اي معلومات ؟

 

اي معلومات يا ناس ؟

 

معقوله محد درس عنده

 

درس الترم الماضي لاب و لشكر لكن ما حد راضي يتبرع و يرد

 

CHEM 101 162

انا شخصيا زبال في الكمستري ف ممكن يكون هو رهيب والمشكلة من عندي
لكن انا حذفت الترم ونزلتها بعدين مع المعلم
واكتشفت ان الرجال هذا شرحه زبال درجة اولى

الشرح معدوم وغير مرتب ولارح تفهم حاجة
التحضير ورقة تمر واحيانا يمسكها وينادي اشخاص واذا طلعت غايب واحد حضرك ياويلك ياسواد ليلك
الكويزات من اسهل مايكون لكن النظام نورمالايزيشن
المياجر كومون
الصوت جيد
الهومورك يقلك خش على صفحة الكمستري واختار اولد اكزام وحله حل كامل وسلمه
الرجال طيب واخلاق لكن ما انصح احد ينزل معه

 

من المفضلين عندي بالجامعة ☹️❤️ انسان طيوب وعفوي.
طبعا كمستري من ايام المدرسة ما افهمها بس انا عند الحربي كنت افهم ولو ماكنت افهم مو بسبب الدكتور لكن لاني ما احب الكمستري

 

Chem 101 -171


التحضير :كانت ورقة تمر على الطلاب

طريقة الشرح : الشرح كان يقرا من السلايدات ويوضح النقطه اللي مو واضحه في السلايدات و المدرس اذا شافك مفهي يداهمك بالسؤال .

+ الكيمياء self study ما يحتاج الدكتور يشرحها لك


الكويزات :كانت كوزاته متوسطة الى صعبة غالبا يجيب الاسئلة من نهاية كل شابتر.

المياجر:كومن

الفاينلات :كومن

القريد النهائي: A

الصوت: واضح


إضافات : المدرس جداً حبيب وفلاوي في الكلاس ويحب يطقطق والحصة ما تنمل منها و اذا رحت له في المكتب بيحاول يفيدك بكل الطرق الممكنه . وانتبه تخلي احد يحضرك لانه بعض المرات فجاءةً يحضر من جديد هو بالورقة واللي يصيده ي ويله .

 

CHEM101 - 181

التحضير : ورقه تمر بين الطلاب.. متساااهل جدا ولو تدخل قبل نهاية الكلاس بعشر دقايق مايقولك شي اضافة الى ان بعض المرات ينتهي الكلاس ويبقى اكثر من طالب ماوصلته ورقة التحضير ف يكنسل التحضير لذاك اليوم. انتبه تحضر خويك لان بعض المرات يحضر بالاسماء باخر الكلاس وقفط كثارين خلال السمستر.
طريقة الشرح : سيييييييىئ الى ابعد درجه .
الكويزات : كانت صعبه ومرات يجيبها من المياجر القديمه لكن من حظنا ان الاغلب جايب العيد ف استفدنا من النورمالايزيشن.
المياجر: كومن
الفاينلات : كومن
القريد النهائي: C
الصوت: واضح ولكن انقليزيته لك عليها شوي
إضافات : الدكتور كشخص حبييب ويعاملك كانك خويه وينكت واجد خلال الشرح ولكن وش راح تستفيد لو كان شرحه صفر عالشمال ؟! من رايي اذا تبغى تاخذ الماده كسيلف ستدي وتعامل كلاسات الكيمستري كـ "بريك 40 دقيقه" ف الله يوفقك وسجل معه غير كذا دور واحد غيره.

 

CHEM201 - 211

التحضير : على حسب المزاج، ويمشي التأخير بعض الاحيان لكن بالمعقول والتحضير يكون اخر المحاضرة ينادي بالاسماء.
طريقة الشرح : شرحه بكل صراحة سيء جدا وما يوصل المعلومة زين.
الكويزات : كويزاته جحيم باختصار وتكون خارج وقت الكلاس (بعد العشاء) ومدتها ما بين ساعة - ساعة ونص وجدا صعبة صراحة.
المياجر: كومن
الفاينلات : كومن
القريد النهائي: D
الصوت: واضح ولو ان انقليزيته تعبانة شوي
إضافات : الدكنور حبيب لكن انتبه تفهي بوسط الشرح لانه بيستلمك أسئلة لين نهاية المحاضرة، طبعا انا كنت احد ضحايا الفهاوة وعلى عكس الاغلبية استلمني الى نهاية الترم حتى اني صرت معروف بين زملائي بلقب (ماركوفنيكوف) لانه اشغلني اسئلة فيها الين ما صرت احلم فيها وانا نايم.. عموما اذا بتدرس عنده انصحك تغير اذا فيه فرصة او تخلي المادة سلف ستدي بحكم ان الاورقانيك يبيلها شغل ثقيل ومذاكرة أول بأول.