بما اني اول واحد يقيم الدكتور عمرو سأكون معه منصفا فلقد ذقت معه الاكاونتين بحلوه ومره,,
التحضير اول باول
الشرح ممتاز ويجيب امثلة قد تكون انت احدها, لاتستبعد ان يجعلك تحل مسألة (ابن امك تغلط فيها) لانك ستصبح تاريخا منذلكم الحين والى نهاية السمستر
الكويزات كل شابتر وعليه درجتين اسبوعيا
المياجر على قد مذاكرتك
الفايلات=المياجر
a
المدرس ده مخلص درجة اولى ويحبك تكون معاه على طول وكريف # ون

 

التحضير : يوزع ورقه بين الطلاب كل كلاس وكل لاب ما ينسى

طريقة الشرح : ممتاااااااااز جدا ويذكر بعض الامثله اللي توصل المعلومه للطالب ويعصب عاللي مو منتبه معاه

من الاخر الرجل شررررريح لاخر درجه

الكويزات : متوسطه

القريد النهائي : الرجل ما يزيد لو نص درجه

اضافه : ستاند اب كوميدي من الدرجه الاولى ... بعض الاحيان تلاقي الطلاب متسدحين من الضحك

يحب الدواافير واللي مركزين معاه وخصوووصا اذا كانوا اكاونتينق

ويكره المهملين ولا اللي يسالون اسئله هبلا

من الاخر اللي يبغى يفهم وتخصصه اكاونتينق يروح معاااااااااااه والكورس مو صعب عموما

 

التحضير : كل يوم ويهتم فيه كثير .. إذا تأخرت 5 دقايق اعتبر نفسك غايب ..
طريقة الشرح : ممتازة جدا .. يجيب لك أمثله سهله وواقعيه ويقرب لك الصورة
الكويزات : سهله إذا كنت تنتبه معه وتذاكر .. متوسطه إذا تنتبه معه ولا تذاكر ..
المياجر: مشتركه
الفاينلات : مشتركه
القريد النهائي: كشرح للماده a+ .. كتعامل مع الطلاب f
الصوت: واضح جدا ..
إضافات : عمر من أفضل الدكاتره اللي مروا علي في هالجامعه .. شرح رهيب جدا .. بس عيبه أنه ما عنده مشكله يسفل فيك داخل الكلاس .. يعني إذا أنت من الناس اللي ما تحب إن أحد من الدكاتره يغلط عليه ابعد عنه كل البعد .. اما باقي أموره في السليم .. وفيه شغله ثانيه ممكن تضايقك .. ياخذ كلاسات وسط السنة يوم الربوع في بريك الغداء .. من الساعه 12 إلى 1 ..
باختصار لو تخصص محاسبه وتبي تأسس نفسك صح .. نزل عنده .. لو كان تخصصك شي غير المحاسبه .. خذ عند شهيد الإسلام أو طلحه عشان القريد يطلع حلو بدون تعب ..

 

يتميلح على الطلاب
ويقال له يذب
بس يعرف يشرح يغصبك تنتبه وتفهم صح
ماكان يعطي واجبات بس يعطي كويز على كل تشابتر
و شديد بالتحضير
انصح فيه

 

كورس acct201 - ترم 082

التحضير
كل محاضره من خلال ورقه يوقع عليها الطلاب ويتضايق كثير من المتأخرين وممكن يروح نص ساعه في الكلام عليهم والشرشحه في باقي الطلاب

طريقة الشرح
الأفضل في مجاله بلا منازع .. ملك الشرح في وجه نظري،، لو تكون منتبه معه ماراح تفوت شيء أبدا وماراح تطلع من الكلاس الا فاهم وبقوه

الكويزات
تافهه جدا ومن شرحه .. افهم معه وتجيب فيها فل مارك .. كل الكوزات ماعدا أول واحد(كان أسئله اختيارات على الأساسيات في الكورس) كانت كلها مسائل من الهاند اوت اللي يعطيها الطلاب

المياجر
كان ميدتيرم وكان متوسط .. المحاسبه بشكل عام تعتمد على حل المسائل وقد ماتحل على الأفكار قبل الاختبار راح تحل مثلها في الاختبار

الفاينلات
نفس الكلام على الميدتيرم

القريد النهائي
+A
الدكتور مافيه كلام لكنه شديد على الطلاب ويذلهم ويشرشحهم (يعني لو ماتقدر تمسك نفسك لاتنزل عنده) مع انه يعجبني نوعيته من الدكاتره
غير أنه الدكتور اذا كان مروق يكون مرح ونكتي وتستمع بالكلاس معه ..

الصوت
واضح جدا .. حتى انه الدكتور اللي بالكلاس الثاني كان دائما يجي يشتكي من الازعاج

إضافات
بالنسبه لطلاب المحاسبه .. فـ لو مانزلوا معه الـ201 فهم راح يفقدوا متعة المحاسبه لأنه دراسة هالكورس عند عمرو من أهم الأمور بالنسبه لطالب المحاسبه(في رأيي المتواضع) .. راح يفهمك بشكل ماراح تنساه لوقت طويل جدا .. غير أن أكثر كورسات المحاسبه اذا ماهو كلها تعتمد على الأساسيات اللي تُدرس في الـ201 ..
الدكتور يحب الطلاب يكونوا منتبهين على الدوام .. وفيه 10 درجات على الكلاس وورك وهي على طول السمستر يحل مسأله ثم يسأل سؤال مشابه وتحله على ورقه على ال10 شباتر أو 11 اللي تاخذها وكل واحد عليه درجه .. الدكتور راح يزودك في الكلاس وورك والكوزات بس في القريد النهائي ماظنيت أبدا أبدا ..

 

صراحة دكتور يعرف وش يسوي !

يدخل لك المعلومة غصصصصب

كل تشابتر كوز ( لو ماتذاكر بس تنتبه للشرح تضمن الكوزات كاملة )

التحضير يوميا ( يكره اللي يغيب وما ينسى ابد الي يتاخر هههههه )

اللاب ( ياخذه كامل ساعتين )

العيب فيه انه مايراعي ظروف الطلاب ابد ، ويتوقع ان الطالب منزل مادته فقط ماعنده كورسات ثانية ،

الميدتيرم كان صعب جدا جدا جدا هذا التيرم 101

يستاهل a+ على شرحه ​

 

هذا الانسان يبجل الاكاوتنغ كثير
لدرجة اذا نزلت عنده ومنتب اكاوتنغ راح تشعر بالذل

 

التحضير :
في بداية كل محاضرة عن طريق ورقة تمر على كل الطلاب

طريقة الشرح :
أفضل دكتور مر علي في الشرح يعرف كيف توصل المعلومة لعقول الطلاب ويعرف وش يسوي ومنظم ويمشي على خطة ويلتزم بها حرفيا و يستخدم في الشرح السبورة و الأمثلة من الحياة كي توصل المعلومة بشكل أسرع

الكويزات :
سهلة جدا جدا جدا !! تكون من الهاند اوت اللي يوزعه على كل تشابتر وبعض الأسئلة تجي من الاون لاين هومورك .. أنصحك قبل الكويز تحل الهاند أوت و تحل الهومورك
أول كويز يكون اختيارات والتسعة الباقي حل مسائل محاسبية

الميدتيرم:
كومن
60% مسائل + 20% اختيارات + 20% اسئلة مقالية قصيرة

المسائل مشابهه إلى أبعد حد للهاند اوت والخيارات والمقاليات من الكتاب
وبشكل عام الاختبار سهل للي يذاكر اول بأول ويحل مسائل بيده قبل الأختبار .. لان قد ما تحل مسائل قد ما تفهم اكثر و تبدع في الاختبارات

الفاينلات :
نفس الميدتيرم

القريد النهائي:
a+++++++
الصوت:
واضح ومرتفع

إضافات :
للأمانة الدكتور مخلص في عمله جدا ويحب الخير للطلاب .. وبعض الأحيان يهزأ الطلاب المتاخرين و المهملين .. انا تأخرت مرة وحدة بالسمستر وكان تأخير خمس دقايق وعلق علي وهزأ شوي وانا تقبلتها منه لأني غلطان وبعد الكلاس قال " لما أعاتبك على التأخير هو بس خوف مني على مصلحتك "
30% من الكورس على الكلاس ورك (20% كويزز + 10% هوموركات ) فلا تفوتك لأن سهلة وفي متناول اليد ..وكمان الكلاس ممتع لان المدرس نكتي كثير

طلاب المحاسبة لازم ينزلوا عنده او بيكون أساسهم في المحاسبة ضعيف

 

عآشرت طلآب الاكآونتينق 4 سنوآت وولآ زآلوآ يذكرونه ويحطونه موضوع مقآرنه .. وانآ من سوء حظي مآ خذيت عندهـ ولآكن لسمعته اهم شي اذا انت طآلب اكآونتينق خذ عندهـ وانت مغمض لان فعلآ هو الاسآس وعندهـ تكون بدآيتك حلوهـ

 

التحضير :

يمرر ورقه في بداية الكلاس واللي يجي متاخر يجلسه بمكان
ويقول انت ما توقع على ورقة التحضير (ما عنده ليت ي حاضر ي غايب"

طريقة الشرح :

شرحه مجنووووووووون بالعربي تفهم غصب يستخدم السلايدات لكن ما يعتمد عليه بالشرح
ويعطي هاندآوت على كل تشابتر تغطي كل المواضيع ويشرح منها

الكويزات :

من الهاندآوت وسهله عموما

المياجر:

عشرين بالمية اختيارات و15٪ essays والباقي مسائل ومياجره متوسطه وعاديه

الفاينلات :

نفس المياجر بالضبط

القريد النهائي:

a+++++++++

الصوت:

واضح ومزعج بعض الاحيان خخخخخخخ

إضافات :

نكته تمشي على وجه الارض,فيه عباطه موب صاحيه
وانسان ممكن يموت لو ما يعلق ..لازم يلقى شي يعلق عليه..
وهو شخص دمه حار لكنه لمصلحتك .. يحشر الطلاب اللي جايين بدون كتب
واللي يتاخرون ..لكن عمره ما غلط على احد ابدا مع ان فيه بعض الطلاب ما يستاهلون الحشيمه..
البعض يعيب عليه بهالنقطه انه يحشر بعض الطلاب لكنه يعجبني شخصيا واشوفها ميزه
واخر نقطه ..دكتور يقدر اجتهادك ويعطيك حقك وزود..مش مثل باقي الدكاترة تكرف معه وبالاخير
قريد زي وجهه لا..مع عبدالحليم كل ما تكرف معه وتجتهد بالماده راح تحصل نتيجته



نقطتين اخيره ..
*مثل ما قالوا الشباب طلاب الاكاونتنق لازم ياخذون معه
*اللي لعاب وراعي غيابات لا ينزل عنده ..لأنه يعطي دي ان ولا عنده اي مشكله ولا عنده ميك اب الا للضرورة

 

تقييمي له من خلال كورس ACCT201

التحضير :
كل محاضرة وكل لاب يوزع ورقة التوقيع على الطلاب واذا اتأخرت 10 دقايق ما يرضى توقع

طريقة الشرح :
يشرح من السلايدات في المحاضرات ويحل أسئلة في اللاب
يوصلك المعلومة بكل الطرق ومبدع في الشرح

الكويزات :
سهلة غالبا وعليها 15% يعني ركز عليها ولا تخسرها
كويز كل شابترين تقريباً

المياجر:
الميجر الاول مو كومن وتكون أسئلته متوسطة
الميجر الثاني والفاينل كومن بس حتعرف السؤال الي حطه من أسلوبه

الفاينلات :
كومن

القريد النهائي:
يعطيك حقك وانا شخصيا كان وضعي حرج وكلمته وراعاني

الصوت:
صعب تنام لأن جيرانه كلهم يشتكوا منه

إضافات :
كوميدي جداً (أستغرب ليه ما صار ممثل )

إن شاء الله أفدتكم
تحياتي

 

التحضير :شديد جدا وقال لنا من اول السمستر انا ممكن اسجلك غايب حتى لو متاخر دقيقه وحده
طريقة الشرح :صراحه حلوه مره يخليك تركز معه وما يطلعك من الكلا س الا فاهم غصب
الكويزات :وسط
المياجر:الاول هو حاطه كن صعب شوي اما الثاني كان وسط
الفاينلات :كومون
القريد النهائي:a
الصوت:عالي جدا صراحه ان كانك جاي وفيك النوم راح يخليك تصحصح بقوه
إضافات :زي ما قال الي فوقي كوميدي واحيانا يخليك تفقع ضحك واحس انه يكره الي ما يضحكون على تنكيته

 

السلام عليكم

مدري يا اخوان هل الدكتور يسمح ان احضر معه من سيكشن ثاني لان الوقت اللي مسحل فيه ما يناسبني

 

انسى..
الا للضرورة ممكن يتساهل مرة مرتين
غير كذا ما يسمح لك تحضر بسكشن ثاني

 

بنود التقييم :

التحضير : ورقة تتمرر على الطلاب ..
طريقة الشرح : شرح ممتاز جدا. الخبرة الي يمالكها الدكتور تساعده في الشرح.
الكويزات :كوزات سهلة جدا, خصوصا للي يقرأ الهاند اوت الخاصة لكل شبتر قبل الكوز.
المياجر: ميجر1 خاص للدكتور وكان سهل نوعا ما, ميجر2 يميل إلى الوسط
الفاينلات : يميل إلى الصعوبة
القريد النهائي: +b
الصوت: واضح, مسموع, عالي
إضافات : يميز الدكتور حثه الطلاب على تحصيل الدرجات العالية ومنافسة السكاشن الأخرى.
أيضا الدكتور دائما يحث الطلاب على التحويل من تخصصات الإدارة الأخرى إلى تخصص المحاسبة.
(الإنسان ليس كامل, لكل , مميزات وعيوب)
من عيوبه .. عدم تقبل الأسئلة وعدم حث الطلاب على المشاركة والنقاش أثناء الكلاس.
أيضا ياخذ وقت طويل ويتجاوز الوقت القانوني للكلاس.. (مو مشكلة لو تجاوز الوقت القانوني لو كان هذا الوقت كله يقضيه في الشرح! لكن المشكلة أنو نص هالوقت يضيع في سوالف عادية ومغامرات الدكتور في دراسته في الخارج!!!!!!!!!!!!)

 

بسم الله الرحمن الرحيم

راح نبدا فيها حبة حبة

ACCT110

الشي الايجابي الوحيد ( ما يستاهل تتحمله عشانه )
1- شرح كويس ويعطيك اوراق تفيدك ( الاوراق عبارة عن اجوبة لكم سؤال في الكتاب ) وتقدر تاخذها من اي طالب عنده (خذ رقم السؤال وتلاقي الجواب في السليوشن حق الكتاب ) وبالنسبة للشرح الكتاب ملللللللك ويغنيك عن كل دكتور = مو اجابية


السلبيات ( عد واغلط )
1- دكتور قليل ادب بكل ما تعنيه الكلمة
اخلاقه زي وجهو ويحب يرفع ضغط الطلاب ويسوي قلق في الكلاس ويقل ادبه
مررة في طالب تاخر 5 دقايق سفل فيه وزعق عليه وقله انت غااااااااااااايب والطالب يجي برد يروح يرفع صوته
صراحة استغربت من الطالب انه سكت لانه فعلا قل ادبه بشكل واضح
2- الكلاس مدته 1:15 طبعا لو كان مروق يخليها 1:30 ولا العادة 1:50 مع التسفيل وقلة الادب
يعني وقت كبير جدا من الكلاس يضيع في الهياط فاضي ودراسته مدري فين وتسفيل في الطلاب
هذا غير انه مرة في تشابتر 3 دوبه بدا الشرح ماله نص دقيقة بعدين فجاة كذا جاته الحاله حقتو وقام ينافخ ويسأل الطلاب !!! شي طبيعي ما بيجابون لانهم ما فهمو شي من اللي قلته في نص دقيقة !!!
وكمان تسفيل حق بزورة يعني يقولك انت ايش تخصصك واذا قلت اي تخصص غير الاكاونتنق حقرك حقارة ما بعدها
هذا غير لو انك نزلت عنده والله اقولها وانا صادق ( بتقعد على اعصابك طول الترم )
لانه حتى لو انت دافور ما حيسبك في حالك !!!
تخيلو اعلى طالب في سكشنا ما شاء الله عليه جايب 87 في ميجر 2
راح سفل فيه !!!!
دور اي شي عشان يسفل لدرجة راح يطالع في كويزات الطالب وشاف عنده كويز 0 راح قاله ليه وليه وطوالة لسان !!
هذا وهوا طالب A+ ما فيها كلام
عاد ايش تتوقعو تعاملو مع طلاب الـC+ بيكون !!!

3-انسان بثر وعليه ثقالة دم وكمان يقولك سماجة تسد النفس , ما انكر احيانا يقول حاجات تضحك الطلاب لكن الاغلب سماجة , واذا ضحك الطلاب بتكون تسفيل في طالب غالبا !!

4- عشان لا تقولو انا مهمل ومدري ايش :
هذي درجاتي / ميجر ون 35 من 50 , ميجر تو 81 من 100 , فاينل مدري ما نزلها
قريدي النهائي / B+ ولله الحمد , لكن يشهد الله ما ركزت معاه الا يمكن تشابتر ون وتو والباقية صرت اكره كلاسه خلاص لدرجة اني سحبت من بعد ميجر تو لين نهاية الترم وخليت واحد يحضرني !!
بشكل عام المادة سهلة ترى والكتاب مرة خطير , يعني نزل مع شهيد الاسلام ولا ميرغني كويزات سهلة ويريحك
مو ذا اخلاق سيئة وكمان والله يحسسك ان المادة صعبة وهيا والله العظيم سهلة

5- في ميجر تو افرج كلاسنا 66 والكلاس الثاني 68

جس ينافخ يقول هذولي احسن منكم ومدري ايش !!

عاد اترك لكم الحكم على حجم عقله من الموقف ذا

6- انسى انك تسأله اي سؤال في الكلاس حتى لو ( متى الدرجات ) !!

7- يسوي هيلب سيشن عبارة عن "هياط" سيشن يعني مسالتين مو معقولة يقعد عليها ساعتين !! وتراه ما يشرح بس يجاوب ويفترض انك جيت الهيلب سيشن وانت فاهم already

يمكن بعضكم يقول هذا دكتور يشرح تمام وانت ظالمه وكذا بس بقولك تعال احضر عنده اي كلاس في نص الترم وشوف بنفسك

القريد النهائي للدكتور / شرح B+ اخلاق Dn يهتم براحة الطالب F

وموفقين

 

بنود التقييم :

التحضير : ورقة تمشي على الطلاب + ما فيه خصم على الغيابات بس يعطي DN.
طريقة الشرح : يستعرض أهداف المحاضرة ثم يشرح التشابتر بطريقة جميلة
الكويزات : سهلة
المياجر: متوسطة
الفاينل : متوسط
القريد النهائي: C+
الصوت: واضح
إضافات : الدكتور صحيح يشرح و ممتاز في ذلك ، لكن أهم نقطة عندي الأخلاق و التي تكاد معدومة عندهـ للأسف ، ما فيه أي احترام للطالب و ما فيه أي تقبل للأسئلة و بالعكس ممكن يهزئ فيك ، أذا تتأخر ممكن يحطك غايب و هو يخلص بعد وقت الكلاس الأصلي بثلث ساعة أحيانا على أشياء تافهه!
يعيد الكلام الهامشي مرة و مرتين و ألف لين تحفظه ، خفيف دم على سامج غالبا بالنسبة للدرجات يعطيك حقك بالمليمتر يا حبيبي بالمليمتر

ختاما : سلبيات الدكتور عمرو تغلب إيجابيته ، إذا بتتحمل الدكتور نزل معه ، اذا كنت مثلي ابعد عنه.

الله يوفقكم و يهدي الدكتور

 

Acct 110 - 2012


التحضير :
يوميا - توقيع ع الورقة

طريقة الشرح :
سلايدات + سبورة + كتاب ، الدكتور شريييييح وفااااهم المادة تماما وخبرة له فترة طويلة يدرسها
الافضل في acct 110 بلا منازع من ناحية الشرح

الكويزات :
سهلة جدا جدا جدا والغبي الي يضيع درجاتها لأنو مايحتاجلها مذاكرة

المياجر: كومن ( سكشنه دايما اعلى سكشن في الدرجات وأعلى افرج )
الفاينلات : كومن

القريد النهائي:

+A

الصوت:

واضح جدا وعآاالي + - يتكلم 65٪ عربي و 35٪ انجليزي
والانجليزي اكسنت مصري بحت ! لا تعتمد عليه في نطق الكلمات لانو عنده كم كلمه ينطقها غلط


مميزات :

1- يبغى مصلحتك بزيادة ويساعدك
2- يوزع هاند اوت كل اسبوع فيها حل تمارين الكتاب ( 80٪ راح تجي منها في الميجر )
3- يعمل هيلب سيشن اسبوعيا
4- شرح بطل ويفهم بالأمثلة الواقعية
5- كوميدي درجة اولى بامتياز - محشش يمشي على الارض

سلبيات :

1- رسميا المفترض الكلاس مدته ساعة وربع .. لكن مع د.عمر الكلاس بالرااااااحة يكمل ساعة ونص إلى ساعتين !!!
( ما اذكر اننا خرجنا ع الوقت إلا مرتين او ثلاثة في كل الترم ! )

2- يطلع كثييير عن الشرح ( ممكن تفقد تركيزك او تتشتت )
3- يسفل فيك اذا ماعرفت تجاوب او اذا اتأخرت

 

التحضير : كل كلاس في أوله بورقة تمر للطلاب

طريقة الشرح : بطلة روح الكلاس وإنت مروق وخلك مركز وراح تفهم إن شاء الله بكل سهولة

الكويزات : سهلة جدا وقصيرة وبعض الأحيان نفس إللي يجيك بالضبط في واجبات الأونلاين

المياجر: متوسطة كماتيريال لأنه ما بيجيب شي مختلف عن واجبات الأونلاين وإللي يحله بالشرح لكن الصعوبة في إنها طويلة نوعا ما ومتعبة تحس إنك في سباق والقلم ما ينزل من يدك لذلك جهز نفسك تمام قبلها وعود نفسك على حل المسائل عشان ما تأخذ وقت طويل

الفاينل : متوسط ونفس الكلام عن المياجر ينطبق عليه لكن الماتيريال حقه أصعب شوي لذلك يحتاج جهد أكثر بالتحضير والمذاكرة

الصوت : واضح لكن الأكسنت مرة مضروب بالذات في مخارج الحروف

القريد النهائي : B+

إضافات : الدكتور من ناحية الشرح ممتاز والأفضل بلا منازع في ACTT 110 ويعطي هيلب سيشن أسبوعيا تفيد كثير في حل المسائل لكن مشكلته في التعليقات والتعامل مع الطلاب وتكرار بعض الكلام لحد الملل
بالنسبة للقريد تأخذ حقك بالضبط
إذا إنت مهتم بالشرح والفائدة من المادة قبل كل شي نزل عنده