بسم الله الرحمن الرحيم السلام عليكم ورحمة الله وبركاته شباب انا أوريا جديد ناوي اشتري كمبيوتر للجامعة بس محتار اخذ مكتبي أو لاب توب انا استخدامي برامج تصميم والعاب قوية << جاي يفلها تحتاج مواصفات عالية اخاف اخذ لاب توب يسخن ويحترق المذر بورد فانتوا ايش تنصحوني اخذ ؟
أنا أنصحك تأخذ لابتوب أفضل لك كثير ما أعرف من أصحابي بالجامعة إلا واحد عنده مكتبي ومطفشه كل ما غير الغرفة حاس بيه أما بالنسبة للابتوب ففي أجهزة بأسعار حلوة وكمان مواصفات عالية لكن لا تنسى تمدد الضمان ثلاث سنين للجهاز وبعدها أكرفه وأي مشكلة فيه يغيروا لك القطعة مجانا أنا أتكلم عن hp قبل فترة شفت أجهزة جديدة بجرير تقريبا حول 3600 ممتازة جدا
اللابتوب افضل لك والحين الاسعار قليلة وتقدر تلقى واحد سعرة معقول وفيه كرت شاشه ممتاز بس نصيحتي لك خذ كرت شاشه خارجي وريح بااالك
لاب توب وبكل تأكيد .. سهولة التنقل اهـم ميزة! حتى لو بتضحي ببعض الاشياء الثانية ومن ناحية التسخين انا عندي ديل والله العظيم 24 ساعة شغال وانا نايم وانا صاحي وبصراحة جهاز يكررف يسخن احياانا مع الاستخدام المكثف الطوييل .. وتقدر في دي الحالة تشتري زي جهاز تحطو تحتو يبرد اللاب توب واخوي عنده لابتوب hp نفس حكايتي24 ساعة ومدمن لعبة wow ومعروفة اللعبة بثقلها على الجهاز والجرافيك العاالي ..وماواجه مشاكل تذكر في السخونة ! اذا من ناحية الحرارة لاتخاف ابد من جرير جهاز بـ 100 او 200 تقريبا يبرد اللاب توب وماتوقع بتحتاجه ومن ناحية الحياة الجامعية الدسك توب اشوفه مرره مزعج!!! << اناا اوريا زيك .. وانا كان عندي في البيت دسكتوب تعبت معاه بس قبل كم سنة اشتريت لابتوب والحمدلله اذا في البيت بس ريحني كثيير كيف في الجامعة!! وانصحك في dell جودة عالية حسب تجربتي احسن من التوشيبا مليون مررة وبعد الديل يجي الـ hp وماعندي خبرة بالسوني واتوقع هذولي احسن شي ومانصح بالتوشيبا ابد وبشكل عام ر كز على الرام وكرت الشاشة(يكون منفصل) والمعالج اذا تحب الالعاب.. هذا رأيي .. ووجهة نظر تحتمل الصواب او الخطأ ..
يعتمد ايش شغلك عليه اذا مثل الاخ اللي رد قبلي wow ال لاب توب يقوم بالواجب اذا العابك ثقيلة اطلق لاب توب ما يجيب دسك توب ب 3000-4000 ريال اكلمك عن خبرة كروت الشاشة حقت ال لاب توب يحطون عليها تحديد سرعة حتى لا تحتر....تكون ابطء بكثير مقارنة بكروت الدسك توب خراب ال لاب توب متعب جدا بينما خراب الدسك توب حده تشيل القطعة وتركب غيرها....حتى خيارات تحديث ال لابتوب ضئيلة مقارنة بالدسك توب بعدين اذا احتجت لاب توب طق لك لاب توب ابو 2500 ريال يمشي حاله وخلي كل شغلك على الدسك توب
انا اقول جب الثنين صراحه راح يكون ابداع لو تقدر تجيب الاثنين المكتبي على طاولتك والاب توب في اي مكان تقدر تاخذه معاك غير كذا خلي مواصفات الدسك توب رهيبه ومافيه مشكله لو صار غالي شوي وخليه للألعاب وللفله وبرامج التصميم الثقيله اما بالنسبه للابتوب خليه لملفات الدراسه والتنقل ويكون رخيص نوعا ما
شوف احتياجاتك واختار انا عندي لاب توب وافكر اخذ حاليا دسك توب اخلي شغلي عليه والاب توب وقت ما اتنقل اخذه الاب توب حظوظ حسب اللي شفته .. جهازي اقدم جهاز في البيت وكارفه كرررررف مايطفي واخواني شروا اجهزه بعدي واختربت وتعبتهم وجهازي الحمد لله ما اخترب .. ولولا ان البرامج كثره وثقلت وصار الجهاز بطييئ وحرارته مليون " افكر اقلبه فرن " ولا مافكرت اغيره بالمختصر كل واحد له ميزات وسلبيات انت شوف اللي تحتاجه وامش معاه يعني تبي العاب وحركات وتاخذ لاب توب مثلا ولا يخدمك .. اتوقع ماراح تستفيد منه حتى لو كان نقله سهل و و و
لاب توب كيد ياخي تراه عملي بقوة صدق ان بقيمة الاب توب تقدر تجيب لك اطلق ديسكتوب لكن العملية بالاب توب مفيدة و بالتوفيق
حياك الله بينا في المجتمع البترولي وبخصوص اللي سألت فانا صراحة مع الشباب اللي قالو كمبيوتر مكتبي لانو صراحة و لا اطلق لاب توب ما يجيب مكتبي ب 4000 و اذا حابب راسلني على الخاص وباذن الله اعطيك مواصفات جهاز اقوى من سيرفر الجامعة نفسه <<<خخخخ تحياتي
يااا أووريااا دسكتوب احسلك.. وخلي اللابتوب بعد سنتين .. لانك ماتحتاج الاب توب في الاوريا على حد علمي الى الان ماعمري شفت لابتوب ينافس الديسكتوب من ناحية الاداء... ابداا ماقد شفت