التحضير : يحضر واذا ما غبت ولا كلاس تاخذ درجتين بونص واذا غبت كلاس تاخذ درجة واذا غبت كلاسين ما تاخذ شي وكل غياب فوق الكلاسين بدرجة
طريقة الشرح : سلايدات وكلام مكرر احيانا
الكويزات : ما اذكر
المياجر: اختيار متعدد وسهل
الفاينلات : نفس الشي
القريد النهائي: يعطيك حقك
الصوت: جيد
إضافات : الدكتور جيد ولكن عصبي بعض الشي .. لو تشتغل معاه مضبوط حقك ما يضيع ان شاء الله

 

التحضير :
يومي في أول 5 دقائق غالبا. وفيه بونص اذا ما غبت


طريقة الشرح :
يفتح السلايدات ويشرح منها. الدكتور يعامل الطلاب باحترام وما عنده مشكلة يعيد اكثر من مرة اذا احد مافهم. يحب انك تكون 100% مشارك معاه مو 99% .
الدكتور منظم جدا ويحب تمشي معاه step by step.

الكويزات :
نهاية كل تشابتر يعطيك كويز وغالبا يكون MCQ من التي بي.

المياجر:
متوسطة ومايله للسهولة نصها تقريبا خيارات والباقي كتابي. وغالبا يكون فيه سؤال ولا سؤالين بونص. والدكتور يحاول يدفك في التصحيح عشان تطلع بأعلى درجة.


الفاينلات :
نفس طريقة المياجر.


القريد النهائي:
B+


الصوت:
عالي وواضح.


إضافات :
الدكتور حبيب ويعاملك معاملة ابن له ، لكن لا تحاول تشكك في معلوماته حتى لو كان مخطئ أو تراجع وراه في التصحيح لانه يزعل شوي لأنه أصلا يدفك كثير ويعطيك أعلى ما تستحق. ونهاية السمستر يحذف اسوأ كويز او كويزين. وممكن اذا بقي لك شوي عالقريد يدفك.
الدكتور يهتم بشكل كبير في البروجكت وممكن في النهاية يطلب منك شي ما طلبه منك في البداية زي الـUI للسستم اللي بتسويه مثلا وهو ما قالك في البداية ولا درسته، لا تتجادل معه وحاول تصير اخلاقك معاه محترمة وما بيقصر معك ان شاء الله.

 

MIS 301 - 191

الكرف:
المادة بتصير غثيثة للامانة لان الدكتور يتطلب كثير وتتعب طول الترم
اكثر مادة شلت همها هالترم اهي لان ما تدري شوضعك وتضيع في اشياء كثيرة
بسبة الدكتور احيانا يشرح شيء سهل ولما يعطيك واجب شيء ثاني صعب بحيث تتعب وانت تحل
+ لا تنس كل شيء تسويه للمجموعة حطه ف ملف عشان انه الريبورت يبي كل شيء فسهلوا العملية عليكم من البداية
وشوف الريبورت وش طريقته وجهزوه مو مثلنا انتكبنا بسبة انفجعا بالتعقيدات

التحضير :
يومي وما يحب احد يتأخر حاول في البداية تحضر مبكر بعدين شوي يصير الوضع ايزي
وعليه درجات لا تضيعها شيك السيلابوس


طريقة الشرح :
يفتح السلايدات ويشرح منها. الدكتور يعامل الطلاب باحترام وما عنده مشكلة يعيد اكثر من مرة اذا احد مافهم لكن احيانا يفصل عليك شوي لكن تحمله واحيانا ياخذ السؤال طول الترم. يحب انك تكون فاهم ومشارك معاه.
الدكتور منظم ويحب تمشي معاه step by step لكن احيانا تنفجع في اشياء ما شرحها او مر عليها مرور الكرام وتجيك رتن.
عيبه طبعا انه يشرح شيء ويطلب شيء ثاني فلازم تسوي كل شيء ورح له الاوفيس
والاسايمنتات طلبوه على الحل يطلب منك شيء وما يعطيك حله !
فمن بداية الاسابيع قولوا له نبي الحل خلوه يشد هذي معضلة انه يخليك تحل شيء
وما يعلمك صح ولا غلط ولما تسئله يقولك انا مشغول ! ومدري وش لكن لو كلمتوه من البداية بيساعدكم

الكويزات :

صح وغلط واختيارات وسؤال رتن وسؤال بونص
طبعا الاختيارات
طبعا فيه بعضها من التي بي وبعضها لا ! بعضها يختبر علمك
اما اسئلة الرتن من الكتاب اخر كل شابتر بتحصل اسئلة !
مره جاب سؤال من التي بي رتن !
البونص مو كثير عليه ف اسحب عليه لين تخلص الباقي !
طلبوه الحل هم هنا ! لان احيانا تنعاد في الميجر نفس الفقرات فلو ما حليته هناك
مراح تحله في الميجر

الاسايمنت:

جمع بونصات بحيث ترفع قبل كل لاب وتحاول تحل السؤال جمع لك لا تضيعهم لو تسلك المهم تحاول
حرام تطيرها من يدك

المياجر:

متوسطة ونصها تقريبا خيارات وترو فولس وسؤال عملي وسؤال رتن وبونص. وغالبا يكون فيه سؤال ولا سؤالين بونص.
البونص مثل م قلت خله اخر شيء لا تنتكب


الفاينلات :

ترمنا كان الفاينل سهل الى متوسط
لكن مشكلته بالتصحيح ما ادري كيف يصحح
المهم انه بتاخذ القريد اللي اهو يحس انك تستحقه لو انت تستحق مثلا B
واهو يشوف تستاهل اعلى بتاخذه لكن لو اقل هم راح ينزلك او يدقق
ففيها ظلم السالفة

التصحيح:

انا برأيي اشوفه نوعا ما يعني يبي احيانا نفس المكتوب ف الكتاب او شيء كذا و
ودقيق واحيانا ينقصك وانت تستحق اكثر لكن نفس ما قلت لك راح تاخذ اللي يشوفه اهو انت تستحقه
وتبين الكلام بعد الفاينل
A شبه مستحيله عنده لكن b+ فيه في ترمنا ناس خذوها برأيه الخاص اهو

راجعته بالكويز طلع غلطان وعطاني حقي لكن شاف سبلنق غلط خصم نص ما خلاها في خاطره، ترى احنا اوادم مو الة
وخويي منقصه في الميجر ومعطيه ٠ واهو كان حاله بالضبط عدل
راجعه وعطاه درجتين من ٤ !!! ظالم

البروجكت:

اشتغلوا عليه صح
سوينا كل شيء مع البونص وقالنا انتوا افضل ناس والخخ وما عطانا ١٥ من ١٥ ! ع رغم ان احنا مسوين بونص
هذي ظلمنا فيها شدينا انفسنا وسوينا شيء جدا جبار لكن الدكتور مثل ما قلت لكم الكمال لله نظريته!
لكن اخذوا قريد كويس اهو الشيء الوحيد اللي نفعنا كلنا وخلانا ناخذ قريد كويس

المصادر عندك للمذاكرة:
السلايدات ماهي سيئة لكن الكتاب مره ممتاز واسئلته اللي اخره تجي في الاختبارات رتن
tb لان يجيب منه احيانا ويختبر فهمك ونادر يجيب من الرتن من tb لكن الفاينل جاب لنا اخر سؤال فان

القريد النهائي:

B


الصوت:
عالي وواضح.


إضافات :

الدكتور كويس وينصحك ولما تسئله سؤال كذا جاء في بالك طول الترم يعيده على نقاط كثيره مو تفهيم لكن ما ينسى ماشاء الله عليه لكن يحسفك احيانا ويضل يعيد ويزيد، ولو مسك عليك غلط يضل كل كلاس يعيده مثلا انا عندي مشكلة بسبلق كل كلاس يمشي ويعطيني تهزيء ترى رافع واجب انا وسويت اللي علي وغلطت بحرف قالي تعني كلمة ثانيه وووووووووو ويعيد كل كلاس، لكن لا تحاول تشكك في معلوماته حتى لو كان مخطئ أو تراجع وراه في التصحيح لانه يزعل فانا رحت له اخر الترم وشفت كويزاتي وعدل لي قبل الفاينل والفاينل باقي لي درجة على القريد اللي بعده وانا عارف اني استحقها وحليت صح لكن نقصني وما عطاني القريد اللي بعده فلو رايح له في الفاينل ممكن خذت قريد اعلى فلو انت معيد لا لكن لو حال زين رح! وشوف يعني لانه ممكن ظالمك لكن لو انت مزحف نفس ما قلت احيانا ممكن يشوف تستحق ويعطيك شوي او يسلك. ونهاية السمستر يحذف اسوأ كويز او كويزين اذا بروجكت حقكم كويس. وما يدفك للA وممكن يعطيك مثل ماقلت لكم لو يشوف انك تستحق القريد اللي بعده.
الدكتور يهتم بشكل كبير في البروجكت وممكن في النهاية يطلب منك شي ما طلبه منك في البداية وانتبهوا حق الريبورت تراه دقيق فيه تأكدوا كل ما تخلصون شيء تحطونه وسئلوه عنه كيف شكله والخخ وروحوا له قبل ما ترفعونه حبيب بيعلمكم وش اغلاطكم المجموعة الثانية ما راحو ويوم العرض اكلهم اكال لانه ممكن حلك صح
لكن اهو يبي حل معين فلو رحت له بيعلمك، مشكلته انه عنده حل فراسه انرسم ف يبي بطريقه معينه لكل شيء فتأكدوا.
والكتور زين بشكل عام لكن لو يعطي الحلول ويشيل فكرة A للرب ويخلي المواضيع مو شخصية كل شيء تمام.

 

MIS301- 211
التحضير : بالبداية لكن مايدقق عالتاخير
طريقة الشرح : الدكتور يغطي كل السلايدات والافكار الي فيها ويحب يضيف اشياء من خبرته، توفق في شرح متيريل المادة لكن شرح اللاب ماكان واضح وخصوصا في relational data model ورسم الدايقرامز. للامانة الدكتور يبذل جهده وكان يقرا التقييمات ويحاول يعدل طريقة شرحه
اسايمنت اللاب: كانت اصعب من التمارين الي نحلها باللاب بمراحل ومو هذي المشكلة، المشكلة ان تصحيح الدكتور غريب في اللابات ونادرا ماكان يعطي فل او قريب الفل
الكويزات : متوسطة وكان يجيب رتن
الميد: كان مليان تركات لكن مقدور عليه واسئلة الريتن كانت طويلة وتصحيح الدكتور كان معقد (لازم تشرح الفكره زيييييييييييييين وبالتفاصيل ولا رح تنقص)
الفاينل: كان غريب وجاب لنا اسئلة من مادة ثانية (فيه اسئلة برى المنهج ونبهنا الدكتورعلى اكثر من سؤال وحذفه)
إضافات : الدكتور نهاري طريقته انه مايوضح كثير ولازم تبذل جهدك معه وتقرا الكتاب وخصوصا في البروجكت لازم تساله عن كل تفصيل صغير. الدكتور يحب الي يتعب معاه ويشتغل لاتهتم للكلام السلبي والي تسمعه عنه سوي الي يقولك عليه والي تتعلمه في الكتاب واذا ماعرفت شيء معين اساله وبيوضح لك كل شيء