق الوقت امش على هذا النظام لين ما تخلص الكتاب واضمن الA+ في جيبك انا مشيت على هالطريقه ولله الحمد طلعت ب A لو مشيت عليه من البدايه كان جبت A+ لكن الحمدالله على كل حال ، المادة من اسهل مواد الفرشمن لكن اذا سحبت عليها بتكون من اصعب المواد حاول ما تضيع القريد فيها.

بالتوفيق للجميع.

 

TERM182
كورس عموما سهل، ولكن تكمن صعوبته في تنظيم الوقت، الكورس طويييييييييييييييييل جدا جدا ولو ما تذاكر أول بأول راح تجيب العيد.
الكتاب هو الـ A+ -*مهم* وحل الأسئلة الي فيه- ومر مرور سريع على مراجعة الفصل، أنصح بتلخيص الفصول وهي 12 فصل، كل أسبوع راح تخلصون واحد ورتب نفسك على هذا الأساس، وعشان تتأكد من فهمك حل أولد اقزامز شابتر باي شابتر تلقاها في مكتبة المول، لأن الكويزات عليها كثير (15% في ترم182).
حاول تكون مخلص ومراجع قبل الميجر بيومين أقل شيء عشان تحل كم أولد أقزامز وماتنصدم من الميجر.
الأغلب بعد ما يخلص الكورس يتفق أن الكورس سهل، بس السؤال: هل طلعت بالقريد الي تبغاه ولا قريد سيء؟
فالكم A+

 

بسم الله الرحمن الرحيم ..

أنا تخصصي تقريباً ماله اي علاقة بالكيمياء وأنا شخصياً لا أحب الكيمياء ولكن المادة ليست صعبة ، بل بالعكس مادة سهلة وغير ثقيلة ! المادة يعيبها كثرة الحفظ فقط وهذا اساساً هو الكيمياء ، المادة العلمية الوحيدة تقريباً اللي معظمها حفظ .

المادة ليس مستحيل الحصول على قريد A وما فوق فيها لو فهمت وحفظت زين ، الميجر الاول عادتاً بسيط ولكن الصعوبة تكمّن في الشابتر الرابع ، إذا ضمنت الميجر الأول فخلاص الميجر الثاني بسيط جداً أغلبه تعويض مباشر بالقوانين وكونسبت بسيط ..

وماتيريال الفاينل كذلك معظمه بسيط ..

المادة مو ثقيلة لو ذاكرت كل اسبوع شابتر ، والشابتر كذلك لا أنصح أي شخص يذاكره من الكتاب ، ذاكر من سلايدات الكتاب والشيء اللي يستصعب عليك تبحث عنه ، الكتاب لا أحبذه ، محشي كلام كثير ولاتدري وين المهم اللي فيه ، فلذلك أنصح بالسلايدات لفهم الكونسبت وكذلك حل الشيك بوينتس وقبل الميجر حل ٣-٢ أولد اقزامس وإن شاء الله الامور طيبة ..

بالنسبة للاب ، اللاب مايبيله شيء ، في اليوم الذي يسبق يوم اللاب ، ذاكر وحل وتأكد من حلولك حق اسئلة البري لاب وأمورك طيبة إن شاء الله ..

وفقكم الله

 

CHEM101 - term 192

المادة طوييييلة جدا و لكن ممتعة للي يحب الكيمياء، تقريبا مراجعة عامة للي اخذته في الثانوي ( كيمياء 1 و 2 و 3 و 4)، المادة بقسمها بحسب ماتريال المياجر بعد شوي، الكتاب المستخدم
( Chemistry by Julia Burdge 4th edition) جدا ممتاز و رائع خصوصا في السامبل بروبلمز و التشكبوينتس اللي انصح بكل قوة انك تحلها ما تاخذ اقل دقايق و تفهمك المطلوب في الدرس سواء كونسبت او مسائل.

تقسيم الوحدات كالاتي :

1- ماتريال الميجر الاول :

-شابتر 1 : Introduction into chemistry
- شابتر 2 : Atoms, molecules and ions
-شابتر 3 : Stoichiometry ( كيفية قراءة التفاعلات و النسب في التفاعلات و الخزعبلات ذي)
- شابتر 4 : Reactions in aqueous solutions (التخفيف و الاكسدة و الاختزال و شوية بهارات )

2- ماتريال الميجر الثاني :
-شابتر 10 : Gases (خصائصها العامة )
-شابتر 5 : Thermodynamics ( كيفية انتقال الحرارة في التفاعلات)
-شابتر 6 : Quantum Mechanics (نظريات الذرة و خصائص الموجات و ذي الحاجات الفيزيائية)
-شابتر 7 : Electron configuration and periodic table

3-ماتريال الفاينل :
-شابتر 8 : Chemical Bonding I (بعض نظريات الروابط منها نظرية لويس)
-شابتر 9 : Chemical Bonding II (تكملة للشابتر اللي قبل بس اعمق و مليان كلام و كونسبت)
- شابتر 11 : Intermolecular Forces and physical properties of liquids and solids ( الروابط بين الجزيئات و شوي خصائص للحالتين المذكورة)
شابتر 13 : Physical properties of solutions ( خصائص المحاليل )

# الميجر الاول يعتبر اسهل من الثاني ولكنه مليان حفظ بسبب شابتر 1 و 2 و 4، بس اذا انك راعي حفظ لا تفوت الفرصة.
# الميجر الثاني يعتبر اصعب عل كلام دكتوري،بس ما قدرنا نختبره بسبب ازمة كورونا ، و نفس الحكاية للفاينل بس بحسب كلام الشباب فوق يقولوا نار فاستغل الفرصة في الميجرين.
#انصح تحل اولد اكزام اللي في الريسورسز و السامبل بروبلمز و التشكبوينتس ضروري.
#بالنسبة للكتاب اتوقع شرحه كويس بس ما جربت ادرس منه بالكامل الا خفافي مرة للامانة، اعتمدت عل قناتين في اليوتيوب انصح و بقوة فيهما خرافيين لابعد درجة اللي هما (ارجعلهما لتثبيت المعلومة او اذا انك ما فهمت):

The organic chemistry tutor
Professor Dave Explains​

الاول يحل مسائل و الثاني راعي كونسبت.

#بالنسبة للكوزات دكتوري اللي درسني لكتشر (وسام يالي، معليش اذا كان لقبه غلط عجزت اعرف ) كان هو اللي يدرس ريساتيشن و يحط الكويزات، جدا حلوة و بسيطة و احلى من ذا كله يجيب اسئلة اولد اقزام فيها، بس ممكن تلاقي سؤال واحد يلخم مخك فيه و يبلعك احلى تريك ، فحاول تجيب فيها درجات طيبة و كويسة عشان النورماليزايشن (للي ما يعرف هذا اسلوب غريب من الديبارتمنت ينقصك اخر الترم لافرج معين السكشن كامل).
#بالنسبة للاب حاول تنزل مع وسيم منصور لانه يزبطك اذا انك كنت مهتم، مرررة يفهم (للعلم ،سبورته اللي يكتب فيها تعتبر كنز اذا تبغا تجيب درجة رهيبة في فاينل اللاب) و كوزات اللاب حقته حرفيا هي صفحتين الاسايمنت اللي في نهاية التجربة اللي عليك في المانول، و ازيدك من الشعر بيت كل اللي يطلبه في الكويز جدول واحد او اثنين بالكثير اللي في الاسايمنت و السلام ، يعني حرفيا مخمخ و حل الجدول و امورك ان شاء الله في السليم ، بس بالنسبة للي يقولوا انه ما يمديك تعدي حاجز ال80 بعد النورماليزايشن في اللاب (ايه نعم برضوا هنا ) ، احب اقله الكلام هذا خاطئ و الدليل انا جايب 84 بس ترا تحتاج شوي جهد. بالنسبة لفاينل اللاب ما عندي علم بيه لانه تكسنل بسبب كورونا .
#الواجبات ما يحتاج اتكلم عنها، هذي عندك يبو .

زبدة الزبدة، المادة طويلة حبتين و دسمة، كل اللي عليك تسويه ذاكر كل يوم بيومه (نصيحة لا تركم الدروس ابد، ولا حتندم بكرة يا جميييل ) و اعطي المادة حقها و بتقع سهالات عل قولتنا الحضارم .

قريد الB+ ما اظن صعب في المادة ذي، بس مع الكورونا جبنا C+ معوضين خير ان شاء الله.

المادة حلوة لكن يعيبها بالنسبة لي الحفظ الزايد شوي و فالكم الA+ في كل مكان و زمان.

و معليش عالاطالة ، و اي اسئلة تحت امركوا .

 

192
المادة كمتريال سهل لكن المشكلة في رأيي المياجرصعبة جداً
انا في المذاكرة اكون فاهم جداً واحل اسألة الكتاب بدون اي صعوبة
لكن اسألة المياجر بالنسبة لي منهج آخر يحتاج مذاكرة لحاله لانه صعب

 

191
المادة سهلة عليك بس تذاكر سلايدات الكتاب وتحل السامبل بروبلم والتشيك بوينتس واذا خلصت من الشابتر old exam by section

 

203-صيفي

السلام عليكم و رحمة الله و بركاته.
chem101
عبارة عن 12 شابتر

CH1
أهم فكرة في هذا الشابتر هي كيف تتعامل مع الفواصل (significant figures)
و بعدها تحويل الوحدات
قواعدها بسيطة في العمليات لازم تعرفها و تدريب بسيط من نوتات حمزة بعنوان significant figures
و عند اولدات عبيد فيها اسئلة كثيير
اسئلة الكتاب جيدة في هذا الباب كمان.
CH2
أهم فكرة هنا التسمية و كيف تكتب رموز المركب من الاسم لازم تحفظ لازم لازم تحفظ و تحل اولدات عبيد و اسئلة الكتاب و خلك ملم بالتسمية
--------------------------------------------
CH1&2
ذي الشابترين أهم شي في الكورس لازم تتقنها لأن بعدين بتجيك اسئلة و يذكر لك اسامي مركبات فقط ولازم تعرف كيف تكتبها الشابتر الاول رح تحتاجه في الاب و الاختبارات كذلك
-------------------------------------------
CH3
الشابتر عن المولات و هنا المادة تبدأ بمستواها الطبيعي الي قبل سهل
أهم شي تتقنه Ratio و أمورك رح تكون تمام بإذن الله و الله يعينك لازم تتدرب كثير و ذا الشابتر ما استوعبته من اول مره
CH4
بنسبة لي أصعب شابتر يحتاج جهد و تدريب عن المحاليل و لابد من التركيز على المعادلات و وحداتها.
CH10
الغازيات و قوانينها
CH5
حسب ما سمعت من الي درسوا معي أن ذا الشابتر موجود نفسه أو شبيه له في فزكس 102 عموما يتكلم عن انتقال الحرارة و يحتاج تدريب و ركز على الوحدات و لازم تفرق اذا تفاعل طارد او ماص.
------------------------------------------
ترى شابتر 3-4-5 هي أصعب شيء في المادة و الغالب يدردب عندها انتبه و اصبر
-----------------------------------------
CH6&7&8&9
شباتر سهلة جدا و قوانين كلها من الثانوي و الجدول الدوري و التوزيع و كيف ترسم تركيب لويس بس تفهم الكونسبت و تدرب شوي و خلاص
CH11&13
اخر شابترين في المادة عبارة عن خصائص المحاليل و خصائص المركبات و القوى بين الذرات قوانين بسيطة و سهلة تحتاج منك فقط الممارسة البسيطة.
---------------------------------------
Chem 101.zip

كل شي تحتاجه في الرابط
اولدات عبيد تحصلها في ملف BASM
عموما
افهم ثم حل التشيك بوينت ثم عبيد آخر شي حمزة
إذا عندك وقت حل السامبل
---------------------------------------
المادة في الصيف متعبة بس مقدور عليها نزلتها مع اسلامي و تخلصها سريع سريع لكن الافرج معروف انه في الصيف مرتفع.