CHEM 201 Organic Chemistry I

up

 

كتاب ممتاز من كل النواحي
يسلمونك كتابين (المقرر + سلوشن )
اسئله كافيه وشرح ممتاز

الماده تعتبر صعبة لأغلب الطلاب ويقوولون انها اصعب مادة في السفمور
انا من رأيي إنها من أحلا المواد الي قد أخذتها وماتعبت فيها

السبب هو اني اخذتها مع دكتور موسى
أغلب طلاب سكشنه كانت امورهم تمام ومرتاحين مع الماده

اشوفها اسهل من الفزكس واسهل من كمستري 101 و 102 اذا فهمتها
لان الفهم فيها أكثر من الحفظ والي يفهم شابتر 4 بيفهم المنهج كامل بالراحه

انا انصح الطلاب الي ما قدرو ينزلون مع دكتور موسى انهم يحضرون في سكشنه للاستفاده

 

-


نصايحكم ياشباب بخصوص هالمادة .. الله يجزاكم خير

شلون المذاكرة ؟ وش افضل نوت ؟ خبراتكم و تجاربكم ؟

مشكورين مأجورين

 

+1

 

هنا سلايدات المعلم لمن أرادها


بالتوفـــ ــيق

 

شكرًا لك

 

الله يعطيك العافية بس الرابط ما يشتغل

 

تفضل الرابط :-

كود:

http://www.4shared.com/rar/-UfRtQgm/Almullims_Slides.html

مشكلة ادخال رابط خلف الكلام يحط الحروف في الرابط small letters

وهو الموقع نفسه Case sensitive

علشان كذا يقولك الرابط متعطل

ومعليش على التأخير

 

ملفات مهمه من كويزات الى ميجرين قديمه

دعواتكم ليه


http://www.4shared.com/rar/twodO3mF/chem201.html

 

الله يعطيك العافية ما قصرت يا الغالي



اخوي بيبسي جزاك الله خير وما قصرت
الله يوفقك وييسر امورك

 

Chem 201 وما أدراك ما Chem 201

الكتاب روعة + المانيوال سولوشن كافي وافي للمذاكرة
هذي المادة عبارة عن الأشياء الأساسية في الكيمياء العضوية وتغطي الألكانات والألكينات والكحول والإيثرات و Free radicals reaction وSN1 & SN 2 Mechanisms وغيرها

أنا بالنسبة لي أشوفها أصعب بكثير من Chem 202
احس انهم تعمقوا في دراسة Ch 4 يعني ندرس أشياء مفروض أنها للكيميائي مو للمهندس الكيميائي
Ch 4 & 5 من أصعب الشباتر

الاب سهلات ماتطول فيه

 

بسم الله الرحمن الرحيم


أخذت المادة في سمستر 131 ، في هذا السمستر كان في كتابين للمادة سكشنين كانوا يستعملوا الكتاب القديم اللي هو fessenden and fessenden ، و ثلاث سكاشن كان تستعمل الكتاب الجديد اللي هو Macmurray 8th edition التقييم أدناه مبني على الكتاب الجديد، المادة تتكون من 15 تشابتر أول سكشنين كيمياء عامة بعدين تاخذ نظرة على المجموعات العضوية في التشابتر الثالث و بعدين تبدأ تدرس عدد منهم بالتفصيل في كل تشابتر ، في ميجرين كل واحد عليه 17.5 % و الفاينل عليه 28 % ، 12 % كلاس وورك و 25 % لاب، المياجر ريتن والفاينل 50 سؤال اختيارات ، الميجر الأول يعتبر سهل جدا جدا مقارنة بالثاني اياك تضيع الدرجات في الميجر الأول ، صحيح ان الميجر الثاني صعب بس يمديك لو ذاكرت من بدري وحليت الهوموورك بنفسك زي ما وضحت هذه أول سنة يستعملوا فيها هذا الكتاب فالبتالي أي أولد اكزام قبل سمستر 131 ما راح تفيدك بشي خلي مرجعك الرئيسي أسئلة الهوموورك تراها مفيدة جدا واللي يعتمد عليها ويحلها بنفسه من دون نقل من السلوشن يضمن قريد طيب باذن الله ، رفعت جميع كويزات الدكتور البطة على KFUPM RESOURCES أنصح بدراستها بعد ما تحل الهوموورك كاختبار لنفسك

موفقين خير ان شاء الله
​

 

^^^^

أخوي بن خلدون

ما هو أفضل مرجع لمذاكرة الكورس ؟!؟!!

المقصد فهم الكونسبت .. هل تنصح بالكتاب مثل كيم 101 و 102 .. ولا يوجد مرجع آخر

كنوتات معيّنة أو سلايدات ؟؟!!!

و شكراً

 

الكتاب ممتاز، لكن انتبه من بعد تشابتر 6 تقريبا لغته تكون صعبة شوي فركز مع الدكتور عشان تختصر على نفسك وقت كبير

 

بخصوص الآولد آقزام ؟؟

لا يوجد له .. يعني تنصح بأسئلة الهوم وورك اللي بالسيلبس ؟؟

هل تُعتبر كافية بالاضافة للي رفعتها الله يجزاك خير حقت الدكتور البطة ؟

 

ياشبااب المادة ميجرين ولا ثلاثة مياجر ؟؟؟

 

جودة المقرر بشكل عام: المقرر عباره عن 15 شابتر .
ميجر 1, اول 5 شباتر وهي تعتبر مراجعه ومدخل للورقانك , وسهله جدآ ودايم افرج الميجر الاول عالي جدآ .
المجير الثاني من شابتر 6 الين 11 . والميجر هذا دسم ! يحتاج فهم + حفظ بشكل كبيييييير .
الفاينل عباره عن المتيريل حق 1 و2 + شابتر 15 ,16,17,18 . هذي الشباتر اسهل من الي قبلها حق ميجر 2
الكتاب المستخدم للمقرر : الكتاب ممتاز لكن مو زي حق 101 و 102
الأسئلة والأمثلة المستخدمة في المقرر : االاسئله كثير ووافيه نهايه كل شابتر , الامثله نص ونص مو ذك الزود

الكورس هذا اكثر كورس كمستري ابدع فيه , وحبيته اكثر من 101 و 102

طبعا طريقتي للمذاكره كانت الكتاب بعدين احل الهومورك بنفسي انا وواحد من العيال ونتناقش فيه الين نفهمه 100%

وكمان في الشباتر الطويله مثل شابت 8 , كنت احضره قبل الكلاس واسوي لي ملخص خاص فيني في ورق خارجي , اذا رحت الكلاس اركز مع الدكتور واكتب الملاحظات المهمه ع الورق

​

 

الاورقانك وما أدرائك مالاورقانك
كورس صعيب برشا الزبدة نصيحة لوجه الله ,, اكتبها بماء الذهب : حاول قد ماتقدر تشد في الميجر الاول لانه سهل جدا مقارنة بالثاني .. الثاني يارجل كورس لحاله

المهم افعل الخطوات التالية :
1- ذاكر الاولد اكزامز من 131 وأنت طالع لأن يجيبون نفس الأفكار (الاختبارات اللي أقدم للكتاب القديم ماراح تفيدك)

2- موقع خان أكاديمي فادني وبقوة , يشرحون المنهج بشكل بسيط وسهل
Organic chemistry | Khan Academy

3- القناة هذي باليوتيوب برضو مفيدة وفيها شروحات فادتني
https://www.youtube.com/user/Leah4SciTutorials/featured

واذا صعب عليك شي اكتب اسم التشابتر او السكشن باليوتيوب وبيطلع لك مقاطع بتساعدك وبقوة , لا تعتمد على مدرسك

وهذا رابط فيه : المانيوال سلوشن للكتاب + الاولد اكزام للمنهج الجديد (131 وأنت طالع) - + كويزات مفيدة للمراجعة
chem201 - Download - 4shared

ان شاء الله اذا ضبطت ميجر ون وسويت الخطوات اللي فوق أضمن لك قريد طيب

 

كورس غثيييييث وتشيل همه طول السمستر ,, يبغى له حفظ بشكل متعب جدا لولا الله ثم الاولد اكزام كان رحنا فيها

ركزززززز عالاولد اكزام يتكرر بنفس الافكار ,, لو انت صاحب حفظ فانت طحت بكورس ممتاز ,,

حاول تشد بميجر 1 لانه سهل مقارنة بالميجر الثاني ,, مياجر المادة رتن والفاينل mcq

ما اظن الصدق ان المدرس بيفرق في ذا المادة لانها تعتمد عالحفظ بشكل خرافي ,, لا تخرب جدولك فيها عشان مدرس اللكتشر ,, في اللاب حاول تجي مع واحد يخليكم تشتغلون بقروبات وتخلصون بسرعه