الكورس ICS 415

التحضير :

يهتم بالتحضير ويسوي حركات تحجير (انت موقع لخويك ومدري ايش)

طريقة الشرح :

هاي ليفل... يشرح لك كأنك طالب دكتوراه...شرحه جدا جدا سيئ ! ودايم يفترض انك فاهم كل شي وما عندك غير الكورس حقه .

الكويزات :

ما في كويزات...لكن هومووركاته كل واحد فيهم يصلح سينير بروجكت .

المياجر:

صلخ بمعنى الكلمة !

الفاينلات :

الى الان ما بعد اختبر فاينل !

القريد النهائي:

F-

الصوت:

واضح جدا ولهجته ممتازة

إضافات :

الدكتور كأخلاق ماشي حاله...لكن كشرح ومتابعة مع الطلاب اسوأ دكتور شفته خلال الخمس سنين اللي قضيتها في الجامعة...يشرح شرح صعععب ويسرع بشكل خرافي ودايم يفترض ان عندك background وش كبرها ...هومووركاته صلخ وصعبين واذا قلت له ان الهوموورك صعب يقول لك انك انت كسلان وما تذاكر...مو راضي يعطينا سلايدات للكورس ويبينا نذاكر الكتاب ابو 800 صفحة حق الكورس ...

اسوأ كورس اخذته في حياتي كلها عنده...ومن بدا السمستر وانا اعض اصابع الندم اني ما حذفت (القهر اني ماخذ الكورس عنده الكتف...) ولاول مرة من دخلت الجامعة جالس احاول اني ما اخذ F في الكورس... الله يسامحه بس

 

بو شخاط انت متأكد انك تقصد الشخص هذا ؟!!!!!!!!!!

بعدين هذا مو التشيرمن حقنا ؟!

 

^

ايوا متأكد يا غالي

اي بالضبط هو التشير مان حق الحاسب

 

لي عودة بعد نهاية الفصل إن شاء الله...

 

ماقول غير حسبي الله ونعم الوكيل

للحين ماعطانا الماتيريل والفاينل يوم الثلاثا وانا عندي مادتين قبلها ولا اقدر اذاكر زي الناس

قايل سليكتف كومبرهنسف واخاف اذاكر شي ويطلع محذوف

الله حسيبه وبسس

لاينصح به ابدا ابدا ابدا

سيء جدا كشرح مايصلح لطلاب البكالوريوس يحسب ان الناس كلهم فاهميييييين ويقرا من الكتاب ويفترض اننا نفهم كل شي

وهومووركاته تجيب المغص لمخك من صعوبتها

ابعد عنه بكل ما اوتيت من قوه واذا انجبرت عليه احذف الترم ولا افصل من الجامعه

 

يا لطيف..

 

وعلشان لاحد يقول اننا ظلمناه خذو طلة سريعة على الصورة

http://www.stkfupm.com/vb/attachment.php?attachmentid=8485&stc=1&d=1338146222



طبعا هذا مجموع الدرجات من 100 خلال الكورس كامل...

 

*WT

 

لن أنسى هذا الدكتور وما قدمه لنا من يأس وهم ، على مدار 4 أشهر كاملة!

لن أنسى الشعور بأنني سأرسب في مادته لا محالة!

الحقيقة أنني أتفق مع الإخوة في الأعلى على كل ما قالوه وأضيف:

الدكتور يؤمن بنظرية التعلم الذاتي في كل شيء... ففي مادة الـ -ics 415 والتي لا يقدم غيرها - يؤمن بأنه من المطلوب منك أن تفهم وتتلعم كيف تبرمج و تحسب المعادلات و المصفوفات و تفهم النظريات أيضا ... كل هذا طبعا، بنفسك... لكنه يشرح لك معظم النظريات بشكل سطحي وعام ... ثم تعود لتقرأ في الكتاب كمية هائلة من الأشياء الإضافية لتصاب بالتخبط واليأس..

لم يصحح الدكتور أي شيء إلا في آخر إسبوع ويبدأ بإضافة فرضيات وقواعد من رأسه عن التصحيح تأثر على درجتك بشكل رهيب رغم عدم معرفتك المسبقة بذلك ... والنتائج وضعها الأخ بوشخاط في الأعلى كما هو واضح...

جلست على المشروع أحاول التعلم والعمل عليه أسابيع... وسهرت من أجله كثيرا... ليعطيني في النهاية عليه 6.5 من 20...
قابلته بعدما أصدر الدرجات ... وقد أبدى إرتياحه لها وأخبريني كيف أذهلت زملاءه الآخرين ، ويتفاخر في شدته بالتصحيح... وعندما وجد أن درجتي فوق الآفريج طمأنني بأنني سأنال على درجة طيبة لتنتهي بأسوأ درجة أخذتها في الجامعة وهي c رغم أن لي زميل أخذ أقل مني بـ10 درجات وأعطاه d+...فلا أدري أي تقسيمة هذه التي فعلها؟

هذا غير التطنيش والسحب الذي يتبعه الدكتور بشكل متكرر...

لا أدري ما يمكنني إضافته غير ذلك... أعتقد أن هذا يكفي.. والعتب ليس على الدكتور ، بل عن من أخذ معه سابقا ولم يحذرنا منه!

 

المفروض انه يتفرغ للادارة و لعمله كـ تشيرمن،، واضح جدا انه كان مشغول عنكم و عن المادة !!

 

+1

انا برضو والله اني تعبت على البروجكت واشتغلت شغل مو طبيعي... واخرتها 8 من عشرين

عموما هذا اخر رد لي بخصوص الدكتور هذا لاني تخرجت اساسا وما يهمني الكلام الزايد... لكن والله اني اخاف ناس ينخدعون فيه ويسجلون عنده ويعيشون معاناتنا ... فـ جالس احاول احذر بقدر المستطاع !

وهذي صورة اختم بها الموضوع... هذي ورقتي حقة ميجر 2 من المادة...وما اقول الا الله يسامح اللي كان السبب

http://www.stkfupm.com/vb/attachment.php?attachmentid=8496&stc=1&d=1338436100

 

لا مزيد على ماذكر الإخوان
أخذت المادة ﻷستفيد ولم أستفد مع الأسف!
الهوموركات والبروجكت أعطاني فيها 6\40 مع أني حليت كل الهوموركات + البروجكت (سلمت بروجكت وما أعجبه وسويت له بروجكت ثاني وما أعجبه)
مصور الكتاب PDF ويعرضه على السبورة ويقرأ من الكتاب هذا الشرح بكل بساطة!
والكتاب آآآآه من الكتاب توصيله للمعلومة وتسلس الأفكار سيء
يشرح مصطلح ويفصل قبل لا يعرف لك إياه وبعد ما يدخلك في التفاصيل وتضيع يعرف المصطلح! على ما أذكر الكتاب قديم بعد وبعض المعلومات اللي فيه Outdated
وعدني أنه يغير درجتي عنده بعد المناقشة لكن مع الأسف
تناقشت معه كثيرا لكن انصدمت أن شخصية الدكتور عادل عكس تماما شخصية رئيس القسم عادل!
الهوموورك الأخير كان على رسالة أحد الطلاب الماجستير!


اسأل الله العظيم رب العرش الكريم المنان سميع الدعاء أن يبعده عن الجامعة

 

قد استجيب دعاؤك يا رجل!

 

لاتشمتوا بهم فتلحقوا بهم.

وللدكتور عادل حسنات كثيرة وكل شخص في منصبه يخطى ويصيب ،
وفي الحقيقة له بصمات عديدة و الدكتور عادل خدمني في أشياء كثيرة وصراحة رئيس قسم محترم وعادل ويسمع لرأيك وتقدر تدخل عليه في أي وقت ، وفوق هذا منظم ويحب التطوير ويمشي بالقانون.

وما أقول الا الله يوفقك يادكتور عادل وين ماكنت ، فكنت نعم رئيس القسم تسمع لمشاكلنا وتتقبل آراءنا وتتيح لنا أن نقول رأينا بكل أريحية.

 

يا شباب هذا هو Adel Ahmed ؟

اللي منزل ال 253 السمستر الجاي؟

 

^^
+1

و إذا كان هو اللي بيدرس ال 253 تتوقعون بيتعامل مع الكورس بطريقة مختلفة بما أن مافيها برمجة ؟

 

ياليت معلومات اكثر للي نزلو عنده الفتره الاخيره قبل لا ادردب الكورس من الكلام اللي جاه ")

 

ما اقول الا حسبي الله ونعم الوكيل
للأمانة الدكتور اخلاقه حلوة و شرحه الصراحة عادي جداً بالنسبة لي لكن اكثر شي كنت اعاني منه هو تصحيحه
طبعاً بغض النظر عن انه ما اعطانا اي كويزات الا اخر الاسابيع وبغض النظر انه ما سلم درجات الكويزات وميجر2 الا اخر يوم من السنة لا وبعد أرسل لنا دكتور ثاني يسلمهم يعني بالعربي ما يبيك تجي تناقشه لكن عاد تعال شوف تصحيحه
لو تحل السؤال كامل صحيح واغلط بس في حرف ولا في رقم اعتبر السؤال كامل صفررر لا وازيدك في ميجر 2 كان فيه سؤال عليه 5 درجات وحليته كامل ولكني اختصرت شي واحد ويخصم علي 3 درجات كل هذا عشان اختصار 4 كلمات!!!
والله العظيم انه اسوأ دكتور مر علي ولا اظن بيجي اسوأ منه
ونصيحة لوجه الله اول ما تقرأ اسمه انحششش حط رجلك ولا تلفت خلاص احذف بدون اي مناقشة لانك والله بتتعب معه
تقيمي العام للدكتور:
F--
ولو فيه اسوأ بعد ياخذها

 

Ics253 - 151

طبعًا من البداية بأقولكم، إذا شفتم عادل أحمد و ناصر الدرويش منزلين ذي المادة، نصيحة أخوية اختاروا ناصر الدرويش، الكلام عن شرحه سيئ بس وضعه أحسن من عادل

التحضير :
يحضر بداية الكلاس، و بعض الأحيان ما يحضر

طريقة الشرح :
عادية جدًا، أحيانًا أشوف شرحه سيئ و ما يوصل المعلومة صح

الكويزات :
ما عطانا كويزات ذا الترم، كان كله هومووركات

المياجر:
الميجر الأول كان عادي، الميجر الثاني صلخ
و أصلًا كلهم كانت درجاتنا سيئة لأن تصحيحه أسوأ تصحيح ممكن تشوفه بالجامعة، عادي تحل سؤال صح و يطلعلك الناتج النهائي صح بس يعطيك صفر في السؤال لأنك نسيت تسوي شيء، و إذا ما عطاك صفر ينقصك كثير

الفاينلات :
أسهل من ميجر 2، بس لازال صعب

الصوت:
واضح و ما فيه مشاكل

إضافات :
حسبي الله و نعم الوكيل، أكبر غلطة سويتها من دخلت الجامعة إني سجلت مادة عند ذا الدكتور
أول شيء كرفنا كرف مع واجباته الطويلة، و بعدها جتنا المياجر اللي صلخنا فيها بالتصحيح، لو نسيت شيء بسيييط جدًا و سخيف عادي تلقى أكثر من نص درجة السؤال طارت بسببه، و كان كل ميجر ياخذه شهر كامل يصحح فيه قبل لا يرجعه
ميجر 2 قلناله ينزلها بدري عشان نعرف أغلاطنا قبل الفاينل، بالأخير نزلها قبل الفاينل بأقل من يوم
و الواجبات فيه منها ما تصححت إلا قبل الفاينل بشوي، و فيه بضعهم بعد الفاينل، يعني ما يمديك تعرف اغلاطك قبل لا يجي ميجر ولا فاينل لأن كل التصحيح يجي متأخر
و مع تصحيحه الظالم يقول تعالوا ناقشوني و اقنعوني لو فيه غلط، طبعًا ما عليكم منه لأن مستحيل يقتنع، لدرجة يوم ناقشته و أثبت له إنه غلطان قال كلام بما معناه: بدينا حركات التدقيق الزيادة عن اللزوم؟
يوم قالها لي غسلت يدي و عرفت إنه ما بيعدل شيء
و مرمطنا في التصحيح و المواعد ووو، و إذا قالكم إنه بيرجع لكم الميجر مصحح في التاريخ الفلاني اغسلوا أياديكم إنه بيلتزم في موعده، يمكن لولا ديدلاين تسليم الدرجات ولا كان أخذ راحته زيادة بتأجيل القريد النهائي
و بالأخير نزل قريد نهائي و طلع خاسفنا كلنا، مدري عن نظام الآفرج اللي قال إنه راح يساعدنا، ما أشوف فيه أحد مستانس بقريده، أحسه مو معترف بالآفرج، لأن فيه ناس كانوا فوق الآفرج بواجد و أخذوا c+، كيف اللي على الآفرج ولا اللي أقل منه
و بالأخير رفع القريدات بالبورتال على نهاية الوقت بالضبط عشان محد يجي يناقشه
و للعلم، أعرف ناس نزلوا معه كورسات ثانية و نفس الكلام، مو بس الكورس ذا وضعه حوسة
بالأخير أقول لا تنزل معه، لا تنزل معه نصيحة، والله غلطة بتندم عليها، الواحد يتمنى لو إنه حذف الكورس بدال ما يدرسه معه، إذا شفته منزل 253 خذ أي سكشن ثاني حتى لو الدرويش أو أجّل المادة
عند عادل راح تتعب تتعب تتعب و تكرف و بالأخير ما راح تحصل قريد ولا حتى قريب من القريد اللي يرضيك

القريد النهائي:
F، و أشوفها كثيرة بعد