CISE 490 Senior Design Project

من أفضل الدكاترة يا شباب سواء من ناحية القريد او الاشراف على البروجكت؟
واذا عندكم نصائح او اي معلومة ياليت تفيدوني وشكراً لكم

 

الحمدلله سلمت المشروع وبإذن الله A+
هذي بعض الملاحظات بخصوص الكورس والدكاترة إن شاء الله راح تفيدكم :

تسجيل الكورس :
- الكورس مثل اي كورس ثاني تقدر تسجله من البورتال وما يحتاج تكلم الدكتور قبل التسجيل لكن ( يفضل تكلمه ) لأن بعض الدكاترة يكون عنده نظام معين في السينير بروجكت أو يبي الي يسجل معاه يشتغل على مجال معين مثلا بعض الدكاترة أغلب مشاريع التخرج معاهم مواضيع control بحت , بينما فيه بعض الدكاترة يركز مثلا على الـ Mechatronicsو embedded systems ومن هذي المواضيع .

ا-السكشن بحد أقصى فيه طالبين , يعني لما يسجل فيه طالبين يقفل , لكن بإمكانك تأخذ ابروفال لو الدكتور وافق أو بتكونوا اكثر من اثنين بيشتغلوا على نفس البروجكت .
-البريركويست هو senior standing ( مب متأكد لكن اذكر فيه اكثر من طالب حاولوا ينزلوا الكورس في الجونير وما قدروا ) .

- ممكن تشتغل على السينير بروجكت بدون ما تسجله , لكن لازم تكلم الدكتور :

- مثلا انت طالع كواب لكن حاب تشتغل على السينير بروجكت , ف و أنت في الكواب اشتغل عليه بعد ماتكلم الدكتور وتتفق معاه , وفي السمستر الي بعد الكواب سجل الكورس رسميا وفي نهاية السمستر راح ينزل لك القريد . ما انصح بهذي الحركة لأن احيانا السكشن يقفل وانت ماسجلت مع الدكتور الي اتفقت معاه فراح تتعب عشان تأخذ ابروفال للسكشن وممكن ما يوافقوا فإما انك تتأخر سمستر عشان تسجل مع الدكتور الي متفق معها أو انك تضطر تسجل مع دكتور ثاني وتبدأ الشغل من جديد لأن الدكتور الجديد ممكن يرفض البروجكت الي انت شغال عليه .

- لو كنتوا قروب واتفقتوا انكم تشتغلون مع بعض لكن وقت التسجيل مب الكل قدر يلحق إنه يسجل في السكشن فنصيحة الي ماقدر يسجل في السكشن , لا يشتغل مع بقية القروب في البروجكت لأن الي راح يصير هو انك الدكتور بيقول لكم الوضع عادي ! , بس لما تجي نهاية السمستر راح تنزل قريدات للي مسجلين في السكشن بس , اما الي مب مسجلين راح يضطروا يسجلوا الكورس في السمستر الي بعده والدكتور راح يطلب منهم تعديلات اضافية على البروجكت الي هم في الاساس اشتغلوا عليه بس ماكانوا مسجلين الكورس رسميا ً فيعني كأنك بتشتغل على السينير بروجكت سنة كاملة والشباب الي معاك بيكونوا خذوا قريدات وانت لا , بالرغم إنكم اشتغلتوا مع بعض .

- إذا ماخلصت السينير بروجكت في سمستر , راح ينزل لك قريد IC = Incomplete بس لازم تكلم الدكتور , و راح يتغير هذا القريد مع نهاية السمستر الي بعده لو سلمت البروجكت ولو ماسلمته راج تأخذ F .

- بشكل عام أغلب الدكاترة يعطونك الخيار في تحديد البروجكت لكن لازم في النهاية يوافق عليه الدكتور و حاول يكون موضوع البروجكت مرتبط بالمجالات الي الدكتور متمكن منها
عشان لو واجهت مشاكل في البروجكت يقدر يفيدك .


الدكاترة :

- Anas Vaqar : هو مجاله Embedded Systems, Automation , robotics و أغلب المشاريع الي يقترحها على الطلاب تكون متعلقة بهذي المجالات + لو عندك مشروع له علاقة بال image processing راح يكون خيار جيد .
السلبية الوحيدة فيه هو إنه يوعدك بأشياء لكن يخلف في وعده خاصة من ناحية القطع الي متعلقة بالمشروع . بس في كل الأحوال يعطي قريدات ممتازة .

- Samir Alamer :
يعطي قريدات عالية و متعاون جداً ويقبل أغلب الأفكار لكن لا تتوقع إنه راح يفيدك كثير لو صارت عندك مشكلة تكينكال في البروجكت , احيانا يحاول يساعدك ومايقصر لكن المشكلة انه دايما مشغول .

- Maysowala
ما أنصح فيه لأن احيانا يدقق على أشياء مالها داعي وينشب لك وبعض المواضيع مب متمكن منها فغالبا ً ما راح يفيدك لو واجهت مشكلة, وهذا الكلام من تجربتي معاه في مشاريع كورسات السينير . ويشترط ان يكون معاك احد في البروجكت . الشي الثاني لازم البروجكت يشتغل بدون أي خطا لو لاحظ أي خطأ اعرف انه راح يخسفك بالقريد ..

- Sami Elfrik
هو الي يحدد المشروع ويكون control بحت , مثل مواضيع 418 , 433 , 423 و غالبا ً يكون مشروع مرتبطة بأبحاث الدكتور مثلا الي اشتغل معاه السينير بروجكت هذا الترم كان شغال على مشروع مرتبط بشركة Yokogawa وحتى ال committee الي حضرت البرزنتيشن كان واحد منها مسؤول عن المشروع في yokogawa .

- Al Saif
يمكن تفكره متساهل لكن في البرزنتيشن راح ينشب لك , وقريداته نوعا ما زينة , لو صارت عندك مشكلة غالبا ً ماراح يفيدك + اغلب الأوقات مشغول .
ويدقق على الريبورت اكثر من البرزنتيشن والبروجكت !

بقية الدكاترة ماعندي فكرة عنهم .



Final Report & Presentation
- بعد ماتنتهي من البروجكت لازم يكون فيه presentation وفيه committee تقيم البروجكت وعلى أساس تقييمها راح تأخذ القريد , طبعا ال committee تتكون من 3 دكاترة واحد منهم الدكتور الي منزل معاه البروجكت , ولازم تكلم بقية الدكاترة بنفسك عشان ينضموا لل committee وتحدد موعد البرزنتيشن .

- يفضل انك تسلم الريبورت قبل اسبوع على الأقل من البرزنتيشن لكل أعضاء الـ committee لأن راح يعلقوا عليها ويطلبوا منك بعض التعديلات , حاول تسوي هذا التعديلات وترسلهاعلى الأقل قبل يومين من البرزنتيشن لأن الريبورت عليه نسبة كبيرة من القريد وانتبه من الأخطاء البسيطة لأنها بتأثر على قريدك وممكن تضيع تعبك في البروجكت وبعض الشباب راحت عليم الـ A+ بسبب الريبورت !

- البرزنتيشن مدته 30 دقيقة لو خلصت 5 دقايق اكثر او اقل مافيها مشكلة .
- لازم يكون فيه DEMO للبروجكت ونصيحة سجل فيديو واضح للبروجكت وهو شغال عشان لو صارت لك اي مشكلة يوم البرزنتيشن ماتتوهق وتقدر توريهم الفيديو .
- حاول تجيب دكاترة متعاونين مثل د.نزار و د.سمير , د.أنس .
- فيه معرض للمشاريع وراح يكون مطلوب منكم الحضور و عمل بوستر وشرح للبروجكت فممكن يكون المطلوب منك تخلص البروجكت الاسبوع الـ 13 بالكثير مب مع الفانيلات او بعدها فحاول تخلص بدري .

نصائح عامة :
- اهتم بالسينير بروجكت قد ماتقدر ترا أغلب المقابلات راح تركز عليه , لا تلفق او ما تشتغل مع القروب !
- أعضاء القروب يفضل يكون عددهم 2 , لاتخلي القروب يتعدى الـ 3 بالكثير لأن لو ماضبط مشروعكم أو ما كان كبير , أول جملة راح تسمعها في البرزنتيشن : كلكم على هذا البروجكت ؟!
وهالشي راح ينزل من القريد الي تستحقونه حتى لو كنتوا شغالين صح .
- لو في المشروع تحتاج microcontroller , استخدم myRio أفضل لك من الـ arduino , حتى لو كنت ماتعرف له حيل لكن مع الوقت راح تعرف إن ال myRio أسهل بكثير وفيه ميزات أكثر .
- أهتم بالريبورت كثير , و كلما خلصت بدري كلما كان أفضل عشان يمديك تقدمه للدكاترة ويعلقوا عليه وتعدل عليه وبكذا بتضمن قريد عال على الأقل B+
- لا تجامل في الشغل , اذا فيه شخص ما يشتغل كلمه من البدابة , اذا اشتغل كان بها ما اشتغل كلم الدكتور .
- تقدر تدمج السينير بروجكت مع مشاريع كورسات ثانية لكن في الريبورتات الي الي راح تسويها للكورسات الثانية حاول تبين اي جزء متعلق بالكورس واي جزء متعلق بالسينير بروجكت
طبعا من تجربة لا تدمج السينر بروجكت مع كورس يدرسه Maysorwala لأن راح يشغلك ويطلب منك اضافات مالها اول ولا تالي .
- بداية السمستر , اخذ access على الأقل لـ 3 لابات ( وتقدر تأخذه من القسم بعد ماتعبي الفورم الي عند السكرتير ويوقع عليه المشرف عليك في البروجكت )