انا اخذت عنده 101

صراحه كان .. طيب .. ومحترم

ماكان يعطي واجبات ..

والتحضير .. مرات يحضر ومرات لأ ..

يعني مو سيء ..

---

بس شباب اللي اخذوا معاه 214 .. كيف الكورس معاهـ ؟؟ ..!!

 

أي معلومات ..

كيف نخليه يخق معنا ؟

 

ما اقدر اقيمه على النقاط المذكورة لكن المدرس عموما طيب بس قريداته ماهي ذاك الزود

 

عبدالرحمن انسان محترم ورائع .

من ناحية االقريدات بكل صراحه يعطيك اللي تستحقه.

ولا يكرفك ابداً ((ماتحس انك منزل انجلش ))

 

هههههه

انشب له بالمكتب راح يعطيك اللي تبي .

راح يقولكم ببدايه السمستر كل ماجيت اكثر اعطيك اكثر

 

بسم الله الرحمن الرحيم

إحم إحم

الإنسان هذا أحبه في الله

أخذت أول شئ معاه إنقلش 001

ولما كبرت رصرت في الجبل بعدها بكم سنة نزلت عنده إنقلش 214

وطبعاً عرفني وفرح فيني

الزبدة

طبعاً راح أتكلم عن تعامله في إنقلش 214 لأن الأوريا لها ظروفها من ناحية الشدة والإنضباط,


التحضير : تحضير بالمحبة وأصلاً الكورس تساهيل ونصه برا الكلاس.
طريقة الشرح : متوسطة الكويزات : اللي منه سهلة واللي من القسم ستاندرد.
المياجر: مافي
الفاينلات : من القسم
القريد النهائي: سوبر ممتاز
الصوت: كويس بس فعلاً أسلوبه في الكلام والمحشات أمريكي نمرة واستمارة
يعني يحشك محش جامد وإنتا فاغر وزي الأطرش بالزفة وغيرك اللي يعرف
ثقافة اجنبية تلقاه فاطس ضحك
إضافات : الشغل معاه تساهيل مايكرفك .. بس اللي يمصخها زي ماقلت لكم
يعطيه كم محش ويزعل منه

 

المدرس هذا محترم جدا جدا ويكفيك انه اخوك في الاسلام ..
طبعا ذاكرته ممتازه جدا ما شاء الله .. اخذت عنده 101 في 071 وكل ما يشوفني يتذكرني ويسلم علي ..
من ناحيه اكاديميه عنده قاعده مشهوره ويقول لك اياها من بدايه السمستر وهي :
you will not get your grade but you will earn it
يعني بالعربي ما يدف بس ما يظلم واللي تستحقه بتاخذه ..

 

انا نزلت عنده 101 والله كرفنا كرف .... والقريدات مو ذاك الزود

ولكن كلمة الحق انه انسان محترم .... بس نصيحتي لا تنزل عنده

 

وانا نزلت 102


طلع الشيب في راسي من الكرف

وبالاخير قريد مب ذاك الزود

 

هذا المدرس يعطيك حقك بالضبطططططططططططططططططططططططط ما يزيد ولا 0.000000000000001%

وباااااارد

شرحه نص نص

بصراحة ما انصح فيه

واذا سألته سؤال ما ادري ايش يقول يرد عليك ولا يقول قصة حياته مدري

 

ارجو ايضاح الفكرة اكثر هع



الحقونا قبل التسجيل طبعا الكورس ( 214 )




:: عزووز ::

 

أنا منزل عنده ذا السمستر 214..


وبقولها بكل صراحة: المدرس محترم وأخلاقه أكثر من رائعة..مافي تحجير على الغياب ولا التأخير..رسلتله إيميل قلتله أخوي صار له حادث وما راح أقدر أحضر ولا راح أقدر أسلمك الريبورت..رسلي إيميل قال لي أول شئ الحمد لله على السلامة وما في مشكلة جيب لي الريبورت بالأوفيس ولا الحصة الجاية ولا نقصني ولا درجة, يعني احترام لأقصى الحدود..

ولكن بالقريدات وما أدراك ما القريدات..صاكني سيات من أول السمستر لا فوق ولا تحت وعشان ما أظلم الرجال معطيني واحدة دي (d) والله ظالمني فيها وأنا أحلف وواحدة بي (b) في الميدترم. ماني قايل إنه ظالمني (إلا بالدي طبعا) ولكن مافي دف أبدا لا يمين ولا يسار..يمكن القريد النهائي بيكون أحسن إن شاء الله ولكن هذه آخر المستجدات من موقع الحدث وإن شاء الله إذا طلع القريد النهائي اللي يشرح الصدر بنوافيكم فيه.

التقييم النهائي: لا تنزل عنده لو إيش..ترى بيلوع "شبدك"!!

 

آجل مصيينا حممممر هع


المشكله مافيه غيره الساعه 8 كويس



عالعموم يعطيك العافيه ولا تنسى توافينا بالقريدات نهاية الترم وموفق ان شاءالله




:: عزووز ::

 

اولا انا اخذت معاه 101 واخذت معاه 102 ايضا..


التحضير : كل يوم واذا ماحضر قدامك يحضر بالاوراق اللي يوزعها لان فيه ايام يوزع الريبورتات بالكلاس

واللي مااخذ ريبورته بالكلاس يعني غايب على قولته i have my ways to take the attendance


طريقة الشرح : صراحة الماده اصلا كلها ما ادري وش تبغى يعني ماعنده شي يشرحه..

ومشكلته كونقريف انه مو كرييتف.. يعني ماعنده اشياه جديده بالكلاس..

يبدا الكلاس يقدم الكرسي ويوخر الكرسي ويجلس ويقوم...

يروح للكمبيوتر ويرجع يقدم الكرسي ويشغل البروجكتور وشوي ويقفله...

يعني من الاخير مايشرح شي يفيدك.. الا انه قبل الميد تيرم يعطيك المفيد وقبل

بعض التاسكات ينزل موديل بالويب سي تي..

ويقلك اتبع الموديل على نفس الفورمات ونفس الترتيب يهتم كثير بالويب سي تي..

كل شوي check web ct وكل شغله على الويب سي تي..

وبالنسبة لي والله ماحسيت يوم واحد ان لغتي تطورت بسببه يعني اشك انه امريكي تحس

لغته زي العرب ماعنده اكسبريشنز الامريكان وحركاتهم مرررره بييسك..


الكويزات : يعني مو صعبه مو سهله لكن عليه تصحيح ما ادري كيف يصحح.. تحسه مايعطيك حقك...



القريد النهائي: اخذت عنده 101 وعطاني قريد ما عجبني وقلتله وقتها والله لانزل

معاك 102 ولا اخذ القريد اللي ابغاه والحمد لله نزلت 102 عنده واخذت قريدي

لكن بصراحة بعد طلعة الروح..

اذا انا باعطيه قريد باعطيه C..


الصوت: واضح..


إضافات : هذا المدرس يقدر الاوفس اور واذا جيتك سو نفسك انك جاي تجري وانك تعبان

معاه وانك مهتم بالماده وان شاء الله ماينسى الشيء هذا..

لكن مشكلته اذا حس ان الواحد يبغى يشبكه يقوم يدقق عليه بالقريدات عشان العدل على

قوله وهذي مشكلة مدرسين الانقلش المسلمين اذا قلتله كذا والا كذا قالي

no exceptions this is hram.. adel.. adel

العدل ذبحه..

لكن بشكل عام اذا تبغى حقك وشي يقنعك لاتنزل عنده ابدا ابدا لانه يكرف وفي الاخير مايعطيك ذاك القريد

 

انا راح اعطيكم من واقع تجربه معه في 101 طبعا درسني 001 ايضا .. اخذت 101 معاه في سمستر 042

الكومبزشن الاول a
الثاني +b
الثالث b
الرابع +b
الخامس +c

الميدتيرم +b

الكلاس وورك +c

واخرتها عطاني +c قهر والله

 

مرة ثانية رجعنا لكم بعد طلوع الدرجات..




عطاني بي ولله الحمد..لكن ما اقولها مدحا فيه لاني استحق على الأقل بي بلس لكن وش نسوي؟

معي واحد هو يقولي أنا مسوي الريبورت قص لزق! وعطاه نفس درجتي مع ان ريبورتي أليم بشكل ما شاء الله!!

على العموم إذا احد نزل عند كونقريف فعليه بالأوفيس آور لان بيساعده آخر الترم ولكن بشكل بخيل جدا (حوالي 0.005 من المادة) << والله ما امزح!

النتيجة: حبوب جدا لكن بخيل جدا في الدرجات عشان تاخذ بي يبيلك تكون ممتاز ببوث بالإنقليش وبالآسكسينق!!

ملاحظة: أنا جايب a+ في ept وعطاني b فإذا كنت مو مرة بالإنجلش لا تاخذ عنده لانه بياكلك وانت حي!!

 

اخذت عنده 101 و 214 ..

في الـ101 ذكرته في اول رد ..

وعلى فكره يوم خلصت الـ101 قلت ماراح انزل معه مره ثانيه ..

لانه القريد كان مو ذاك الزود ..

لكن اكتشفت انه الغلط مني .. وانه هذا حقي ..

طبعا في الـ214 سويت مثل ما يقول بالضبط ..

بدون فلسفه .. المدرس انسان دقيق ويحب الدقه ..

قال لك اكتب صفحه وحده .. اكتب صفحه وحده ..

قال ارسل الشي في الوقت الفلاني .. ارسله في الوقت الفلاني ..

طبق كل شي بحذافيره ..

وفيه حاجه حلوه .. انه يحط بالبلاك بورد مثال لكل شي يطلبه ..

يعني لو تسوي مثله بالضبط بلغتك وباسلوبك .. يعطيك حقك وتكون الدرجه حلوه ..

طبعا في الـ 214 ماكرفنا الا في الريبورت بس .. وطبيعي لانه زبدة الكورس ..

لكن الاشياء الثانيه كانت سهااااالاااااااااات ..

طبعا انا ولا مره حضرت عنده الاوفس اور طول السمستر كامل .. وما أثرت على القريد ..

يعني نصيحتي مدرس ممتاز في الـ214 ,, مع تطبيق كل شي يقوله بحذافيره بدون فلسفه ..



*

 

أتمنى ياشباب لو تذكرون الأشياء التي يركز عليها في التقييم يعني بصراحة كيف تمشي معاه

 

والله ما اخذ عندة ثاني مررررة


ياخي بس يقدم ويرجع الكرسي مافي شي نسوية بالكلاااس


واخرتهااااااااااااااااااااا الله يعين