بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
ترم 171 راح يكون اول فصل له .. حصلت له تقييم في احد المواقع وحسب التعليقات انه جيد . BO Chen at Southern Methodist University - RateMyProfessors.com
ECON 101- T 171 ها انا اعود لتقييم هذا الانسان غريب الأطوار . التحضير : 10 اسابيع مافيه تحضير - وآخر الاسابيع رصه الشيرمان وبدا يحضر . طريقة الشرح : يجيك الكلاس وينسرد على الكرسي كأنه في غرفة نومه ويفرفر في السلايدات -كلاسه عبارة عن مضيعة للوقت وما تستفيد منه شيء - انسان ما ادري كيف الجامعة جايبتهم والله سبك . الكويزات : على اساس بوب كويز وفي نهاية الترم ماشفنا شي بس خلاها بونص حضور المياجر: الميجر الاول كان على اساس انه كوردنيتد لكن على ارض الواقع كان كل دكتور لحاله ولما عرف الشيرمان اجبرهم يخلونه كومن (الافرج 59) الميجر الثاني كان كومن الافرج 45 الفاينل كل دكتور لحاله الافرج 65 هههههههههههههههه كورس عبارة عن فوضة ماتعرف لا اللي لك ولا اللي عليك - ندخل الميجر ولا ندري كم عليه من 100 الثورة : بعد الفوضة اللي صارت في الميجر الثاني حيث ان شن بو يفضل المسائل (ياليته يشرح عاد مسائل مثل العالم ) والسبيعي وعثمان يحبون الكونسبت ----بين هذا وهذا الطلاب كلوها صح -الدكاترة ساحبين على ام الكتاب وكل واحد يشرح من مصادره وفي النهاية يبون الاختبار كومن شلوووووووووووووووون كانت الشرارة هي الميجر الثاني - وشن بو ارسل ايميل وقال انا وظيفتي الرئيسية هنا اني اعمل ابحاث فهمت مافهمت مايعنيني - لما قلنا للشيرمان عصب وبدأت الثورة قدمنا شكوى للعميد وتجاوب معنا وجمع طلاب السكاشن كلهم وسمع منا وسمعنا منه - وقرر فصل الكورس وكل مدرس يضع اختبار طلابه وكذلك القريدات . المهم من نتائج الثورة ان شن بو بدا يكتب على السبورة ومايستخدم السلايدات - لكن اخلاقه وتعامله اصبح اسوء من اول فأنت تتعامل مع طفل والله حرفيا طفل - ماتدري ودك تكفخه على وجهه ولا تسايسه -------- المهم المدرس هذا سيء لدرجة انه انسان مريض نفسي - تحصله على كل وقت في مكتبه ولما تقفل معه يرسل ايميل طول بعرض يهدد وما ادري ايش يقول - طبعا هالانسان مهارات الخطابة وجه لوجه ماعنده فهو يخاف ويرتبك مايعرف يتحاور فهو لما يرسل بالايميل يحط حرته . الفاينل قال في الكلاس مش كومبرهنسف رسل بعدها ايميل انه كومبرهنسف القريد النهائي: والله العظيم انه عطانا قريدات جيدة مقارنة بالسبيعي وعثمان لكنه سيء والله سيء اعطيه F ,وادفه F+ الصوت: الاكسنت سيء لا هو يفهم ولا احنا نفهم إضافات : تخيلوا جاي الميجر الثانية بالبجامة هههههههههههه والله انسان غريب متناقض ... المضحك احد الطلاب حصل حسابه في الفيس بوك وطلع الولد يتهكم على المملكة وانها مافيها ترفيه ومدري ايش .... باسط في مكتبه 24/7 ويبي يشوف ترفيه !!!!!!!!!!!1
التحضير : في البداسة يقول التحضير غير مهم والي مايبي يجي لا يجي وبعدين جاه التشيرمن وقاله لازم تحضر وصار يبلشنا كل يوم اي تاخير غياب ولا تناقشه في التحضيري لانك بتاكل تبن واحد حضر نفسه في الكلاس وطلع في نص الكلاس بدون مايدري عطاه f في التحضير "ماادري وش معنى f في التحضير" طريقة الشرح : في البداية يشرح من سلايدات جايبها من النت وشرح اقل من متوسط ولا يعطي امثله على شرحه بس الكونسبت ولا تدري كيف الاختبار بيجي بعدين فجأه حذف السلايدات من البلاكبورد وقال ذاكروا من الكتاب وقلناه المتاب حوسه وصعب ينفهم سحب علينا في النهاية قبل الفاينل رجع السلايدات الكويزات : كلها بوب كويز واشياء ماقد شفناها في حياتنا يعني ماقد حل اي شيء زيه المياجر: المفروض انها كومن بس يقول اتفقت مع الدكاتره الباقين اني اسوي الميجر الاول والاختبار كان زين بس الميجر الثاني قال خلاص عثمان بيكتبه عشانه الكونيدتر وفي واحد اعرفه يدرس عند عثمان قال ان " تشن بو" هو الي كتب الميجر لان عثمان كان تعبان وقت الاختبار الفاينلات : وب الي سواه وكان صعب جدا القريد النهائي: اكبر F الصوت: لامن لهجه غير مفهومه ولا من صوت واطي إضافات : مارسب الا ثلاثه وقال عشان "مس بيهيفير " شكلهم قالوا له نبيك تحسن درجاتنا والباقي كثييير منهم D .D+
Econ 101 - Term 171 التحضير : في البداية ما كان يحضر .. في نصف الترم أصبح يحضر حتى أخر 5 دقائق من الكلاس .. آخر الترم أول 5 دقائق فقط .. والتحضير بتستفيد منه آخر الترم في البونص وغيره .. نصيحة لا تخلي أحد يحضر لك لأنك بتأخذ F في التحضير وهذه بتأثر في موضوع البونص طريقة الشرح : تقريبا أول ثلاثة أرباع من الترم كان يستخدم السلايدات .. طريقة سيئة مع شرح غير جيد للمحتوى .. لدرجة انك في بعض الحصص تطلع وانت ما استفدت أي شي .. في الربع الاخير أصبح يستخدم السبورة وتحسن شرحه بشكل لا بأس به الكويزات : عبارة عن بونص .. صعبة وما تفهم منها أي شيء .. المحتوى اللي أخذته شيء ( لو افترضنا انك فهمت المحتوى أصلا ) واللي بتشوفه في الكويز شي ثاني المياجر : صعبة .. لا تضيع الميجر الأول لأنه رغم صعوبته الإ أنه أسهل ميجر .. الميجر الثاني صعب جدا ولو جبت فيه 70% وفوق أنت أسطورة .. أفرج الميجر الأول 59% ..أفرج الميجر الثاني 49% .. للجزء الرياضي النصيب الأكبر في المياجر ( جزء متوسط الصعوبة في الميجر الاول وصعب جدا في الميجر الثاني ) الفاينل : صعب جدا ... تحتاج تذاكر من السلايدات والكتاب والهوومورك ( والهومورك لحاله قصة ) .. 60 سؤال مقسمة على 40 درجة .. للجزء النظري النصيب الأكبر ( وهذا الجزء لا يضيع منك لانه يعتبر الجزء الأسهل ) والجزء الرياضي ( صعب ومشكلته أن كل سؤال يعتمد على اللي قبله .. بحيث اذا ما عرفت السؤال الأول ما راح تحل الثاني ) .. الأفرج كان تحت 50% القريد النهائي : D بدون الدف ... C مع الدف الصوت : ضعيف شوي .. تحتاج إلى الجلوس في الأمام لكي تسمع جيدا .. بالنسبة للأكسنت ما راح تفهمه في البداية لكن مع الوقت راح يصير سهل بالنسبة لك إضافات : 1- بالنسبة للهومورك لا تتعب نفسك وتحاول حله لأنه صعب جدا وأساسًا محتوى الهومورك مختلف على اللي درسناه .. الحلول موجودة في النت اكتب السؤال وبيجيك الحل ( تقريبا 90% من حلول الهومورك موجودة في النت .. تبي تحل بنفسك الأمر راجع لك لكن لازم تعرف أنه بيصححها وبيحسبها عليك بعدين .. هذا على افتراض انك تقدر تحلها .. لذلك لا تتعب نفسك والجأ للنت أفضل لك 2- قبل بداية أي ميجر أو فاينل .. يحاول يرسل ايميلات طويلة عن أشياء كثيرة وبعض الأحيان يزبد ( خذ المفيد منها واسحب على الباقي ) 3- الرجال دف بشكل غير طبيعي في موضوع القريدات .. A+ من 80 والباقي عليك الحساب .. أقل طالب جاب 33 ومع ذلك نجح بD .. فيه 3 طلاب رسبوا بسبب سوء السلوك 4- بعد الميجر الثاني رحنا للتشيرمان وشرحنا له الوضع في المادة .. من بعد ما تكلم التشيرمان مع الدكتور والدكتور تغير 360 درجة للأسوأ طبعا ما عدا الشرح تحسن بشكل طفيف 5- بعد ما يرسل القريدات نصيحة لا تطلب منه قريد أفضل الإ لو أنت تستحقه ( على سبيل المثال خطأ في أحد الاسئلة أو خطأ في تصحيح الاختبار ) .. غير كذا لو تطلب منه قريد أفضل بدون سبب بيروح يشيك الهومورك والتحضير وأشياء ثانية وبدل ما يزيد قريدك ممكن ينقص 6- درجات الميجر الثاني كانت سيئة لدرجة ان الاستاذ عدلها مرتين .. لعل هذا يشرح لك تأثير الشرح السيء على درجات الطلاب 7- في الميجر الثاني بعض الاسئلة كانت كومون .. وهذه مصيبة لأن كل مدرس يعتمد على وسيلة مختلفة في الشرح في النهاية الدكتور شرحه غير جيد للأمانة .. لكن مقارنة بالسبيعي وعثمان يعتبر أسطورة بسبب توزيع القريدات عنده .. إذا أخذت المادة معه اعرف انك بتعتمد على نفسك بشكل كبير جدا
ECON101- 171 التحضير : لمدة نصف ترم وأكثر مافي تحضير بعدين جاه كلام من التشيرمان وصار يحضر بورقة وكان البعض يحضر خويه وقفط االقريد النهائي: D (هذي عشان دفته شوي في الدرجات) طريقة الشرح: يمسك السلايد والسلايد يكون مختصر ويشرح فيه بنبرة صوت تجيب الملل جدا!!! (واحدة من الكلاسات نص الشباب كانوا عالجوالات وربي من الطفش) الكويزات : كانت بوب كويزز. والظاهر حسبها ك بونص وكانت جيدة في القريد النهائي (وللأمانة ما حضرت إلا كويز واحد وماحليته لأنه ماكان يعطينا خبر أصلا) المياجر: عموم المادة ضياع زي ماذكروا الإخوان مابين كورديناتد والعكس. المهم والله كانت حالة ضياع لكن المياجر عموما صعبة سواء كانت كومون ولا كل مدرس يحطها لحاله الفاينل: أنا ما اعرف الفاينل كان كومون ولا كل واحد لحاله، الزبدة كان صععععب!!! وما أدري كيف خرجت منه والحمدلله إضافاتي : - من الأشياء اللي ساعدتني في الميجر الأول نوعا ما أنه حاولت أحل الهوموركين اللي كانت قبل الميجر بنفسي (مع أنها هوموركات طويييييييييلة!!!!!! جدا!) وكنت أعمل الحسابات بنفسي وأجيبها صح ولله الحمد وهذا ساعدني في المسائل الحسابية في الميجر الأول (طبعا هو حط الميجر فمن باب أولى أنه يكون فيه شبه بالهومورك والوضع تغير في الميجر الثاني) - درجات الهوموركات ما سلمنا إياها وسحب علينا بس كان ينزل السلوشن وحتى يسحب السلوشن من الموقع بعد فترة. -دكتور يحب التهديد والوعيد في عن طريق الإيميل ، وقدامك في المعاملة مايقدر يتكلم !! (استغفر الله بس) أن حسنته أنه كان بالبداية مايحضر وهذا ريحنا كثيييير! خصوصا من لغته الركيكة واللي صعب تسمعه إذا ماكنت قدام وتحتاج تجمع الكلام لأنه والله شخصيا ما كنت افهم عليه!!! عدم التحضير ريحنا وخلا كل واحد يذاكر بنفسه! قبل الميجر الأول ذاكرت بنفسي من الكتاب وماكنت احضر له كلاسات!!!! وجبت درجة أزين من الميجر الثاني اللي حضرت فيه الكلاسات الشي الثاني : أنه فعلا دفنا دف أطيب من غيرنا زبدة الموضوع من وجهة نظري :هو أحسن السيء ، ولو نزلت معه حتعتمد على نفسك بشكل كبيييييير القريد النهائي : D (هذي عشانه دفنا في الفاينل قريد شوي ولا الأصل F)
ECON 101 - T201 (online) التحضير : سكرين شوت للحضور + التحضير بالكام طريقة الشرح : سلايدات من خارج المنهج، وبعدها جاب سلايدات المنهج، انهى الماتيريال في ٨ أسابيع وبعدها كنسل الكلاسات لباقي السمستر، شرح سيء جداً للامانة ولهجة غير واضحة وشرح لا يتعلق بالمنهج الكويزات : ايضا الكوزات معظمها فيها اسئلة لها علاقة بالمنهج ولكن مستواها للفلات المتقدمة (صعبة نوعاً ما) وفقط مسائل وحل بدون كونسبت (بعضها مسائل تحدي) المياجر: كومن، اختيارات معظمها كونسبت وقليل مسائل الفاينلات : كومن، اختيارات معظمها كونسبت وقليل مسائل القريد النهائي: F (بالنسبة للدكتور) الصوت: واضح ولكن لهجة صعبة شوي إضافات : من اسوء الدكاترة الي ممكن تاخذ معاه مادة لا انصح به ولا تنزل عنده الا لو مظطر مرة، الافضل انك تأجل المادة ولا تاخذ معه، سيء لدرجة لا تتصورونها شرحاً واخلاقاً وتعاملاً وينقص درجات ولا يرضى يقلك ليه، معقد جدا في اجرائات الاختبارات وتسليم الواجبات وغير متعاون، استغرب جدا كيف يمكن لشخص مثله ان يكون دكتور والاغرب ان يكون في جامعة البترول